2 بُطْرُس 2:16 - الكتاب المقدس بالعربي الدارجي هنا تشاد

¹⁶ لَاكِنْ اللّٰهْ هَرَجْ لَيَّهْ فِي شَانْ الْخَطَايَا السَّوَّاهُمْ. الْحُمَارْ بَهِيمَةْ بَكْمَةْ لَاكِنْ حَجَّى لَيَّهْ بِحِسّ إِنْسَانِي وَ دَحَرْ النَّبِي مَا يِسَوِّي خِدْمَةْ هَنَا نَادُمْ الْعَقْلَهْ لَفَّ.

2 بُطْرُس 2:16 Referenca të Kryqëzuara

أعمال الرُسُل 26:11

وَ أَنَا قَاعِدْ نِتَعِّبْهُمْ بِلْحَيْن فِي كُلَّ بُيُوتْ الصَّلَاةْ وَ جَبَرْتُهُمْ أَشَانْ يَكْفُرُوا بِعِيسَى. وَ أَنَا زَعْلَانْ مِنْهُمْ زَعَلْ شَدِيدْ لَحَدِّي مَرَقْت مِنْ بَلَدْنَا كُلَ لِنِتَعِّبْهُمْ فِي حِلَّالْ الْبَرَّا مِنْ بَلَدْنَا.

لُوقا 16:11

وَ كَنْ أَوَّلْ إِنْتُو مَا أَمِينِينْ فِي مَالْ هَنَا الدُّنْيَا دِي، كِكَّيْف اللّٰهْ يِكَلِّفْكُو بِشُغُلْ عِنْدَهْ قِيمَةْ زِيَادَةْ مِنَّهْ؟

هُوشَع 9:7

يَوْم الْعِقَابْ جَاءْ وَ يَوْم الْحِسَابْ وَصَّلْ. خَلِّي بَنِي إِسْرَائِيلْ يَعَرْفُوهْ! هُمَّنْ قَالَوْا: «النَّبِي مُنَافِقْ وَ النَّادُمْ النَّزَلْ فَوْقَهْ رُوحْ اللّٰهْ دَا، مُشَوْطِنْ.» خَطَايَاهُمْ بِقَوْا كَتِيرِينْ وَ عَدَاوِتْهُمْ بِقَتْ شَدِيدَةْ.

جامِعة 9:3

وَ دَاهُو الْفَسَالَةْ الْقَاعِدَةْ تُكُونْ فِي الْأَرْض. نَفْس الشَّيّءْ يَرْجَى كُلَّ النَّاسْ. وَ قُلُوبْ النَّاسْ مَلَانِينْ بِالْفَسَالَةْ وَ الْجَهَلْ كُلَ قَاعِدْ فِي كُلَّ مُدَّةْ حَيَاتْهُمْ. وَ بَعَدْ دَا، الْمَوْت قَاعِدْ يَرْجَاهُمْ.

جامِعة 7:25

أَنَا شِلْت نِيَّةْ بِكُلَّ قَلْبِي لِنِفَتِّشْ وَ نَكْشِفْ الْحِكْمَةْ وَ الْعَقُلْ وَ لِنَعَرِفْ الْفَسَالَةْ هِي الطَّمَاسَةْ وَ طَمَاسَةْ هِي الْجَهَالَةْ.

زَبُور 39:11

لِلْإِنْسَانْ، تِأَدِّبَهْ وَ تِعَاقِبَهْ حَسَبْ خَطَايَهْ. وَ مِثِلْ السُّوسَةْ تَاكُلْ الْحَطَبْ، إِنْتَ تِدَمِّرْ أَيِّ شَيّءْ الْيِحِبَّهْ. وَ كُلَّ النَّاسْ يُزُولُوا. وَقْفَةْ.