2 بُطْرُس 1:12 - الكتاب المقدس بالعربي الدارجي هنا تشاد

¹² أَكِيدْ تَعَرْفُوا الْكَلَامْ دَا وَ قَاعِدِينْ ثَابْتِينْ فِي الْحَقّ الْبَلَّغَوْه لَيْكُو. وَ لَاكِنْ نِدَوْر دَايْماً نِذَكِّرْكُو بَيَّهْ.

2 بُطْرُس 1:12 Referenca të Kryqëzuara

1 يُوحَنَّا 2:21

أَنَا نَكْتِبْ لَيْكُو مَا أَشَانْ إِنْتُو مَا عِرِفْتُوا الْحَقّ. لَا. أَنَا نَكْتِبْ لَيْكُو أَشَانْ عِرِفْتُوا الْحَقّ وَ فِهِمْتُوا كَدَرْ مَا فِي كِدِبْ وَاحِدْ جَايِ مِنْ الْحَقّ.

فِلِبِّي 3:1

وَ خَلَاصْ، يَا أَخْوَانِي، أَفْرَحَوْا بِرَبِّنَا عِيسَى. مَا قَاسِي لَيِّ نَكْتِبْ لَيْكُو نَفْس الشَّيّءْ الْأَوَّلْ أَوْرَيْتكُو بَيَّهْ وَ نِكَرِّرَهْ بَتَّانْ أَشَانْ دَا يَبْقَى لَيْكُو أَكِيدْ.

كُلُوسِي 2:7

خَلِّي يَبْقَى لَيْكُو الْقَعَرْ وَ الْأَسَاسْ وَ أَقْعُدُوا ثَابْتِينْ فَوْقَهْ بِإِيمَانْكُو مِثِلْ أَوَّلْ عَلَّمَوْكُو لَيَّهْ. وَ أَشْكُرُوا اللّٰهْ كَتِيرْ فِي كُلِّ وَكِتْ.

يَهُوذَا 1:5

وَ نِدَوْر نِذَكِّرْكُو بِالْكَلَامْ الْإِنْتُو ذَاتْكُو تَعَرْفُوهْ تَمَامْ. اللّٰهْ نَجَّى شَعَبَهْ وَ مَرَقَاهُمْ مِنْ بَلَدْ مَصِرْ وَ بَعَدَيْن هُو دَمَّرْ مِنْهُمْ النَّاسْ الْمَا آمَنَوْا بَيَّهْ.

2 يُوحَنَّا 1:2

وَ نِحِبُّكُو بِسَبَبْ الْحَقّ الْقَاعِدْ ثَابِتْ فَوْقنَا وَ الْيَقْعُدْ مَعَانَا إِلَى الْأَبَدْ.

2 بُطْرُس 1:13

أَشَانْ وَكِتْ أَنَا لِسَّاعْ قَاعِدْ حَيّ، وَاجِبْ نِذَكِّرْكُو لِمَا تَنْسَوْا.

يَهُوذَا 1:17

يَا أَخْوَانِي النِّحِبُّكُو، فَكُّرُوا فِي كَلَامْ الرُّسُلْ هَنَا رَبِّنَا عِيسَى الْمَسِيحْ الْقَالَوْه مِنْ أَوَّلْ.

يَهُوذَا 1:3

يَا أَخْوَانِي النِّحِبُّكُو، مِنْ أَوَّلْ أَتْمَنَّيْت نَكْتِبْ لَيْكُو فِي النَّجَاةْ الْكُلِّنَا نِشَارُكُوا فَوْقهَا. وَ هَسَّعْ أَنْجَبَرْت نَكْتِبْ لَيْكُو بِسُرْعَةْ وَ نِشَجِّعْكُو أَشَانْ تِجَاهُدُوا لِتَحْفَضَوْا الْإِيمَانْ الْاللّٰهْ كَلَّفْ بَيَّهْ الصَّالِحِينْ مَرَّةْ وَاحِدَةْ وَ نِهَائِيَّةْ.

2 بُطْرُس 3:17

وَ لَيْكُو إِنْتُو يَا أَخْوَانِي النِّحِبُّكُو، تَعَرْفُوا الْكَلَامْ دَا مِنْ أَوَّلْ. وَ أَشَانْ دَا، أَوْعُوا بَالْكُو وَ مَا تِخَلُّوا كِدِبْ الْعَاصِيِينْ يِوَدِّيكُو فِي دَرِبْهُمْ وَ يِتَلِّفْ إِيمَانْكُو الثَّابِتْ.

2 بُطْرُس 3:1

يَا أَخْوَانِي النِّحِبُّكُو، دَاهُو الْجَوَابْ التَّانِي الْكَتَبْتَهْ لَيْكُو. وَ فِي جَوَابَاتِي نِدَوْر نِذَكِّرْكُو بِالْكَلَامْ التَّعَرْفُوهْ خَلَاصْ وَ تِفَكُّرُوا بِفِكِرْ مُخْلِصْ.

