2 بُطْرُس 2:10 - الكتاب المقدس بالعربي الدارجي هنا تشاد

¹⁰ وَ مِثِلْ دَا، أَكِيدْ يِعَاقِبْ النَّاسْ الْيِتَابُعُوا شَهْوَاتْهُمْ الْخَبِيثَةْ التِّنَجِّسْهُمْ وَ يَحْقُرُوا سُلْطَةْ الرَّبّ. هُمَّنْ مُسْتَكْبِرِينْ وَ مُتَمَرِّدِينْ وَ هَيِّنْ لَيْهُمْ يُقُولُوا كَلَامْ فَسِلْ فِي سُكَّانْ الْمَجْد.

2 بُطْرُس 2:10 Referenca të Kryqëzuara

يَهُوذَا 1:16

وَ النَّاسْ دَوْل زَعْلَانِينْ وَ شَكَّايِينْ. هُمَّنْ يِتَابُعُوا شَهْوَاتْهُمْ بَسْ. وَ يِكَلُّمُوا بِكِبْرِيَاءْ وَ يَشْكُرُوا النَّاسْ بِكِدِبْ أَشَانْ يَلْقَوْا مِنْهُمْ فَايْدَةْ.

يَهُوذَا 1:10

بِالْعَكْس، النَّاسْ دَوْل يُقُولُوا كَلَامْ فَسِلْ فِي أَيِّ شَيّءْ الْمَا فِهْمَوْه. هُمَّنْ مِثِلْ الْحَيْوَانَاتْ، مَا عِنْدُهُمْ عَقُلْ. يِتَابُعُوا أَيِّ شَيّءْ الْيَجِي لَيْهُمْ فِي فِكِرْهُمْ وَ أَشَانْ دَا، أَكِيدْ يِدَّمَّرَوْا.

يَهُوذَا 1:18

أَوْرَوْكُو كَدَرْ فِي الزَّمَنْ الْأَخِيرْ، فِيَّهْ شَمَّاتِينْ الْيِتَابُعُوا شَهْوَاتْهُمْ الْفَسْلِينْ.

خُروج 22:28

«مَا تِعَيِّرْنِي أَنَا الرَّبّ وَ مَا تَلْعَنْ كَبِيرْ شَعَبَكْ.

2 بُطْرُس 3:3

وَ دَاهُو أَوَّلْ شَيّءْ الْوَاجِبْ تَفْهَمَوْه. فِي الزَّمَنْ الْأَخِيرْ شَمَّاتِينْ يُقُمُّوا وَ يِشَّمَّتَوْا. وَ يِتَابُعُوا شَهْوَاتْهُمْ بَسْ.

يَهُوذَا 1:4

أَشَانْ فِي نَاسْ وَاحِدِينْ فَسْلِينْ أَنْدَسَّوْا أَمْبَيْنَاتْكُو بِعَشِيرْ. وَ هُمَّنْ قَاعِدِينْ يِعَوُّجُوا كَلَامْ رَحْمَةْ اللّٰهْ لِيِحَلُّلُوا بَيَّهْ الْمُحَرَّمَاتْ. وَ بَيْدَا، يَنْكُرُوا عِيسَى الْمَسِيحْ الْهُو بَسْ سَيِّدْنَا وَ رَبِّنَا. وَ مِنْ زَمَانْ، الْكِتَابْ حَجَّى بِالْعَذَابْ الْيَرْجَاهُمْ.

أفَسُس 5:5

نِأَكِّدْ لَيْكُو كَنْ نَادُمْ زَنَّايْ وَلَّا نِجِسْ وَلَّا طَمَّاعْ، هُو مَا يَلْقَى شَيّءْ فِي مَمْلَكَةْ اللّٰهْ وَ الْمَسِيحْ. الطَّمَعْ هُو مِثِلْ عِبَادَةْ الْأَصْنَامْ.

لُوقا 19:14

وَ شَعَبْ بَلَدَهْ كِرْهَوْه وَ رَسَّلَوْا وَرَايَهْ مُمَثِّلِينْ أَشَانْ يُقُولُوا: ‹مَا نِدَوْرُوا النَّادُمْ دَا يَبْقَى فَوْقنَا مَلِكْ.›

عِبْرَانِيِّين 13:4

كُلُّكُو أَحْتَرُمُوا الْأَخِيدَةْ. مَا تِخَلُّوا الزِّنَى يِنَجِّسْ سَرَايِرْكُو الزَّوْجِيَّةْ أَشَانْ تَعَرْفُوا كَدَرْ اللّٰهْ يِحَاسِبْ كُلَّ الزَّنَّايِينْ، كَنْ مَاخْدِينْ وَلَّا مَا مَاخْدِينْ كُلَ.

