1 تِمُوتَاوُس 6:9 - الكتاب المقدس بالعربي الدارجي هنا تشاد

⁹ لَاكِنْ النَّاسْ الْيِدَوْرُوا يَبْقَوْا غَنِيِّينْ، طَمَعْهُمْ يِلِزُّهُمْ فِي الذُّنُوبْ وَ يَبْقَى لَيْهُمْ شَرَكْ. وَ كَتَرَةْ شَهْوَاتْهُمْ يِسَبُّبُوا لَيْهُمْ الْأَذَى وَ يِسَوُّوهُمْ عَجَامَا وَ يِوَدُّوهُمْ فِي الدَّمَارْ وَ الْهَلَاكْ.

1 تِمُوتَاوُس 6:9 Referenca të Kryqëzuara

أمْثال 15:27

الْيَجْرِي وَرَاءْ الْمَالْ الْحَرَامْ يِبَرْجِلْ بَيْتَهْ لَاكِنْ الْيَكْرَهْ الرَّشْوَةْ يُطُولْ عُمْرَهْ.

1 تِمُوتَاوُس 3:7

وَ مَعَ كُلَّ الْكَلَامْ دَا، خَلِّي أَيِّ مَسْؤُولْ يَبْقَى نَادُمْ الْيِكَرُّمُوهْ النَّاسْ الْمَا مُؤمِنِينْ كُلَ. وَ مِثِلْ دَا، الْعَيْب مَا يَجِي فَوْقَهْ وَ يَقَعْ فِي شَرَكْ إِبْلِيسْ.

أعمال الرُسُل 8:20

وَ بُطْرُسْ رَدَّ لَيَّهْ وَ قَالْ: «إِنْتَ وَ قُرْسَكْ كُلَ حَطَبْ النَّارْ أَشَانْ إِنْتَ فَكَّرْت تَقْدَرْ تَشْرِي بِقُرْسَكْ بَرَكَةْ اللّٰهْ!

مَتَّى 13:22

وَ التَّيْرَابْ الْوَقَعْ فِي أُسْط الشَّوْك يِمَثِّلْ النَّادُمْ الْيَسْمَعْ الْكَلَامْ لَاكِنْ مَشَاكِلْ الدُّنْيَا وَ رَيْدِتَهْ لِلْمَالْ يَكْتُلُوا الْكَلَامْ الْفِي قَلْبَهْ وَ بَيْدَا، كَلَامْ اللّٰهْ يَبْقَى لَيَّهْ مَا عِنْدَهْ فَايْدَةْ.

يَهُوذَا 1:11

الْعَذَابْ يَرْجَاهُمْ. أَشَانْ هُمَّنْ شَالَوْا دَرِبْ هَنَا قَابِيلْ. هُمَّنْ شَالَوْا دَرِبْ الْكِدِبْ هَنَا بَلْعَامْ أَشَانْ يَلْقَوْا بَيَّهْ رِبَا. وَ عِصَوْا اللّٰهْ مِثِلْ قُورَحْ وَ بَيْدَا، أَكِيدْ يِدَّمَّرَوْا.

2 بُطْرُس 2:3

طَمَعْهُمْ كَتِيرْ لِلْمَالْ وَ يَكْدُبُوا لَيْكُو وَ يِشِيلُوا مِنْكُو بِكَلَامْ غَشّ. وَ مِنْ زَمَانْ، اللّٰهْ قَرَّرْ لَيْهُمْ الْعَذَابْ وَ أَكِيدْ الْهَلَاكْ الْيَجِي فَوْقهُمْ جَاهِزْ.

أفَسُس 4:22

فِي الشَّيّءْ الْبُخُصّ الْحَالْ الْإِنْتُو أَوَّلْ عَايْشِينْ بَيْهَا، وَاجِبْ تِخَلُّوهَا مِنْكُو مَرَّةْ وَاحِدْ وَ مَا تِتَابُعُوا بَتَّانْ حَالْكُو الْقَدِيمَةْ. أَوَّلْ حَالْكُو دِي غَشَّتْكُو وَ وَدَّرَتْكُو.

مَرْخُوس 4:19

وَ لَاكِنْ مَشَاكِلْ الدُّنْيَا وَ رَيْدِتْهُمْ لِلْمَالْ وَ شَهْوَاتْهُمْ يَكْتُلُوا الْكَلَامْ الْفِي قُلُوبْهُمْ. وَ بَيْدَا، كَلَامْ اللّٰهْ مَا يِجِيبْ فَايْدَةْ.

