2 بُطْرُس 1:5 - الكتاب المقدس بالعربي الدارجي هنا تشاد

⁵ وَ أَشَانْ دَا، قُمُّوا بِكُلَّ جُهُدْكُو أَشَانْ تِزِيدُوا فِي الْإِيمَانْ، الْخَيْر. وَ تِزِيدُوا فِي الْخَيْر، الْمَعْرَفَةْ.

2 بُطْرُس 1:5 Referenca të Kryqëzuara

فِلِبِّي 4:8

يَا أَخْوَانِي، دِي هِي آخِرْ وَصِيَّةْ النَّنْطِيهَا لَيْكُو. فَكُّرُوا فِي أَيِّ شَيّءْ الصَّحِيحْ وَ الشَّرِيفْ وَ الْعَادِلْ وَ الطَّاهِرْ وَ الْمَحْبُوبْ وَ الْكَرِيمْ وَ الْأَفْضَلْ وَ الْوَاجِبْ لَيَّهْ الشُّكُرْ. وَ كُلَّ شَيّءْ الْمِثِلْ دَا، خُطُّوا أَفْكَارْكُو فَوْقَهْ ثَابْتِينْ.

أمْثال 4:23

أَحْفَضْ قَلْبَكْ زِيَادَةْ مِنْ كُلَّ شَيّءْ آخَرْ أَشَانْ مِنَّهْ هُو تِسِيلْ الْحَيَاةْ.

2 بُطْرُس 3:18

لَاكِنْ أَبْقَوْا قَوِيِّينْ فِي نِعْمَةْ رَبِّنَا عِيسَى الْمَسِيحْ مُنَجِّينَا وَ بِعِرْفِتْكُو لَيَّهْ. وَ الْمَسِيحْ، خَلِّي يِمَجُّدُوهْ فِي الْوَكِتْ الْحَاضِرْ وَ إِلَى الْأَبَدْ. آمِينْ.

2 بُطْرُس 1:10

أَشَانْ دَا، يَا أَخْوَانِي، سَوُّوا جُهُدْ بِزِيَادَةْ أَشَانْ بِحَالْكُو دِي تِأَكُّدُوا كَدَرْ اللّٰهْ عَزَلَاكُو وَ نَادَاكُو فِي دَرْبَهْ. وَ كَنْ تِسَوُّوا مِثِلْ أَنَا قُلْتَهْ، أَبَداً مَا تَمُرْقُوا مِنْ الدَّرِبْ الْعَدِيلْ دَا.

عِبْرَانِيِّين 6:11

وَ نِدَوْرُوا كَدَرْ أَيِّ وَاحِدْ مِنْكُو يِوَصِّفْ دَايْماً النِّيَّةْ الْعَدِيلَةْ الْمِثِلْ دِي وَ عَشَمْكُو يَبْقَى بَلَا شَكَكْ لَحَدِّي الْأَخِيرْ.

فِلِبِّي 1:9

وَ أَنَا قَاعِدْ نَسْأَلْ اللّٰهْ أَشَانْ هُو يِزِيدْ مَحَبِّتْكُو وَ يِكَتِّرْهَا لَيْكُو بِزِيَادَةْ. وَ خَلِّي يَنْطِيكُو مَعَاهَا عِلِمْ وَ فِهِمْ تَمَامْ

2 بُطْرُس 3:14

يَا أَخْوَانِي النِّحِبُّكُو، دَا بَسْ الشَّيّءْ التَّرْجَوْه مِنْ اللّٰهْ. وَ أَشَانْ دَا، سَوُّوا جُهُدْ أَشَانْ تِعِيشُوا بِسَلَامْ قِدَّامَهْ بَلَا خَطَا وَ لَا عَيْب.

عِبْرَانِيِّين 11:6

وَ بَلَا إِيمَانْ، نَادُمْ مَا يَلْقَى رِضَى اللّٰهْ. أَشَانْ أَيِّ نَادُمْ الْيِدَوْر يِقَرِّبْ لِلّٰهْ، وَاجِبْ يِآمِنْ كَدَرْ اللّٰهْ مَوْجُودْ وَ يَنْطِي أَجُرْ لِلنَّاسْ الْيِفَتُّشُوهْ.