تِيطُس 1:7

مَسْؤُولْ الْمُؤمِنِينْ، هُو وَكِيلْ اللّٰهْ وَ أَشَانْ دَا، وَاجِبْ يَبْقَى نَادُمْ مَا عِنْدَهْ عَيْب. مَا وَاجِبْ يَبْقَى نَادُمْ مُسْتَكْبِرْ وَ لَا نَادُمْ الْيَزْعَلْ عَجَلَةْ وَ لَا سَكَّارِي وَ لَا سِيدْ الْمَشَاكِلْ وَ لَا نَادُمْ الْيِرِيدْ رِبَا الْحَرَامْ.

كُلُوسِي 3:5

أَشَانْ دَا، قُشُّوا مَرَّةْ وَاحِدْ مِنْ أَفْكَارْكُو كُلَّ شَيّءْ الْمِنْ الْأَرْض مِثِلْ الزِّنَى وَ الْحَالْ الشَّيْنَةْ وَ الشَّهْوَاتْ الْفَسْلِينْ وَ النِّيَّةْ الْفَسْلَةْ وَ الطَّمَعْ. وَ بِالصَّحِيحْ، الطَّمَعْ هُو مِثِلْ عِبَادَةْ الْأَصْنَامْ.

1 كُرُنْتُس 6:9

نِسِيتُوا كَدَرْ الْمُذْنِبِينْ مَا يَوْرُثُوا مَمْلَكَةْ اللّٰهْ وَلَّا؟ مَا تُغُشُّوا نُفُوسْكُو. كَنْ نَادُمْ فَاسِقْ وَلَّا عَابِدْ أَصْنَامْ وَلَّا زَنَّايْ وَلَّا شَمْرَوْخَةْ وَلَّا لُوطِي

أعمال الرُسُل 23:5

وَ بُولُسْ رَدَّ لَيْهُمْ وَ قَالْ: «يَا الْأَخْوَانْ، أَنَا مَا عِرِفْت كَدَرْ هُو كَبِيرْ رُجَالْ الدِّينْ. أَشَانْ مَكْتُوبْ فِي الْكِتَابْ: <مَا تُقُولْ كَلَامْ فَسِلْ فِي كَبِيرْ شَعَبَكْ.>»

جامِعة 10:20

مَا تَلْعَنْ الْمَلِكْ حَتَّى فِي دَاخَلْ قَلْبَكْ كُلَ وَ فِي بَيْتَكْ وِحَيْدَكْ، مَا تَلْعَنْ الْغَنِيْ. أَشَانْ الطَّيْرَايْ تِوَدِّي الْخَبَرْ وَ تِحَجِّي بِالشَّيّءْ الْإِنْتَ قُلْتَهْ.

1 تَسَلونِيكِي 4:7

أَشَانْ اللّٰهْ مَا نَادَانَا لِلْفَسَادْ. اللّٰهْ نَادَانَا لِنَبْقَوْا صَالِحِينْ.

2 كُرُنْتُس 10:3

صَحِيحْ، أَنِحْنَ عَايْشِينْ فِي الدُّنْيَا لَاكِنْ مَا نِحَارُبُوا مِثِلْ نَاسْ الدُّنْيَا.

رَوْمَا 8:1

وَ هَسَّعْ خَلَاصْ، مَا فِي أَبَداً هَلَاكْ لِلنَّاسْ الْقَاعِدِينْ فِي عِيسَى الْمَسِيحْ.

إرْمِيا 2:31

وَ إِنْتُو نَاسْ الْيَوْم دَوْل، أَسْمَعَوْا كَلَامِي أَنَا اللّٰهْ. يَا بَنِي إِسْرَائِيلْ، هَلْ أَنَا بِقِيتْ لَيْكُو مُخِيفْ مِثِلْ الصَّحَرَاء؟ وَلَّا بِقِيتْ لَيْكُو مِثِلْ الْبَلَدْ الْعِنْدَهَا ضَلَامْ أَزْرَقْ كُرُمْ؟ مَالَا نَاسْ شَعَبِي بُقُولُوا: ‹يَلَّا نَمْشُوا! مَا نِقَبُّلُوا لَيْك أَبَداً!›

