2 بُطْرُس 1:16 - الكتاب المقدس بالعربي الدارجي هنا تشاد

¹⁶ وَ الْكَلَامْ الْبَلَّغْنَاهْ لَيْكُو الْبُخُصّ قُدْرَةْ رَبِّنَا عِيسَى الْمَسِيحْ وَ جَيْتَهْ، دَا مَا حِجَيْ سَاكِتْ مِثِلْ الْحِجَيْ الطُّوَالْ الْيِحَجُّوهْ النَّاسْ. بِالْعَكْس، أَنِحْنَ شِفْنَا عَظَمَتَهْ بِعُيُونَّا وَ شَهَدْنَا لَيَّهْ.

2 بُطْرُس 1:16 Referenca të Kryqëzuara

1 يُوحَنَّا 4:14

وَ أَنِحْنَ شِفْنَا عَدِيلْ كَدَرْ اللّٰهْ رَسَّلْ إِبْنَهْ فِي الدُّنْيَا أَشَانْ يِنَجِّي نَاسْ الدُّنْيَا وَ أَنِحْنَ قَاعِدِينْ نَشْهَدَوْا لَيَّهْ.

يُوحَنَّا 1:14

وَ الْكَلِمَةْ بِقَتْ إِنْسَانْ وَ هُو سَكَنْ فِي أُسُطْنَا. وَ شِفْنَا قُدُرْتَهْ الْمَجِيدَةْ. وَ قُدُرْتَهْ هِي مَجِيدَةْ بِلْحَيْن وَ مُوَافْقَةْ لِلْإِبْن الْوَاحِدْ الْجَايِ مِنْ اللّٰهْ أَبُوهْ. وَ هُو مَلَانْ بِالرَّحْمَةْ وَ الْحَقّ.

1 تِمُوتَاوُس 1:4

قُولْ لَيْهُمْ مَا وَاجِبْ يُخُطُّوا بَالْهُمْ بَتَّانْ فِي قِصَصْ بَاطْلِينْ وَ لَا فِي الْقَرَمْ الطُّوَالْ بِلْحَيْن دَوْل. الْكَلَامْ الْمِثِلْ دَا يِسَبِّبْ الْمُنَاقَشَاتْ الْمَا عِنْدُهُمْ فَايْدَةْ وَ مَا يِوَافِقْ مَعَ الشَّيّءْ الْاللّٰهْ يِدَوْر يِسَوِّيهْ فِي النَّاسْ. دَرِبْ اللّٰهْ هُو بِالْإِيمَانْ.

1 تِمُوتَاوُس 4:7

أَنْقَرِعْ مَرَّةْ وَاحِدْ مِنْ الْقِصَصْ الْبَاطْلِينْ وَ الْكَلَامْ الْمِثِلْ كَلَامْ الْعَجَايِزْ الْخَرْفَانَاتْ. دَرِّبْ نَفْسَكْ أَشَانْ تَبْقَى نَادُمْ تَقِي.

1 كُرُنْتُس 2:4

وَ كَلَّمْت لَيْكُو بِتَعْلِيمْ هَيِّنْ وَ مَا جِبْتُكُو فِي الدَّرِبْ بِكَلَامْ الْيِرَضِّيكُو وَ لَا بِحِكْمَةْ إِنْسَانِي وَ لَاكِنْ كَلَّمْت لَيْكُو بِكَلَامْ الْعِنْدَهْ قُدْرَةْ الْجَايِ مِنْ الرُّوحْ الْقُدُّوسْ.

أفَسُس 4:14

وَ مِثِلْ دَا، مَا نَبْقَوْا بَتَّانْ مِثِلْ عِيَالْ مَا عِنْدُهُمْ ثَبَاتْ. أَنِحْنَ مَا مِثِلْ مَرَاكِبْ دُقَاقْ فِي الْبَحَرْ الْيِشِيلْهُمْ الشَّلَّالْ وَ التُّسُوقْهُمْ الرِّيحْ. وَ دَا مِثِلْ تَعْلِيمْ الْمَا صَحِيحْ وَ النَّجَاضَةْ الْيُغُشُّوا بَيْهَا النَّاسْ وَ يِوَدُّرُوهُمْ.

