2 كُرُنْتُس 4:3 - الكتاب المقدس بالعربي الدارجي هنا تشاد

³ وَ كَنْ الْبِشَارَةْ النِّبَلُّغُوهَا مَا تِنْفَهِمْ، هِي مَا تِنْفَهِمْ إِلَّا لِلنَّاسْ الْمُوَدِّرِينْ بَسْ.

2 كُرُنْتُس 4:3 Referenca të Kryqëzuara

2 كُرُنْتُس 3:14

لَاكِنْ هُمَّنْ دَوْل فِكِرْهُمْ أَنْطَمَسْ. وَ لَحَدِّي الْيَوْم كَنْ يَقْرُوا لَيْهُمْ شُرُوطْ التَّوْرَاةْ الْهِي الْمُعَاهَدَةْ الْقَدِيمَةْ، خَلَاصْ نَفْس الْمِنْدِيلْ قَاعِدْ يِغَطِّي فِكِرْهُمْ وَ مَا يِخَلِّيهُمْ يَفْهَمَوْا الْكَلَامْ عَدِيلْ. وَ الْمِنْدِيلْ دَا مَا يِنْرَفِعْ مِنْهُمْ إِلَّا كَنْ يِآمُنُوا بِالْمَسِيحْ.

1 كُرُنْتُس 1:18

صَحِيحْ، النَّاسْ الْمُوَدِّرِينْ يُقُولُوا كَدَرْ كَلَامْنَا فِي الصَّلِيبْ كَلامْ بَاطِلْ. لَاكِنْ لَيْنَا أَنِحْنَ الْاللّٰهْ قَاعِدْ يِنَجِّينَا، كَلَامْ هَنَا الصَّلِيبْ عِنْدَهْ قُدْرَةْ اللّٰهْ.

مَتَّى 11:25

وَ فِي الْوَكِتْ دَا، عِيسَى حَجَّى وَ قَالْ: «شُكْراً، يَا أَبُويِ رَبّ السَّمَاوَاتْ وَ الْأَرْض أَشَانْ إِنْتَ لَبَّدْت كَلَامَكْ دَا مِنْ الْحَكِيمِينْ وَ مِنْ الْعُلَمَاءْ. وَ وَصَّفْتَهْ لِلنَّاسْ الْجُهَّالْ.

2 كُرُنْتُس 4:4

النَّاسْ الْمَا مُؤمِنِينْ دَوْل قُلُوبْهُمْ عَمْيَانِينْ أَشَانْ إِبْلِيسْ عِنْدَهْ سُلْطَةْ فِي الدُّنْيَا دِي وَ هُو عَمَاهُمْ. هُو يِدَوْر يَدْحَرْهُمْ مَا يِشِيفُوا النُّورْ الْمَجِيدْ هَنَا الْمَسِيحْ النِّبَلُّغُوا بَيَّهْ الْبِشَارَةْ. الْمَسِيحْ هُو صُورَةْ اللّٰهْ.

رَوْمَا 2:16

وَ حَسَبْ بِشَارَةْ الْمَسِيحْ النِّبَلِّغْهَا، دَا كُلَّ كَيْ يَبْقَى وَاضِحْ فِي الْيَوْم الْاللّٰهْ يِحَاسِبْ فَوْقَهْ النَّاسْ بِوَاسِطَةْ عِيسَى الْمَسِيحْ. وَ هُو يِحَاسِبْ النَّاسْ فِي الْعَمَلْ الْيِسَوُّوهْ بِعَشِيرْ.

1 تِمُوتَاوُس 1:11

وَ التَّعْلِيمْ هُو عَدِيلْ كَنْ يِوَافِقْ مَعَ الْبِشَارَةْ الْاللّٰهْ كَلَّفَانِي بَيْهَا أَشَانْ نِبَلِّغْهَا. وَ هِي الْبِشَارَةْ الْمَجِيدَةْ الْمِنْ اللّٰهْ الْوَاجِبْ لَيَّهْ الشُّكُرْ.

1 تَسَلونِيكِي 1:5

أَشَانْ الْبِشَارَةْ الْبَلَّغْنَاهَا لَيْكُو مَا جَاتْ لَيْكُو بِكَلَامْ بَسْ لَاكِنْ بِقُدْرَةْ وَ بِخِدْمَةْ الرُّوحْ الْقُدُّوسْ وَ بِعَشَمْ مُؤَكَّدْ. وَ إِنْتُو شِفْتُوا حَالْنَا مَعَاكُو وَ خِدْمِتْنَا فِي شَانْكُو.

2 كُرُنْتُس 2:12

وَ مَشَيْت فِي حِلَّةْ تُرُوَاسْ أَشَانْ نِبَلِّغْ بِشَارَةْ الْمَسِيحْ. وَ وَكِتْ وِصِلْت، رَبِّنَا فَتَحْ لَيِّ الْبَابْ أَشَانْ نِبَشِّرْ.

1 كُرُنْتُس 2:6

وَ لَاكِنْ كَنْ أَنِحْنَ قَاعِدِينْ مَعَ مُؤمِنِينْ كُبَارْ فِي الْإِيمَانْ، نِكَلُّمُوا لَيْهُمْ بِحِكْمَةْ عَدِيلَةْ. وَ الْحِكْمَةْ دِي مَا تِشَابِهْ حِكْمَةْ نَاسْ الدُّنْيَا وَ لَا حِكْمَةْ كُبَارَاتْ نَاسْ الدُّنْيَا اللَّابُدَّ يَبْقَوْا مَا فِيهُمْ.