2 بُطْرُس 1:8 - الكتاب المقدس بالعربي الدارجي هنا تشاد

⁸ وَ كَنْ عِنْدُكُو الْأَشْيَاءْ دَوْل وَ قَاعِدِينْ يِزِيدُوا فَوْقكُو بِكَتَرَةْ، خَلَاصْ تَبْقَوْا نَافْعِينْ وَ تَلْقَوْا مَعْرَفَةْ زِيَادَةْ فِي رَبِّنَا عِيسَى الْمَسِيحْ.

2 بُطْرُس 1:8 Referenca të Kryqëzuara

تِيطُس 3:14

وَ خَلِّي كُلَّ أَخْوَانَّا يَعَرْفُوا كِكَّيْف يِنْكَرْبُوا فِي عَمَلْ الْخَيْر أَشَانْ يِسَاعُدُوا النَّاسْ الْحَوْجَانِينْ بِالصَّحِيحْ. وَ مِثِلْ دَا أَخْوَانَّا مَا يَبْقَوْا نَاسْ الْحَيَاتْهُمْ مَا عِنْدَهَا فَايْدَةْ.

كُلُوسِي 3:16

خَلُّوا كَلَامْ الْمَسِيحْ يَسْكُنْ أَمْبَيْنَاتْكُو بِكُلَّ بَرَكَاتَهْ. عَلُّمُوا بَيَّهْ أَيِّ وَاحِدْ وَ أَشَّاجَعَوْا أَمْبَيْنَاتْكُو بِكُلَّ حِكْمَةْ. غَنُّوا لِلّٰهْ بِكُلَّ قُلُوبْكُو بِغِنَيْ وَ أَنَاشِيدْ وَ شُكُرْ مِنْ الرُّوحْ الْقُدُّوسْ.

يُوحَنَّا 15:2

أَيِّ فِرِعْ الْمَا قَاعِدْ يَلْدَ، هُو يَمُرْقَهْ مِنِّي. وَ أَيِّ فِرِعْ الْقَاعِدْ يَلْدَ، هُو يِبَرْبِرَهْ أَشَانْ يَبْقَى نَضِيفْ وَ يَلْدَ زِيَادَةْ.

عِبْرَانِيِّين 6:12

وَ كَنْ تِسَوُّوا مِثِلْ دَا، مَا تَبْقَوْا كَسْلَانِينْ لَاكِنْ تِتَابُعُوا دَرِبْ هَنَا النَّاسْ الْقَاعِدِينْ ثَابْتِينْ فِي الْإِيمَانْ بِالصَّبُرْ وَ يَوْرُثُوا بَرَكَةْ اللّٰهْ الْوَاعَدَاهُمْ بَيْهَا.

فِلِبِّي 1:9

وَ أَنَا قَاعِدْ نَسْأَلْ اللّٰهْ أَشَانْ هُو يِزِيدْ مَحَبِّتْكُو وَ يِكَتِّرْهَا لَيْكُو بِزِيَادَةْ. وَ خَلِّي يَنْطِيكُو مَعَاهَا عِلِمْ وَ فِهِمْ تَمَامْ

1 تَسَلونِيكِي 4:1

يَا أَخْوَانِي، أَسْمَعَوْا كَلَامِي بَتَّانْ. أَوَّلْ عَلَّمْتُوا مِنِّنَا الْحَالْ الْوَاجْبَةْ أَشَانْ اللّٰهْ يَرْضَى بَيْكُو. وَ خَلَاصْ إِنْتُو مَاشِينْ عَدِيلْ. وَ أَشَانْ دَا، نَشْحَدَوْكُو وَ نِوَصُّوكُو بِأُسُمْ الرَّبّ عِيسَى أَشَانْ تَمْشُوا عَدِيلْ بِزِيَادَةْ.

1 كُرُنْتُس 15:58

يَا أَخْوَانِي النِّحِبُّكُو، فَكُّرُوا فِي كُلَّ الْكَلَامْ دَا وَ أَقْعُدُوا ثَابْتِينْ وَ قَوِيِّينْ. أَنْكَرْبُوا دَايْماً فِي خِدْمَةْ رَبِّنَا أَشَانْ تَعَرْفُوا كَدَرْ الْخِدْمَةْ التَّخْدُمُوهَا لِرَبِّنَا أَبَداً مَا بَاطْلَةْ.

2 بُطْرُس 1:2

عَلَيْكُمْ السَّلَامْ وَ الرَّحْمَةْ بِكَتَرَةْ بِسَبَبْ عِرْفِتْكُو لِلّٰهْ وَ رَبِّنَا عِيسَى.

فِلِمُون 1:6

وَ نَسْأَلْ لَيْك اللّٰهْ كَدَرْ بِالْعَلَاقَةْ الْعِنْدَكْ مَعَ أَخْوَانَكْ الْمُؤمِنِينْ تَلْقَى عِرْفَةْ بِزِيَادَةْ فِي كُلَّ الْخَيْر الْعِنْدِنَا فِي الْمَسِيحْ.

