1 تِمُوتَاوُس 6:18 - الكتاب المقدس بالعربي الدارجي هنا تشاد

¹⁸ خَلِّي يِسَوُّوا الْخَيْر وَ يَبْقَوْا سِيَادْ الْحَسَنَاتْ بِالْكَرَمْ وَ الْجُودْ.

1 تِمُوتَاوُس 6:18 Referenca të Kryqëzuara

عِبْرَانِيِّين 13:16

سَوُّوا دَايْماً الْخَيْر وَ أَسَّاعَدَوْا أَمْبَيْنَاتْكُو أَشَانْ دِي بَسْ الْعِبَادَةْ الْاللّٰهْ يَرْضَى بَيْهَا.

1 يُوحَنَّا 3:17

كَنْ نَادُمْ عِنْدَهْ مَالْ الدُّنْيَا وَ يِشِيفْ أَخُوهْ تَعْبَانْ وَ يِسِدّ عَيْنَهْ وَ مَا يِسَاعِدَهْ، كِكَّيْف نُقُولُوا مَحَبَّةْ اللّٰهْ قَاعِدَةْ فَوْقَهْ؟

رَوْمَا 12:8

وَ كَنْ اللّٰهْ أَنْطَى نَادُمْ قُدْرَةْ لِيِشَجِّعْ الْأَخْوَانْ، خَلِّي يِشَجِّعْهُمْ. وَ كَنْ اللّٰهْ أَنْطَى نَادُمْ قُدْرَةْ لِيَنْطِي، خَلِّي يَنْطِي بِجُودْ. وَ كَنْ اللّٰهْ أَنْطَى نَادُمْ قُدْرَةْ لِيُقُودْ أَخْوَانَهْ، خَلِّي يُخُطّ بَالَهْ وَ يُقُودْهُمْ عَدِيلْ. وَ كَنْ اللّٰهْ أَنْطَى نَادُمْ قُدْرَةْ لِيِحِنّ فِي النَّاسْ، خَلِّي يِحِنّ فَوْقهُمْ بِفَرَحْ.

زَبُور 37:3

أَتْوَكَّلْ عَلَيْ اللّٰهْ وَ سَوِّي الْخَيْر وَ فِي الْبَلَدْ، تَسْكُنْ بِأَمَانْ.

تِيطُس 3:8

وَ الْكَلَامْ دَا حَقّ. وَ نِدَوْر كَدَرْ إِنْتَ تِفَسِّرْ لَيْهُمْ كُلَّ الْكَلَامْ دَا أَشَانْ النَّاسْ الْآمَنَوْا بِاللّٰهْ يِنْكَرْبُوا بِنِيَّةْ وَاحِدَةْ فِي عَمَلْ الْخَيْر. كُلَّ الْكَلَامْ دَا سَمَحْ بِلْحَيْن وَ عِنْدَهْ فَايْدَةْ لِكُلَّ النَّاسْ.

تِيطُس 2:14

هُو أَنْطَى نَفْسَهْ ضَحِيَّةْ لِيَفْدَانَا مِنْ كُلَّ الْفَسَالَةْ وَ يِطَهِّرْ قُلُوبْنَا أَشَانْ نَبْقَوْا لَيَّهْ شَعَبَهْ حَلَالَهْ مُنْكَرِبِينْ فِي عَمَلْ الْخَيْر.

لُوقا 12:21

وَ عِيسَى قَالْ بَتَّانْ: «وَ يَبْقَى مِثِلْ دَا لِأَيِّ إِنْسَانْ الْيُضُمّ مَالْ لِنَفْسَهْ وَ لَاكِنْ مَا عِنْدَهْ كَنْز قِدَّامْ اللّٰهْ.»

غَلاطِية 6:10

وَ أَشَانْ دَا، فِي أَيِّ وَكِتْ عِنْدِنَا فُرْصَةْ، خَلِّي نِسَوُّوا الْخَيْر لِكُلَّ النَّاسْ وَ خَاصَّةً لِأَهَلْ الْإِيمَانْ.

رَوْمَا 12:13

سَاعُدُوا الصَّالِحِينْ الْمُحْتَاجِينْ وَ ضَيُّفُوا بِفَرَحْ الضِّيفَانْ الْيَجُوكُو.

