1 تِمُوتَاوُس 6:19 - الكتاب المقدس بالعربي الدارجي هنا تشاد

¹⁹ وَ مِثِلْ دَا، يُضُمُّوا لِنُفُوسْهُمْ رَاسْ مَالْ لِلْآخِرَةْ أَشَانْ يَكُرْبُوا قَوِي الْحَيَاةْ الصَّحِيحَةْ الْهِي الْحَيَاةْ الْأَبَدِيَّةْ.

1 تِمُوتَاوُس 6:19 Referenca të Kryqëzuara

1 تِمُوتَاوُس 6:12

جَاهِدْ جِهَادْ عَدِيلْ فِي دَرِبْ الْإِيمَانْ. أَكْرُبْ قَوِي الْحَيَاةْ الْأَبَدِيَّةْ الْاللّٰهْ نَادَاكْ لِتَدْخُلْ فَوْقهَا وَ إِنْتَ كُلَ شَهَدْت لَيْهَا بِشَهَادَةْ الْحَقّ قِدَّامْ شُهُودْ كَتِيرِينْ.

2 تِمُوتَاوُس 2:19

لَاكِنْ الْأَسَاسْ الْقَوِي الْاللّٰهْ خَطَّاهْ قَاعِدْ ثَابِتْ وَ هُو خَطَّ فَوْقَهْ خِتِمْ وَ دَا الْكَلَامْ الْمَكْتُوبْ فِي الْكِتَابْ الْبُقُولْ: <اللّٰهْ يَعَرِفْ نَاسَهْ> وَ بَتَّانْ: <وَاجِبْ أَيِّ نَادُمْ الْيِكَرِّمْ أُسُمْ اللّٰهْ يِخَلِّي مِنَّهْ الْفَسَالَةْ مَرَّةْ وَاحِدْ.>

1 بُطْرُس 1:4

وَ وَرَثَتْنَا أَبَداً مَا تِدَّمَّرْ وَ لَا تَتْلَفْ وَ لَا تِوَدِّرْ. وَ اللّٰهْ دَمَّهَا لَيْكُو فِي السَّمَاوَاتْ.

لُوقا 16:9

وَ نُقُولْ لَيْكُو، بِمَالْ الدُّنْيَا دِي أَكْسَبَوْا لِنُفُوسْكُو رُفْقَانْ. وَ مِثِلْ دَا وَكِتْ مَالْ الدُّنْيَا يِكَمِّلْ لَيْكُو خَلَاصْ، اللّٰهْ يَقْبَلْكُو فِي مَسْكَنَهْ الْأَبَدِي.

أمْثال 31:25

هِي مَعْرُوفَةْ بِالْعِزّ وَ الشَّرَفْ وَ فَرْحَانَةْ أَشَانْ عِنْدَهَا عَشَمْ فِي الْمُسْتَقْبَلْ.

فِلِبِّي 3:14

وَ نِجَاهِدْ أَشَانْ نِتَمِّمْ الْمَقْصُودْ وَ نَلْقَى الْجَائِزَةْ وَ هِي الْبَرَكَةْ الْاللّٰهْ يِدَوْر يَنْطِيهَا لِلنَّاسْ النَّادَاهُمْ فِي مَجْدَهْ بِالْمَسِيحْ عِيسَى.

أفَسُس 3:17

وَ خَلِّي الْمَسِيحْ يَسْكُنْ فِي قُلُوبْكُو بِإِيمَانْكُو. وَ خَلِّي الْمَحَبَّةْ تَبْقَى لَيْكُو مِثِلْ قَعَرْ وَ أَسَاسْ لَحَدِّي تِسَوُّوا كُلَّ شَيّءْ بِالْمَحَبَّةْ.

لُوقا 18:22

وَ وَكِتْ عِيسَى سِمِعْ كَلَامَهْ دَا، هُو قَالْ: «شُغُلْ وَاحِدْ لِسَّاعْ قَصَّرْ لَيْك. بِيعْ كُلَّ شَيّءْ الْعِنْدَكْ وَ أَنْطِي تَمَنَهْ لِلْمَسَاكِينْ وَ مِثِلْ دَا، تَلْقَاهْ قِدَّامَكْ. وَ تَعَالْ تَابِعْنِي.»

