2 بُطْرُس 3:11 - الكتاب المقدس بالعربي الدارجي هنا تشاد

¹¹ وَ كَنْ كُلَّ شَيّءْ يِدَّمَّرْ مِثِلْ دَا، إِنْتُو وَاجِبْ تِسَوُّوا شُنُو؟ وَاجِبْ تِعِيشُوا بِتَقْوَى وَ حَالْ صَالْحَةْ.

2 بُطْرُس 3:11 Referenca të Kryqëzuara

1 بُطْرُس 1:15

لَاكِنْ، مِثِلْ اللّٰهْ النَّادَاكُو هُو قُدُّوسْ، إِنْتُو كُلَ أَبْقَوْا خَاصِّيْن فِي كُلَّ شَيّءْ التِّسَوُّوهْ.

فِلِبِّي 1:27

لَاكِنْ خَلِّي تِعِيشُوا بِالْحَالْ الْمُوَافْقَةْ لِبِشَارَةْ الْمَسِيحْ. وَ مِثِلْ دَا، كَنْ نَجِي نِشِيفْكُو وَلَّا كَنْ أَنَا بَعِيدْ مِنْكُو كُلَ، خَلَاصْ نَسْمَعْ كَلَامْ فِيكُو الْيُقُولْ إِنْتُو ثَابْتِينْ بِفِكِرْ وَاحِدْ وَ هَدَفْ وَاحِدْ وَ إِنْتُو قَاعِدِينْ تِحَارُبُوا سَوَا فِي شَانْ الْإِيمَانْ اللِّقِيتُوهْ مِنْ بِشَارَةْ الْمَسِيحْ.

1 بُطْرُس 2:12

خَلِّي حَالْكُو فِي أُسْط النَّاسْ الْمَا مُؤمِنِينْ تَبْقَى عَدِيلَةْ. وَ بِمِثِلْ دَا، كَنْ يَكْدُبُوا فِيكُو وَ يُقُولُوا إِنْتُو نَاسْ فَسْلِينْ كُلَ، يِشِيفُوا عَمَلْكُو السَّمَحْ وَ فِي الأَخِيرْ، يِمَجُّدُوا اللّٰهْ فِي يَوْم الْفَرَجْ.

2 بُطْرُس 3:12

أَرْجَوْا يَوْم اللّٰهْ وَ أَتْمَنَّوْا جَيْتَهْ. وَ فِي الْيَوْم دَا، السَّمَاوَاتْ يِنْحَرْقُوا وَ يِدَّمَّرَوْا وَ النُّجُومْ يُمُوعُوا فِي الْحَمُو.

1 تِمُوتَاوُس 6:11

لَاكِنْ إِنْتَ يَا خَدَّامْ اللّٰهْ، أَجْرِي مِنْ كُلَّ الْكَلَامْ دَا. أنْكَرِبْ بِنِيَّةْ وَاحِدَةْ فِي الْحَالْ الصَّالْحَةْ وَ التَّقْوَى وَ الْإِيمَانْ وَ الْمَحَبَّةْ وَ الصَّبُرْ وَ النَّفَسْ الْبَارِدْ.

يَعْقُوب 3:13

يَاتُو مِنْكُو حَكِيمْ وَ فَاهِمْ؟ خَلِّي يِوَصِّفْ عَمَلَهْ بِحَالَهْ السَّمْحَةْ بِنَفَسْ بَارِدْ وَ حِكْمَةْ.

فِلِبِّي 3:20

لَاكِنْ جِنْسِيِّتْنَا أَنِحْنَ، هِي الْجِنْسِيَّةْ السَّمَاوِيَّةْ. وَ أَنِحْنَ نَرْجَوْا مُنَجِّينَا الْيَجِي مِنْ السَّمَاءْ وَ خَاطِّينْ بَالْنَا فِي جَيْتَهْ وَ هُو رَبِّنَا عِيسَى الْمَسِيحْ.

إشَعْيا 34:4

وَ كُلَّ قُوَّاتْ السَّمَاءْ يِعَفُّنُوا وَ السَّمَاءْ يَطْوُوهْ مِثِلْ كِتَابْ مَلْفُوفْ. وَ كُلَّ الْقُوَّاتْ يِدَفُّقُوا مِثِلْ وَرَقْ الْعِنَبْ الْيَابِسْ وَ مِثِلْ وَرَقْ التِّينْ الْيِبِسْ.

