2 بُطْرُس 2:1 - الكتاب المقدس بالعربي الدارجي هنا تشاد

¹ لَاكِنْ زَمَانْ، فِي أَنْبِيَاء كَدَّابِينْ وَاحِدِينْ قَمَّوْا فِي أُسُطْ شَعَبْ بَنِي إِسْرَائِيلْ. وَ مِثِلْ دَا، فِي أُسُطْكُو إِنْتُو كُلَ، مُعَلِّمِينْ كَدَّابِينْ يُقُمُّوا. هُمَّنْ يِنْدَسَّوْا أَمْبَيْنَاتْكُو بِغَشّ وَ يِوَزُّعُوا تَعْلِيمْهُمْ الْيِوَدِّي النَّاسْ فِي الْهَلَاكْ لَحَدِّي يَنْكُرُوا سَيِّدْهُمْ الْفَدَاهُمْ كُلَ. وَ بِكَلَامْهُمْ دَا، يِجِيبُوا الْهَلَاكْ فِي نُفُوسْهُمْ بِسُرْعَةْ.

2 بُطْرُس 2:1 Referenca të Kryqëzuara

مَتَّى 7:15

«أَنْقَرْعُوا مِنْ النَّاسْ الْيِسَوُّوا نُفُوسْهُمْ أَنْبِيَاء. يَجُوا لَيْكُو ضَلُولِينْ مِثِلْ عِيَالْ غَنَمْ وَ لَاكِنْ فِي قُلُوبْهُمْ هُمَّنْ مِثِلْ مَرَافْعِينْ الْيِدَوْرُوا يَاكُلُوكُو.

يَهُوذَا 1:4

أَشَانْ فِي نَاسْ وَاحِدِينْ فَسْلِينْ أَنْدَسَّوْا أَمْبَيْنَاتْكُو بِعَشِيرْ. وَ هُمَّنْ قَاعِدِينْ يِعَوُّجُوا كَلَامْ رَحْمَةْ اللّٰهْ لِيِحَلُّلُوا بَيَّهْ الْمُحَرَّمَاتْ. وَ بَيْدَا، يَنْكُرُوا عِيسَى الْمَسِيحْ الْهُو بَسْ سَيِّدْنَا وَ رَبِّنَا. وَ مِنْ زَمَانْ، الْكِتَابْ حَجَّى بِالْعَذَابْ الْيَرْجَاهُمْ.

2 بُطْرُس 2:3

طَمَعْهُمْ كَتِيرْ لِلْمَالْ وَ يَكْدُبُوا لَيْكُو وَ يِشِيلُوا مِنْكُو بِكَلَامْ غَشّ. وَ مِنْ زَمَانْ، اللّٰهْ قَرَّرْ لَيْهُمْ الْعَذَابْ وَ أَكِيدْ الْهَلَاكْ الْيَجِي فَوْقهُمْ جَاهِزْ.

2 تِمُوتَاوُس 4:3

فِي الْوَكِتْ الْجَايِ، النَّاسْ يَابَوْا مَا يَحْمَلَوْا التَّعْلِيمْ الْعَدِيلْ. يِتَابُعُوا الْكَلَامْ الْحَلُو لَيْهُمْ وَ يِشِيلُوا مُعَلِّمِينْ كَتِيرِينْ الْيُقُولُوا الْكَلَامْ الْيَعَجِبْ النَّاسْ بَسْ.

مَتَّى 24:11

وَ نَاسْ كَتِيرِينْ يِسَوُّوا نُفُوسْهُمْ أَنْبِيَاء وَ يُغُشُّوا نَاسْ كَتِيرِينْ.

غَلاطِية 2:4

حَتَّى كَانْ أَخْوَانْ وَاحِدِينْ مَا مُؤمِنِينْ بِالصَّحِيحْ، أَنْدَسَّوْا أَمْبَيْنَاتْنَا وَ دَوَّرَوْا يِطَهُّرُوهْ. هُمَّنْ جَوْا بِتَلْبِيدْ يِجَاسُسُوا فِي الْحُرِّيَّةْ الْعِنْدِنَا بِالْمَسِيحْ عِيسَى أَشَانْ دَوَّرَوْا يَرْبُطُوا فَوْقنَا عَادَاتْ الْيَهُودْ لَحَدِّي نَبْقَوْا مِثِلْ عَبِيدْ.