1 كُرُنْتُس 1:17

وَ الْمَسِيحْ رَسَّلَانِي مَا أَشَانْ نِغَطِّسْ النَّاسْ لَاكِنْ أَشَانْ نِبَلِّغْ لَيْهُمْ بِشَارْتَهْ. وَ مَا نِبَلِّغْهَا مِثِلْ الْعُلَمَاءْ الْيِبَلُّغُوا فِكِرْهُمْ بِكَلَامْ حَلُو. نِبَلِّغْ مَوْت الْمَسِيحْ فِي الصَّلِيبْ أَشَانْ الصَّلِيبْ كُلَ عِنْدَهْ قُدْرَةْ الْخَاصَّةْ بَيَّهْ.

رُؤية 1:7

وَ شِيفُوا، هُو جَايِ رَاكِبْ فِي السَّحَابْ وَ أَيِّ نَادُمْ يِشِيفَهْ. أَيْوَى، كُلَّ النَّاسْ الطَّعَنَوْه يِشِيفُوهْ وَ كُلَّ قَبَايِلْ الْأَرْض يَبْكُوا بِسَبَبَهْ. أَيْوَى، مِثِلْ دَا بَسْ يَبْقَى. آمِينْ.

تِيطُس 1:14

وَ مَا يَسْمَعَوْا بَتَّانْ الْقِصَصْ الْبَاطْلِينْ الْجَايِينْ مِنْ أُسْط الْيَهُودْ وَ لَا شُرُوطْ النَّاسْ الْأَبَوْا الْحَقّ.

يَهُوذَا 1:14

وَ بَتَّانْ أَخْنُوخْ الْمِنْ الذُّرِّيَّةْ السَّابْعَةْ مِنْ آدَمْ أَتْنَبَّأْ بِالنَّاسْ دَوْل وَ قَالْ: «شِيفُوا، رَبِّنَا يَجِي فِي أُسُطْ خَدَّامِينَهْ الصَّالِحِينْ الْمَا يِنْحَسْبُوا مِنْ الْكَتَرَةْ

2 تَسَلونِيكِي 2:9

وَ نَاكِرْ الْحَقّ دَا يَجِي بِقُدْرَةْ إِبْلِيسْ. هُو يِسَوِّي كُلَّ أَنْوَاعْ الْعَلَامَاتْ وَ الْعَجَايِبْ وَ الْمُعْجِزَاتْ أَشَانْ يُغُشّ بَيْهُمْ النَّاسْ.

2 كُرُنْتُس 4:2

وَ أَنِحْنَ أَبَيْنَا مَا تَابَعْنَا الْحَالْ التِّجِيبْ الْعَيْب وَ لَا الذُّنُوبْ الْيِسَوُّوهُمْ النَّاسْ بِعَشِيرْ. نَابَوْا مَا نِسَوُّوا شَيّءْ بِنَجَاضَةْ وَ أَبَداً مَا نِبَدُّلُوا كَلَامْ اللّٰهْ. لَا. لَاكِنْ قِدَّامْ اللّٰهْ نِكَلُّمُوا الْحَقّ بِكَلَامْ وَاضِحْ وَ نِخَلُّوا قَلِبْ هَنَا أَيِّ نَادُمْ يَشْهَدْ لِحَالْنَا الْعَدِيلَةْ.

2 كُرُنْتُس 2:17

نَاسْ كَتِيرِينْ قَاعِدِينْ يِخَلْبُطُوا كَلَامْ اللّٰهْ وَ يِتَاجُرُوا بَيَّهْ وَ أَنِحْنَ مَا مِثِلْهُمْ. أَنِحْنَ نِكَلُّمُوا بِنِيَّةْ مُخْلِصَةْ. أَنِحْنَ نَاسْ الْمَسِيحْ وَ اللّٰهْ رَسَّلَانَا وَ قِدَّامْ اللّٰهْ نِكَلُّمُوا لِلنَّاسْ.

مَتَّى 28:18

وَ عِيسَى جَاءْ وَ حَجَّى لَيْهُمْ وَ قَالْ: «اللّٰهْ أَنْطَانِي كُلَّ السُّلْطَةْ فِي السَّمَاءْ وَ فِي الْأَرْض.