2 بُطْرُس 1:15

وَ نِسَوِّي جُهُدْ أَشَانْ بَعَدْ أَنَا فَارَقْت الدُّنْيَا، تَقْدَرَوْا تِفَكُّرُوا فِي الْكَلَامْ دَا فِي أَيِّ وَكِتْ.

1 بُطْرُس 5:12

وَ أَنَا كَتَبْت لَيْكُو الْجَوَابْ الْقِصَيِّرْ دَا مَعَ أَخُونَا سِيلَا وَ نَشْهَدْ لَيَّهْ، هُو أَخُو صَادِقْ. وَ كَتَبْتَهْ لَيْكُو أَشَانْ نِشَجِّعْكُو وَ نَشْهَدْ لَيْكُو كَدَرْ عِنْدُكُو نِعْمَةْ اللّٰهْ الصَّحِيحَةْ وَ إِنْتُو قَاعِدِينْ ثَابْتِينْ فَوْقهَا.

1 بُطْرُس 5:10

تَعَبْكُو يَقْعُدْ بَتَّانْ وَكِتْ شِيَّةْ. وَ لَاكِنْ اللّٰهْ عِنْدَهْ رَحْمَةْ كَبِيرَةْ وَ هُو نَادَاكُو أَشَانْ تِشَارُكُوا فِي مَجْدَهْ الْأَبَدِي بِعَلَاقِتْكُو مَعَ عِيسَى الْمَسِيحْ. وَ اللّٰهْ هُو ذَاتَهْ يِثَبِّتْكُو وَ يِقَوِّيكُو وَ يَنْطِيكُو قُدْرَةْ وَ مَا تَقَعَوْا بَتَّانْ.

عِبْرَانِيِّين 13:9

مَا تِخَلُّوا النَّاسْ الْجَايِينْ بِتَعْلِيمْ عَجِيبْ أَوْ شِقْ شِقْ يِوَدُّوكُو فِي دَرِبْ آخَرْ. أَخَيْر قَلِبْ الْإِنْسَانْ يَلْقَى قُدْرَةْ مِنْ رَحْمَةْ اللّٰهْ بَسْ وَ مَا مِنْ الْأَكِلْ الْخَاصّ. وَ النَّاسْ التَّابَعَوْا التَّعْلِيمْ دَا، مَا لِقَوْا مِنَّهْ فَايْدَةْ.

عِبْرَانِيِّين 10:32

فَكُّرُوا فِي الْوَكِتْ الْفَاتْ وَكِتْ أَوَّلْ مَرَّةْ دَخَلْتُوا فِي نُورْ اللّٰهْ. فِي الْوَكِتْ دَاكْ، إِنْتُو جَاهَدْتُوا وَ صَبَرْتُوا صَبُرْ قَوِي فِي الضِّيقَةْ.

2 تِمُوتَاوُس 1:6

أَشَانْ دَا، نِدَوْر نِذَكِّرَكْ بَتَّانْ. وَكِتْ أَنَا دَعَيْت وَ خَطَّيْت فَوْقَكْ إِيدَيْنِي، اللّٰهْ أَنْطَاكْ بَرَكَةْ وَ هِي مِثِلْ جَمُرْ. هَجِّجْهَا أَشَانْ تَبْقَى بَتَّانْ حَامِيَةْ مِثِلْ أَوَّلْ.

1 تِمُوتَاوُس 4:6

كَنْ تِعَلِّمْ الْأَخْوَانْ الْوَصَايَا دَوْل، إِنْتَ تَبْقَى خَدَّامْ عَدِيلْ لِلْمَسِيحْ عِيسَى. وَ كَلَامْ الْإِيمَانْ وَ التَّعْلِيمْ الْعَدِيلْ التِّتَابِعَهْ، دَوْل يَبْقَوْا لَيْك مِثِلْ أَكِلْ الْيَنْطِيكْ قُدْرَةْ.

أعمال الرُسُل 16:5

وَ بِمِثِلْ دَا، كُلَّ جَمَاعَاتْ الْمُؤمِنِينْ بِقَوْا قَوِيِّينْ فِي الْإِيمَانْ وَ كُلَّ يَوْم عَدَدْ نَاسْهُمْ قَاعِدْ يِزِيدْ.

كُلُوسِي 1:5

وَ إِنْتُو ثَابْتِينْ فِي إِيمَانْكُو وَ مَحَبِّتْكُو أَشَانْ إِنْتُو قَاعِدِينْ تَرْجَوْا بِعَشَمْ الْبَرَكَةْ الْاللّٰهْ حَفَضَاهَا لَيْكُو فِي السَّمَاءْ. وَ سِمِعْتُوا بَيْهَا فِي كَلَامْ الْحَقّ وَ هُو بِشَارَةْ الْمَسِيحْ الْبَلَّغَوْهَا لَيْكُو مِنْ أَوَّلْ.