2 بُطْرُس 2:9 - الكتاب المقدس بالعربي الدارجي هنا تشاد

⁹ وَ خَلَاصْ بَيْدَا كُلَ كَيْ، نَعَرْفُوا كَدَرْ اللّٰهْ يَقْدَرْ يَفْزَعْ الصَّالِحِينْ فِي وَكْت التَّجْرِبَةْ وَ يِرَاقِبْ النَّاسْ الْفَسْلِينْ لَحَدِّي يِعَاقِبْهُمْ فِي يَوْم الْحِسَابْ.

2 بُطْرُس 2:9 Referenca të Kryqëzuara

1 كُرُنْتُس 10:13

مَا فِي تَجْرِبَةْ جَاتْ فَوْقكُو الْمَا جَاتْ فِي كُلَّ النَّاسْ. وَ اللّٰهْ هُو صَادِقْ وَ بِالتَّجْرِبَةْ دِي، هُو يَفْتَحْ لَيْكُو دَرِبْ أَشَانْ تَمُرْقُوا بَيَّهْ وَ يَنْطِيكُو الْقُدْرَةْ أَشَانْ تَصْبُرُوا فِي التَّجْرِبَةْ دِي.

رُؤية 3:10

إِنْتَ تَابَعْت كَلَامِي بِصَبُرْ كَتِيرْ. أَشَانْ دَا، نَحْفَضَكْ مِنْ الضِّيقَةْ التَّجِي فِي كُلَّ نَاسْ الدُّنْيَا. الضِّيقَةْ دِي تِجَرِّبْهُمْ لِسُكَّانْ الْأَرْض.

2 تِمُوتَاوُس 3:12

وَ أَكِيدْ أَيِّ نَادُمْ الْيِدَوْر يِنْكَرِبْ فِي التَّقْوَى فِي دَرِبْ الْمَسِيحْ عِيسَى، يِتَعُّبُوهْ.

2 بُطْرُس 3:7

وَ بِكِلْمَةْ اللّٰهْ بَتَّانْ السَّمَاوَاتْ وَ الْأَرْض الْقَاعِدِينْ حَالِيّاً مَضْمُومِينْ أَشَانْ يَرْجَوْا النَّارْ. اللّٰهْ قَاعِدْ يَحْفَضْهُمْ لَحَدِّي يَوْم الْحِسَابْ الْيَهْلَكَوْا فَوْقَهْ النَّاسْ الْفَسْلِينْ.

أمْثال 16:4

اللّٰهْ خَلَقْ كُلَّ شَيّءْ لِهَدَفْ حَتَّى الْعَاصِي كُلَ خَلَقَهْ لِيَوْم الْعِقَابْ.

أيُّوب 5:19

وَ سِتَّةْ مَرَّاتْ، هُو يِنَجِّيكْ مِنْ التَّعَبْ وَ فِي الْمَرَّةْ السَّابْعَةْ كُلَ، الْفَسَالَةْ مَا تَلْحَقَكْ.

تِيطُس 2:14

هُو أَنْطَى نَفْسَهْ ضَحِيَّةْ لِيَفْدَانَا مِنْ كُلَّ الْفَسَالَةْ وَ يِطَهِّرْ قُلُوبْنَا أَشَانْ نَبْقَوْا لَيَّهْ شَعَبَهْ حَلَالَهْ مُنْكَرِبِينْ فِي عَمَلْ الْخَيْر.

2 بُطْرُس 2:4

نَعَمْ، نَعَرْفُوا كَدَرْ الْمَلَائِكَةْ الْأَذْنَبَوْا، اللّٰهْ مَا عَفَاهُمْ لَاكِنْ رَبَطَاهُمْ بِجَنَازِيرْ وَ سَجَنَاهُمْ فِي ضَلَامْ الْهَاوِيَةْ أَشَانْ يَرْجَوْا يَوْم الْحِسَابْ.

