2 كُرُنْتُس 1:1 - الكتاب المقدس بالعربي الدارجي هنا تشاد

¹ جَوَابْ مِنِّي أَنَا بُولُسْ رَسُولْ عِيسَى الْمَسِيحْ بِإِذِنْ اللّٰهْ. وَ دَاهُو نَكْتِبْ لَيْكُو مَعَ أَخُونَا تِمُوتَاوُسْ. وَ أَنِحْنَ نِسَلُّمُوكُو إِنْتُو جَمَاعَةْ الْمُؤمِنِينْ هَنَا اللّٰهْ الْقَاعِدِينْ فِي حِلَّةْ كُرُنْتُسْ وَ لِكُلَّ الصَّالِحِينْ الْقَاعِدِينْ فِي أَيِّ بَكَانْ فِي بَلَدْ أَخَايَةْ.

2 كُرُنْتُس 1:1 Referenca të Kryqëzuara

2 تِمُوتَاوُس 1:1

جَوَابْ مِنِّي أَنَا بُولُسْ رَسُولْ هَنَا عِيسَى الْمَسِيحْ بِإِذِنْ اللّٰهْ. وَ هُو جَعَلَانِي رَسُولْ أَشَانْ نِبَلِّغْ الْحَيَاةْ الْأَبَدِيَّةْ الْاللّٰهْ وَاعَدَانَا بَيْهَا وَ أَنْطَاهَا بِعِيسَى الْمَسِيحْ.

فِلِبِّي 1:1

جَوَابْ مِنِّي أَنَا بُولُسْ وَ تِمُوتَاوُسْ عَبِيدْ عِيسَى الْمَسِيحْ، لَيْكُو إِنْتُو كُلُّكُو الْبِقِيتُوا صَالِحِينْ بِعِيسَى الْمَسِيحْ الْفِي حِلَّةْ فِلِبِّي مَعَ مَسَائِيلْكُو وَ مُعَاوِنِينْهُمْ.

أفَسُس 1:1

جَوَابْ مِنِّي أَنَا بُولُسْ رَسُولْ عِيسَى الْمَسِيحْ بِإِذِنْ اللّٰهْ. وَ نَكْتِبْ لَيْكُو إِنْتُو الصَّالِحِينْ الْفِي حِلَّةْ أَفَسُسْ الثَّابْتِينْ فِي إِيمَانْكُو بِالْمَسِيحْ عِيسَى.

تِيطُس 1:1

جَوَابْ مِنِّي أَنَا بُولُسْ عَبْد اللّٰهْ وَ رَسُولْ هَنَا عِيسَى الْمَسِيحْ، مُرَسَّلْ أَشَانْ نِجِيبْ النَّاسْ الْاللّٰهْ عَزَلَاهُمْ فِي دَرِبْ الْإِيمَانْ وَ نِعَرِّفْهُمْ الْحَقّ الْيِوَدِّيهُمْ لِلتَّقْوَى.

1 تِمُوتَاوُس 1:1

جَوَابْ مِنِّي أَنَا بُولُسْ رَسُولْ عِيسَى الْمَسِيحْ بِأَمُرْ مِنْ اللّٰهْ مُنَجِّينَا وَ الْمَسِيحْ عِيسَى الْعَشَمْنَا قَاعِدْ فَوْقَهْ.

غَلاطِية 1:1

جَوَابْ مِنِّي أَنَا بُولُسْ الْبِقِيتْ رَسُولْ مَا بِإِذِنْ النَّاسْ وَ لَا بِنِيِّتْهُمْ، لَاكِنْ بِإِذِنْ عِيسَى الْمَسِيحْ وَ اللّٰهْ أَبُوهْ الْبَعَثَهْ مِنْ أُسْط الْمَيْتِينْ.

1 كُرُنْتُس 16:10

وَ وَكِتْ تِمُوتَاوُسْ يَجِيكُو، أَكُرْبُوهْ قَوِي وَ خَلِّي يَقْعُدْ مَعَاكُو بِالسَّلَامْ أَشَانْ هُو قَاعِدْ يَخْدِمْ خِدْمَةْ اللّٰهْ مِثْلِي أَنَا.

