1 تِمُوتَاوُس 6:4 - الكتاب المقدس بالعربي الدارجي هنا تشاد

⁴ هُو مُسْتَكْبِرْ مَرَّةْ وَاحِدْ. مَا يَعَرِفْ شَيّءْ. عِنْدَهْ مَرَضْ هَنَا الْمُنَاقَشَاتْ وَ الْمُغَالَطَاتْ فِي مَعَنَى الْكَلِمَاتْ. كَلَامَهْ يِسَبِّبْ الْحُسُدْ وَ الْمُخَاصَمَةْ وَ الْقَطِيعَةْ وَ التُّهَمْ الْبَاطْلِينْ.

1 تِمُوتَاوُس 6:4 Referenca të Kryqëzuara

2 تِمُوتَاوُس 2:23

وَ أَنْقَرِعْ مَرَّةْ وَاحِدْ مِنْ الْمُنَاقَشَاتْ الْبَاطْلِينْ الْمَا عِنْدُهُمْ فَايْدَةْ. إِنْتَ تَعَرِفْ كَدَرْ الْمُنَاقَشَاتْ الْمِثِلْ دَوْل يِسَبُّبُوا الْهُرَاجْ بَسْ.

2 تِمُوتَاوُس 3:4

وَ يَبْقَوْا خَايْنِينْ وَ مُتَعَمِّدِينْ وَ فَشَّارِينْ. وَ يِحِبُّوا حَلَاتْ الدُّنْيَا زِيَادَةْ مِنْ اللّٰهْ.

1 تِمُوتَاوُس 3:6

وَ خَلِّي نَادُمْ مَا يَبْقَى مَسْؤُولْ كَنْ دَهَابَهْ آمَنْ بِالْمَسِيحْ. النَّادُمْ الْمِثِلْ دَا أَكُونْ يِسْتَكْبَرْ وَ اللّٰهْ يِعَاقِبَهْ مِثِلْ عَاقَبْ إِبْلِيسْ.

يَهُوذَا 1:10

بِالْعَكْس، النَّاسْ دَوْل يُقُولُوا كَلَامْ فَسِلْ فِي أَيِّ شَيّءْ الْمَا فِهْمَوْه. هُمَّنْ مِثِلْ الْحَيْوَانَاتْ، مَا عِنْدُهُمْ عَقُلْ. يِتَابُعُوا أَيِّ شَيّءْ الْيَجِي لَيْهُمْ فِي فِكِرْهُمْ وَ أَشَانْ دَا، أَكِيدْ يِدَّمَّرَوْا.

2 بُطْرُس 2:12

وَ لَاكِنْ النَّاسْ دَوْل، هُمَّنْ مِثِلْ حَيْوَانَاتْ الْكَدَادَةْ الْمَا عِنْدُهُمْ عَقُلْ وَ مُقَدَّرْ لَيْهُمْ مِنْ طَبِيعِتْهُمْ يَكُرْبُوهُمْ وَ يَكْتُلُوهُمْ. هُمَّنْ يُقُولُوا كَلَامْ فَسِلْ فِي أَيِّ شَيّءْ الْمَا فِهْمَوْه. وَ خَلَاصْ يَهْلَكَوْا مِثِلْ الْحَيْوَانَاتْ يَهْلَكَوْا.

2 تِمُوتَاوُس 2:14

ذَكِّرْهُمْ لِلْأَخْوَانْ بِالْكَلَامْ دَا وَ حَذِّرْهُمْ قِدَّامْ اللّٰهْ أَشَانْ مَا يِلْغَالَطَوْا فِي تَفْسِيرْ الْكَلِمَاتْ. كَلَامْ مِثِلْ دَا مَا عِنْدَهْ فَايْدَةْ وَ يِسَبِّبْ الْهَلَاكْ لِلنَّاسْ الْيَسْمَعَوْه.

يَهُوذَا 1:16

وَ النَّاسْ دَوْل زَعْلَانِينْ وَ شَكَّايِينْ. هُمَّنْ يِتَابُعُوا شَهْوَاتْهُمْ بَسْ. وَ يِكَلُّمُوا بِكِبْرِيَاءْ وَ يَشْكُرُوا النَّاسْ بِكِدِبْ أَشَانْ يَلْقَوْا مِنْهُمْ فَايْدَةْ.

