2 صَمُوِيل 1:2 - الكتاب المقدس بالعربي الدارجي هنا تشاد

² وَ فِي الْيَوْم التَّالِتْ، جَاءْ صَبِي وَاحِدْ مِنْ مُعَسْكَرْ شَاوُولْ، خُلْقَانَهْ مُشَرَّطِينْ وَ عِنْدَهْ تُرَابْ فِي رَاسَهْ لِيِوَصِّفْ حِزْنَهْ. وَ وَكِتْ قَرَّبْ لِدَاوُدْ، وَقَعْ فِي الْأَرْض وَ سَجَدْ قِدَّامَهْ.

2 صَمُوِيل 1:2 Referenca të Kryqëzuara

1 صَمُوِيل 4:12

وَ فِي نَفْس الْيَوْم، رَاجِلْ وَاحِدْ مِنْ قَبِيلَةْ بَنْيَامِينْ عَرَّدْ مِنْ بَكَانْ الْحَرِبْ وَ جَرَى لَحَدِّي وِصِلْ شِيلَوْه. وَ الرَّاجِلْ دَا شَرَّطْ خُلْقَانَهْ وَ صَبَّ تُرَابْ فِي رَاسَهْ لِيِوَصِّفْ حِزْنَهْ وَ جَاءْ فِي شِيلَوْه.

2 صَمُوِيل 4:10

أَنَا نُقُولْ لَيْكُو، زَمَانْ نَادُمْ وَاحِدْ خَبَّرَانِي بِمَوْت شَاوُولْ وَ هُو يَحْسِبْ جَابْ لَيِّ خَبَرْ حَلُو. لَاكِنْ أَنَا كَرَبْتَهْ وَ كَتَلْتَهْ فِي صِقْلَاقْ. وَ دِي نَتِيجَةْ الْخَبَرْ الْهُو جَابَهْ.

1 صَمُوِيل 25:23

وَ وَكِتْ أَبِقَايِلْ شَافَتْ دَاوُدْ، دَلَّتْ عَجَلَةْ مِنْ حُمَارْهَا. وَ بَرَكَتْ وَ سَجَدَتْ قِدَّامَهْ،

يَشُوع 7:6

وَ فِي الْبَكَانْ دَا، يَشُوعْ وَ شُيُوخْ بَنِي إِسْرَائِيلْ شَرَّطَوْا خُلْقَانْهُمْ مِنْ الْحِزِنْ وَ صَبَّوْا تُرَابْ فِي رُوسَيْهُمْ. وَ وَقَعَوْا بِوُجُوهُّمْ فِي التُّرَابْ وَ سَجَدَوْا قِدَّامْ صَنْدُوقْ اللّٰهْ لَحَدِّي الْعَشِيَّةْ.

رُؤية 3:9

شِيفْ، النَّاسْ الْيُقُولُوا بِكِدِبْ هُمَّنْ يَهُودْ وَ لَاكِنْ هُمَّنْ مَا يَهُودْ. يِصَلُّوا فِي بَيْت الصَّلَاةْ لَاكِنْ هُمَّنْ جَمَاعَةْ إِبْلِيسْ. هُمَّنْ دَوْل أَنَا نَجْبُرْهُمْ يَجُوا لَيْك وَ يَسْجُدُوا قِدَّامَكْ وَ يَعَرْفُوا كَدَرْ أَنَا نِحِبَّكْ.

مَتَّى 16:21

وَ مِنْ الْوَكِتْ دَا، عِيسَى بَدَا يِعَلِّمْ تَلَامِيذَهْ وَ أَوْرَاهُمْ أَكِيدْ يَمْشِي مَدِينَةْ الْقُدُسْ وَ هِنَاكْ الشُّيُوخْ وَ كُبَارَاتْ رُجَالْ الدِّينْ وَ الْعُلَمَاءْ يِتَعُّبُوهْ تَعَبْ شَدِيدْ. وَ هِنَاكْ يَكْتُلُوهْ وَ اللّٰهْ يَبْعَثَهْ فِي الْيَوْم التَّالِتْ.

