1 تِمُوتَاوُس 6:12 - الكتاب المقدس بالعربي الدارجي هنا تشاد

¹² جَاهِدْ جِهَادْ عَدِيلْ فِي دَرِبْ الْإِيمَانْ. أَكْرُبْ قَوِي الْحَيَاةْ الْأَبَدِيَّةْ الْاللّٰهْ نَادَاكْ لِتَدْخُلْ فَوْقهَا وَ إِنْتَ كُلَ شَهَدْت لَيْهَا بِشَهَادَةْ الْحَقّ قِدَّامْ شُهُودْ كَتِيرِينْ.

1 تِمُوتَاوُس 6:12 Referenca të Kryqëzuara

1 بُطْرُس 5:10

تَعَبْكُو يَقْعُدْ بَتَّانْ وَكِتْ شِيَّةْ. وَ لَاكِنْ اللّٰهْ عِنْدَهْ رَحْمَةْ كَبِيرَةْ وَ هُو نَادَاكُو أَشَانْ تِشَارُكُوا فِي مَجْدَهْ الْأَبَدِي بِعَلَاقِتْكُو مَعَ عِيسَى الْمَسِيحْ. وَ اللّٰهْ هُو ذَاتَهْ يِثَبِّتْكُو وَ يِقَوِّيكُو وَ يَنْطِيكُو قُدْرَةْ وَ مَا تَقَعَوْا بَتَّانْ.

1 تِمُوتَاوُس 1:18

يَا وِلَيْدِي تِمُوتَاوُسْ، الْوَصِيَّةْ الْأَنْطَيْتهَا لَيْك تِوَافِقْ مَعَ الْكَلَامْ الْأَتْنَبَّأَوْا بَيَّهْ الشُّيُوخْ فِي شَانَكْ. فَكِّرْ فِي الْكَلَامْ دَا وَ جَاهِدْ بَيَّهْ جِهَادْ عَدِيلْ.

2 تِمُوتَاوُس 4:7

أَنَا جَاهَدْت جِهَادْ شَدِيدْ فِي الْحَقّ. وَ الْمُسَابَقَةْ الطَّوِيلَةْ كَمَّلْتَهَا وَ الْإِيمَانْ كَرَبْتَهْ قَوِي لَحَدِّي النِّهَايَةْ.

رُؤية 3:3

وَ أَشَانْ دَا، فَكِّرْ فِي الْكَلَامْ الْأَوَّلْ سِمِعْتَهْ وَ عَلَّمَوْك لَيَّهْ. وَ تَابِعْ الْكَلَامْ دَا وَ تُوبْ مِنْ ذُنُوبَكْ. وَ كَنْ إِنْتَ أَبَيْت مَا قَمَّيْت فَوْق، أَنَا نَجِيكْ بِغَفْلَةْ مِثِلْ جَيَّةْ السَّرَّاقْ وَ نَضُرْبَكْ فِي السَّاعَةْ الْإِنْتَ مَا تَعَرِفْهَا.

1 تِمُوتَاوُس 6:13

وَ نِوَصِّيكْ قِدَّامْ اللّٰهْ الْيَنْطِي الْحَيَاةْ لِكُلِّ شَيّءْ وَ بِأُسُمْ الْمَسِيحْ عِيسَى الشَّهَدْ لِلْحَقّ قِدَّامْ الْوَالِي بِلَاطُسْ الْبُنْطِي.

1 يُوحَنَّا 2:25

وَ الشَّيّءْ الْاللّٰهْ وَاعَدَانَا بَيَّهْ، هُو الْحَيَاةْ الْأَبَدِيَّةْ.

عِبْرَانِيِّين 6:18

وَ فِي شَانْ الْكَلَامْ دَا، عِنْدِنَا شَجَاعَةْ شَدِيدَةْ، أَوَّلْ بِوَعَدْ اللّٰهْ وَ بَتَّانْ بِحَلِيفَةْ اللّٰهْ. الْأَشْيَاءْ الْإِتْنَيْن دَوْل أَكِيدْ مَا يَفْشُلُوا أَشَانْ مَا مُمْكِنْ اللّٰهْ يِخَلِّي كَلَامَهْ الْقَالَهْ. وَ خَلَاصْ، أَنِحْنَ التُّبْنَا لِلّٰهْ أَشَانْ نَنْجَوْا، نَكُرْبُوا قَوِي الْعَشَمْ الْهُو قَدَّمَهْ لَيْنَا.