1 كُرُنْتُس 11:19

أَيْوَى، لَابُدَّ إِنْتُو مُنْقَسِمِينْ أَشَانْ كَنْ الْخِلَافْ أَمْبَيْنَاتْكُو مَا فِيهْ، كِكَّيْف النَّاسْ الْإِيمَانْهُمْ ثَابِتْ يِنْعَرْفُوا؟

1 يُوحَنَّا 4:1

يَا الْمَحْبُوبِينْ، مَا تِصَدُّقُوا بِكُلَّ النَّاسْ الْيُقُولُوا هُمَّنْ يِحَجُّوا بِقُدْرَةْ الرُّوحْ. جَرُّبُوهُمْ أَشَانْ تِأَكُّدُوا كَنْ كَلَامْهُمْ مِنْ اللّٰهْ. نَاسْ كَتِيرِينْ سَوَّوْا نُفُوسْهُمْ أَنْبِيَاء وَ قَمَّوْا يُرُوغُوا فِي الدُّنْيَا.

كُلُوسِي 2:8

خُطُّوا بَالْكُو أَشَانْ نَادُمْ مَا يُغُشُّكُو. فِيَّهْ نَاسْ يِعَلُّمُوا بِتَعْلِيمْ بَاطِلْ الْيُغُشُّوا بَيَّهْ النَّاسْ. فِكِرْهُمْ دَا جَايِ مِنْ عَادَاتْ جُدُودْهُمْ بَسْ وَ مِنْ شُرُوطْ عَادَاتْ الدُّنْيَا وَ مَا جَايِ مِنْ الْمَسِيحْ.

تِيطُس 3:10

وَ أَيِّ نَادُمْ الْيِحَجِّي كَلَامْ شِقْ وَ يِفَرِّقْ بَيَّهْ الْأَخْوَانْ، حَذِّرَهْ مَرَّةْ وَاحِدَةْ وَ حَذِّرَهْ مَرَّةْ تَانِيَةْ وَ بَعَدْ دَا، أَقْطَعْ مَعَايَهْ الْعَلَاقَةْ.

تِيطُس 1:11

وَاجِبْ نِوَقُّفُوهُمْ أَشَانْ تَلَّفَوْا إِيمَانْ هَنَا كُلَّ النَّاسْ فِي بُيُوتْ وَاحِدِينْ بِتَعْلِيمْهُمْ. قَاعِدِينْ يِعَلُّمُوا كَلَامْ مَا عَدِيلْ أَشَانْ يَرْبَحَوْا قُرُسْ بِكِدِبْهُمْ.

فِلِبِّي 3:19

وَ فِي الأَخِيرْ، هُمَّنْ يَمْشُوا فِي الْهَلَاكْ. بُطُونْهُمْ بِقَوْا لَيْهُمْ رَبُّهُمْ وَ أَشَانْ دَا، يِتَابُعُوا شَهْوَاتْهُمْ بَسْ. الشَّيّءْ الْيِعَيِّبْهُمْ، دَا بَسْ الْيِفَاشُرُوا بَيَّهْ. وَ عُقُولْهُمْ ثَابْتِينْ فِي خُمَامْ الدُّنْيَا بَسْ.

1 كُرُنْتُس 6:20

هُو فَدَاكُو بِتَمَنْ غَالِي. أَشَانْ دَا، خَلِّي كُلَّ شَيّءْ التِّسَوُّوا بِجِسِمْكُو يِمَجِّدْ اللّٰهْ.