2 تَسَلونِيكِي 1:3

يَا أَخْوَانِي، وَاجِبْ نَشْكُرُوا اللّٰهْ دَايْماً فِي شَانْكُو. وَ دَا وَاجِبْ لَيْنَا أَشَانْ قُدْرَةْ إِيمَانْكُو قَاعِدَةْ تِزِيدْ كَتِيرْ وَ الْمَحَبَّةْ الْكُلُّكُو تِرَّايَدَوْا بَيْهَا قَاعِدَةْ تِزِيدْ بِلْحَيْن.

فِلِبِّي 2:5

الْفِكِرْ الْإِنْتُو وَاجِبْ تِتَابُعُوهْ، هُو نَفْس الْفِكِرْ الْعِيسَى الْمَسِيحْ تَابَعَهْ.

2 كُرُنْتُس 13:5

أَسْأَلَوْا نُفُوسْكُو. هَلْ بِالصَّحِيحْ كَيْ إِنْتُو مُؤمِنِينْ؟ جَرُّبُوا نُفُوسْكُو. مَا تَعَرْفُوا كَدَرْ عِيسَى الْمَسِيحْ قَاعِدْ فِيكُو وَلَّا؟ وَ دَا يَبْقَى صَحِيحْ كَنْ مَا فَشَلْتُوا مَرَّةْ وَاحِدْ.

كُلُوسِي 2:7

خَلِّي يَبْقَى لَيْكُو الْقَعَرْ وَ الْأَسَاسْ وَ أَقْعُدُوا ثَابْتِينْ فَوْقَهْ بِإِيمَانْكُو مِثِلْ أَوَّلْ عَلَّمَوْكُو لَيَّهْ. وَ أَشْكُرُوا اللّٰهْ كَتِيرْ فِي كُلِّ وَكِتْ.

2 كُرُنْتُس 9:14

وَ يَسْأَلَوْا اللّٰهْ لَيْكُو وَ يِرِيدُوكُو بِمَحَبَّةْ شَدِيدَةْ بِسَبَبْ رَحْمَةْ اللّٰهْ الْعَظِيمَةْ الْأَنْطَاهَا لَيْكُو.

2 كُرُنْتُس 8:2

صُعُوبَةْ شَدِيدَةْ قَاعِدَةْ تِجَرِّبْ إِيمَانْهُمْ لَاكِنْ هُمَّنْ فَرْحَانِينْ فَرْحَةْ شَدِيدَةْ. وَ حَتَّى كَانْ هُمَّنْ فَقْرَانِينْ فَقُرْ شَدِيدْ كُلَ، أَنْطَوْا بِجُودْ.

1 تِمُوتَاوُس 5:13

وَ عَوِينْ مِثِلْ دَيْل يَبْقَنْ كَمَانْ عَاطِلَاتْ وَ يُقُمَّنْ يُرُوغَنْ مِنْ بَيْت لِبَيْت. وَ مَا يَبْقَنْ عَاطِلَاتْ بَسْ لَاكِنْ يَبْقَنْ قَوَّالَاتْ وَ يِنْدَسَّنْ فِي الشَّيّءْ الْمَا يُخُصِّهِنْ وَ يِحَجَّنْ بِكَلَامْ الْمَا بِشَابِهْ.

1 تَسَلونِيكِي 3:12

وَ لَيْكُو إِنْتُو، خَلِّي الرَّبّ يِزِيدْ مَحَبِّتْكُو وَ يِكَتِّرْهَا أَشَانْ تِرَّايَدَوْا أَمْبَيْنَاتْكُو بِزِيَادَةْ وَ تِحِبُّوا كُلَّ النَّاسْ مِثِلْ أَنِحْنَ نِحِبُّوكُو.

2 كُرُنْتُس 8:7

أَكِيدْ إِنْتُو بِقِيتُوا شُدَادْ فِي كُلِّ شَيّءْ. إِنْتُو شُدَادْ فِي الْإِيمَانْ وَ الْكَلَامْ وَ الْعِلِمْ وَ نِيِّتْكُو شَدِيدَةْ وَ مَحَبِّتْكُو اللِّقِيتُوهَا مِنِّنَا شَدِيدَةْ. وَ هَسَّعْ أَبْقَوْا شُدَادْ فِي خِدْمَةْ الرَّحْمَةْ دِي كُلَ.

رَوْمَا 12:11

تَابُعُوا رَبِّنَا بِنِيَّةْ وَاحِدَةْ وَ بَلَا كَسَلْ. أَنْكَرْبُوا فِي خِدْمَةْ الرَّبّ.

يُوحَنَّا 5:42

لَاكِنْ إِنْتُو، أَنَا نَعَرِفْ كَدَرْ فِي قُلُوبْكُو مَا تِحِبُّوا اللّٰهْ.

مَتَّى 25:26

وَ سِيدَهْ رَدَّ لَيَّهْ وَ قَالْ: ‹إِنْتَ خَدَّامْ فَسِلْ وَ كَسْلَانْ. إِنْتَ عِرِفْت أَنَا نَقْطَعْ غَلَّةْ الْمَا تَيْرَبْتَهَا وَ نِلِمّ مِنْ الزَّرَعْ الْمَا شَتَّتّْ تَيْرَابْ فَوْقَهْ.