2 بُطْرُس 2:18

يِكَلُّمُوا بِكِبْرِيَاءْ الْمَا عِنْدَهْ فَايْدَةْ. يِسْتَعْمَلَوْا الشَّهْوَاتْ أَشَانْ يِجِيبُوا بَيْهَا النَّاسْ الدَّهَابْهُمْ مَرَقَوْا مِنْ دَرِبْ الْوَدَارْ.

1 تِمُوتَاوُس 1:7

يِدَوْرُوا يِسَوُّوا نُفُوسْهُمْ مُعَلِّمِينْ فِي التَّوْرَاةْ. لَاكِنْ مَا فِهْمَوْا الشَّيّءْ الْقَاعِدِينْ يِحَجُّوا بَيَّهْ وَ لَا الْكَلَامْ الْمُنْكَرِبِينْ فَوْقَهْ.

1 تِمُوتَاوُس 1:4

قُولْ لَيْهُمْ مَا وَاجِبْ يُخُطُّوا بَالْهُمْ بَتَّانْ فِي قِصَصْ بَاطْلِينْ وَ لَا فِي الْقَرَمْ الطُّوَالْ بِلْحَيْن دَوْل. الْكَلَامْ الْمِثِلْ دَا يِسَبِّبْ الْمُنَاقَشَاتْ الْمَا عِنْدُهُمْ فَايْدَةْ وَ مَا يِوَافِقْ مَعَ الشَّيّءْ الْاللّٰهْ يِدَوْر يِسَوِّيهْ فِي النَّاسْ. دَرِبْ اللّٰهْ هُو بِالْإِيمَانْ.

يَعْقُوب 1:19

يَا أَخْوَانِي النِّحِبُّكُو، فَكُّرُوا عَدِيلْ. خَلِّي أَيِّ نَادُمْ يُكُونْ دَايْماً جَاهِزْ لِيَسْمَعْ. خَلِّي مَا يِحَجِّي عَجَلَةْ وَ مَا يَزْعَلْ عَجَلَةْ

تِيطُس 3:9

لَاكِنْ أَنْقَرِعْ مِنْ الْمُنَاقَشَاتْ الْمَا عِنْدُهُمْ فَايْدَةْ مِثِلْ مُنَاقَشَاتْ فِي الْقَرَمْ وَ الْمُخَاصَمَةْ وَ الْمُغَالَطَةْ فِي تَفْسِيرْ التَّوْرَاةْ. كَلَامْ مِثِلْ دَا بَاطِلْ وَ مَا عِنْدَهْ فَايْدَةْ أَبَداً.

أعمال الرُسُل 15:2

وَ بُولُسْ وَ بَرْنَابَا خَالَفَوْهُمْ بِشِدَّةْ. وَ أَشَانْ دَا، شَالَوْا نِيَّةْ لِيِرَسُّلُوا بُولُسْ وَ بَرْنَابَا وَ أَخْوَانْ وَاحِدِينْ يَمْشُوا فِي مَدِينَةْ الْقُدُسْ وَ يِشَّاوَرَوْا فِي الْكَلَامْ دَا مَعَ الرُّسُلْ وَ مَعَ الْكُبَارَاتْ.

رُؤية 3:17

وَ إِنْتَ قَاعِدْ تُقُولْ: ‹أَنَا غَنِيْ وَ بِقِي لَيِّ عَدِيلْ وَ مَا نِدَوْر بَتَّانْ شَيّءْ.› وَ إِنْتَ مَا تَعَرِفْ كَدَرْ بِالصَّحِيحْ، إِنْتَ شَقْيَانْ وَ فَقْرَانْ وَ مِسْكِينْ وَ عَمْيَانْ وَ عَرْيَانْ.

2 تَسَلونِيكِي 2:4

هُو عَدُو لِكُلِّ إِلٰـهْ الْيَعَبُدُوهْ النَّاسْ وَ يِسَوِّي نَفْسَهْ أَكْبَرْ مِنَّهْ. وَ هُو يُخُطّ كُرْسِي حَقَّهْ فِي بَيْت اللّٰهْ وَ يُقُولْ: «أَنَا بَسْ اللّٰهْ.»