1 تِمُوتَاوُس 5:10

وَ كَنْ هِي مَعْرُوفَةْ بِالْعَمَلْ الصَّالِحْ. وَاجِبْ تَبْقَى مَرَةْ الرَّبَّتْ عِيَالْهَا عَدِيلْ وَ كَرِيمَةْ لِلضِّيفَانْ وَ سَلَّمَتْ نَفِسْهَا أَشَانْ تَخْدِمْ لِلنَّاسْ الصَّالِحِينْ وَ سَاعَدَتْ التَّعْبَانِينْ وَ مِثِلْ دَا هِي أَنْكَرَبَتْ فِي كُلَّ عَمَلْ الْخَيْر.

2 كُرُنْتُس 8:9

أَشَانْ رَحْمَةْ رَبِّنَا عِيسَى الْمَسِيحْ تَعَرْفُوهَا. هُو غَنِيْ وَ لَاكِنْ فِي شَانْكُو إِنْتُو، هُو بِقِي فَقْرِي أَشَانْ بِفَقْرَهْ دَا، إِنْتُو تَبْقَوْا غَنِيِّينْ.

2 كُرُنْتُس 8:12

كَنْ نِيِّتْكُو عَدِيلَةْ، اللّٰهْ يَرْضَى بِالشَّيّءْ التَّنْطُوهْ. الْمَا فِي مَا بِنْلَقِي. هُو يِدَوْر إِنْتُو تَنْطُوا مِنْ الْمَالْ الْعِنْدُكُو بَسْ.

1 كُرُنْتُس 16:2

كُلِّ يَوْم الْأَحَدْ، خَلِّي أَيِّ نَادُمْ مِنْكُو يِفَكِّرْ فِي كِكَّيْف اللّٰهْ رَزَقَهْ وَ يَمْرُقْ شَيّءْ مِنْ مَالَهْ لِلْمُسَاعَدَةْ. خَلِّي يُخُطَّهْ جَاهِزْ لَحَدِّي نَجِيكُو. وَ بِمِثِلْ دَا، وَكِتْ أَنَا نَجِي مَا وَاجِبْ تُقُمُّوا تُتُشْكُّوا.

إشَعْيا 58:7

وَ وَاجِبْ تِقَسِّمْ أَكْلَكْ مَعَ الْجِيعَانْ وَ تِسَكِّنْ الْمِسْكِينْ الْمَا عِنْدَهْ بَيْت. وَ الْعَرْيَانْ، تَكْسِيهْ وَ مِنْ دَمَّكْ وَ لَحَمَكْ، مَا تِلَّبَّدْ.»

جامِعة 11:6

بِفَجُرْ، تَيْرِبْ وَ بِعَشِيَّةْ، مَا تِنْجَمَّ. أَشَانْ إِنْتَ مَا تَعَرِفْ وَيْنُو الْيَنْجَحْ، دَا وَلَّا دَاكْ، وَلَّا كَنْ الْإِتْنَيْن كُلُّهُمْ عَدِيلِينْ.

زَبُور 112:9

هُو يَنْطِي لِلْمَسَاكِينْ بِجُودْ وَ عَدَالْتَهْ تَقْعُدْ دَايْماً وَ بِشَرَفْ، هُو يَرْفَعْ رَاسَهْ.

3 يُوحَنَّا 1:11

يَا حَبِيبِي، مَا تِتَابِعْ مَثَلْ هَنَا النَّاسْ الْيِسَوُّوا الشَّرّ. تَابِعْ مَثَلْ هَنَا النَّاسْ الْيِسَوُّوا الْخَيْر. النَّادُمْ الْيِسَوِّي الْخَيْر، هُو بَسْ نَادُمْ هَنَا اللّٰهْ. وَ النَّادُمْ الْيِسَوِّي الشَّرّ مَا يَعَرِفْ اللّٰهْ.

يَعْقُوب 2:5

يَا أَخْوَانِي النِّحِبُّكُو، أَسْمَعَوْا كَلَامِي. اللّٰهْ عَزَلْ النَّاسْ الْمَسَاكِينْ فِي الدُّنْيَا دِي أَشَانْ يَلْقَوْا إِيمَانْ زِيَادَةْ وَ يَوْرُثُوا الْمَمْلَكَةْ الْاللّٰهْ وَاعَدْ بَيْهَا النَّاسْ الْيِحِبُّوهْ.

