2 يُوحَنَّا 1:12 - الكتاب المقدس بالعربي الدارجي هنا تشاد

¹² فِي كَلَامْ كَتِيرْ نِدَوْر نِأَوْرِيكُو بَيَّهْ وَ لَاكِنْ مَا نِدَوْر نَكْتِبَهْ لَيْكُو فِي جَوَابْ. أَنَا نِتْمَنَّى نَمْشِي لَيْكُو وَ نِلِمُّوا وَ نِحَجُّوا أَمْبَيْنَاتْنَا أَشَانْ نَفْرَحَوْا سَوَا وَ فَرَحْنَا يَبْقَى تَمَامْ.

2 يُوحَنَّا 1:12 Referenca të Kryqëzuara

يُوحَنَّا 16:12

«عِنْدِي كَلَامْ زِيَادَةْ نِدَوْر نُقُولَهْ لَيْكُو لَاكِنْ هَسَّعْ إِنْتُو مَا تَقْدَرَوْا تَحْمَلَوْه.

يُوحَنَّا 15:11

أَنَا قُلْت لَيْكُو الْكَلَامْ دَا أَشَانْ فَرْحِتِي تَلْحَقْكُو وَ تَبْقَوْا فَرْحَانِينْ مَرَّةْ وَاحِدْ.

عَدد 12:8

وَ نِكَلِّمْ مَعَايَهْ خَشُمْ بِخَشُمْ بِكَلَامْ وَاضِحْ مَا مُلَبَّدْ. وَ أَنَا نِبَيِّنْ نَفْسِي لَيَّهْ وَ هُو يِشِيفْنِي أَنَا اللّٰهْ. وَ بَيْدَا، مَالَا مَا خُفْتُوا وَ قَمَّيْتُوا ضِدّ مُوسَى عَبْدِي؟»

1 يُوحَنَّا 1:4

وَ نَكْتُبُوا لَيْكُو الْكَلَامْ دَا أَشَانْ الْفَرَحْ الْأَنِحْنَ كُلِّنَا عِنْدِنَا يَبْقَى كَامِلْ.

عِبْرَانِيِّين 13:19

وَ بَتَّانْ نَطُلْبُوا مِنْكُو بِزِيَادَةْ، أَسْأَلَوْا لَيِّ أَنَا أَشَانْ اللّٰهْ يِرَسِّلْنِي لَيْكُو فِي وَكِتْ قَرِيبْ.

رَوْمَا 15:24

وَ خَلَاصْ، نَقْدَرْ نَخْشَاكُو وَكِتْ نَمْشِي إِسْبَانِيَا. إِنْ شَاءْ اللّٰهْ، نَجِيكُو وَ نَقْعُدْ مَعَاكُو أَيَّامْ وَ دَا يَبْقَى لَيِّ حَلُو. وَ بَعَدْ دَا، تِسَاعُدُونِي أَشَانْ نِسَافِرْ قِدَّامْ.

يُوحَنَّا 17:13

«وَ هَسَّعْ نَمْشِي لَيْك. وَ وَكِتْ أَنَا لِسَّاعْ فِي الدُّنْيَا، نُقُولْ الْكَلَامْ دَا أَشَانْ هُمَّنْ يَفْرَحَوْا فَرْحَةْ شَدِيدَةْ مِثِلْ أَنَا نَفْرَحْ.

يُوحَنَّا 16:24

لَحَدِّي الْيَوْم، إِنْتُو مَا سَأَلْتُوا شَيّءْ مِنْ اللّٰهْ بِأُسْمِي. أَسْأَلَوْه وَ هُو يَنْطِيكُو أَشَانْ تَفْرَحَوْا فَرْحَةْ شَدِيدَةْ.

عِبْرَانِيِّين 13:23

نِدَوْر إِنْتُو تَعَرْفُوا كَدَرْ أَخُونَا تِمُوتَاوُسْ طَلَقَوْه مِنْ السِّجِنْ وَ كَنْ هُو يَجِي لَيِّ عَجَلَةْ، نَمْشُوا لَيْكُو مَعَايَهْ وَ نِشِيفُوكُو.

فِلِمُون 1:22

وَ مَعَ الْكَلَامْ دَا، نُقُولْ لَيْك جَهِّزْ لَيِّ بَكَانْ فِي بَيْتَكْ أَشَانْ نَجِي نَقْعُدْ مَعَاكْ. نَرْجَى اللّٰهْ يَسْمَعْ دُعَاكُو فِي شَانِي وَ يَطُلْقُونِي قَرِيبْ.

2 تِمُوتَاوُس 1:4

نِفَكِّرْ فِي دُمُوعَكْ وَ نَقْرَمْ لَيْك. نِدَوْر نِشِيفَكْ بَتَّانْ أَشَانْ نِنْمَلِي بِالْفَرْحَةْ.

يُوحَنَّا 3:29

النَّادُمْ الْعِنْدَهْ الْعَرُوسْ، هُو بَسْ الْعَرِيسْ. وَ رَفِيقْ الْعَرِيسْ هُو يَقِيفْ جَنْبَهْ وَ يَسْمَعْ كَلَامَهْ. وَ كَنْ يَسْمَعْ حِسّ الْعَرِيسْ، هُو فَرْحَانْ بِفَرْحَةْ كَبِيرَةْ. وَ الْفَرْحَةْ دِي، هِي فَرْحَةْ هِنْتِي وَ هَسَّعْ أَنَا فَرْحَانْ مَرَّةْ وَاحِدْ.

3 يُوحَنَّا 1:10

وَ وَكِتْ نَجِيكْ، نِوَضِّحْ لِلْأَخْوَانْ الشَّيّءْ الْهُو قَاعِدْ يُقُولَهْ فَوْقنَا. هُو قَاعِدْ يَقْطَعْنَا بِكَلَامْ فَسِلْ. وَ دَا كُلَ مَا تَمَّاهْ. هُو ذَاتَهْ أَبَى مَا ضَيَّفْ الْأَخْوَانْ الرَّسَّلْنَاهُمْ. وَ النَّاسْ الدَّوَّرَوْا يِضَيُّفُوهُمْ كُلَ، هُو دَحَرَاهُمْ وَ طَرَدَاهُمْ مِنْ جَمَاعَةْ الْمُؤمِنِينْ.