2 بُطْرُس 1:9 - الكتاب المقدس بالعربي الدارجي هنا تشاد

⁹ وَ أَيِّ نَادُمْ الْمَا عِنْدَهْ الْأَشْيَاءْ دَوْل، هُو مِثِلْ نَادُمْ عَمْيَانْ. النَّادُمْ دَا مَا شَايِفْ عَدِيلْ وَ هُو نِسِي كَدَرْ اللّٰهْ طَهَّرَهْ مِنْ ذُنُوبَهْ الْأَوَّلْ.

2 بُطْرُس 1:9 Referenca të Kryqëzuara

1 يُوحَنَّا 1:7

وَ لَاكِنْ كَنْ أَنِحْنَ مَاشِينْ فِي النُّورْ مِثِلْ هُو ذَاتَهْ فِي النُّورْ، نِأَكُّدُوا الْعَلَاقَةْ الْعِنْدِنَا أَمْبَيْنَاتْنَا وَ دَمّ عِيسَى إِبْنَهْ يِطَهِّرْنَا مِنْ كُلَّ الذُّنُوبْ.

عِبْرَانِيِّين 9:14

لَاكِنْ دَمّ الْمَسِيحْ عِنْدَهْ قُدْرَةْ زِيَادَةْ. الْمَسِيحْ مَا عِنْدَهْ عَيْب وَ هُو قَدَّمْ نَفْسَهْ لِلّٰهْ بِقُدْرَةْ الرُّوحْ الْأَبَدِي. وَ أَكِيدْ دَمَّهْ يِطَهِّرْ قُلُوبْنَا مِنْ الْأَعْمَالْ الْيِوَدُّوا النَّاسْ لِلْمَوْت وَ يِجَهِّزْنَا لِنَعَبُدُوا اللّٰهْ الْحَيّ.

تِيطُس 2:14

هُو أَنْطَى نَفْسَهْ ضَحِيَّةْ لِيَفْدَانَا مِنْ كُلَّ الْفَسَالَةْ وَ يِطَهِّرْ قُلُوبْنَا أَشَانْ نَبْقَوْا لَيَّهْ شَعَبَهْ حَلَالَهْ مُنْكَرِبِينْ فِي عَمَلْ الْخَيْر.

أفَسُس 5:26

أَشَانْ هِي تَبْقَى أُمَّةْ خَاصَّةْ. هُو طَهَّرَاهَا بِغَطِّسِينْ فِي أَلْمِي وَ بِكَلَامْ اللّٰهْ

رَوْمَا 6:11

وَ بِمِثِلْ دَا، أَعَرْفُوا كَدَرْ إِنْتُو كُلَ مُتُّوا وَ أَنْفَرَقْتُوا مِنْ قُدْرَةْ الذَّنِبْ وَ بَعَثْتُوا وَ بِقِيتُوا حَيِّينْ لِلّٰهْ بِعِيسَى الْمَسِيحْ.

1 بُطْرُس 3:21

وَ دَا مَثَلْ هَنَا الْغَطِّسِينْ الْهَسَّعْ يِنَجِّيكُو. وَ الْمُهِمّ فِي الْغَطِّسِينْ مَا غَسُولْ الْجِلِدْ مِنْ الْوَسَخْ لَاكِنْ هُو الْعَهَدْ التِّسَوُّوهْ مَعَ اللّٰهْ بِنِيَّةْ مُخْلِصَةْ. وَ الْغَطِّسِينْ يِنَجِّيكُو بِسَبَبْ بُعَاثْ عِيسَى الْمَسِيحْ.

غَلاطِية 5:13

يَا أَخْوَانِي، اللّٰهْ نَادَاكُو أَشَانْ يِدَوْر إِنْتُو تِعِيشُوا فِي الْحُرِّيَّةْ. لَاكِنْ مَا تِسَوُّوا الْحُرِّيَّةْ دِي فُرْصَةْ لِتِتَابُعُوا شَهْوَاتْكُو الْفَسْلِينْ. أَخَيْر تَخْدُمُوا لِأَخْوَانْكُو بِمَحَبَّةْ.

غَلاطِية 5:6

أَشَانْ فِي دَرِبْ الْمَسِيحْ عِيسَى، كَنْ نَادُمْ مُطَهَّرْ وَلَّا مَا مُطَهَّرْ كُلَ، دَا مَا مُهِمّ. الشَّيّءْ الْمُهِمّ دَا، هُو الْإِيمَانْ بِالْمَسِيحْ وَ الْمَحَبَّةْ الْجَايَةْ مِنْ الْإِيمَانْ دَا.

لُوقا 18:22

وَ وَكِتْ عِيسَى سِمِعْ كَلَامَهْ دَا، هُو قَالْ: «شُغُلْ وَاحِدْ لِسَّاعْ قَصَّرْ لَيْك. بِيعْ كُلَّ شَيّءْ الْعِنْدَكْ وَ أَنْطِي تَمَنَهْ لِلْمَسَاكِينْ وَ مِثِلْ دَا، تَلْقَاهْ قِدَّامَكْ. وَ تَعَالْ تَابِعْنِي.»

مَرْخُوس 10:21

وَ عِيسَى شَافَهْ عَدِيلْ بِمَحَبَّةْ وَ قَالْ: «شُغُلْ وَاحِدْ لِسَّاعْ قَصَّرْ لَيْك. بِيعْ كُلَّ شَيّءْ الْعِنْدَكْ وَ أَنْطِي تَمَنَهْ لِلْمَسَاكِينْ وَ مِثِلْ دَا، تَلْقَاهْ قِدَّامَكْ. وَ تَعَالْ تَابِعْنِي.»

رُؤية 3:17

وَ إِنْتَ قَاعِدْ تُقُولْ: ‹أَنَا غَنِيْ وَ بِقِي لَيِّ عَدِيلْ وَ مَا نِدَوْر بَتَّانْ شَيّءْ.› وَ إِنْتَ مَا تَعَرِفْ كَدَرْ بِالصَّحِيحْ، إِنْتَ شَقْيَانْ وَ فَقْرَانْ وَ مِسْكِينْ وَ عَمْيَانْ وَ عَرْيَانْ.

لاوِيِّين 13:55

وَ رَاجِلْ الدِّينْ يِشِيفْ الْبُقْعَةْ بَعَدْ غَسَّلَوْهَا. وَ كَنْ الْبُقْعَةْ مَا أَلْغَيَّرَتْ وَ مَا قَاعِدَةْ تِلْوَسَّعْ، خَلَاصْ الشَّيّءْ الْفَوْقَهْ الْبُقْعَةْ دِي نِجِسْ. وَ وَاجِبْ يِحَرُّقُوهْ أَشَانْ الْخَلَقْ دَا مَأْكُولْ بِقِدَّامْ أَوْ بِوَرَاءْ.