مَرْخُوس 13:22

أَشَانْ نَاسْ كَتِيرِينْ يَجُوا وَ يُقُولُوا هُمَّنْ الْمَسِيحْ وَلَّا يُقُولُوا بِكِدِبْ هُمَّنْ أَنْبِيَاء. وَ يِسَوُّوا عَلَامَاتْ وَ عَجَايِبْ لِيُغُشُّوا، كَنْ مُمْكِنْ، حَتَّى النَّاسْ الْاللّٰهْ عَزَلَاهُمْ.

رُؤية 5:9

وَ غَنَّوْا غِنَيْ جَدِيدْ وَ دَاهُو غِنَيْهُمْ. «إِنْتَ بَسْ الْوَاجِبْ تِشِيلْ الْمَكْتُوبْ وَ تُفُكّ خِتْمَهْ أَشَانْ إِنْتَ دَبَحَوْك وَ بِدَمَّكْ، فَدَيْت النَّاسْ وَ قَدَّمْتُهُمْ لِلّٰهْ مِنْ أَيِّ قَبِيلَةْ وَ أَيِّ لُغَّةْ وَ مِنْ أَيِّ شَعَبْ وَ أَيِّ أُمَّةْ.

رُؤية 2:9

أَنَا نَعَرِفْ التَّعَبْ اللِّقَاكْ وَ نَعَرِفْ إِنْتَ بِقِيتْ مِسْكِينْ وَ لَاكِنْ عِنْدَكْ بَرَكَةْ كَبِيرَةْ. وَ نَعَرِفْ الْكَلَامْ الْفَسِلْ الْيُقُولُوهْ فَوْقَكْ النَّاسْ الْيِسَوُّوا نُفُوسْهُمْ يَهُودْ وَ لَاكِنْ هُمَّنْ مَا يَهُودْ. يِصَلُّوا فِي بَيْت الصَّلَاةْ وَ لَاكِنْ هُمَّنْ جَمَاعَةْ إِبْلِيسْ.

عِبْرَانِيِّين 10:29

هَايْ! فَكُّرُوا فِي الْعِقَابْ الْوَاجِبْ لِلنَّادُمْ الْخَلَّى دَرِبْ الْمَسِيحْ! هُو حَقَرْ إِبْن اللّٰهْ حُقْرَةْ شَدِيدَةْ. دَمّ الْمُعَاهَدَةْ الْبَيَّهْ هُو بِقِي خَاصّ لِلّٰهْ، هُو جَعَلَهْ مَا عِنْدَهْ قِيمَةْ. وَ عَيَّرْ الرُّوحْ الْأَنْطَاهْ الرَّحْمَةْ.

كُلُوسِي 2:18

أَنْقَرْعُوا مِنْ كُلَّ النَّاسْ الْيِدَوْرُوا يِسَوُّوكُو تَبْقَوْا ضَلُولِينْ بِلْحَيْن فِي الْعِبَادَةْ وَ يِسَوُّوكُو تَسْجُدُوا لِلْمَلَائِكَةْ. نَاسْ مِثِلْ دَوْل يَدْحَرَوْكُو مَا تَلْقَوْا النَّصُرْ. هُمَّنْ يِحَجُّوا كَتِيرْ بِالشَّيّءْ الْهُمَّنْ بُقُولُوا شَافَوْه فِي الرُّؤْيَةْ وَ يِسْتَكْبَرَوْا بَلَا سَبَبْ. أَفْكَارْهُمْ أَفْكَارْ الْإِنْسَانْ بَسْ.

أفَسُس 4:14

وَ مِثِلْ دَا، مَا نَبْقَوْا بَتَّانْ مِثِلْ عِيَالْ مَا عِنْدُهُمْ ثَبَاتْ. أَنِحْنَ مَا مِثِلْ مَرَاكِبْ دُقَاقْ فِي الْبَحَرْ الْيِشِيلْهُمْ الشَّلَّالْ وَ التُّسُوقْهُمْ الرِّيحْ. وَ دَا مِثِلْ تَعْلِيمْ الْمَا صَحِيحْ وَ النَّجَاضَةْ الْيُغُشُّوا بَيْهَا النَّاسْ وَ يِوَدُّرُوهُمْ.

