2 بُطْرُس 2:18 - الكتاب المقدس بالعربي الدارجي هنا تشاد

¹⁸ يِكَلُّمُوا بِكِبْرِيَاءْ الْمَا عِنْدَهْ فَايْدَةْ. يِسْتَعْمَلَوْا الشَّهْوَاتْ أَشَانْ يِجِيبُوا بَيْهَا النَّاسْ الدَّهَابْهُمْ مَرَقَوْا مِنْ دَرِبْ الْوَدَارْ.

2 بُطْرُس 2:18 Referenca të Kryqëzuara

2 بُطْرُس 2:20

وَ كَنْ النَّاسْ أَوَّلْ مَرَقَوْا مِنْ نَجَاسَةْ الدُّنْيَا بِعِرْفَةْ رَبِّنَا عِيسَى الْمَسِيحْ مُنَجِّينَا وَ بَعَدَيْن نَجَاسَةْ الدُّنْيَا تَكْرُبْهُمْ بَتَّانْ وَ تِنَّصِرْ فَوْقهُمْ، فِي الْبَكَانْ دَا، حَالِتْهُمْ الْأَخِيرَةْ تَبْقَى هَوَانَةْ مِنْ الْأَوَّلْ.

2 بُطْرُس 1:4

وَ بَيْدَا، هُو أَنْطَانَا بَرَكَتَهْ الْقِيمِتْهَا كَبِيرَةْ بِلْحَيْن الْأَوَّلْ وَاعَدْ بَيْهَا. أَشَانْ بِالْبَرَكَةْ دِي، إِنْتُو تِشَارُكُوا فِي الطَّبِيعَةْ الْإِلٰـهِيَّةْ وَ تَمُرْقُوا مِنْ الْفَسَادْ الْمَوْجُودْ فِي الدُّنْيَا بِسَبَبْ الشَّهْوَةْ.

رَوْمَا 13:13

خَلِّي حَالْنَا تُكُونْ حَالْ هَنَا عِيَالْ النُّورْ. وَ خَلِّي مَا نَمْشُوا فِي السَّفَاهَةْ وَ السَّكَرْ، وَ لَا فِي الزِّنَى وَ الْفَسَادْ، وَ لَا فِي الدُّوَاسْ وَ الْحُسُدْ.

يَعْقُوب 5:5

فِي الدُّنْيَا عِشْتُوا فِي الْحَلَا وَ فِي الرَّاحَةْ. إِنْتُو سِمِنْتُوا مِثِلْ الْبَقَرْ الْيِسَمُّنُوهُمْ لِلْجُزُرْ.

2 تَسَلونِيكِي 2:4

هُو عَدُو لِكُلِّ إِلٰـهْ الْيَعَبُدُوهْ النَّاسْ وَ يِسَوِّي نَفْسَهْ أَكْبَرْ مِنَّهْ. وَ هُو يُخُطّ كُرْسِي حَقَّهْ فِي بَيْت اللّٰهْ وَ يُقُولْ: «أَنَا بَسْ اللّٰهْ.»

رُؤية 13:11

وَ فِي الْبَكَانْ دَا، أَنَا شِفْت حَيْوَانْ آخَرْ. هُو مَارِقْ مِنْ لُبّ الْأَرْض وَ عِنْدَهْ قُرُونْ إِتْنَيْن مِثِلْ قُرُونْ حَمَلْ وَ لَاكِنْ حِسَّهْ مِثِلْ حِسّ الْغُولْ.

يَهُوذَا 1:13

عَيْب النَّاسْ دَوْل مِثِلْ الرِّغْوَةْ الْيِجِيبْهَا مَوْج الْبَحَرْ الشَّدِيدْ. هُمَّنْ مِثِلْ نُجُومْ رَايْغِينْ وَ اللّٰهْ جَهَّزْ لَيْهُمْ الضَّلَامْ الْأَزْرَقْ كُرُمْ إِلَى الْأَبَدْ.

أعمال الرُسُل 8:9

وَ فِي الْحِلَّةْ دِي، فِيَّهْ نَادُمْ وَاحِدْ أُسْمَهْ سِيمُونْ وَ هُو سَحَّارِي. وَ مِنْ وَكِتْ طَوِيلْ، نَاسْ السَّامِرَةْ قَاعِدِينْ يِلْعَجَّبَوْا فَوْقَهْ. وَ هُو قَاعِدْ يُقُولْ لَيْهُمْ هُو نَادُمْ مُهِمّ بِلْحَيْن.

