2 بُطْرُس 2:8 - الكتاب المقدس بالعربي الدارجي هنا تشاد

⁸ أَشَانْ الرَّاجِلْ الصَّالِحْ دَا سَاكِنْ فِي أُسُطْهُمْ وَ كُلَّ يَوْم فِكْرَهْ الصَّالِحْ يَتْعَبْ بِسَبَبْ عِصْيَانْهُمْ الشَّافَهْ وَ سِمْعَهْ.

2 بُطْرُس 2:8 Referenca të Kryqëzuara

زَبُور 119:158

أَنَا نِشِيفْ الْخَايْنِينْ بِبُغُضْ أَشَانْ مَا حَفَضَوْا كَلَامَكْ.

حِزْقِيال 9:4

وَ اللّٰهْ قَالْ لَيَّهْ: «أَمْشِي فِي أُسْط مَدِينَةْ الْقُدُسْ وَ سَوِّي عَلَامَةْ فِي جَبْهَاتْ النَّاسْ الْقَاعِدِينْ يَقُنْتُوا وَ يَشْكُوا بِسَبَبْ كُلَّ الْمُحَرَّمَاتْ الْقَاعِدِينْ يِسَوُّوهُمْ فِي لُبَّهَا.»

زَبُور 119:136

مِنْ عُيُونِي، دُمُوعِي نَزَلَوْا مِثِلْ وُدْيَانْ أَشَانْ النَّاسْ مَا حَفَضَوْا تَوْرَاتَكْ.

أمْثال 25:26

كَنْ الصَّالِحْ يِقَصِّدْ بِحَالْ الْعَاصِي، دَا مِثِلْ رَهَدْ أَلْمِي الْيَتْلَفْ وَ عَيْن أَلْمِي التِّعَفِّنْ.

يَعْقُوب 5:16

فِي شَانْ دَا، أَعْتَرُفُوا بِذُنُوبْكُو أَمْبَيْنَاتْكُو وَ أَسْأَلَوْا اللّٰهْ أَمْبَيْنَاتْكُو أَشَانْ يَشْفِيكُو. دُعَا هَنَا نَادُمْ صَالِحْ عِنْدَهْ قُدْرَةْ شَدِيدَةْ.

1 تِمُوتَاوُس 1:9

وَاجِبْ نَفْهَمَوْا كَدَرْ اللّٰهْ أَنْطَى شُرُوطْ التَّوْرَاةْ مَا لِلصَّالِحِينْ بَسْ لَاكِنْ أَنْطَاهُمْ لِلْمُجْرِمِينْ وَ الْعَاصِيِينْ وَ الْكُفَّارْ وَ الْمُذْنِبِينْ وَ النَّاسْ النِّجْسِينْ وَ الْبَكْرَهَوْا الدِّينْ وَ النَّاسْ الْيَكْتُلُوا أَبَّهَاتْهُمْ وَ الْيَكْتُلُوا أَمَّهَاتْهُمْ وَ كُلَّ كَتَّالِينْ الدِّمَمْ.

أمْثال 28:12

بِنَصُرْ الصَّالِحِينْ، النَّاسْ يَفْرَحَوْا وَ بِنَجَاحْ الْعَاصِيِينْ، النَّاسْ يِلَّبَّدَوْا.

زَبُور 119:139

وَ غِيرْتِي سَكَّتَتْنِي وَكِتْ عُدْوَانِي نِسَوْا كَلَامَكْ.

حِزْقِيال 9:6

خَرُّبُوا وَ أَكْتُلُوا الشِّيَّابْ وَ الصُّبْيَانْ وَ الْبَنَاتْ وَ الْأَطْفَالْ وَ الْعَوِينْ. وَ لَاكِنْ مَا تِلَمُّسُوا أَيِّ نَادُمْ الْعِنْدَهْ عَلَامَةْ فِي جَبْهِتَهْ. وَ أَبْدَوْا مِنْ هِنِي، مِنْ بَيْتِي الْمُقَدَّسْ.» وَ خَلَاصْ، بَدَوْا بِالْكَتِلْ هَنَا الشُّيُوخْ الْقَاعِدِينْ قِدَّامْ بَيْت اللّٰهْ.

تكوين 13:13

وَ نَاسْ سَدُومْ هُمَّنْ فَسْلِينْ زِيَادَةْ وَ مُذْنِبِينْ قِدَّامْ اللّٰهْ.

عِبْرَانِيِّين 11:4

وَ بِالْإِيمَانْ، هَابِيلْ قَدَّمْ ضَحِيَّةْ لِلّٰهْ. وَ ضَحِيّتَهْ بِقَتْ أَخَيْر مِنْ هَدِيَّةْ قَابِيلْ. وَ فِي شَانْ إِيمَانَهْ، اللّٰهْ رِضِي بَيَّهْ وَ جَعَلَهْ نَادُمْ صَالِحْ. اللّٰهْ قِبِلْ ضَحَايَهْ وَ شَهَدْ لَيَّهْ. وَ هَابِيلْ مَاتْ لَاكِنْ بِإِيمَانَهْ، يَا هَسَّعْ كُلَ هُو قَاعِدْ يِحَجِّي.