مَتَّى 24:24

أَشَانْ نَاسْ كَتِيرِينْ يَجُوا وَ يُقُولُوا هُمَّنْ الْمَسِيحْ وَلَّا يُقُولُوا بِكِدِبْ هُمَّنْ أَنْبِيَاء. وَ يِسَوُّوا عَلَامَاتْ كُبَارْ وَ عَجَايِبْ لَحَدِّي يُغُشُّوا النَّاسْ الْاللّٰهْ عَزَلَاهُمْ، كَنْ دَا مُمْكِنْ.

مَتَّى 10:33

وَ أَيِّ نَادُمْ الْيَنْكُرْنِي قِدَّامْ النَّاسْ، أَنَا كُلَ نَنْكُرَهْ قِدَّامْ أَبُويِ اللّٰهْ.

رُؤية 13:14

وَ غَشَّ كُلَّ سُكَّانْ الْأَرْض بِالْعَجَايِبْ الْعِنْدَهْ إِذِنْ يِسَوِّيهُمْ قِدَّامْ الْحَيْوَانْ الْأَوَّلْ. وَ أَمَرْ النَّاسْ أَشَانْ يَصْنَعَوْا صَنَمْ فِي صُورَةْ الْحَيْوَانْ الْجَرَحَوْه بِالْسَّيْف وَ مَاتْ وَ بَتَّانْ حِيِي.

رُؤية 2:13

أَنَا نَعَرِفْ الْبَكَانْ الْإِنْتُو سَاكْنِينْ فَوْقَهْ وَ هُو الْبَكَانْ الْإِبْلِيسْ خَطَّ فَوْقَهْ كُرْسِي حَقَّهْ. وَ إِنْتُو مُنْكَرِبِينْ فِي أُسْمِي. وَ إِنْتُو مَا نَكَرْتُوا إِيمَانْكُو بَيِّ وَكِتْ كَتَلَوْا أَنْتِبَاسْ فِي أُسُطْكُو وَ هُو شَهَدْ لَيِّ شَهَادَةْ ثَابْتَةْ فِي الْبَكَانْ الْإِبْلِيسْ سَاكِنْ فَوْقَهْ.

يَهُوذَا 1:18

أَوْرَوْكُو كَدَرْ فِي الزَّمَنْ الْأَخِيرْ، فِيَّهْ شَمَّاتِينْ الْيِتَابُعُوا شَهْوَاتْهُمْ الْفَسْلِينْ.

1 يُوحَنَّا 2:26

وَ الْكَلَامْ دَا كَتَبْتَهْ لَيْكُو بِسَبَبْ النَّاسْ الْيِدَوْرُوا يَمُرْقُوكُو مِنْ الدَّرِبْ الصَّحِيحْ.

1 بُطْرُس 1:8

وَ الْمَسِيحْ دَا، إِنْتُو تِحِبُّوهْ حَتَّى كَانْ مَا شِفْتُوهْ كُلَ. وَ كَنْ إِنْتُو مَا قَاعِدِينْ تِشِيفُوهْ كُلَ، إِنْتُو مُؤمِنِينْ بَيَّهْ وَ تَفْرَحَوْا بَيَّهْ بِفَرْحَةْ مَجِيدَةْ وَ كَبِيرَةْ الْأَبَداً مَا تِلْوَصَّفْ.

أفَسُس 1:7

إِبْنَهْ فَدَانَا بِدَمَّهْ وَ بَيَّهْ هُو، اللّٰهْ غَفَرْ لَيْنَا خَطَايَانَا. دِي بَسْ نِعْمَتَهْ الْعَظِيمَةْ

غَلاطِية 5:20

وَ عِبَادَةْ الْأَصْنَامْ وَ السِّحِرْ وَ الْهُرَاجْ وَ الدُّوَاسْ وَ الْحُسُدْ وَ الْغَبِينَةْ وَ الْخِلَافْ وَ الْمُخَاصَمَاتْ وَ التَّفْرِقَةْ

غَلاطِية 4:17

النَّاسْ الْيِدَوْرُوا يِجِيبُوكُو فِي دَرِبْهُمْ دَوْل يَخْدُمُوا أَمْبَيْنَاتْكُو بِنِيَّةْ وَاحِدَةْ لَاكِنْ نِيِّتْهُمْ مَا عَدِيلَةْ. يِدَوْرُوا يِفَارُقُوكُو مِنِّي. وَ يِدَوْرُوا إِنْتُو تِتَابُعُوهُمْ هُمَّنْ بَسْ بِنِيَّةْ وَاحِدَةْ.