مَتَّى 12:40

وَ مِثِلْ يُونُسْ قَعَدْ تَلَاتَةْ يَوْم وَ تَلَاتَةْ لَيْلَةْ فِي بَطُنْ الْحُوتَايْ، إِبْن الْإِنْسَانْ كُلَ يَقْعُدْ فِي لُبّ الْأَرْض تَلَاتَةْ يَوْم وَ تَلَاتَةْ لَيْلَةْ.

يُوِيل 2:13

مَا تِشَرُّطُوا خُلْقَانْكُو بَسْ وَ لَاكِنْ تُوبُوا مِنْ دَاخَلْ قَلِبْكُو وَ قَبُّلُوا لِلّٰهْ إِلٰـهْكُو. أَشَانْ هُو الرَّحْمـٰنْ الرَّحِيمْ وَ الصَّبُورْ وَ الْمُحِبّ وَ يِخَلِّي الْغَضَبْ الْأَوَّلْ هُو قَرَّرْ يِنَزِّلَهْ فَوْقكُو.

هُوشَع 6:2

بَعَدْ يَوْمَيْن، هُو يَنْطِينَا الْحَيَاةْ. أَيْوَى، فِي الْيَوْم التَّالِتْ، يِقَوِّمْنَا وَ نِعِيشُوا قِدَّامَهْ.

زَبُور 66:3

قُولُوا لِلرَّبّ: «أَعْمَالَكْ مُخِيفِينْ! وَ بِسَبَبْ قُدُرْتَكْ الْكَبِيرَةْ، عُدْوَانَكْ يِلْمَسْكَنَوْا قِدَّامَكْ.

أسْتِير 5:1

وَ وَكِتْ التَّلَاتَةْ يَوْم كَمَّلَوْا خَلَاصْ، أَسْتِيرْ لِبْسَتْ خُلْقَانْهَا هَنَا الْمَمْلَكَةْ وَ مَشَتْ وَقَفَتْ فِي الْفَضَايْ الدَّخْلَانِيَّةْ هَنَا قَصِرْ الْمَلِكْ الْمُقَابِلْ الْبَيْت. وَ الْمَلِكْ قَاعِدْ فِي كُرْسِيهْ هَنَا الْمُلُكْ فِي الْقَصِرْ مُقَابِلْ مَدَخَلْ الْبَيْت.

أسْتِير 4:16

«أَمْشِي لِمّ كُلَّ الْيَهُودْ الْقَاعِدِينْ فِي مَدِينَةْ شُوشَةْ وَ صُومُوا فِي شَانِي. مَا تَاكُلُوا وَ لَا تَشَرْبَوْا وَ لَا بِالنَّهَارْ وَ لَا بِاللَّيْل لِمُدَّةْ تَلَاتَةْ يَوْم. وَ أَنَا كُلَ نُصُومْ وَ بَنَاتِي الْخَدَّامَاتْ كُلَ يُصُومَنْ كُلَ مِثِلْكُو. وَ بَعَدْ دَا، أَنَا نَمْشِي نِقَابِلْ الْمَلِكْ حَتَّى كَانْ دَا ضِدّ الْقَانُونْ كُلَ. وَ كَنْ وَاجِبْ لَيِّ الْمَوْت، نُمُوتْ.»

2 صَمُوِيل 15:32

وَ وَكِتْ دَاوُدْ وَصَّلْ فِي رَاسْ الْجَبَلْ فِي بَكَانْ عِبَادَةْ الرَّبّ، حُوشَايْ الْمِنْ حِلَّةْ أَرْكِي جَاءْ لَاقَاهْ لِدَاوُدْ وَ خَلَقَهْ مُشَرَّطْ مِنْ الْحِزِنْ وَ عِنْدَهْ تُرَابْ فِي رَاسَهْ.