كُلُوسِي 2:18

أَنْقَرْعُوا مِنْ كُلَّ النَّاسْ الْيِدَوْرُوا يِسَوُّوكُو تَبْقَوْا ضَلُولِينْ بِلْحَيْن فِي الْعِبَادَةْ وَ يِسَوُّوكُو تَسْجُدُوا لِلْمَلَائِكَةْ. نَاسْ مِثِلْ دَوْل يَدْحَرَوْكُو مَا تَلْقَوْا النَّصُرْ. هُمَّنْ يِحَجُّوا كَتِيرْ بِالشَّيّءْ الْهُمَّنْ بُقُولُوا شَافَوْه فِي الرُّؤْيَةْ وَ يِسْتَكْبَرَوْا بَلَا سَبَبْ. أَفْكَارْهُمْ أَفْكَارْ الْإِنْسَانْ بَسْ.

فِلِبِّي 2:14

فِي كُلَّ شَيّءْ مَا تَشْكُوا وَ لَا تِهَارُجُوا أَمْبَيْنَاتْكُو.

فِلِبِّي 2:3

وَ مَا تِسَوُّوا شَيّءْ مِنْ الْحُسُدْ وَ الْإِسْتِكْبَارْ. خَلِّي أَيِّ وَاحِدْ يِمَسْكِنْ نَفْسَهْ وَ يِشِيفْ أَخْوَانَهْ أَخَيْر مِنْ نَفْسَهْ.

فِلِبِّي 1:15

صَحِيحْ، وَاحِدِينْ مِنْهُمْ قَاعِدِينْ يِبَشُّرُوا بِالْمَسِيحْ وَ دَا، أَشَانْ يَحْسُدُونِي وَ يِخَاصُمُونِي لَاكِنْ آخَرِينْ يِبَشُّرُوا بِنِيَّةْ عَدِيلَةْ.

غَلاطِية 6:3

وَ كَنْ نَادُمْ سَوَّى نَفْسَهْ عَالِي مِنْ أَخْوَانَهْ لَحَدِّي مَا يِسَاعِدْهُمْ، بِالصَّحِيحْ هُو مَا يِسَاوِي شَيّءْ وَ غَشَّ نَفْسَهْ.

غَلاطِية 5:26

خَلِّي مَا نِسْتَكْبَرَوْا وَ لَا نِزَّاعَلَوْا أَمْبَيْنَاتْنَا وَ لَا نِلْحَاسَدَوْا.

غَلاطِية 5:15

لَاكِنْ كَنْ تِلْخَالَفَوْا أَمْبَيْنَاتْكُو وَ تِدَّاوَسَوْا مِثِلْ كُلابْ، خَلَاصْ فِي الأَخِيرْ تِلْآكَلَوْا مَرَّةْ وَاحِدْ.

2 كُرُنْتُس 11:20

وَ إِنْتُو تَحْمَلَوْا النَّادُمْ الْيِسَوِّيكُو عَبِيدَهْ وَلَّا يَاكُلْ مَالْكُو وَلَّا يَسْرِقْ مِنْكُو بِغَشّ وَلَّا يِسْتَكْبَرْ قِدَّامْكُو وَلَّا يُدُقُّكُو أَمْ كَفّ.

1 كُرُنْتُس 11:18

وَ قُلْت الْكَلَامْ دَا أَشَانْ الْخَبَرْ السِّمِعْتَهْ فَوْقكُو. أَوَّلْ شَيّءْ، يُقُولُوا وَكِتْ تِلِمُّوا فِي جَمَاعَةْ الْمُؤمِنِينْ، إِنْتُو مُنْقَسِمِينْ. وَ فِي فِكْرِي، الْكَلَامْ دَا مَا كُلَّ كَيْ كِدِبْ.

1 كُرُنْتُس 11:16

وَ كَنْ أَيِّ نَادُمْ يِدَوْر يِنَاقِشْ فِي الْكَلَامْ دَا، خَلِّي يَعَرِفْ أَنِحْنَ مَا نِقَصُّدُوا بِالْعَادَةْ الْهُو يِدَوْرهَا وَ بَتَّانْ نَاسْ اللّٰهْ أُمَّةْ الْمَسِيحْ مَا يِقَصُّدُوا بَيْهَا فِي أَيِّ بَكَانْ.

1 كُرُنْتُس 3:18

خَلِّي نَادُمْ مَا يُغُشّ نَفْسَهْ. أَيِّ نَادُمْ مِنْكُو الْيُقُولْ هُو عِنْدَهْ حِكْمَةْ عَدِيلَةْ وَ حِكْمَتَهْ هِي حِكْمَةْ نَاسْ الدُّنْيَا، خَلِّي يَبْقَى جَاهِلْ أَشَانْ يَلْقَى الْحِكْمَةْ الصَّحِيحَةْ.