1 كُرُنْتُس 6:11

وَ نَاسْ وَاحِدِينْ مِنْكُو أَوَّلْ قَاعِدِينْ يِسَوُّوا الذُّنُوبْ دَوْل. لَاكِنْ اللّٰهْ غَسَّلَاكُو وَ سَوَّاكُو خَاصِّينْ لَيَّهْ وَ جَعَلَاكُو صَالِحِينْ بِأُسُمْ رَبِّنَا عِيسَى الْمَسِيحْ وَ بِقُدْرَةْ رُوحْ اللّٰهْ إِلٰـهْنَا.

أعمال الرُسُل 16:1

وَ بُولُسْ مَشَى قِدَّامْ لِحِلَّةْ دَرْبَةْ. وَ بَعَدَيْن جَاءْ فِي حِلَّةْ لِسْتَرَةْ. وَ فِي لِسْتَرَةْ، تِلْمِيذْ وَاحِدْ قَاعِدْ أُسْمَهْ تِمُوتَاوُسْ. أَمَّهْ يَهُودِيَّةْ مُؤمِنَةْ بِالْمَسِيحْ وَ أَبُوهْ يُونَانِي.

عِبْرَانِيِّين 13:23

نِدَوْر إِنْتُو تَعَرْفُوا كَدَرْ أَخُونَا تِمُوتَاوُسْ طَلَقَوْه مِنْ السِّجِنْ وَ كَنْ هُو يَجِي لَيِّ عَجَلَةْ، نَمْشُوا لَيْكُو مَعَايَهْ وَ نِشِيفُوكُو.

2 تَسَلونِيكِي 1:1

جَوَابْ مِنِّي أَنَا بُولُسْ وَ أَخْوَانِي سِيلَا وَ تِمُوتَاوُسْ لِجَمَاعَةْ الْمُؤمِنِينْ الْفِي حِلَّةْ تَسَلُونِيكِي، شَعَبْ هَنَا اللّٰهْ أَبُونَا وَ رَبِّنَا عِيسَى الْمَسِيحْ.

1 تَسَلونِيكِي 1:1

جَوَابْ مِنِّي أَنَا بُولُسْ وَ أَخْوَانِي سِيلَا وَ تِمُوتَاوُسْ لِجَمَاعَةْ الْمُؤمِنِينْ الْفِي حِلَّةْ تَسَلُونِيكِي، إِنْتُو شَعَبْ اللّٰهْ أَبُونَا وَ رَبِّنَا عِيسَى الْمَسِيحْ. عَلَيْكُمْ السَّلَامْ وَ الرَّحْمَةْ.

2 كُرُنْتُس 11:10

نُقُولْ لَيْكُو الْحَقّ بِأُسُمْ الْمَسِيحْ الْقَاعِدْ فَوْقِي، نُقُولْ لَيْكُو نَادُمْ وَاحِدْ مَا يَدْحَرْنِي مِنْ الْفَشَارْ دَا فِي أَيِّ بَكَانْ فِي أَخَايَةْ.

2 كُرُنْتُس 9:2

أَنَا نَعَرِفْ نِيِّتْكُو شَدِيدَةْ. وَ أَنَا حَجَّيْت بَيْهَا بِرَاسِي مَرْفُوعْ لِأَخْوَانَّا الْهِنِي فِي مَقِدُونِيَةْ وَ قُلْت لَيْهُمْ كَدَرْ إِنْتُو الْفِي أَخَايَةْ جَاهِزِينْ مِنْ السَّنَةْ الْفَاتَتْ. وَ خَبَرْ هَنَا حَمِيصِتْكُو شَجَّعْ كَتِيرِينْ مِنْهُمْ أَشَانْ يَنْطُوا.