أعمال الرُسُل 2:40

وَ بُطْرُسْ قَاعِدْ يَشْهَدْ لِعِيسَى قِدَّامْ النَّاسْ وَ حَجَّى لَيْهُمْ كَلَامْ كَتِيرْ أَشَانْ يِجِيبْهُمْ فِي الدَّرِبْ. هُو قَالْ: «تُوبُوا وَ تَنْجَوْا. مَا تِتَابُعُوا نَاسْ وَكِتْنَا الْمُوَدِّرِينْ دَوْل.»

دَنْيال 11:36

«وَ مَلِكْ سُورِيَا يِسَوِّي كُلَّ شَيّءْ الْقَلْبَهْ بِدَوْرَهْ وَ يِسْتَكْبَرْ. وَ هُو يِشِيفْ نَفْسَهْ عَالِي مِنْ كُلَّ الْإِلٰـهَاتْ وَ يُقُولْ كَلَامْ كُفُرْ ضِدّ اللّٰهْ إِلٰـهْ الْإِلٰـهَاتْ. وَ هُو يَنْجَحْ فِي كُلَّ شَيّءْ الْيِسَوِّيهْ لَحَدِّي غَضَبْ اللّٰهْ يَنْزِلْ فَوْقَهْ وَ يِتِمّ وَكْتَهْ أَشَانْ أَكِيدْ اللّٰهْ يِحَقِّقْ كَلَامَهْ.

دَنْيال 4:30

وَ قَالْ: «دِي مَا بَابِلْ الْكَبِيرَةْ الْأَنَا بَنَيْتهَا أَشَانْ تَبْقَى عَاصِمَةْ لِمَمْلَكَتِي وَلَّا؟ وَ أَنَا بَنَيْتهَا بِقُدُرْتِي وَ قُوِّتِي وَ شَرَفِي وَ مَجْدِي.»

أفَسُس 4:17

وَ دَاهُو نِوَصِّيكُو بِأُسُمْ الرَّبّ، أَسْمَعَوْا كَلَامِي عَدِيلْ. مَا تِعِيشُوا بَتَّانْ مِثِلْ النَّاسْ الْمَا مُؤمِنِينْ. هُمَّنْ يِتَابُعُوا الْفِكِرْ الْبَاطِلْ.

2 بُطْرُس 2:2

وَ نَاسْ كَتِيرِينْ يِتَابُعُوهُمْ فِي فَسَادْهُمْ وَ بِسَبَبْهُمْ، النَّاسْ يُقُولُوا كَلَامْ فَسِلْ فِي دَرِبْ الْحَقّ.

2 بُطْرُس 2:7

وَ نَعَرْفُوا اللّٰهْ فَزَعْ لُوطْ. وَ لُوطْ هُو نَادُمْ صَالِحْ التِّعِبْ زِيَادَةْ بِسَبَبْ فَسَادْ الْعَاصِيِينْ.

2 بُطْرُس 2:14

أَيِّ مَرَةْ الْيِشِيفُوهَا، فِي فِكِرْهُمْ يَزْنَوْا بَيْهَا. يِرِيدُوا الذُّنُوبْ وَ شَهْوِتْهُمْ أَبَداً مَا تَشْبَعْ. وَ يِدِسُّوا مَعَاهُمْ فِي الذُّنُوبْ النَّاسْ الْمَا قَوِيِّينْ فِي الْإِيمَانْ. هُمَّنْ مُدَرَّبِينْ فِي الطَّمَعْ وَ مَلْعُونِينْ.

2 بُطْرُس 3:17

وَ لَيْكُو إِنْتُو يَا أَخْوَانِي النِّحِبُّكُو، تَعَرْفُوا الْكَلَامْ دَا مِنْ أَوَّلْ. وَ أَشَانْ دَا، أَوْعُوا بَالْكُو وَ مَا تِخَلُّوا كِدِبْ الْعَاصِيِينْ يِوَدِّيكُو فِي دَرِبْهُمْ وَ يِتَلِّفْ إِيمَانْكُو الثَّابِتْ.

1 مُلوك 13:19

وَ خَلَاصْ، النَّبِي قَبَّلْ مَعَايَهْ فِي بَيْتَهْ وَ أَكَلْ أَكِلْ وَ شِرِبْ أَلْمِي.

حِزْقِيال 35:13

إِنْتَ حَجَّيْت فَوْقِي بِإِسْتِكْبَارْ وَ كَتَّرْت كَلَامَكْ ضِدِّي وَ أَنَا سِمِعْتَهْ.›»