2 بُطْرُس 2:7 - الكتاب المقدس بالعربي الدارجي هنا تشاد

⁷ وَ نَعَرْفُوا اللّٰهْ فَزَعْ لُوطْ. وَ لُوطْ هُو نَادُمْ صَالِحْ التِّعِبْ زِيَادَةْ بِسَبَبْ فَسَادْ الْعَاصِيِينْ.

2 بُطْرُس 2:7 Referenca të Kryqëzuara

تكوين 19:16

وَ لَاكِنْ لُوطْ أَلأَخَّرْ فِي الْمَرِقِينْ وَ الْمَلَائِكَةْ كَرَبَوْهُمْ مِنْ إِيدَيْهُمْ، هُو وَ مَرْتَهْ وَ بَنَاتَهْ وَ مَرَقَوْهُمْ بَرَّا مِنْ الْمَدِينَةْ أَشَانْ اللّٰهْ دَوَّرْ يِنَجِّيهُمْ.

تكوين 19:29

وَ بِمِثِلْ دَا، الرَّبّ دَمَّرْ مُدُنْ الْمَنْطَقَةْ اللُّوطْ سَكَنْ فَوْقهُمْ. وَ لَاكِنْ هُو فَكَّرْ لِإِبْرَاهِيمْ وَ مَرَقْ لُوطْ مِنْ الدَّمَارْ.

2 بُطْرُس 3:17

وَ لَيْكُو إِنْتُو يَا أَخْوَانِي النِّحِبُّكُو، تَعَرْفُوا الْكَلَامْ دَا مِنْ أَوَّلْ. وَ أَشَانْ دَا، أَوْعُوا بَالْكُو وَ مَا تِخَلُّوا كِدِبْ الْعَاصِيِينْ يِوَدِّيكُو فِي دَرِبْهُمْ وَ يِتَلِّفْ إِيمَانْكُو الثَّابِتْ.

1 كُرُنْتُس 10:13

مَا فِي تَجْرِبَةْ جَاتْ فَوْقكُو الْمَا جَاتْ فِي كُلَّ النَّاسْ. وَ اللّٰهْ هُو صَادِقْ وَ بِالتَّجْرِبَةْ دِي، هُو يَفْتَحْ لَيْكُو دَرِبْ أَشَانْ تَمُرْقُوا بَيَّهْ وَ يَنْطِيكُو الْقُدْرَةْ أَشَانْ تَصْبُرُوا فِي التَّجْرِبَةْ دِي.

إرْمِيا 23:9

وَ فِي الْأَنْبِيَاء دَوْل، إِرْمِيَا قَالْ: «قَلْبِي أَنْقَطَعْ فِي دَاخِلِي وَ كُلَّ عُضَامِي مَاعَوْا. وَ بِقِيتْ مِثِلْ السَّكْرَانْ أَوْ مِثِلْ نَادُمْ الْمَرِيسَةْ فَاتَتْ قُدُرْتَهْ. وَ دَا فِي شَانْ اللّٰهْ وَ فِي شَانْ كَلَامَهْ الْمُقَدَّسْ.

تكوين 13:13

وَ نَاسْ سَدُومْ هُمَّنْ فَسْلِينْ زِيَادَةْ وَ مُذْنِبِينْ قِدَّامْ اللّٰهْ.

تكوين 19:22

أَجْرِي عَجَلَةْ! أَمْشِي فِي الْحِلَّةْ دِي. أَنَا مَا نَقْدَرْ نِسَوِّي شَيّءْ قُبَّالْ إِنْتَ مَا تَوْصَلْ فَوْقهَا.» فِي شَانْ دَا بَسْ، سَمَّوْا الْحِلَّةْ دِي صُوغَرْ (مَعَنَاتَهْ صَغَيْرَةْ).

زَبُور 120:5

أَنَا آسِفْ أَشَانْ قَعَدْت فِي بَلَدْ مَاشَكْ مَعَ نَاسْ فَسْلِينْ وَ سَكَنْت فِي خِيَمْ قِدَارْ أَمْبَيْن نَاسْ هَوَانِينْ.

تكوين 19:5

وَ نَادَوْا لُوطْ وَ قَالَوْا لَيَّهْ: «وَيْن الرُّجَالْ الدَّخَلَوْا فِي بَيْتَكْ؟ أَمْرُقْهُمْ لَيْنَا عَجَلَةْ أَشَانْ نَرُقْدُوا مَعَاهُمْ!»

2 بُطْرُس 2:2

وَ نَاسْ كَتِيرِينْ يِتَابُعُوهُمْ فِي فَسَادْهُمْ وَ بِسَبَبْهُمْ، النَّاسْ يُقُولُوا كَلَامْ فَسِلْ فِي دَرِبْ الْحَقّ.

2 بُطْرُس 2:18

يِكَلُّمُوا بِكِبْرِيَاءْ الْمَا عِنْدَهْ فَايْدَةْ. يِسْتَعْمَلَوْا الشَّهْوَاتْ أَشَانْ يِجِيبُوا بَيْهَا النَّاسْ الدَّهَابْهُمْ مَرَقَوْا مِنْ دَرِبْ الْوَدَارْ.

يَهُوذَا 1:4

أَشَانْ فِي نَاسْ وَاحِدِينْ فَسْلِينْ أَنْدَسَّوْا أَمْبَيْنَاتْكُو بِعَشِيرْ. وَ هُمَّنْ قَاعِدِينْ يِعَوُّجُوا كَلَامْ رَحْمَةْ اللّٰهْ لِيِحَلُّلُوا بَيَّهْ الْمُحَرَّمَاتْ. وَ بَيْدَا، يَنْكُرُوا عِيسَى الْمَسِيحْ الْهُو بَسْ سَيِّدْنَا وَ رَبِّنَا. وَ مِنْ زَمَانْ، الْكِتَابْ حَجَّى بِالْعَذَابْ الْيَرْجَاهُمْ.