مَتَّى 26:15

وَ قَالْ: «تَنْطُونِي كَمْ أَشَانْ نِسَلِّمْ لَيْكُو عِيسَى؟» وَ حَسَبَوْا لَيَّهْ تَلَاتِينْ حَجَرْ فُضَّةْ.

مَتَّى 19:22

وَ وَكِتْ الصَّبِي سِمِعْ الْكَلَامْ دَا، هُو بِقِي حَزْنَانْ وَ فَاتْ أَشَانْ عِنْدَهْ مَالْ كَتِيرْ.

أمْثال 22:16

الْيَظْلُمْ الْفَقْرَانْ لِيَغْنَى أَوْ يَنْطِي هَدَايَا لِلْغَنِيْ، النَّادُمْ دَا يِفَقِّرْ نَفْسَهْ.

أمْثال 21:6

الْمَالْ الْيَكْسَبَوْه بِكِدِبْ مِثِلْ ضُلّ الضَّحَى الزَّوَّالْ وَ أَكِيدْ هُو شَرَكْ الْيِجِيبْ الْمَوْت.

أمْثال 20:21

الْمَالْ التَّلْقَاهْ عَجَلَةْ فِي الأَخِيرْ مَا عِنْدَهْ بَرَكَةْ.

2 تِمُوتَاوُس 2:26

وَ خَلَاصْ، يَمُرْقُوا مِنْ شَرَكْ إِبْلِيسْ الْأَوَّلْ كَرَبَاهُمْ أَشَانْ يِسَوُّوا لَيَّهْ الشَّيّءْ الْهُو يِدَوْرَهْ.

1 تِمُوتَاوُس 1:9

وَاجِبْ نَفْهَمَوْا كَدَرْ اللّٰهْ أَنْطَى شُرُوطْ التَّوْرَاةْ مَا لِلصَّالِحِينْ بَسْ لَاكِنْ أَنْطَاهُمْ لِلْمُجْرِمِينْ وَ الْعَاصِيِينْ وَ الْكُفَّارْ وَ الْمُذْنِبِينْ وَ النَّاسْ النِّجْسِينْ وَ الْبَكْرَهَوْا الدِّينْ وَ النَّاسْ الْيَكْتُلُوا أَبَّهَاتْهُمْ وَ الْيَكْتُلُوا أَمَّهَاتْهُمْ وَ كُلَّ كَتَّالِينْ الدِّمَمْ.

لُوقا 21:35

وَ يَبْقَى لَيْكُو مِثِلْ شَرَكْ. أَكِيدْ، الْيَوْم دَا يَجِي فِي كُلَّ النَّاسْ الْفِي كُلَّ الْأَرْض.

زَكَرِيَّا 11:5

وَ الْيَشْرُوا الْغَنَمْ دَوْل يَدْبَحَوْهُمْ وَ مَا يَنْدَمَوْا لَيْهُمْ. وَ الْيِبِيعُوهُمْ يُقُولُوا: ‹بَارَكْ اللّٰهْ! دَاهُونِي غَنِيْ!› وَ الْيَسْرَحَوْا بَيْهُمْ كُلَ مَا عِنْدُهُمْ لَيْهُمْ مَحَنَّةْ.

إشَعْيا 5:8

الْعَذَابْ لِلْيِلِمُّوا بَيْت فِي بَيْت وَ زَرَعْ فِي زَرَعْ لَحَدِّي يِشِيلُوا كُلَّ الْبَكَانْ وَ يَسْكُنُوا وِحَيْدهُمْ فِي أُسْط الْبَلَدْ.

أمْثال 23:4

مَا تِعَيِّي نَفْسَكْ فِي شَانْ الْمَالْ. أَعَرِفْ مَتَى تِنْجَمّ.

زَبُور 11:6

خَلِّي اللّٰهْ يِنَزِّلْ فِي الْعَاصِيِينْ مَطَرَةْ هَنَا جَمُرْ وَ نَارْ وَ كِبْرِيتْ وَ رِيحْ مُحْرِقَةْ! أَيْوَى، دَا قِسِمْهُمْ الْقَاعِدْ يَرْجَاهُمْ.

