2 بُطْرُس 1:3 - الكتاب المقدس بالعربي الدارجي هنا تشاد

³ وَ أَكِيدْ رَبِّنَا أَنْطَانَا بِقُدُرْتَهْ الْإِلٰـهِيَّةْ كُلَّ شَيّءْ الْأَنِحْنَ حَوْجَانِينْ لَيَّهْ لِنِعِيشُوا بِالتَّقْوَى. وَ دَا يَبْقَى بِعِرْفِتْنَا لَيَّهْ هُو النَّادَانَا فِي دَرْبَهْ بِخَيْرَهْ الْمَجِيدْ.

2 بُطْرُس 1:3 Referenca të Kryqëzuara

1 بُطْرُس 5:10

تَعَبْكُو يَقْعُدْ بَتَّانْ وَكِتْ شِيَّةْ. وَ لَاكِنْ اللّٰهْ عِنْدَهْ رَحْمَةْ كَبِيرَةْ وَ هُو نَادَاكُو أَشَانْ تِشَارُكُوا فِي مَجْدَهْ الْأَبَدِي بِعَلَاقِتْكُو مَعَ عِيسَى الْمَسِيحْ. وَ اللّٰهْ هُو ذَاتَهْ يِثَبِّتْكُو وَ يِقَوِّيكُو وَ يَنْطِيكُو قُدْرَةْ وَ مَا تَقَعَوْا بَتَّانْ.

2 تِمُوتَاوُس 1:9

هُو نَجَّانَا وَ نَادَانَا أَشَانْ نَبْقَوْا نَاسْ خَاصِّينْ لَيَّهْ. وَ دَا مَا بِسَبَبْ أَيِّ عَمَلْ صَالِحْ الْأَنِحْنَ سَوَّيْنَاهْ لَاكِنْ بِسَبَبْ نِيّتَهْ وَ رَحْمَتَهْ. قُبَّالْ الدُّنْيَا مَا بَدَتْ، هُو عِنْدَهْ نِيَّةْ أَشَانْ يَنْطِينَا النِّعْمَةْ دِي فِي الْمَسِيحْ عِيسَى.

زَبُور 84:11

أَيْوَى، اللّٰهْ الرَّبّ مِثِلْ حَرَّايْ وَ مِثِلْ دَرَقَةْ، هُو يَنْطِي الرَّحْمَةْ وَ الشَّرَفْ. هُو مَا يَمْنَعْ الْخَيْر لِلْيَمْشُوا فِي الطَّرِيقْ الْعَدِيلْ.

رَوْمَا 8:32

اللّٰهْ مَا أَبَى مَا يَنْطِينَا إِبْنَهْ الْوَاحِدْ، لَاكِنْ سَلَّمَهْ لِلْمَوْت فِي شَانَّا كُلِّنَا. وَ هُو الْأَنْطَانَا إِبْنَهْ مَا يَنْطِينَا كُلَّ شَيّءْ مَعَ إِبْنَهْ وَلَّا؟

2 كُرُنْتُس 12:9

وَ لَاكِنْ هُو رَدَّ لَيِّ وَ قَالْ: «رَحْمَتِي تَكْفِي لَيْك. قُدُرْتِي تَبْقَى كَامِلَةْ فِي النَّادُمْ الضَّعِيفْ.» أَشَانْ دَا، نِلْفَشَّرْ بِفَرَحْ زِيَادَةْ وَكِتْ أَنَا ضَعِيفْ أَشَانْ قُدْرَةْ الْمَسِيحْ تَثْبِتْ فَوْقِي.

1 بُطْرُس 2:21

دَا بَسْ الدَّرِبْ وَ اللّٰهْ نَادَاكُو لِتِشِيلُوهْ. أَشَانْ الْمَسِيحْ كُلَ تِعِبْ فِي شَانْكُو وَ بِقِي لَيْكُو مَثَلْ أَشَانْ تِتَابُعُوهْ.

2 تَسَلونِيكِي 2:14

وَ فِي شَانْ دَا، اللّٰهْ نَادَاكُو بِالْبِشَارَةْ الْبَلَّغْنَاهَا لَيْكُو لِتَدْخُلُوا فِي مَجْد رَبِّنَا عِيسَى الْمَسِيحْ.