رَوْمَا 16:18

النَّاسْ الْمِثِلْ دَوْل مَا يَخْدُمُوا لِرَبِّنَا الْمَسِيحْ لَاكِنْ يَخْدُمُوا لِبُطُونْهُمْ بَسْ. يِحَجُّوا لِلنَّاسْ بِكَلَامْ حَلُو وَ يَشْكُرُوهُمْ كَتِيرْ أَشَانْ يُغُشُّوا النَّاسْ الْعِنْدُهُمْ عِلِمْ شِيَّةْ بَسْ.

لُوقا 21:8

وَ قَالْ لَيْهُمْ: «خُطُّوا بَالْكُو وَ مَا تِخَلُّوا نَادُمْ يُغُشُّكُو. أَشَانْ نَاسْ كَتِيرِينْ يَجُوا بِأُسْمِي وَ يِحَجُّوا بِنُفُوسْهُمْ وَ يُقُولُوا: ‹أَنَا بَسْ الْمَسِيحْ!› وَلَّا بُقُولُوا: ‹الْوَكِتْ تَمَّ!› النَّاسْ دَوْل، مَا تِتَابُعُوهُمْ.

لُوقا 6:26

وَ الْعَذَابْ يَرْجَاكُو إِنْتُو كَنْ كُلَّ النَّاسْ يَشْكُرُوكُو. مَا تَنْسَوْا كَدَرْ زَمَانْ النَّاسْ شَكَرَوْهُمْ لِلْكَدَّابِينْ السَّوَّوْا نُفُوسْهُمْ أَنْبِيَاء.»

مَتَّى 24:5

أَشَانْ نَاسْ كَتِيرِينْ يَجُوا بِأُسْمِي وَ يِحَجُّوا بِنُفُوسْهُمْ وَ يُقُولُوا هُمَّنْ الْمَسِيحْ. وَ يُغُشُّوا نَاسْ كَتِيرِينْ.

مَلاخِـي 3:5

«وَ أَنَا نِقَرِّبْ لَيْكُو لِلشَّرِيعَةْ. وَ طَوَّالِي، نَشْهَدْ فِي السَّحَّارِينْ وَ الزَّنَّايِينْ وَ الْيَحَلْفُوا بِكِدِبْ وَ الْيَظُلْمُوا الْخَدَّامْ وَ الْأَرْمَلَةْ وَ الْأَتِيمْ وَ الْيَخْطَوْا فِي الْأَجْنَبِي. وَ هُمَّنْ دَوْل كُلُّهُمْ مَا يَخَافَوْا مِنِّي.» وَ دَا، اللّٰهْ الْقَادِرْ بَسْ قَالَهْ.

مِيخا 3:11

وَ الْقُضْيَاءْ يَقْطَعَوْا شَرِيعَةْ بِالرَّشْوَةْ وَ رُجَالْ الدِّينْ يِعَلُّمُوا كَلَامْ اللّٰهْ لِيَلْقَوْا فَايْدَةْ وَ الْأَنْبِيَاء يِتْنَبَّأَوْا لِيَلْقَوْا فُضَّةْ. هُمَّنْ يِتْوَكَّلَوْا عَلَيْ اللّٰهْ وَ يُقُولُوا: «اللّٰهْ مَا قَاعِدْ فِي أُسُطْنَا وَلَّا؟ الْفَسَالَةْ أَبَداً مَا تَلْحَقْنَا!»