1 كُرُنْتُس 16:15

يَا أَخْوَانِي، تَعَرْفُوا نَاسْ بَيْت إِسْتِفَانْ وَ تَعَرْفُوا كَدَرْ فِي بَلَدْ أَخَايَةْ، هُمَّنْ أَوَّلْ نَاسْ الْآمَنَوْا بِالْمَسِيحْ وَ مُنْكَرِبِينْ فِي الْخِدْمَةْ فِي شَانْ الصَّالِحِينْ. وَ نِوَصِّيكُو

1 كُرُنْتُس 10:32

مَا تَبْقَوْا سَبَبْ لِأَيِّ نَادُمْ لِتَمُرْقُوهْ مِنْ الدَّرِبْ، وَ لَا لِلْيَهُودْ وَ لَا لِلْيُونَانِيِّينْ وَ لَا لِنَاسْ اللّٰهْ أُمَّةْ الْمَسِيحْ.

رَوْمَا 16:21

وَ أَخُويِ تِمُوتَاوُسْ الْيَخْدِمْ مَعَايِ سَوَا يِسَلِّمْكُو. وَ أَهَلِي لُوكِيُسْ وَ يَاسُونْ وَ سُوبَاتَرْ كُلَ يِسَلُّمُوكُو.

رَوْمَا 16:5

وَ سَلُّمُوا جَمَاعَةْ الْمُؤمِنِينْ الْيِلِمُّوا فِي بَيْتهُمْ. وَ سَلُّمُوا حَبِيبِي أَبِنَاتُسْ. هُو أَوَّلْ نَادُمْ الْآمَنْ بِالْمَسِيحْ فِي بَلَدْ آسِيَا.

رَوْمَا 15:26

أَشَانْ الْمُؤمِنِينْ الْفِي مَقِدُونِيَةْ وَ الْيُونَانْ شَالَوْا نِيَّةْ أَمْبَيْنَاتْهُمْ أَشَانْ يِرَسُّلُوا مُسَاعَدَةْ لِلْمَسَاكِينْ الْقَاعِدِينْ أَمْبَيْن الصَّالِحِينْ فِي مَدِينَةْ الْقُدُسْ.

1 كُرُنْتُس 16:24

مَحَبِّتِي لَيْكُو كُلُّكُو فِي الْمَسِيحْ عِيسَى.

2 كُرُنْتُس 1:19

أَشَانْ إِبْن اللّٰهْ عِيسَى الْمَسِيحْ الْأَنَا وَ أَخْوَانِي سِيلَا وَ تِمُوتَاوُسْ بَلَّغْنَاكُو بَيَّهْ، أَبَداً مَا يِخَلْبِطْ «أَيْوَى» وَ «لَا». كَلَامَهْ دَايْماً، أَيْوَى.

2 كُرُنْتُس 1:23

وَ اللّٰهْ شَاهِدْ لَيِّ كَدَرْ كَلَامِي مَا كِدِبْ. أَنَا مَا دَوَّرْت يَبْقَى لَيْكُو قَاسِي. وَ أَشَانْ دَا بَسْ، أَنَا مَا مَشَيْت بَتَّانْ فِي كُرُنْتُسْ.

غَلاطِية 3:26

أَشَانْ إِنْتُو كُلُّكُو عِيَالْ اللّٰهْ فِي عِيسَى الْمَسِيحْ بِدَرِبْ الْإِيمَانْ.

1 تَسَلونِيكِي 3:2

وَ رَسَّلْنَا لَيْكُو أَخُونَا تِمُوتَاوُسْ الْيَخْدِمْ مَعَانَا سَوَا لِلّٰهْ فِي بَلِّغِينْ بِشَارَةْ الْمَسِيحْ. وَ رَسَّلْنَاهْ لِيِشَجِّعْكُو وَ يِقَوِّي إِيمَانْكُو

فِلِمُون 1:1

جَوَابْ مِنِّي أَنَا بُولُسْ الْمَسْجُونْ فِي شَانْ الْمَسِيحْ عِيسَى وَ مِنْ أَخُونَا تِمُوتَاوُسْ. وَ نَكْتِبْ لَيْك إِنْتَ، يَا حَبِيبْنَا وَ رَفِيقْنَا فِي الْخِدْمَةْ فِلِمُونْ