أفَسُس 5:17

مَا تَبْقَوْا جُهَّالْ لَاكِنْ أَفْهَمَوْا الشَّيّءْ الْيِدَوْرَهْ الرَّبّ.

إشَعْيا 55:2

مَالَا تِكَفُّوا قُرُسْكُو فِي شَيّءْ الْمَا بِنْأَكِلْ؟ وَ مَالَا تِعَيُّوا نُفُوسْكُو فِي شَيّءْ الْمَا يَشْبِعْكُو؟ أَسْمَعَوْنِي عَدِيلْ! آكُلُوا الْأَكِلْ السَّمَحْ وَ فَرُّحُوا نُفُوسْكُو بِالْأَكِلْ الْحَلُو.

فِلِبِّي 2:12

فِي شَانْ كُلَّ الْكَلَامْ دَا، يَا أَخْوَانِي النِّحِبُّكُو، أَسْمَعَوْا كَلَامِي. وَكِتْ أَنَا مَعَاكُو، إِنْتُو دَايْماً تِتَابُعُوا كَلَامْ اللّٰهْ. وَ هَسَّعْ وَكِتْ أَنَا مَا مَعَاكُو، وَاجِبْ تِتَابُعُوهْ بِزِيَادَةْ. جَاهُدُوا بِخَوْف وَ رَجِفِينْ لِتِسَوُّوا كُلَّ شَيّءْ الْوَاجِبْ لِلنَّاسْ الْاللّٰهْ نَجَّاهُمْ.

زَبُور 119:4

إِنْتَ أَمَرْت بِفَرَايْضَكْ أَشَانْ يَحْفَضَوْهُمْ عَدِيلْ.

كُلُوسِي 2:3

وَ الْمَسِيحْ، هُو مَخَزَنْ هَنَا اللّٰهْ الْخَزَنْ فَوْقَهْ كُلَّ بَرَكَاتْ الْعِلِمْ وَ الْعِرْفَةْ.

يُوحَنَّا 6:27

مَا تِجَاهُدُوا أَشَانْ تَلْقَوْا الْأَكِلْ الْيَتْلَفْ وَ لَاكِنْ جَاهُدُوا أَشَانْ تَلْقَوْا الْأَكِلْ الْمَا يَتْلَفْ وَ يَنْطِيكُو الْحَيَاةْ الْأَبَدِيَّةْ. دَا بَسْ الْأَكِلْ الْإِبْن الْإِنْسَانْ يَنْطِيهْ لَيْكُو. هُو النَّادُمْ الْاللّٰهْ أَبُوهْ شَهَدْ لَيَّهْ وَ أَكَّدْ هُو رَضْيَانْ بَيَّهْ خَلَاصْ.»

لُوقا 24:21

وَ لَاكِنْ أَنِحْنَ أَوَّلْ خَطَّيْنَا عَشَمْنَا فَوْقَهْ. صَدَّقْنَا كَدَرْ هُو بَسْ النَّادُمْ الْيَفْدَى بَنِي إِسْرَائِيلْ. وَ لَاكِنْ دَا مَا بِقِي وَ هَسَّعْ عِنْدِنَا تَلَاتَةْ يَوْم مِنْ كَتَلَوْه.

كُلُوسِي 1:9

وَ أَشَانْ دَا مِنْ يَوْم سِمِعْنَا خَبَرْ إِيمَانْكُو، أَنِحْنَ قَاعِدِينْ نَسْأَلَوْا لَيْكُو اللّٰهْ. وَ نَسْأَلَوْا لَيْكُو اللّٰهْ أَشَانْ تَعَرْفُوا الْهُو يِدَوْرَهْ وَ تَلْقَوْا حِكْمَةْ وَ فِهِمْ مِنْ الرُّوحْ الْقُدُّوسْ.