1 بُطْرُس 2:9

لَاكِنْ كَنْ لَيْكُو إِنْتُو، بِقِيتُوا الْقَبِيلَةْ الْاللّٰهْ عَزَلَاهَا وَ رُجَالْ دِينْ هَنَا الْمَلِكْ الْكَبِيرْ وَ أُمَّةْ مُخَصَّصَةْ لِلّٰهْ وَ شَعَبْ اللّٰهْ ذَاتَهْ. هُو نَادَاكُو أَشَانْ تَمُرْقُوا مِنْ الضَّلَامْ وَ تَدْخُلُوا فِي نُورَهْ الْعَجِيبْ وَ خَلَاصْ تِبَلُّغُوا خَبَرْ هَنَا أَعْمَالْ اللّٰهْ الْكُبَارْ.

1 تَسَلونِيكِي 2:12

وَ أَنِحْنَ دَايْماً شَجَّعْنَاكُو وَ صَبَّرْنَاكُو وَ وَصَّيْنَاكُو بِشِدَّةْ أَشَانْ تِعِيشُوا بِالْحَالْ الْوَاجْبَةْ لِلنَّاسْ الْاللّٰهْ نَادَاهُمْ لِيَدْخُلُوا فِي مَمْلَكَتَهْ وَ مَجْدَهْ.

1 تَسَلونِيكِي 4:7

أَشَانْ اللّٰهْ مَا نَادَانَا لِلْفَسَادْ. اللّٰهْ نَادَانَا لِنَبْقَوْا صَالِحِينْ.

1 بُطْرُس 1:15

لَاكِنْ، مِثِلْ اللّٰهْ النَّادَاكُو هُو قُدُّوسْ، إِنْتُو كُلَ أَبْقَوْا خَاصِّيْن فِي كُلَّ شَيّءْ التِّسَوُّوهْ.

أفَسُس 4:1

أَشَانْ كُلَّ الْكَلَامْ دَا، أَنَا الْمَسْجُونْ هِنِي فِي شَانْ رَبِّنَا، نِوَصِّيكُو. عِيشُوا بِالْحَالْ الْمُوَافْقَةْ لِلنَّاسْ الْاللّٰهْ نَادَاهُمْ.

1 كُرُنْتُس 1:9

اللّٰهْ هُو صَادِقْ فِي وَعَدَهْ. وَ هُو بَسْ النَّادَاكُو أَشَانْ تَدْخُلُوا فِي الْعَلَاقَةْ الْعِنْدُكُو مَعَ إِبْنَهْ عِيسَى الْمَسِيحْ رَبِّنَا.

2 بُطْرُس 1:2

عَلَيْكُمْ السَّلَامْ وَ الرَّحْمَةْ بِكَتَرَةْ بِسَبَبْ عِرْفِتْكُو لِلّٰهْ وَ رَبِّنَا عِيسَى.

2 بُطْرُس 1:5

وَ أَشَانْ دَا، قُمُّوا بِكُلَّ جُهُدْكُو أَشَانْ تِزِيدُوا فِي الْإِيمَانْ، الْخَيْر. وَ تِزِيدُوا فِي الْخَيْر، الْمَعْرَفَةْ.

1 بُطْرُس 3:9

كَنْ النَّاسْ يِسَوُّوا فَوْقكُو شُغُلْ فَسِلْ، مَا تُرُدُّوا لَيْهُمْ بِشُغُلْ فَسِلْ. وَ كَنْ يِعَيُّرُوكُو، مَا تُرُدُّوا لَيْهُمْ بِمُعْيَارْ. لَاكِنْ بَارُكُوهُمْ، أَشَانْ اللّٰهْ نَادَاكُو فِي دَرْبَهْ لِتِبَارُكُوا النَّاسْ وَ تَوْرُثُوا بَرَكَةْ مِنْ اللّٰهْ.

كُلُوسِي 1:16

أَشَانْ بَيَّهْ هُو، اللّٰهْ خَلَقْ كُلَّ شَيّءْ الْفِي السَّمَاوَاتْ وَ فِي الْأَرْض، الْبِنْشَافْ وَ الْمَا بِنْشَافْ، وَ أَيِّ مَخْلُوقْ الْعِنْدَهْ عَرْش أَوْ مُلُكْ وَ كَنْ هُو حَاكِمْ أَوْ كَبِيرْ. اللّٰهْ خَلَقْ كُلَّ شَيّءْ بِوَاسِطَةْ إِبْنَهْ وَ فِي شَانَهْ هُو.