أعمال الرُسُل 9:36

وَ مَرَةْ وَاحِدَةْ قَاعِدَةْ فِي حِلَّةْ يَافَا أُسُمْهَا طَابِيتَةْ وَ بِكَلَامْ يُونَانِي، دَا دُورْكَاسْ مَعَنَاتَهْ غَزَالَةْ. وَ هِي كُلَ مِنْ التَّلَامِيذ. وَ كُلِّ يَوْم، هِي قَاعِدَةْ تِسَاعِدْ الْمَسَاكِينْ وَ هِي دَايْماً شَغَّالَةْ بِعَمَلْ الْخَيْر.

إشَعْيا 32:8

وَ لَاكِنْ الْحَكِيمْ يِخَطِّطْ عَمَلْ عَدِيلْ وَ عَلَيْ الْعَمَلْ الْعَدِيلْ دَا، هُو يِنْتَكِلْ.

جامِعة 3:12

أَنَا نَعَرْفَهْ مَا فِي شَيّءْ عَدِيلْ لِلْإِنْسَانْ إِلَّا الْفَرْحَةْ وَ الْخَيْر فِي حَيَاتَهْ.

2 أخبار 24:16

وَ دَفَنَوْه فِي مَدِينَةْ دَاوُدْ مَعَ الْمُلُوكْ أَشَانْ هُو سَوَّى الْعَدِيلْ لِبَنِي إِسْرَائِيلْ وَ لِلّٰهْ وَ لِبَيْت اللّٰهْ.

1 بُطْرُس 3:11

خَلِّي يِبَعِّدْ مِنْ الْفَسَالَةْ وَ يِسَوِّي الْخَيْر. خَلِّي يِفَتِّشْ السَّلَامْ وَ يِتَابِعَهْ بِنِيَّةْ وَاحِدَةْ.

أعمال الرُسُل 11:29

وَ التَّلَامِيذ الْفِي أَنْطَاكِيَةْ شَالَوْا نِيَّةْ أَشَانْ أَيِّ نَادُمْ يَنْطِي مُسَاعَدَةْ عَلَيْ حَسَبْ قُدُرْتَهْ وَ يِرَسُّلُوهَا لِلْأَخْوَانْ الْقَاعِدِينْ فِي دَارْ الْيَهُودِيَّةْ.

أعمال الرُسُل 10:38

وَ تَعَرْفُوا كَدَرْ اللّٰهْ نَزَّلْ الرُّوحْ الْقُدُّوسْ فِي عِيسَى الْمِنْ النَّاصِرَةْ وَ دَرَّجَهْ مَسِيحْ وَ أَنْطَاهْ قُدْرَةْ. وَ عِيسَى سَوَّى الْخَيْر فِي أَيِّ بَكَانْ وَ شَفَى كُلَّ النَّاسْ الْإِبْلِيسْ عَذَّبَاهُمْ أَشَانْ اللّٰهْ كَانْ مَعَايَهْ.

مَتَّى 5:42

وَ كَنْ نَادُمْ سَأَلْ مِنَّكْ شُغُلْ، أَنْطِيهْ. وَ كَنْ نَادُمْ يَسْأَلْ مِنَّكْ دَيْن، مَا تِقَبِّلَهْ يَابِسْ.

لُوقا 3:11

وَ رَدَّ لَيْهُمْ وَ قَالْ: «النَّادُمْ الْعِنْدَهْ خُلْقَانْ إِتْنَيْن، خَلِّي يَنْطِي وَاحِدْ لِلْمَا عِنْدَهْ. وَ النَّادُمْ الْعِنْدَهْ أَكِلْ، خَلِّي يِسَوِّي نَفْس الشَّيّءْ.»

أفَسُس 4:28

كَنْ نَادُمْ أَوَّلْ سَرَّاقْ، خَلِّي مَا يَسْرِقْ بَتَّانْ. فِي بَدَلْ السِّرْقَةْ، خَلِّي يَخْدِمْ بِوَغَرَهْ وَ دُرَاعَهْ. وَ مِثِلْ دَا، مِنْ أُجُرْتَهْ يَقْدَرْ يَكْرُبْ نَفْسَهْ وَ يِسَاعِدْ النَّاسْ الْمُحْتَاجِينْ.