مِيخا 3:5

وَ دَاهُو اللّٰهْ قَالْ كَلَامْ ضِدّ الْأَنْبِيَاء الْيِوَدُّرُوا شَعَبَهْ: «كَنْ سُنُونْهُمْ لِقَوْا شُغُلْ يَاكُلُوهْ، هُمَّنْ يُقُولُوا: ‹سَلَامْ، سَلَامْ!› وَ لَاكِنْ كَنْ نَادُمْ مَا دَسَّ لَيْهُمْ شَيّءْ فِي خَشُمْهُمْ، يِنَادُوا ضِدَّهْ بِالْحَرِبْ!

مَراثِي إرْمِيا 2:14

بِرُؤْيَةْ سَاكِتْ، أَنْبِيَائْكِ حَجَّوْكِ وَ مَا أَوْرَوْكِ بِالْخَطَا الْإِنْتِ سَوَّيْتِيهْ أَشَانْ تُتُوبِي وَ مَا يِوَدُّوكِ فِي الْغُرْبَةْ. بِرُؤْيَةْ، حَجَّوْكِ وَ بِكَلَامْ كِدِبْ، غَشَّوْكِ.

غَلاطِية 3:13

لَاكِنْ الْمَسِيحْ فَدَانَا مِنْ اللَّعَنَةْ الْجَايَةْ مِنْ التَّوْرَاةْ. هُو ذَاتَهْ بِقِي مَلْعُونْ فِي شَانَّا. أَشَانْ الْكِتَابْ بُقُولْ: <أَيِّ نَادُمْ الْمُعَلَّقْ فَوْق فِي الْحَطَبْ، هُو مَلْعُونْ.>

1 كُرُنْتُس 7:23

اللّٰهْ فَدَاكُو بِتَمَنْ غَالِي وَ أَشَانْ دَا، مَا تَبْقَوْا عَبِيدْ لِلنَّاسْ.

مِيخا 2:11

وَ كَنْ نَادُمْ يَجْرِي وَرَاءْ الرِّيحْ وَ يِتْنَبَّأْ بِكِدِبْ وَ يُقُولْ: «أَنَا نِتْنَبَّأْ لَيْكُو بِخَمَرْ وَ مَرِيسَةْ»، دَا بَسْ النَّبِي الْوَاجِبْ لَيْكُو إِنْتُو الشَّعَبْ دَا!

هُوشَع 9:8

النَّبِي الْقَاعِدْ مَعَ إِلٰـهِي، هُو مِثِلْ مُرَاقِبْ فِي نَاسْ أَفْرَايِمْ. وَ لَاكِنْ يُكُجُّوا لَيَّهْ شَرَكْ فِي كُلَّ دُرُوبَهْ وَ يِوَجُّهُوهْ بِالْعَدَاوَةْ فِي بَيْت إِلٰـهَهْ.

إرْمِيا 37:19

وَ وَيْن أَنْبِيَائْكُو الْغَشَّوْكُو وَ قَالَوْا: ‹مَلِكْ بَابِلْ مَا يَجِي ضِدُّكُو وَلَّا ضِدّ الْبَلَدْ دِي.›

إشَعْيا 9:15

الْكُبَارَاتْ وَ الْأَجَاوِيدْ، هُمَّنْ الرَّاسْ. وَ الْأَنْبِيَاء الْيِتْنَبَّأَوْا بِكِدِبْ، هُمَّنْ الدَّنَبْ.

1 مُلوك 22:6

وَ مَلِكْ مَمْلَكَةْ إِسْرَائِيلْ لَمَّ الْأَنْبِيَاء وَ عَدَدْهُمْ 400 رَاجِلْ وَ قَالْ لَيْهُمْ: «هَلْ نَمْشِي نَهْجِمْ حِلَّةْ رَامُوتْ الْفِي قِلْعَادْ وَلَّا مَا نَمْشِي؟» وَ هُمَّنْ رَدَّوْا لَيَّهْ وَ قَالَوْا: «أَمْشِي! الرَّبّ يِسَلِّمْهَا لَيْك فِي إِيدَكْ، يَا الْمَلِكْ!»