2 تِمُوتَاوُس 1:9

هُو نَجَّانَا وَ نَادَانَا أَشَانْ نَبْقَوْا نَاسْ خَاصِّينْ لَيَّهْ. وَ دَا مَا بِسَبَبْ أَيِّ عَمَلْ صَالِحْ الْأَنِحْنَ سَوَّيْنَاهْ لَاكِنْ بِسَبَبْ نِيّتَهْ وَ رَحْمَتَهْ. قُبَّالْ الدُّنْيَا مَا بَدَتْ، هُو عِنْدَهْ نِيَّةْ أَشَانْ يَنْطِينَا النِّعْمَةْ دِي فِي الْمَسِيحْ عِيسَى.

كُلُوسِي 3:15

خَلُّوا سَلَامْ الْمَسِيحْ يَمْلُكْ فِي قُلُوبْكُو أَشَانْ اللّٰهْ نَادَاكُو لِتِعِيشُوا فِي السَّلَامْ وَ جَعَلَاكُو جِسِمْ وَاحِدْ. وَ أَبْقَوْا شَكُورِينْ.

1 تِمُوتَاوُس 6:19

وَ مِثِلْ دَا، يُضُمُّوا لِنُفُوسْهُمْ رَاسْ مَالْ لِلْآخِرَةْ أَشَانْ يَكُرْبُوا قَوِي الْحَيَاةْ الصَّحِيحَةْ الْهِي الْحَيَاةْ الْأَبَدِيَّةْ.

زَكَرِيَّا 10:5

هُمَّنْ يِحَارُبُوا مِثِلْ فُرَّاسْ الْيِفَجُّقُوا عَدُوهُمْ مِثِلْ طِينَةْ الشَّوَارِعْ. هُمَّنْ يِحَارُبُوا أَشَانْ أَنَا اللّٰهْ مَعَاهُمْ وَ حَتَّى سِيَادْ الْخَيْل كُلَ، الْعَيْب يِغَطِّيهُمْ.

عِبْرَانِيِّين 3:14

أَشَانْ كُلِّنَا بِقِينَا مُشَارِكِينْ فِي الْمَسِيحْ كَنْ صَحِيحْ نِتَابُعُوا الْإِيمَانْ الْعِنْدِنَا مِنْ الْبِدَايَةْ وَ نَقْعُدُوا ثَابْتِينْ فَوْقَهْ لَحَدِّي النِّهَايَةْ.

1 تَسَلونِيكِي 2:12

وَ أَنِحْنَ دَايْماً شَجَّعْنَاكُو وَ صَبَّرْنَاكُو وَ وَصَّيْنَاكُو بِشِدَّةْ أَشَانْ تِعِيشُوا بِالْحَالْ الْوَاجْبَةْ لِلنَّاسْ الْاللّٰهْ نَادَاهُمْ لِيَدْخُلُوا فِي مَمْلَكَتَهْ وَ مَجْدَهْ.

أمْثال 3:18

الْحِكْمَةْ هِي شَدَرَةْ الْحَيَاةْ لِلْيَكْرُبْهَا وَ الْيَمْسُكْهَا يَبْقَى مُبَارَكْ.

1 بُطْرُس 3:9

كَنْ النَّاسْ يِسَوُّوا فَوْقكُو شُغُلْ فَسِلْ، مَا تُرُدُّوا لَيْهُمْ بِشُغُلْ فَسِلْ. وَ كَنْ يِعَيُّرُوكُو، مَا تُرُدُّوا لَيْهُمْ بِمُعْيَارْ. لَاكِنْ بَارُكُوهُمْ، أَشَانْ اللّٰهْ نَادَاكُو فِي دَرْبَهْ لِتِبَارُكُوا النَّاسْ وَ تَوْرُثُوا بَرَكَةْ مِنْ اللّٰهْ.

2 تَسَلونِيكِي 2:14

وَ فِي شَانْ دَا، اللّٰهْ نَادَاكُو بِالْبِشَارَةْ الْبَلَّغْنَاهَا لَيْكُو لِتَدْخُلُوا فِي مَجْد رَبِّنَا عِيسَى الْمَسِيحْ.

زَبُور 63:8

نَفْسِي مُتَمَسِّكَةْ بِمُتَابَعَتَكْ وَ إِيدَكْ الزَّيْنَةْ كَرَبَتْنِي.