مَلاخِـي 3:2

يَاتُو يَقْدَرْ يَحْمَلْ يَوْم جَيْتَهْ؟ وَ يَاتُو يَقْدَرْ يَقِيفْ بِطُولَهْ وَكِتْ يِبِينْ؟ أَشَانْ هُو مِثِلْ نَارْ التَّقْطَعْ الْحَدِيدْ لِيِصَفُّوهْ وَ هُو مِثِلْ الصَّابُونْ الْيِغَسِّلْ نَضِيفْ.

1 تَسَلونِيكِي 2:19

أَيْوَى، نِدَوْرُوا نِشِيفُوكُو بَتَّانْ أَشَانْ إِنْتُو بَسْ عَشَمْنَا وَ فَرَحْنَا. وَ فِي يَوْم جَيَّةْ رَبِّنَا عِيسَى، شُنُو الدَّلِيلْ الْيِوَصِّفْ خِدْمِتْنَا مَا فَشَلَتْ؟ الدَّلِيلْ هُو إِنْتُو وَ إِيمَانْكُو.

فِلِبِّي 3:21

وَ بِقُدُرْتَهْ الْعَظِيمَةْ الْيُخُطّ بَيْهَا كُلَّ شَيّءْ تِحِتْ حُكْمَهْ، هُو يَجِي يِغَيِّرْ جِسِمْنَا الضَّعِيفْ وَ يَجْعَلَهْ مِثِلْ جِسْمَهْ هُو الْمَجِيدْ.

1 كُرُنْتُس 5:4

وَ وَكِتْ إِنْتُو لَامِّينْ بِأُسُمْ رَبِّنَا عِيسَى وَ حَسَّيْتُوا كَدَرْ أَنَا قَاعِدْ مَعَاكُو بِرُوحِي وَ قُدْرَةْ رَبِّنَا عِيسَى مَعَاكُو،

1 كُرُنْتُس 2:1

يَا أَخْوَانِي، وَكِتْ أَنَا مَشَيْت لَيْكُو، بَلَّغْت لَيْكُو سِرّ اللّٰهْ الْأَوَّلْ النَّاسْ مَا عِرْفَوْه. لَاكِنْ مَا بَلَّغْتَهْ بِكَلَامْ صَعَبْ زِيَادَةْ وَ مَا حَجَّيْت لَيْكُو مِثِلْ عَالِمْ كَبِيرْ.

1 كُرُنْتُس 1:23

لَاكِنْ أَنِحْنَ نِبَلُّغُوا لِكُلَّ النَّاسْ بِالْمَسِيحْ الْكَتَلَوْه فِي الصَّلِيبْ. وَ الْكَلَامْ دَا يِزَعِّلْ الْيَهُودْ وَ هُو كَلامْ بَاطِلْ لِلْيُونَانِيِّينْ.

1 كُرُنْتُس 1:7

وَ فِي شَانْ دَا بَسْ، مَا فِي أَيِّ بَرَكَةْ مِنْ بَرَكَاتْ الرُّوحْ الْقُدُّوسْ الْقَصَّرَتْ لَيْكُو، إِنْتُو الْقَاعِدِينْ تَرْجَوْا الْيَوْم الْاللّٰهْ يِبَيِّنْ فَوْقَهْ رَبِّنَا عِيسَى الْمَسِيحْ.

رَوْمَا 1:4

وَ اللّٰهْ جَعَلَهْ إِبْنَهْ بِقُدْرَةْ الرُّوحْ الْقُدُّوسْ، وَكِتْ هُو بَعَثَهْ مِنْ أُسْط الْمَيْتِينْ. وَ إِبْنَهْ دَا، هُو عِيسَى الْمَسِيحْ رَبِّنَا.

يُوحَنَّا 17:2

مِثِلْ إِنْتَ أَنْطَيْتنِي سُلْطَةْ فِي كُلَّ النَّاسْ، أَنَا نَنْطِي الْحَيَاةْ الْأَبَدِيَّةْ لِكُلَّ النَّاسْ الْإِنْتَ أَنْطَيْتهُمْ لَيِّ.

مَتَّى 24:27

أَكِيدْ مِثِلْ الْبَرَّاقَةْ تَبْرُقْ فِي الصَّبَاحْ وَ تِنْشَافْ فِي الْغَرِبْ، جَيَّةْ إِبْن الْإِنْسَانْ كُلَ تَبْقَى مِثِلْ دَا.

