2 يُوحَنَّا 1:9 - الكتاب المقدس بالعربي الدارجي هنا تشاد

⁹ أَيِّ نَادُمْ الْمَا يَقْعُدْ ثَابِتْ فِي تَعْلِيمْ الْمَسِيحْ وَ لَاكِنْ يِزِيدْ فِي تَعْلِيمْ الْمَسِيحْ كَلَامْ جَدِيدْ، اللّٰهْ مَا مَعَايَهْ. النَّادُمْ الْقَاعِدْ ثَابِتْ فِي التَّعْلِيمْ، هُو بَسْ النَّادُمْ الْأَبُونَا اللّٰهْ قَاعِدْ مَعَايَهْ وَ إِبْن اللّٰهْ كُلَ قَاعِدْ مَعَايَهْ.

2 يُوحَنَّا 1:9 Referenca të Kryqëzuara

كُلُوسِي 3:16

خَلُّوا كَلَامْ الْمَسِيحْ يَسْكُنْ أَمْبَيْنَاتْكُو بِكُلَّ بَرَكَاتَهْ. عَلُّمُوا بَيَّهْ أَيِّ وَاحِدْ وَ أَشَّاجَعَوْا أَمْبَيْنَاتْكُو بِكُلَّ حِكْمَةْ. غَنُّوا لِلّٰهْ بِكُلَّ قُلُوبْكُو بِغِنَيْ وَ أَنَاشِيدْ وَ شُكُرْ مِنْ الرُّوحْ الْقُدُّوسْ.

1 يُوحَنَّا 1:3

وَ الشَّيّءْ الشِّفْنَاهْ وَ سِمِعْنَاهْ أَنِحْنَ نِبَلُّغُوهْ لَيْكُو أَشَانْ نِدَوْرُوا إِنْتُو كُلَ تُكُونُوا مَعَانَا فِي الْعَلَاقَةْ. وَ الْعَلَاقَةْ الْعِنْدِنَا دِي، هِي عَلَاقَةْ مَعَ أَبُونَا اللّٰهْ وَ مَعَ إِبْنَهْ عِيسَى الْمَسِيحْ.

أعمال الرُسُل 2:42

وَ بِنِيَّةْ وَاحِدَةْ كُلَّ الْمُؤمِنِينْ قَمَّوْا يِنْكَرْبُوا فِي تَعْلِيمْ الرُّسُلْ وَ الْحَيَاةْ الْأَخَوِيَّةْ وَ عَشَاءْ الْمَسِيحْ وَ الصَّلَاوَاتْ.

تِيطُس 2:10

وَ لَا يَسُرْقُوا مِنْهُمْ شَيّءْ. وَ لَاكِنْ وَاجِبْ يَبْقَوْا لَيْهُمْ أَمِينِينْ مَرَّةْ وَاحِدْ أَشَانْ يِوَصُّفُوا فِي كُلِّ شَيّءْ كَدَرْ تَعْلِيمْ هَنَا اللّٰهْ الْيِنَجِّينَا، هُو سَمَحْ بِلْحَيْن.

يُوحَنَّا 15:6

كَنْ نَادُمْ مَا قَاعِدْ ثَابِتْ فِيِي، هُو مِثِلْ فِرِعْ الْيَمُرْقُوهْ مِنْ الشَّدَرَةْ وَ يَزْقُلُوهْ وَ يَيْبَسْ. وَ الْفُرُوعْ دَوْل، يِلِمُّوهُمْ وَ يَزْقُلُوهُمْ فِي النَّارْ وَ يِحَرُّقُوهُمْ.

يُوحَنَّا 14:6

وَ عِيسَى رَدَّ لَيَّهْ وَ قَالْ: «أَنَا بَسْ الدَّرِبْ وَ الْحَقّ وَ الْحَيَاةْ. مَا فِي نَادُمْ يَمْشِي لِلّٰهْ إِلَّا بَيِّ أَنَا.

يُوحَنَّا 5:23

أَشَانْ كُلَّ النَّاسْ يِكَرُّمُونِي أَنَا إِبْن اللّٰهْ مِثِلْ يِكَرُّمُوا اللّٰهْ. وَ النَّادُمْ الْمَا يِكَرِّمْنِي أَنَا إِبْن اللّٰهْ، مَا يِكَرِّمْ اللّٰهْ الرَّسَّلَانِي.

لُوقا 10:22

أَبُويِ اللّٰهْ وَكَّلَانِي بِكُلَّ شَيّءْ. مَا فِي نَادُمْ الْيَعَرِفْ إِبْن اللّٰهْ. إِلَّا أَبُوهْ يَعَرْفَهْ. وَ مَا فِي نَادُمْ الْيَعَرِفْ اللّٰهْ إِلَّا إِبْن اللّٰهْ وَ النَّادُمْ الْإِبْن اللّٰهْ يِدَوْر يِوَصِّفْ لَيَّهْ أَبُوهْ.»

عِبْرَانِيِّين 6:1

أَشَانْ دَا، نِخَلُّوا وَرَانَا الدُّرُوسْ الْأَوَّلَانِيِّينْ فِي الْمَسِيحْ وَ نَمْشُوا قِدَّامْ لِلتَّعْلِيمْ الْوَاجِبْ لِلنَّاسْ الْعَاقْلِينْ. وَ مَا نِقَبُّلُوا بَتَّانْ فِي أَسَاسْ التَّعْلِيمْ دَا. وَ هُو التَّوْبَةْ مِنْ الْأَعْمَالْ الْيِوَدُّوا النَّاسْ لِلْمَوْت وَ تَعْلِيمْ الْإِيمَانْ بِاللّٰهْ.

عِبْرَانِيِّين 3:14

أَشَانْ كُلِّنَا بِقِينَا مُشَارِكِينْ فِي الْمَسِيحْ كَنْ صَحِيحْ نِتَابُعُوا الْإِيمَانْ الْعِنْدِنَا مِنْ الْبِدَايَةْ وَ نَقْعُدُوا ثَابْتِينْ فَوْقَهْ لَحَدِّي النِّهَايَةْ.

مَتَّى 11:27

«أَبُويِ اللّٰهْ وَكَّلَانِي بِكُلَّ شَيّءْ. مَا فِي نَادُمْ الْيَعَرِفْ إِبْن اللّٰهْ إِلَّا أَبُوهْ. وَ مَا فِي نَادُمْ الْيَعَرِفْ اللّٰهْ، إِلَّا إِبْن اللّٰهْ وَ النَّادُمْ الْإِبْن اللّٰهْ يِدَوْر يِوَصِّفْ لَيَّهْ أَبُوهْ.

يُوحَنَّا 8:31

وَ عِيسَى حَجَّى لِلْيَهُودْ الْآمَنَوْا بَيَّهْ وَ قَالْ: «كَنْ تَقْعُدُوا ثَابْتِينْ فِي كَلَامِي، إِنْتُو تَبْقَوْا تَلَامِيذِي بِالصَّحِيحْ.

3 يُوحَنَّا 1:9

أَنَا رَسَّلْت جَوَابْ لِجَمَاعْتَكْ الْمُؤمِنِينْ لَاكِنْ دِتْرِيفِي الْمُسْتَكْبِرْ سَوَّى نَفْسَهْ كَبِيرْهُمْ وَ هُو أَبَى مَا يَسْمَعْ كَلَامْنَا.