رَوْمَا 2:5

لَاكِنْ رَاسَكْ قَوِي وَ فِي قَلْبَكْ مَا تِدَوْر تُتُوبْ. وَ بَيْدَا، إِنْتَ قَاعِدْ تِزِيدْ الْعِقَابْ الْيَجِي فَوْقَكْ فِي يَوْم غَضَبْ اللّٰهْ. وَ دَا الْيَوْم الْاللّٰهْ يِحَاسِبْ فَوْقَهْ النَّاسْ بِالْحَقّ.

زَبُور 4:3

أَعَرْفُوا كَدَرْ اللّٰهْ عَزَلْ رَاجِلْ أَمِينْ لَيَّهْ، أَيْوَى، اللّٰهْ يَسْمَعْنِي وَكِتْ نِنَادِيهْ.

زَبُور 32:6

أَشَانْ دَا، كُلَّ مُؤمِنْ وَاجِبْ يَسْأَلَكْ فِي وَكْت الضِّيقَةْ وَ بَيْدَا، هُو يَنْجَى أَكِيدْ مِنْ الْغَرَقْ الشَّدِيدْ.

أيُّوب 21:30

فِي يَوْم الْمَصِيبَةْ، الْفَسِلْ يَنْجَى وَ فِي يَوْم الْغَضَبْ، هُو مَحْفُوضْ.

زَبُور 12:1

نَجِّينِي، يَا اللّٰهْ! أَشَانْ مَا فِي صَالِحْ وَ مَا فِي إِنْسَانْ أَمِينْ فِي أُسْط النَّاسْ.

زَبُور 37:33

وَ لَاكِنْ اللّٰهْ مَا يِخَلِّيهْ فِي إِيدَيْهُمْ وَ مَا يَرْضَى يِحَاكُمُوهْ كَنْ وَدَّوْه الشَّرِيعَةْ كُلَ.

أمْثال 12:13

اللِّسَانْ الْمُذْنِبْ شَرَكْ لِلْفَسْلِينْ وَ لَاكِنْ الصَّالِحِينْ يَمُرْقُوا مِنْ الضِّيقَةْ.

مَتَّى 6:13

مَا تِدِسِّنَا فِي التَّجْرِبَةْ لَاكِنْ نَجِّينَا مِنْ شَرّ إِبْلِيسْ. وَ لَيْك إِنْتَ بَسْ الْمُلُكْ وَ الْقُدْرَةْ وَ الْمَجْد دَايْماً وَ إِلَى الْأَبَدْ. آمِينْ.

مَتَّى 10:15

نُقُولْ لَيْكُو الْحَقّ، فِي يَوْم الْحِسَابْ، الْعَذَابْ الْيَنْزِلْ فَوْق نَاسْ الْبَكَانْ دَا يَبْقَى زِيَادَةْ مِنْ الْعَذَابْ النَّزَلْ فَوْق نَاسْ حِلَّالْ سَدُومْ وَ عَمُورَةْ.

يَهُوذَا 1:6

وَ فَكُّرُوا فِي الْمَلَائِكَةْ الْأَبَوْا مَا قَعَدَوْا ثَابْتِينْ فِي صُفُوفْهُمْ وَ خَلَّوْا الْبَكَانْ الْوَاجِبْ لَيْهُمْ. اللّٰهْ رَبَطَاهُمْ بِجَنَازِيرْ الْأَبَداً مَا يِنْقَطْعُوا وَ خَطَّاهُمْ فِي الضَّلَامْ أَشَانْ يَرْجَوْا يَوْم الْحِسَابْ الْعَظِيمْ.

1 صَمُوِيل 29:10

هَسَّعْ دَا، قُمّ بِفَجُرْ بَدْرِي، إِنْتَ وَ الرُّجَالْ الْجَوْا مَعَاكْ. قَبُّلُوا فِي الْبَكَانْ الْأَنَا أَنْطَيْتَكْ. مَا تِفَكِّرْ فِي الْكَلَامْ دَا أَشَانْ أَنَا رَضْيَانْ بَيْك. وَ كَنْ الْوَطَاةْ أَصْبَحَتْ، خَلَاصْ أَمْشُوا!»