إشَعْيا 14:31

نُوحُوا، يَا بِيبَانْ! وَ كَوْرُكُوا، يَا مُدُنْ! كُلَّ الْفِلِسْطِيِّينْ بَرْجَلَوْا. أَشَانْ الْعَدُو يَجِي مِثِلْ دُخَّانْ مِنْ الْمُنْشَاقْ وَ عَسْكَرِي وَاحِدْ كُلَ مَا يَمْرُقْ مِنْ الصَّفّ.

2 بُطْرُس 1:3

وَ أَكِيدْ رَبِّنَا أَنْطَانَا بِقُدُرْتَهْ الْإِلٰـهِيَّةْ كُلَّ شَيّءْ الْأَنِحْنَ حَوْجَانِينْ لَيَّهْ لِنِعِيشُوا بِالتَّقْوَى. وَ دَا يَبْقَى بِعِرْفِتْنَا لَيَّهْ هُو النَّادَانَا فِي دَرْبَهْ بِخَيْرَهْ الْمَجِيدْ.

1 تِمُوتَاوُس 6:3

أَيِّ نَادُمْ الْيُقُمّ يِعَلِّمْ كَلَامْ شِقْ مِنْ دَا وَ مَا يِدَوْر الْكَلَامْ الْعَدِيلْ الْجَايِ مِنْ رَبِّنَا عِيسَى الْمَسِيحْ وَ يَابَى التَّعْلِيمْ الْيِوَدِّي النَّاسْ فِي التَّقْوَى،

1 تِمُوتَاوُس 4:12

مَا تِخَلِّي نَادُمْ يَحْقِرَكْ بِسَبَبْ إِنْتَ صَغَيَّرْ فِي الْعُمُرْ. سَوِّي نَفْسَكْ مَثَلْ لِلْمُؤمِنِينْ فِي كَلَامَكْ وَ حَالَكْ. خَلِّي يِشِيفُوا فَوْقَكْ الْمَحَبَّةْ وَ الْإِيمَانْ وَ الطِّهَارَةْ.

مَتَّى 8:27

وَ النَّاسْ أَلْعَجَّبَوْا مَرَّةْ وَاحِدْ وَ قَالَوْا: «النَّادُمْ دَا، هُو يَاتُو؟ لَحَدِّي الرِّيحْ وَ الْبَحَرْ كُلَ يِطِيعُوهْ!»

زَبُور 75:3

وَكِتْ الْأَرْض تَرْجِفْ بِكُلَّ سُكَّانْهَا، مَا أَنَا بَسْ نِثَبِّتْ أَسَاسْهَا وَلَّا؟ وَقْفَةْ.

زَبُور 50:23

الْيِقَدِّمْ ضَحِيَّةْ الشُّكُرْ يِمَجِّدْنِي وَ الْيِفَكِّرْ فِي دَرْبَهْ، نِشَوِّفَهْ نَجَاتِي أَنَا الرَّبّ.

يَعْقُوب 1:24

وَ يِشِيفْ كِكَّيْف وِجْهَهْ وَ خَلَاصْ يَمْشِي وَ طَوَّالِي يَنْسَاهْ.

1 تِمُوتَاوُس 3:16

وَ بَلَا شَكَكْ، دَرِبْ التَّقْوَى الْاللّٰهْ بَيَّنَهْ لَيْنَا، هُو عَظِيمْ. الْمَسِيحْ بِقِي إِنْسَانْ وَ بَانْ فِي الدُّنْيَا وَ الرُّوحْ الْقُدُّوسْ شَهَدْ لَيَّهْ. الْمَلَائِكَةْ شَافَوْه فِي السَّمَاءْ وَ نَاسَهْ بَشَّرَوْا بَيَّهْ الْأُمَمْ. نَاسْ آمَنَوْا بَيَّهْ فِي الدُّنْيَا وَ اللّٰهْ رَفَعَهْ فَوْق فِي مَجْدَهْ.

