2 بُطْرُس 3:12 - الكتاب المقدس بالعربي الدارجي هنا تشاد

¹² أَرْجَوْا يَوْم اللّٰهْ وَ أَتْمَنَّوْا جَيْتَهْ. وَ فِي الْيَوْم دَا، السَّمَاوَاتْ يِنْحَرْقُوا وَ يِدَّمَّرَوْا وَ النُّجُومْ يُمُوعُوا فِي الْحَمُو.

2 بُطْرُس 3:12 Referenca të Kryqëzuara

2 بُطْرُس 3:10

وَ لَابُدَّ يَوْم اللّٰهْ يَجِي بِغَفْلَةْ مِثِلْ جَيَّةْ السَّرَّاقْ. وَ عَجَلَةْ كَيْ حَرَكَةْ شَدِيدَةْ تِنْسَمِعْ وَ السَّمَاوَاتْ يَبْقَوْا مَا فِيهُمْ وَ النُّجُومْ يِنْحَرْقُوا. وَ الْأَرْض وَ كُلَّ شَيّءْ الْيِسَوُّوهْ فَوْقهَا يِنْكَشِفْ.

إشَعْيا 34:4

وَ كُلَّ قُوَّاتْ السَّمَاءْ يِعَفُّنُوا وَ السَّمَاءْ يَطْوُوهْ مِثِلْ كِتَابْ مَلْفُوفْ. وَ كُلَّ الْقُوَّاتْ يِدَفُّقُوا مِثِلْ وَرَقْ الْعِنَبْ الْيَابِسْ وَ مِثِلْ وَرَقْ التِّينْ الْيِبِسْ.

مِيخا 1:4

وَ الْجِبَالْ يُمُوعُوا تِحْتَهْ وَ حُجَارْ خُشُومْ الْوُدْيَانْ يِنْقَطْعُوا مِثِلْ الشَّمْعَةْ فِي النَّارْ وَ مِثِلْ أَلْمِي الصَّبَّوْه فِي دِلَّيَّةْ.

2 بُطْرُس 3:7

وَ بِكِلْمَةْ اللّٰهْ بَتَّانْ السَّمَاوَاتْ وَ الْأَرْض الْقَاعِدِينْ حَالِيّاً مَضْمُومِينْ أَشَانْ يَرْجَوْا النَّارْ. اللّٰهْ قَاعِدْ يَحْفَضْهُمْ لَحَدِّي يَوْم الْحِسَابْ الْيَهْلَكَوْا فَوْقَهْ النَّاسْ الْفَسْلِينْ.

تِيطُس 2:13

وَ نَرْجَوْا بِعَشَمْ الْيَوْم الْمُبَارَكْ الْيِبِينْ فَوْقَهْ مَجْد إِلٰـهْنَا وَ مُنَجِّينَا الْعَظِيمْ، عِيسَى الْمَسِيحْ.

زَبُور 50:3

خَلِّي إِلٰـهْنَا يَجِي وَ خَلِّي مَا يَسْكُتْ! قِدَّامَهْ فِي نَارْ مُحْرِقَةْ وَ رِيحْ شَدِيدَةْ تُسُوقْ حَوَالَيَّهْ.

يَهُوذَا 1:21

أَقْعُدُوا ثَابْتِينْ فِي مَحَبَّةْ اللّٰهْ. خُطُّوا بَالْكُو فِي الرَّحْمَةْ الْجَايَةْ مِنْ رَبِّنَا عِيسَى الْمَسِيحْ، التِّوَدِّينَا فِي الْحَيَاةْ الْأَبَدِيَّةْ.

فِلِبِّي 1:6

وَ أَنَا مُؤَكِّدْ كَدَرْ اللّٰهْ، الْبَدَا خِدِمْتَهْ الْعَدِيلَةْ فَوْقكُو، هُو يِسَوِّيهَا دَايْماً لَحَدِّي يِتَمِّمْهَا فِي يَوْم جَيَّةْ الْمَسِيحْ عِيسَى.

إشَعْيا 24:19

وَ الْأَرْض تِشَّقَّقْ وَ الْأَرْض تِلْفَتْفَتْ وَ الْأَرْض تِنْهَزَّ.

مَتَّى 16:27

فَكُّرُوا فِي الْكَلَامْ دَا أَشَانْ إِبْن الْإِنْسَانْ يِقَبِّلْ مَعَ قُدْرَةْ مَجِيدَةْ هَنَا اللّٰهْ أَبُوهْ وَ مَعَ مَلَائِكَتَهْ. وَ أَيِّ نَادُمْ السَّوَّى الْفَسِلْ، يِعَاقِبَهْ. وَ أَيِّ نَادُمْ السَّوَّى عَمَلْ عَدِيلْ، يَنْطِيهْ أَجُرْ.

مَتَّى 16:28

وَ نُقُولْ لَيْكُو الْحَقّ. فِي نَاسْ وَاحِدِينْ الْقَاعِدِينْ هِنِي مَا يُمُوتُوا قُبَّالْ مَا يِشِيفُوا إِبْن الْإِنْسَانْ جَايِ فِي مَمْلَكَتَهْ.»

2 بُطْرُس 3:4

وَ يُقُولُوا: «وَاعَدَوْا بِجَيَّةْ عِيسَى وَ لَاكِنْ هُو مَا جَاءْ. أَبَّهَاتْنَا مَاتَوْا وَ مِنْ بِدَايَةْ الدُّنْيَا لَحَدِّي الْيَوْم، شَيّءْ غَيَّرْ كَيْ مَا فِيهْ!»

2 بُطْرُس 3:11

وَ كَنْ كُلَّ شَيّءْ يِدَّمَّرْ مِثِلْ دَا، إِنْتُو وَاجِبْ تِسَوُّوا شُنُو؟ وَاجِبْ تِعِيشُوا بِتَقْوَى وَ حَالْ صَالْحَةْ.