مَتَّى 20:6

وَ قَرِيبْ لِلسَّاعَةْ خَمْسَةْ فِي الْعَصُرْ مَرَقْ بَتَّانْ وَ لِقِي خَدَّامِينْ آخَرِينْ مَا عِنْدُهُمْ خِدْمَةْ وَ سَأَلَاهُمْ وَ قَالْ: ‹مَالَا إِنْتُو قَاعِدِينْ هِنِي مِنْ الْفَجُرْ وَ مَا تَخْدُمُوا؟›

مَتَّى 20:3

وَ بَعَدَيْن مَرَقْ قَرِيبْ لِلسَّاعَةْ تِسْعَةْ وَ مَشَى فِي الْمَوْقَفْ وَ لِقِي خَدَّامِينْ مَا عِنْدُهُمْ خِدْمَةْ.

مَتَّى 13:22

وَ التَّيْرَابْ الْوَقَعْ فِي أُسْط الشَّوْك يِمَثِّلْ النَّادُمْ الْيَسْمَعْ الْكَلَامْ لَاكِنْ مَشَاكِلْ الدُّنْيَا وَ رَيْدِتَهْ لِلْمَالْ يَكْتُلُوا الْكَلَامْ الْفِي قَلْبَهْ وَ بَيْدَا، كَلَامْ اللّٰهْ يَبْقَى لَيَّهْ مَا عِنْدَهْ فَايْدَةْ.

أمْثال 19:15

الْكَسَلْ يِلِزّ فِي النَّوْم الشَّدِيدْ وَ الْيِطَبِّقْ إِيدَيْنَهْ يُمُوتْ مِنْ الْجُوعْ.

يُوحَنَّا 17:3

وَ الْحَيَاةْ الْأَبَدِيَّةْ هِي، يَعَرْفُوكْ إِنْتَ اللّٰهْ الْوَاحِدْ الصَّحِيحْ وَ يَعَرْفُوا عِيسَى الْمَسِيحْ الْإِنْتَ رَسَّلْتَهْ.

فِلِبِّي 3:8

أَيْوَى وَ زِيَادَةْ مِنْ دَا، عِرْفَةْ الْمَسِيحْ عِيسَى رَبِّي بِقَتْ لَيِّ أَخَيْر مِنْ كُلَّ شَيّءْ وَ نَجْعَلْ كُلَّ شَيّءْ آخَرْ سَاكِتْ. فِي شَانْ الْمَسِيحْ، أَنَا خَلَّيْت كُلَّ شَيّءْ الْعِنْدِي. وَ كُلَّ شَيّءْ الْأَوَّلْ عِنْدَهْ لَيِّ فَايْدَةْ، جَعَلْتَهْ مِثِلْ وَسَخْ أَشَانْ نَلْقَى الْفَايْدَةْ الْكَبِيرَةْ وَ هِي الْعَلَاقَةْ مَعَ الْمَسِيحْ.

كُلُوسِي 1:10

وَ مِثِلْ دَا، تَعَرْفُوا كِكَّيْف تِعِيشُوا بِحَالْ الْوَاجْبَةْ لِنَاسْ الرَّبّ وَ تِسَوُّوا دَايْماً الشَّيّءْ الْهُو يَرْضَى بَيَّهْ وَ تِسَوُّوا كُلَّ عَمَلْ الْخَيْر وَ تَعَرْفُوا اللّٰهْ بِزِيَادَةْ.

2 بُطْرُس 1:3

وَ أَكِيدْ رَبِّنَا أَنْطَانَا بِقُدُرْتَهْ الْإِلٰـهِيَّةْ كُلَّ شَيّءْ الْأَنِحْنَ حَوْجَانِينْ لَيَّهْ لِنِعِيشُوا بِالتَّقْوَى. وَ دَا يَبْقَى بِعِرْفِتْنَا لَيَّهْ هُو النَّادَانَا فِي دَرْبَهْ بِخَيْرَهْ الْمَجِيدْ.

2 بُطْرُس 2:20

وَ كَنْ النَّاسْ أَوَّلْ مَرَقَوْا مِنْ نَجَاسَةْ الدُّنْيَا بِعِرْفَةْ رَبِّنَا عِيسَى الْمَسِيحْ مُنَجِّينَا وَ بَعَدَيْن نَجَاسَةْ الدُّنْيَا تَكْرُبْهُمْ بَتَّانْ وَ تِنَّصِرْ فَوْقهُمْ، فِي الْبَكَانْ دَا، حَالِتْهُمْ الْأَخِيرَةْ تَبْقَى هَوَانَةْ مِنْ الْأَوَّلْ.

2 بُطْرُس 3:18

لَاكِنْ أَبْقَوْا قَوِيِّينْ فِي نِعْمَةْ رَبِّنَا عِيسَى الْمَسِيحْ مُنَجِّينَا وَ بِعِرْفِتْكُو لَيَّهْ. وَ الْمَسِيحْ، خَلِّي يِمَجُّدُوهْ فِي الْوَكِتْ الْحَاضِرْ وَ إِلَى الْأَبَدْ. آمِينْ.