يَشُوع 7:11

بَنِي إِسْرَائِيلْ أَذْنَبَوْا! أَيْوَى، هُمَّنْ نَقَضَوْا مُعَاهَدَتِي الْأَنَا أَمَرْتُهُمْ بَيْهَا وَ شَالَوْا مِنْ الْخُمَامْ الْحَرَامْ، سِرْقَوْه وَ لَبَّدَوْه فِي خُمَامْهُمْ.

تَثْنِية 7:25

وَ حَرُّقُوا أَصْنَامْ إِلٰـهَاتْهُمْ بِنَارْ وَ مَا تَطْمَعَوْا وَ تِشِيلُوا مِنْ الْفُضَّةْ وَ الدَّهَبْ الْفَوْقهُمْ لِنُفُوسْكُو أَشَانْ دَا يَبْقَى لَيْكُو شَرَكْ يَكْرُبْكُو وَ اللّٰهْ إِلٰـهْكُو كُلَ حَرَّمَهْ.

عَدد 31:8

وَ مَعَ الرُّجَالْ دَوْل هُمَّنْ كَتَلَوْا مُلُوكْ مِدْيَانْ الْخَمْسَةْ، أَوِيَا وَ رَاقِمْ وَ صُورْ وَ حُورْ وَ رَابِعْ. وَ بَلْعَامْ وِلَيْد بَعُورْ كُلَ كَتَلَوْه مَعَاهُمْ.

مَتَّى 6:19

«مَا تُضُمُّوا الْمَالْ فِي الْأَرْض أَشَانْ هِنِي فِي الْأَرْض الْأَرْضَةْ وَ السَّقَرْ بِتَلُّفُوهْ وَ السَّرَارِيقْ يَدْخُلُوا يَسُرْقُوهْ.

لُوقا 12:21

وَ عِيسَى قَالْ بَتَّانْ: «وَ يَبْقَى مِثِلْ دَا لِأَيِّ إِنْسَانْ الْيُضُمّ مَالْ لِنَفْسَهْ وَ لَاكِنْ مَا عِنْدَهْ كَنْز قِدَّامْ اللّٰهْ.»

1 تِمُوتَاوُس 6:10

أَشَانْ حُبّ الْمَالْ، هُو قَعَرْ كُلَّ الْفَسَالَةْ. بِسَبَبْ الطَّمَعْ، نَاسْ وَاحِدِينْ وَدَّرَوْا. مَرَقَوْا مِنْ دَرِبْ الْإِيمَانْ وَ جَابَوْا فِي رَاسْهُمْ نَدَامَةْ شَدِيدَةْ.

1 تِمُوتَاوُس 6:17

وَ الْأَخْوَانْ الْعِنْدُهُمْ مَالْ كَتِيرْ فِي الدُّنْيَا، وَصِّيهُمْ أَشَانْ مَا يَبْقَوْا فَشَّارِينْ وَ مَا يُخُطُّوا بَالْهُمْ فِي الْمَالْ الْيُفُوتْ. خَلِّي يُخُطُّوا بَالْهُمْ فِي اللّٰهْ الْيَنْطِينَا بِزِيَادَةْ وَ يَرْزُقْنَا بِكُلِّ شَيّءْ أَشَانْ نَفْرَحَوْا مِنَّهْ.

تِيطُس 2:12

وَ هِي تِدَرِّبْنَا أَشَانْ نِخَلُّوا مِنِّنَا الْكُفُرْ وَ شَهْوَاتْ الدُّنْيَا وَ نِعِيشُوا فِي الدُّنْيَا بِحَالْ عَاقْلَةْ وَ صَالْحَةْ وَ تَقِيَّةْ.

1 مُلوك 21:6

وَ أَخَابْ رَدَّ لَيْهَا وَ قَالْ: «أَنَا حَجَّيْت لِنَابُوتْ الْمِنْ حِلَّةْ يَزْرَعِيلْ وَ قُلْت لَيَّهْ: ‹بِيعْ لَيِّ جِنَيْنِتَكْ هَنَا الْعِنَبْ وَ كَنْ مَا فِي كَمَانْ، نِبَدِّلْهَا لَيْك بِجِنَيْنَةْ آخَرَةْ.› وَ لَاكِنْ هُو قَالْ لَيِّ: ‹أَنَا مَا نَنْطِيكْ جِنَيْنِتِي.›»