رُؤية 3:8

أَنَا نَعَرِفْ كُلَّ شَيّءْ السَّوَّيْتَهْ. وَ نَعَرِفْ عِنْدَكْ قُدْرَةْ شِيَّةْ بَسْ وَ لَاكِنْ مَا فَشَلْت. إِنْتَ تَابَعْت كَلَامِي عَدِيلْ وَ مَا نَكَرْت أُسْمِي. وَ شِيفْ، أَنَا فَتَحْت الدَّرِبْ قِدَّامَكْ وَ مَا فِي نَادُمْ الْيَقْدَرْ يِسِدَّهْ.

لُوقا 12:9

وَ لَاكِنْ أَيِّ نَادُمْ الْيَنْكُرْنِي قِدَّامْ النَّاسْ، أَنَا كُلَ نَنْكُرَهْ قِدَّامْ مَلَائِكَةْ اللّٰهْ.

تَثْنِية 32:6

وَ مِثِلْ دَا بَسْ، تِسَوُّوا مَعَ اللّٰهْ وَلَّا؟ يَا الْمَطْمُوسِينْ! إِنْتُو مَا عِنْدُكُو حِكْمَةْ. مَا هُو بَسْ أَبُوكُو الْأَنْطَاكُو الْحَيَاةْ وَلَّا؟ وَ هُو بَسْ الْخَلَقَاكُو وَ ثَبَّتَاكُو.

خُروج 15:16

وَ فَوْقهُمْ كُلُّهُمْ الرُّعُبْ وَ الْبَرْجَالْ وَقَعَوْا. وَ بِقُدْرَةْ إِيدَكْ الشَّدِيدَةْ، بِقَوْا مِثِلْ الْحَجَرْ وَ سَكَتَوْا حَتَّى شَعَبَكْ قِدْرَوْا عَدَّوْا. يَا اللّٰهْ، حَتَّى قِدْرَوْا عَدَّوْا شَعَبَكْ الْإِنْتَ فَدَيْتهُمْ!

إرْمِيا 6:13

مِنْ الضَّعِيفْ لَحَدِّي الْقَادِرْ، كُلُّهُمْ جَارِيِينْ وَرَاءْ مَالْ الْحَرَامْ. وَ الْأَنْبِيَاء وَ رُجَالْ الدِّينْ كُلُّهُمْ غَشَّاشِينْ.

إرْمِيا 29:21

وَ دَاهُو اللّٰهْ الْقَادِرْ إِلٰـهْ بَنِي إِسْرَائِيلْ قَالْ فِي أَخَابْ وِلَيْد قُلَايَا وَ صِدْقِيَّا وِلَيْد مَعَسِيَّا: «هُمَّنْ أَتْنَبَّأَوْا لَيْكُو بِأُسْمِي بِكِدِبْ. هُمَّنْ دَوْل أَكِيدْ أَنَا نِسَلِّمْهُمْ لِنَبُوخَدْنَصَرْ مَلِكْ بَابِلْ وَ هُو يَكْتُلْهُمْ قِدَّامْكُو.

1 تِمُوتَاوُس 5:8

وَ أَيِّ نَادُمْ الْيَابَى مَا يِرَيِّسْ أَهَلَهْ وَ خَاصَّةً نَاسْ بَيْتَهْ، هُو نَكَرْ الْإِيمَانْ خَلَاصْ. نَادُمْ كَافِرْ أَخَيْر مِنَّهْ.

رُؤية 6:10

وَ صَرَخَوْا بِحِسّ شَدِيدْ وَ قَالَوْا: «يَا رَبِّنَا الْحَقّ وَ الْقُدُّوسْ. نَرْجَوْا كَمْ يَوْم حَتَّى إِنْتَ تِعَاقِبْ وَ تِشِيلْ لَيْنَا التَّارْ فِي سُكَّانْ الْأَرْض الدَّفَّقَوْا دَمِّنَا؟»