مَتَّى 24:3

وَكِتْ عِيسَى قَاعِدْ فِي جَبَلْ الزَّيْتُونْ، تَلَامِيذَهْ جَوْا لَيَّهْ وِحَيْدهُمْ وَ قَالَوْا: «أَوْرِينَا مَتَى دَا يَبْقَى. وَيْنِي الْعَلَامَةْ التِّوَصِّفْنَا إِنْتَ تِقَبِّلْ قَرِيبْ وَ كُمَالَةْ الدُّنْيَا تِدَوْر تَبْقَى؟»

مَتَّى 16:28

وَ نُقُولْ لَيْكُو الْحَقّ. فِي نَاسْ وَاحِدِينْ الْقَاعِدِينْ هِنِي مَا يُمُوتُوا قُبَّالْ مَا يِشِيفُوا إِبْن الْإِنْسَانْ جَايِ فِي مَمْلَكَتَهْ.»

مَلاخِـي 4:5

«دَاهُو أَنَا نِرَسِّلْ لَيْكُو النَّبِي إِلِيَاسْ وَ دَا قُبَّالْ يَوْم اللّٰهْ مَا يَجِي وَ الْيَوْم دَا عَظِيمْ وَ مُخِيفْ.

مَتَّى 16:27

فَكُّرُوا فِي الْكَلَامْ دَا أَشَانْ إِبْن الْإِنْسَانْ يِقَبِّلْ مَعَ قُدْرَةْ مَجِيدَةْ هَنَا اللّٰهْ أَبُوهْ وَ مَعَ مَلَائِكَتَهْ. وَ أَيِّ نَادُمْ السَّوَّى الْفَسِلْ، يِعَاقِبَهْ. وَ أَيِّ نَادُمْ السَّوَّى عَمَلْ عَدِيلْ، يَنْطِيهْ أَجُرْ.

مَتَّى 17:1

وَ بَعَدْ سِتَّةْ يَوْم، عِيسَى شَالْ مَعَايَهْ بُطْرُسْ وَ يَعْقُوبْ وَ يُوحَنَّا أَخُوهْ وَ وَدَّاهُمْ وِحَيْدهُمْ فِي رَاسْ حَجَرْ طَوِيلْ.

مَرْخُوس 13:26

وَ فِي الْوَكِتْ دَا، يِشِيفُوا إِبْن الْإِنْسَانْ جَايِ فِي سَحَابْ السَّمَاءْ بِقُدْرَةْ عَظِيمَةْ وَ مَجِيدَةْ.

مَرْخُوس 14:62

وَ عِيسَى قَالْ: «أَنَا هُو. وَ تِشِيفُوا إِبْن الْإِنْسَانْ فِي كُرْسِي جَنْب اللّٰهْ الْقَادِرْ فِي نُصَّهْ الزَّيْنَايْ وَ تِشِيفُوهْ جَايِ فِي سَحَابْ السَّمَاءْ.»

لُوقا 1:2

وَ قَمَّوْا يَكْتُبُوا الْكَلَامْ الْأَنِحْنَ لِقِينَاهْ مِنْ النَّاسْ الْهُمَّنْ شُهُودْ مِنْ الْبِدَايَةْ لِكَلَامْ اللّٰهْ وَ بِقَوْا خَدَّامِينَهْ.

لُوقا 9:43

وَ كُلَّ النَّاسْ أَلْعَجَّبَوْا بِلْحَيْن لِقُدْرَةْ اللّٰهْ الْمَجِيدَةْ. وَ لَاكِنْ وَكِتْ كُلَّ النَّاسْ قَاعِدِينْ يِحَجُّوا بِكُلَّ الْعَجَايِبْ الْعِيسَى قَاعِدْ يِسَوِّيهُمْ، هُو حَجَّى لِتَلَامِيذَهْ

2 بُطْرُس 2:3

طَمَعْهُمْ كَتِيرْ لِلْمَالْ وَ يَكْدُبُوا لَيْكُو وَ يِشِيلُوا مِنْكُو بِكَلَامْ غَشّ. وَ مِنْ زَمَانْ، اللّٰهْ قَرَّرْ لَيْهُمْ الْعَذَابْ وَ أَكِيدْ الْهَلَاكْ الْيَجِي فَوْقهُمْ جَاهِزْ.