1 تِمُوتَاوُس 4:8

صَحِيحْ، الرِّيَاضَةْ عِنْدَهَا فَايْدَةْ لَاكِنْ التَّقْوَى فَايْدِتَهْ زِيَادَةْ مِنْ كُلِّ شَيّءْ وَ نَلْقَوْا مِنْهَا، فِي الدُّنْيَا وَ فِي الْآخِرَةْ، الْحَيَاةْ الْاللّٰهْ وَاعَدَانَا بَيْهَا.

أفَسُس 4:4

جِسِمْ الْمَسِيحْ وَاحِدْ بَسْ وَ الرُّوحْ الْقُدُّوسْ، هُو كُلَ وَاحِدْ بَسْ. وَ مِثِلْ دَا، الْعَشَمْ الْاللّٰهْ نَادَاكُو لِتَلْقَوْه كُلَ وَاحِدْ.

فِلِبِّي 4:8

يَا أَخْوَانِي، دِي هِي آخِرْ وَصِيَّةْ النَّنْطِيهَا لَيْكُو. فَكُّرُوا فِي أَيِّ شَيّءْ الصَّحِيحْ وَ الشَّرِيفْ وَ الْعَادِلْ وَ الطَّاهِرْ وَ الْمَحْبُوبْ وَ الْكَرِيمْ وَ الْأَفْضَلْ وَ الْوَاجِبْ لَيَّهْ الشُّكُرْ. وَ كُلَّ شَيّءْ الْمِثِلْ دَا، خُطُّوا أَفْكَارْكُو فَوْقَهْ ثَابْتِينْ.

مَتَّى 28:18

وَ عِيسَى جَاءْ وَ حَجَّى لَيْهُمْ وَ قَالْ: «اللّٰهْ أَنْطَانِي كُلَّ السُّلْطَةْ فِي السَّمَاءْ وَ فِي الْأَرْض.

عِبْرَانِيِّين 1:3

وَ إِبْن اللّٰهْ هُو نُورْ اللّٰهْ الْمَجِيدْ وَ صُورَةْ طَبِيعْتَهْ وَ هُو يَحْفَضْ كُلَّ شَيّءْ بِقُدْرَةْ كَلَامَهْ. وَ وَكِتْ هُو طَهَّرْ النَّاسْ مِنْ ذُنُوبْهُمْ خَلَاصْ، هُو طَلَعْ فِي الْبَكَانْ الْعَالِي وَ قَاعِدْ جَنْب اللّٰهْ الْعَظِيمْ فِي نُصَّهْ الزَّيْنَايْ.

زَبُور 110:3

وَ بِنِيِّتْهُمْ، كُلَّ شَعَبَكْ يَقِيفُوا مَعَاكْ وَكِتْ تِجَهِّزْ عَسْكَرَكْ فِي الْجِبَالْ الْمُقَدَّسِينْ. وَ الشَّبَابْ يَجُوا لَيْك كَتِيرِينْ وَ يِرَارُوا قِدَّامَكْ مِثِلْ كَرَنْج الْفَجُرْ.

1 بُطْرُس 1:5

وَ قُدْرَةْ اللّٰهْ تَحْفَضْكُو بِإِيمَانْكُو أَشَانْ تَلْقَوْا النَّجَاةْ الْاللّٰهْ جَهَّزَاهَا وَ يِبَيِّنْهَا فِي الْيَوْم الْأَخِيرْ.

رَوْمَا 9:24

وَ دَوْل أَنِحْنَ الْاللّٰهْ نَادَانَا، مَا مِنْ أُسْط الْيَهُودْ بَسْ لَاكِنْ مِنْ كُلَّ الْأُمَمْ.

أمْثال 12:4

الْمَرَةْ الْعِنْدَهَا شَرَفْ مِثِلْ تَاجْ لِزَوْجهَا وَ الْمَرَةْ الْعَايْبَةْ مِثِلْ سُوسَةْ فِي عُضَامْ رَاجِلْهَا.