1 بُطْرُس 3:7

وَ لَيْكُو إِنْتُو الرُّجَالْ كُلَ، خَلِّي أَيِّ رَاجِلْ يَقْعُدْ مَعَ مَرْتَهْ بِمُفَاهَمَةْ وَ يَعَرِفْ تَمَامْ كَدَرْ هِي مَا قَوِيَّةْ مِثْلَهْ. كَرُّمُوا عَوِينْكُو أَشَانْ هِنَّ كُلَ يَوْرِثَنْ مَعَاكُو نِعْمَةْ الْحَيَاةْ الْاللّٰهْ يَنْطِيهَا لَيْكُو. وَ تَابُعُوا كَلَامِي دَا أَشَانْ شَيّءْ مَا يِبَرْجِلْ صَلَاوَاتْكُو.

عِبْرَانِيِّين 12:15

أَنْقَرْعُوا أَشَانْ نَادُمْ مِنْكُو مَا يَدْحَرْ نَفْسَهْ مِنْ نِعْمَةْ اللّٰهْ. أَنْقَرْعُوا أَشَانْ نَادُمْ أَمْبَيْنَاتْكُو مَا يِتَلِّفْ نَفْسَهْ وَ لَا يِتَلِّفْ الْجَمَاعَةْ مِثِلْ شَدَرَةْ فِي أُسُطْكُو الْعِيَالْهَا عِنْدُهُمْ سَمّ.

1 كُرُنْتُس 14:20

يَا أَخْوَانِي، خَلِّي فِكِرْكُو مَا يَبْقَى مِثِلْ فِكِرْ هَنَا الْعِيَالْ الدُّقَاقْ. خَلِّي أَيِّ نَادُمْ يَبْقَى بَرِي مِثِلْ الطِّفِلْ فِي الشَّيّءْ الْبُخُصّ الشَّرّ. لَاكِنْ خَلِّي فِكِرْكُو يَبْقَى فِكِرْ هَنَا النَّادُمْ الْعَاقِلْ.

لُوقا 16:26

وَ بَتَّانْ فِي هَاوِيَةْ كَبِيرَةْ بِلْحَيْن بَيْنَّا وَ بَيْنكُو. وَ أَشَانْ دَا، النَّاسْ الْيِدَوْرُوا يُقُمُّوا مِنْ هِنِي يَمْشُوا لَيْكُو مَا يَقْدَرَوْا. وَ مَا فِي نَادُمْ الْيَقْدَرْ يُقُمّ مِنْ هِنَاكْ وَ يَجِي لَيْنَا هِنِي.›

زَكَرِيَّا 6:15

وَ نَاسْ بَعِيدِينْ يَجُوا يَبْنُوا بَتَّانْ بَيْت اللّٰهْ. وَ بَيْدَا، تَعَرْفُوا كَدَرْ اللّٰهْ الْقَادِرْ بَسْ رَسَّلَانِي أَنَا زَكَرِيَّا لَيْكُو. وَ دَا يُكُونْ كَنْ إِنْتُو تَسْمَعَوْا عَدِيلْ كَلَامْ اللّٰهْ إِلٰـهْكُو.

2 بُطْرُس 1:11

وَ بِمِثِلْ دَا، اللّٰهْ يَفْتَحْ لَيْكُو بَابْ وَسِيعْ لِتَدْخُلُوا فِي الْمَمْلَكَةْ الْأَبَدِيَّةْ وَ هِي مَمْلَكَةْ رَبِّنَا عِيسَى الْمَسِيحْ مُنَجِّينَا.

يَشُوع 7:3

وَ وَكِتْ قَبَّلَوْا، قَالَوْا لِيَشُوعْ: «خَلِّي الشَّعَبْ كُلُّهُمْ مَا يَمْشُوا. خَلِّي نَاسْ مِثِلْ 2 000 أَوْ 3 000 بَسْ يَمْشُوا يَهْجُمُوا حِلَّةْ عَايْ أَشَانْ سُكَّانْهَا شِيَّةْ وَ فِي شَانْ دَا، مَا تِتَعِّبْ الشَّعَبْ كُلُّهُمْ كَيْ.»