1 كُرُنْتُس 3:3

إِنْتُو قَاعِدِينْ تِتَابُعُوا فِكِرْ هَنَا نَاسْ الدُّنْيَا وَ مَا فِكِرْ اللّٰهْ. إِنْتُو قَاعِدِينْ تِلْحَاسَدَوْا وَ تِهَارُجُوا أَمْبَيْنَاتْكُو. وَ بَيْدَا، فِكِرْكُو بِقِي فِكِرْ هَنَا نَاسْ الدُّنْيَا وَ حَالْكُو مِثِلْ حَالْ النَّاسْ!

رَوْمَا 14:1

أَقْبَلَوْا الْمُؤمِنْ الضَّعِيفْ فِي إِيمَانَهْ وَ مَا تِغَالُطُوهْ فِي فِكْرَهْ.

رَوْمَا 13:13

خَلِّي حَالْنَا تُكُونْ حَالْ هَنَا عِيَالْ النُّورْ. وَ خَلِّي مَا نَمْشُوا فِي السَّفَاهَةْ وَ السَّكَرْ، وَ لَا فِي الزِّنَى وَ الْفَسَادْ، وَ لَا فِي الدُّوَاسْ وَ الْحُسُدْ.

رَوْمَا 12:16

أَسْتَفُقُوا أَمْبَيْنَاتْكُو وَ خَلِّي أَيِّ وَاحِدْ مَا يَجْعَلْ نَفْسَهْ كَبِيرْ لَاكِنْ خَلِّي يَجْعَلْ نَفْسَهْ صَغَيَّرْ. مَا تِسَوُّوا نُفُوسْكُو عِنْدُكُو عِرْفَةْ كَتِيرَةْ.

رَوْمَا 2:8

لَاكِنْ النَّاسْ الْعَاصِيِينْ الْيَابَوْا الْحَقّ وَ يِتَابُعُوا الْفَسَالَةْ، زَعَلْ اللّٰهْ وَ غَضَبَهْ يَنْزُلُوا فَوْقهُمْ.

أعمال الرُسُل 18:15

لَاكِنْ تِحَجُّوا فِي تَفْسِيرْ هَنَا كَلِمَاتْ وَ أَسَامَيْ بَسْ وَ فِي كَلَامْ هَنَا شَرِيعِتْكُو. وَ وَاجِبْ إِنْتُو تِحِلُّوا الْمُشْكِلَةْ دِي أَمْبَيْنَاتْكُو. فِي الْكَلَامْ الْمِثِلْ دَا، أَنَا مَا نِدَوْر نَقْطَعْ شَرِيعَةْ.»

أعمال الرُسُل 8:9

وَ فِي الْحِلَّةْ دِي، فِيَّهْ نَادُمْ وَاحِدْ أُسْمَهْ سِيمُونْ وَ هُو سَحَّارِي. وَ مِنْ وَكِتْ طَوِيلْ، نَاسْ السَّامِرَةْ قَاعِدِينْ يِلْعَجَّبَوْا فَوْقَهْ. وَ هُو قَاعِدْ يُقُولْ لَيْهُمْ هُو نَادُمْ مُهِمّ بِلْحَيْن.

إشَعْيا 58:4

وَ دَاهُو الشَّيّءْ الْإِنْتُو قَاعِدِينْ تِسَوُّوهْ فِي صِيَامْكُو. إِنْتُو تِهَارُجُوا وَ تِسَوُّوا مَشَاكِلْ وَ تَضُرْبُوا أَمْ دَرْدُومْ بِظُلُمْ. وَ فِي يَوْم هَنَا صِيَامْ مِثِلْ دَا، صَلَاتْكُو دِي، أَنَا مَا نَسْمَعْهَا.

أمْثال 26:12

أَخَيْر تُخُطّ عَشَمَكْ فِي الْمَطْمُوسْ مِنْ تُخُطّ عَشَمَكْ فِي الْيَحْسِبْ نَفْسَهْ حَكِيمْ.

أمْثال 25:14

الْقَالْ كَلَامْ وَ مَا تَمَّاهْ مِثِلْ الْمَطَرْ الشَّالْ وَ مَا صَبَّ.

أمْثال 13:7

دَا يُقُولْ هُو غَنِيْ وَ لَاكِنْ مَا عِنْدَهْ شَيّءْ. وَ دَا يُقُولْ هُو فَقْرِي وَ عِنْدَهْ كُلَّ شَيّءْ.