1 تَسَلونِيكِي 1:5

أَشَانْ الْبِشَارَةْ الْبَلَّغْنَاهَا لَيْكُو مَا جَاتْ لَيْكُو بِكَلَامْ بَسْ لَاكِنْ بِقُدْرَةْ وَ بِخِدْمَةْ الرُّوحْ الْقُدُّوسْ وَ بِعَشَمْ مُؤَكَّدْ. وَ إِنْتُو شِفْتُوا حَالْنَا مَعَاكُو وَ خِدْمِتْنَا فِي شَانْكُو.

1 تِمُوتَاوُس 6:6

وَ بِالصَّحِيحْ، كَنْ نَادُمْ بِقِي تَقِي وَ رَضْيَانْ بِالْعِنْدَهْ، هُو رَبْحَانْ زِيَادَةْ.

إشَعْيا 24:19

وَ الْأَرْض تِشَّقَّقْ وَ الْأَرْض تِلْفَتْفَتْ وَ الْأَرْض تِنْهَزَّ.

2 بُطْرُس 1:6

وَ تِزِيدُوا فِي الْمَعْرَفَةْ، ثَبِّتِينْ النَّفْس. وَ تِزِيدُوا فِي ثَبِّتِينْ النَّفْس، الصَّبُرْ. وَ تِزِيدُوا فِي الصَّبُرْ، التَّقْوَى.

عِبْرَانِيِّين 13:5

أَنْقَرْعُوا مِنْ حُبّ الْمَالْ وَ أَبْقَوْا رَضْيَانِينْ بِالْعِنْدُكُو أَشَانْ اللّٰهْ قَالْ: <أَبَداً مَا نَابَاكْ وَ لَا نِخَلِّيكْ.>

2 كُرُنْتُس 1:12

وَ أَنِحْنَ فَرْحَانِينْ أَشَانْ قُلُوبْنَا قَاعِدِينْ يِأَكُّدُوا لَيْنَا كَدَرْ عِشْنَا مَعَ كُلَّ نَاسْ الدُّنْيَا وَ خَاصَّةً مَعَاكُو إِنْتُو بِقَلِبْ أَبْيَضْ وَ بِنِيَّةْ مُخْلِصَةْ الْاللّٰهْ يَرْضَى بَيْهُمْ. مَا عِشْنَا حَسَبْ فِكِرْ نَاسْ الدُّنْيَا لَاكِنْ عِشْنَا بِرَحْمَةْ اللّٰهْ.

زَبُور 37:14

الْعَاصِيِينْ يَرْفَعَوْا السَّيْف وَ يَجْبُدُوا النُّبَّالْ لِيَرْمُوا الْمَظْلُومْ وَ الْمِسْكِينْ، لِيَدْبَحَوْا الْمَاشِينْ فِي الدَّرِبْ الْعَدِيلْ.

رَوْمَا 13:11

وَ خَلَاصْ، تَعَرْفُوا الْوَكِتْ الْأَنِحْنَ قَاعِدِينْ فَوْقَهْ. الْوَكِتْ تَمَّ خَلَاصْ. وَ هَسَّعْ، وَاجِبْ تُقُمُّوا مِنْ نَوْمكُو أَشَانْ يَوْم النَّجَاةْ قَرِيبْ لَيْنَا مِنْ وَكِتْ أَنِحْنَ آمَنَّا.

رَوْمَا 13:12

اللَّيْل قَرِيبْ يِكَمِّلْ وَ النَّهَارْ جَايِ قَرِيبْ. خَلَاصْ، وَاجِبْ نِخَلُّوا مِنِّنَا كُلَّ فِعِلْ الضَّلَامْ وَ نِجَهُّزُوا نُفُوسْنَا أَشَانْ نِعِيشُوا فِي النُّورْ.

2 بُطْرُس 3:10

وَ لَابُدَّ يَوْم اللّٰهْ يَجِي بِغَفْلَةْ مِثِلْ جَيَّةْ السَّرَّاقْ. وَ عَجَلَةْ كَيْ حَرَكَةْ شَدِيدَةْ تِنْسَمِعْ وَ السَّمَاوَاتْ يَبْقَوْا مَا فِيهُمْ وَ النُّجُومْ يِنْحَرْقُوا. وَ الْأَرْض وَ كُلَّ شَيّءْ الْيِسَوُّوهْ فَوْقهَا يِنْكَشِفْ.