زَبُور 12:4

هُمَّنْ يُقُولُوا: «بِلِسْنَيْنَا نِنَّصُرُوا وَ خُشُومْنَا هِنَيْنَا، يَاتُو يَحْكِمْ فَوْقنَا؟»

1 مُلوك 12:16

وَ وَكِتْ كُلَّ قَبَايِلْ بَنِي إِسْرَائِيلْ شَافَوْا كَدَرْ الْمَلِكْ مَا سِمِعْ كَلَامْهُمْ دَا، قَالَوْا لَيَّهْ: «شُنُو الْيِلِمِّنَا مَعَ ذُرِّيَّةْ دَاوُدْ؟ أَنِحْنَ مَا عِنْدِنَا وَرَثَةْ مَعَ عِيَالْ يَسَّى! يَلَّا، يَا قَبَايِلْ إِسْرَائِيلْ، خَلِّي أَيِّ وَاحِدْ يِقَبِّلْ بَيْتَهْ! وَ هَسَّعْ دَا، يَا ذُرِّيَّةْ دَاوُدْ، هِمُّوا بِنُفُوسْكُو.» وَ بَنِي إِسْرَائِيلْ شَتَّوْا وَ قَبَّلَوْا بُيُوتْهُمْ.

2 صَمُوِيل 20:1

وَ هِنَاكْ فِي قِلْقَالْ، فِيَّهْ رَاجِلْ وَاحِدْ مَا نَافِعْ أُسْمَهْ شَبَعْ وِلَيْد بِكْرِي مِنْ قَبِيلَةْ بَنْيَامِينْ. وَ هُو ضَرَبْ الْبُوقْ وَ قَالْ: «شُنُو الْيِلِمِّنَا مَعَ ذُرِّيَّةْ دَاوُدْ؟ أَنِحْنَ مَا عِنْدِنَا وَرَثَةْ مَعَ عِيَالْ يَسَّى. يَلَّا، يَا بَنِي إِسْرَائِيلْ، خَلِّي أَيِّ وَاحِدْ يِقَبِّلْ بَيْتَهْ!»

1 صَمُوِيل 10:27

وَ لَاكِنْ نَاسْ وَاحِدِينْ الْمَا نَافْعِينْ قَالَوْا: «هُو دَا يِنَجِّينَا وَلَّا؟» هُمَّنْ كِرْهَوْه وَ مَا قَدَّمَوْا لَيَّهْ هَدَايَا. وَ شَاوُولْ مَا قَالْ شَيّءْ.

عَدد 15:30

«‹وَ كَنْ نَادُمْ مِنْ بَنِي إِسْرَائِيلْ أَوْ أَجْنَبِي قَاعِدْ مَعَاهُمْ كُلَ كَنْ سَوَّى ذَنِبْ بِنِيّتَهْ، النَّادُمْ دَا سَوَّى جَرِيمَةْ ضِدّ اللّٰهْ. وَ بِسَبَبْ دَا، وَاجِبْ يَفْصُلُوهْ مِنْ أَهَلَهْ.

تكوين 49:6

لَاكِنْ أَنَا مَا نِشْتَرِكْ مَعَاهُمْ وَ قَلْبِي مَا يَرْضَى بِفِعِلْهُمْ دَا. أَشَانْ فِي زَعَلْهُمْ، هُمَّنْ كَتَلَوْا رُجَالْ وَ فِي غَبِينِتْهُمْ، عَوَّقَوْا تِيرَانْ.

أفَسُس 4:19

قُلُوبْهُمْ مَيْتِينْ وَ سَلَّمَوْا نُفُوسْهُمْ لِشَهْوَاتْهُمْ الْفَسْلِينْ. وَ بِنِيَّةْ وَاحِدَةْ، يِتَابُعُوا الْحَالْ الشَّيْنَةْ.

2 تِمُوتَاوُس 3:2

وَ فِي الزَّمَنْ دَا، النَّاسْ يِحِبُّوا نُفُوسْهُمْ بِزِيَادَةْ وَ يِحِبُّوا الْقُرُسْ بِلْحَيْن. وَ يَبْقَوْا فَشَّارِينْ وَ مُسْتَكْبِرِينْ وَ يِكَلُّمُوا كَلَامْ كُفُرْ وَ يَبْقَوْا عَايْقِينْ وَالْدَيْنهُمْ وَ نَسَّايِينْ الْخَيْر وَ فَاسْدِينْ.

لُوقا 11:25

وَ يِقَبِّلْ لِلنَّادُمْ دَا وَ يَلْقَاهْ مِثِلْ بَيْت نَضِيفْ وَ مُفَرَّشْ.