رَعُوث 3:11

وَ هَسَّعْ دَا، مَا تَخَافَيْ، يَا بِنَيِّتِي! أَنَا نِسَوِّي كُلَّ شَيّءْ الْإِنْتِ طَلَبْتِيهْ مِنِّي أَشَانْ نَاسْ حِلِّتِي يَعَرْفُوا تَمَامْ كَدَرْ إِنْتِ مَرَةْ عِنْدِكِ قِيمَةْ.

أمْثال 31:29

«كَتِيرْ مِنْ الْعَوِينْ وَصَّفَنْ شَرَفْهِنْ وَ لَاكِنْ كُلِّهِنْ كَيْ، إِنْتِ فُتِّيهِنْ!»

أمْثال 31:10

الْمَرَةْ الْعِنْدَهَا شَرَفْ، يَاتُو يَلْقَاهَا؟ قِيمِتْهَا زِيَادَةْ مِنْ الدَّهَبْ الصَّافِي.

فِلِبِّي 3:8

أَيْوَى وَ زِيَادَةْ مِنْ دَا، عِرْفَةْ الْمَسِيحْ عِيسَى رَبِّي بِقَتْ لَيِّ أَخَيْر مِنْ كُلَّ شَيّءْ وَ نَجْعَلْ كُلَّ شَيّءْ آخَرْ سَاكِتْ. فِي شَانْ الْمَسِيحْ، أَنَا خَلَّيْت كُلَّ شَيّءْ الْعِنْدِي. وَ كُلَّ شَيّءْ الْأَوَّلْ عِنْدَهْ لَيِّ فَايْدَةْ، جَعَلْتَهْ مِثِلْ وَسَخْ أَشَانْ نَلْقَى الْفَايْدَةْ الْكَبِيرَةْ وَ هِي الْعَلَاقَةْ مَعَ الْمَسِيحْ.

2 بُطْرُس 1:6

وَ تِزِيدُوا فِي الْمَعْرَفَةْ، ثَبِّتِينْ النَّفْس. وَ تِزِيدُوا فِي ثَبِّتِينْ النَّفْس، الصَّبُرْ. وَ تِزِيدُوا فِي الصَّبُرْ، التَّقْوَى.

2 بُطْرُس 1:8

وَ كَنْ عِنْدُكُو الْأَشْيَاءْ دَوْل وَ قَاعِدِينْ يِزِيدُوا فَوْقكُو بِكَتَرَةْ، خَلَاصْ تَبْقَوْا نَافْعِينْ وَ تَلْقَوْا مَعْرَفَةْ زِيَادَةْ فِي رَبِّنَا عِيسَى الْمَسِيحْ.

2 بُطْرُس 1:10

أَشَانْ دَا، يَا أَخْوَانِي، سَوُّوا جُهُدْ بِزِيَادَةْ أَشَانْ بِحَالْكُو دِي تِأَكُّدُوا كَدَرْ اللّٰهْ عَزَلَاكُو وَ نَادَاكُو فِي دَرْبَهْ. وَ كَنْ تِسَوُّوا مِثِلْ أَنَا قُلْتَهْ، أَبَداً مَا تَمُرْقُوا مِنْ الدَّرِبْ الْعَدِيلْ دَا.

2 بُطْرُس 2:20

وَ كَنْ النَّاسْ أَوَّلْ مَرَقَوْا مِنْ نَجَاسَةْ الدُّنْيَا بِعِرْفَةْ رَبِّنَا عِيسَى الْمَسِيحْ مُنَجِّينَا وَ بَعَدَيْن نَجَاسَةْ الدُّنْيَا تَكْرُبْهُمْ بَتَّانْ وَ تِنَّصِرْ فَوْقهُمْ، فِي الْبَكَانْ دَا، حَالِتْهُمْ الْأَخِيرَةْ تَبْقَى هَوَانَةْ مِنْ الْأَوَّلْ.

2 بُطْرُس 3:18

لَاكِنْ أَبْقَوْا قَوِيِّينْ فِي نِعْمَةْ رَبِّنَا عِيسَى الْمَسِيحْ مُنَجِّينَا وَ بِعِرْفِتْكُو لَيَّهْ. وَ الْمَسِيحْ، خَلِّي يِمَجُّدُوهْ فِي الْوَكِتْ الْحَاضِرْ وَ إِلَى الْأَبَدْ. آمِينْ.