2 صَمُوِيل 14:4

وَ خَلَاصْ، الْمَرَةْ الْمِنْ حِلَّةْ تَقُوعَةْ مَشَتْ لِلْمَلِكْ دَاوُدْ وَ وَقَعَتْ فِي الْأَرْض وَ سَجَدَتْ قِدَّامَهْ وَ قَالَتْ: «يَا الْمَلِكْ، أَفْزَعْنِي!»

1 صَمُوِيل 20:41

وَ بَعَدْ الْوِلَيْد فَاتْ، دَاوُدْ مَرَقْ مِنْ الْبَكَانْ الْمُلَّبِّدْ فَوْقَهْ فِي نُصّ الْوَطِي هَنَا الْحَجَرْ وَ وَقَعْ فِي الْأَرْض وَ سَجَدْ قِدَّامْ يُونَتَانْ تَلَاتَةْ مَرَّاتْ. وَ الرُّفْقَانْ الْإِتْنَيْن أَلْحَاضَنَوْا وَ بَكَوْا وَ لَاكِنْ دَاوُدْ بَكَى زِيَادَةْ.

1 صَمُوِيل 4:16

وَ الرَّاجِلْ قَالْ لِعَالِي: «أَنَا جَايِ مِنْ بَكَانْ الْحَرِبْ وَ عَرَّدْت مِنْ هِنَاكْ وَ دِي بَسْ جَيْتِي!» وَ عَالِي سَأَلَهْ وَ قَالْ: «شُنُو الْكَانْ هِنَاكْ، يَا وِلَيْدِي؟»

تكوين 43:28

وَ هُمَّنْ قَالَوْا لَيَّهْ: «أَيْوَى، أَبُونَا قَاعِدْ حَيّ وَ قَاعِدْ عَافَيْ.» وَ بَتَّانْ دَنْقَرَوْا وَ سَجَدَوْا لَيَّهْ.

تكوين 37:34

وَ يَعْقُوبْ شَرَّطْ خَلَقَهْ وَ لِبِسْ خَلَقْ هَنَا حِزِنْ. وَ مُدَّةْ طَوِيلَةْ هُو قَاعِدْ يَبْكِي لِوِلَيْدَهْ.

تكوين 37:29

وَ بَعَدَيْن، رَأُوبِينْ جَاءْ تَاوَقْ يُوسُفْ فِي الْبِيرْ وَ مَا لِقَاهْ. وَ مِنْ الْحِزِنْ قَمَّ شَرَّطْ خَلَقَهْ.

تكوين 22:4

وَ فِي الْيَوْم التَّالِتْ، إِبْرَاهِيمْ رَفَعْ رَاسَهْ وَ شَافْ مِنْ بَعِيدْ الْبَكَانْ دَا.

2 صَمُوِيل 1:3

وَ دَاوُدْ سَأَلَهْ وَ قَالْ: «إِنْتَ جَايِ مِنْ وَيْن؟» هُو رَدَّ لَيَّهْ وَ قَالْ: «أَنَا مِنْ مُعَسْكَرْ بَنِي إِسْرَائِيلْ وَ عَرَّدْت مِنْ الْحَرِبْ.»

حِزْقِيال 27:30

وَ يَبْكُوا لَيْكِ وَ يَصْرَخَوْا بِحِزِنْ. وَ يُصُبُّوا تُرَابْ فِي رُوسَيْهُمْ وَ يِلْمَرْمَغَوْا فِي الرُّمَادْ.

2 صَمُوِيل 13:19

وَ شَرَّطَتْ خَلَقْهَا مِنْ الْحِزِنْ وَ صَبَّتْ رُمَادْ فِي رَاسْهَا وَ خَطَّتْ إِيدَيْنهَا فِي رَاسْهَا وَ مَاشَةْ وَ تَبْكِي.

2 صَمُوِيل 24:20

وَ وَكِتْ أَرَوْنَى رَفَعْ رَاسَهْ وَ شَافْ الْمَلِكْ وَ خَدَّامِينَهْ جَايِينْ عَلَيَّهْ، هُو جَاءْ وَ وَقَعْ فِي الْأَرْض وَ سَجَدْ قِدَّامْ الْمَلِكْ.