لُوقا 12:33

بِيعُوا خُمَامْكُو وَ أَنْطُوهْ صَدَقَةْ لِلْمَسَاكِينْ. وَ بَيْدَا، تِسَوُّوا لِنُفُوسْكُو جُزْلَانْ الْأَبَداً مَا يَتْلَفْ. وَ خَلَاصْ، تُضُمُّوا مَالْكُو فِي بَكَانْ اللّٰهْ فِي السَّمَاوَاتْ. الْمَالْ دَا مَا يَفْشُلْ. وَ السَّرَارِيقْ مَا يِقَرُّبُوا لَيَّهْ وَ الْأَرْضَةْ مَا تَاكُلَهْ.

مَتَّى 19:21

وَ عِيسَى رَدَّ لَيَّهْ وَ قَالْ: «كَنْ تِدَوْر تَبْقَى نَادُمْ بَلَا عَيْب، أَمْشِي بِيعْ كُلَّ شَيّءْ الْعِنْدَكْ وَ أَنْطِي تَمَنَهْ لِلْمَسَاكِينْ وَ مِثِلْ دَا، تَلْقَاهْ قِدَّامَكْ. وَ خَلَاصْ تَعَالْ تَابِعْنِي.»

غَلاطِية 5:6

أَشَانْ فِي دَرِبْ الْمَسِيحْ عِيسَى، كَنْ نَادُمْ مُطَهَّرْ وَلَّا مَا مُطَهَّرْ كُلَ، دَا مَا مُهِمّ. الشَّيّءْ الْمُهِمّ دَا، هُو الْإِيمَانْ بِالْمَسِيحْ وَ الْمَحَبَّةْ الْجَايَةْ مِنْ الْإِيمَانْ دَا.

لُوقا 18:2

وَ قَالْ: «فِي حِلَّةْ وَاحِدَةْ، فِيهَا حَاكِمْ وَاحِدْ وَ هُو مَا خَايِفْ مِنْ اللّٰهْ وَ مَا لَمَّاهْ بِرِضَى النَّاسْ.

لُوقا 16:25

«وَ إِبْرَاهِيمْ قَالْ: ‹لَا، يَا وِلَيْدِي. فَكِّرْ فِي كِكَّيْف عِشْت فِي الدُّنْيَا. أَوَّلْ إِنْتَ عِشْت فِي الْحَلُو وَ لَعَازَرْ عَاشْ فِي التَّعَبْ. وَ لَاكِنْ هَسَّعْ هُو عِنْدَهْ رَاحَةْ هِنِي وَ إِنْتَ عِنْدَكْ عَذَابْ.

أمْثال 10:25

وَكِتْ الرِّيحْ الشَّدِيدَةْ تَجِي، لِلْعَاصِي تِشِيلَهْ وَ لَاكِنْ الصَّالِحْ ثَابِتْ دَايْماً.

زَبُور 17:14

يَا اللّٰهْ، نَجِّينِي بِإِيدَكْ مِنْ الْإِنْسَانْ، مِنْ نَاسْ الدُّنْيَا الْحَقُّهُمْ فِي الْحَيَاةْ دِي. أَمْلَا بُطُونْهُمْ بِالْجَهَّزْتَهْ لَيْهُمْ لَحَدِّي عِيَالْهُمْ كُلَ يَشْبَعَوْا بَيَّهْ وَ يِخَلُّوا الْفَضْلَةْ لِذُرِّيِّتْهُمْ.

جامِعة 11:2

قَسِّمْ مَالَكْ عَلَيْ سَبْعَةْ أَوْ تَمَانَةْ بَكَانْ أَشَانْ إِنْتَ مَا تَعَرِفْ الْفَسَالَةْ التَّجِي فِي الْأَرْض.

فِلِبِّي 3:12

وَ مَا نُقُولْ تَمَّيْت مَقْصُودِي خَلَاصْ وَ بِقِيتْ نَادُمْ تَمَامْ. لَاكِنْ أَنَا نِجَاهِدْ لِنَمُلْكَهْ أَشَانْ الْمَسِيحْ عِيسَى مَلَّكَانِي لِنَمْلُكْ الْمَقْصُودْ دَا.

2 تِمُوتَاوُس 1:1

جَوَابْ مِنِّي أَنَا بُولُسْ رَسُولْ هَنَا عِيسَى الْمَسِيحْ بِإِذِنْ اللّٰهْ. وَ هُو جَعَلَانِي رَسُولْ أَشَانْ نِبَلِّغْ الْحَيَاةْ الْأَبَدِيَّةْ الْاللّٰهْ وَاعَدَانَا بَيْهَا وَ أَنْطَاهَا بِعِيسَى الْمَسِيحْ.