تَثْنِية 26:3

وَ يَمْشِي لِرَاجِلْ الدِّينْ الْقَاعِدْ يَخْدِمْ فِي الْوَكِتْ دَا وَ يُقُولْ لَيَّهْ: «دَاهُو الْيَوْم أَنَا نَشْهَدْ قِدَّامْ اللّٰهْ إِلٰـهَكْ كَدَرْ أَنَا جِيتْ فِي الْبَلَدْ الْهُو حَلَفْ لِجُدُودْنَا وَ قَالْ يَنْطِيهَا لَيْنَا.»

إشَعْيا 44:5

الْوَاحِدْ يُقُولْ: ‹أَنَا هَنَا اللّٰهْ› وَ الْآخَرْ يِنَادُوهْ بِأُسُمْ يَعْقُوبْ. وَ الْآخَرْ يَكْتِبْ فِي إِيدَهْ: ‹أَنَا هَنَا اللّٰهْ› وَ يِسَمُّوهْ بِأُسُمْ إِسْرَائِيلْ.»

2 كُرُنْتُس 9:13

وَ نَاسْ كَتِيرِينْ يِمَجُّدُوا اللّٰهْ. أَشَانْ الْخِدْمَةْ دِي، هِي الدَّلِيلْ الْيِوَصِّفْ كَدَرْ إِنْتُو مُؤمِنِينْ بِبِشَارَةْ الْمَسِيحْ وَ تِتَابُعُوهْ عَدِيلْ. وَ يِمَجُّدُوا اللّٰهْ أَشَانْ أَنْطَيْتُوهُمْ وَ أَنْطَيْتُوا لِنَاسْ آخَرِينْ بِجُودْ.

عِبْرَانِيِّين 13:23

نِدَوْر إِنْتُو تَعَرْفُوا كَدَرْ أَخُونَا تِمُوتَاوُسْ طَلَقَوْه مِنْ السِّجِنْ وَ كَنْ هُو يَجِي لَيِّ عَجَلَةْ، نَمْشُوا لَيْكُو مَعَايَهْ وَ نِشِيفُوكُو.

2 كُرُنْتُس 6:7

كَلَامْنَا كَلَامْ الْحَقّ وَ نَخْدُمُوا بِقُدْرَةْ اللّٰهْ. الْحَالْ الصَّالْحَةْ بَسْ سِلَاحْنَا فِي إِيدْنَا الزَّيْنَةْ وَ فِي إِيدْنَا الْإِسْرَةْ.

نشيد 3:4

وَ مِنْ فُتّْ مِنْهُمْ، أَنَا لِقِيتْ الْقَلْبِي بِرِيدَهْ. حَضَنْتَهْ وَ مَا خَلَّيْتَهْ لَحَدِّي وَدَّيْتَهْ فِي حَوْش أَمِّي وَ دَخَّلْتَهْ فِي بَيْت هَنَا الْوِلْدَتْنِي لَحَدِّي فِي الْغُرْفَةْ.

فِلِبِّي 1:30

وَ خَلَاصْ، إِنْتُو قَاعِدِينْ تِشَارُكُوا فِي نَفْس الْحَرِبْ الْأَنَا قَاعِدْ نِحَارِبْ فَوْقَهْ. وَ الْحَرِبْ دَا، إِنْتُو شِفْتُوهْ أَوَّلْ وَكِتْ أَنَا لِسَّاعْ قَاعِدْ مَعَاكُو. وَ هَسَّعْ كُلَ، سِمِعْتُوا كَدَرْ أَنَا قَاعِدْ نِحَارِبْ مِثِلْ دَا بَتَّانْ.

1 تِمُوتَاوُس 1:19

أَكْرُبْ الْإِيمَانْ قَوِي وَ سَوِّي كُلِّ شَيّءْ بِنِيَّةْ مُخْلِصَةْ. نَاسْ وَاحِدِينْ خَلَّوْا مِنْهُمْ النِّيَّةْ الْمُخْلِصَةْ وَ تَلَّفَوْا إِيمَانْهُمْ مَرَّةْ وَاحِدْ.

1 تِمُوتَاوُس 4:14

خُطّ بَالَكْ فِي الْبَرَكَةْ الْاللّٰهْ أَنْطَاهَا لَيْك بِالْكَلَامْ الْأَتْنَبَّأَوْا بَيَّهْ جَمَاعَةْ الشُّيُوخْ وَكِتْ خَطَّوْا إِيدَيْهُمْ فَوْقَكْ.

2 تِمُوتَاوُس 2:2

وَ الْكَلَامْ الْإِنْتَ سِمِعْتَهْ مِنْ خَشْمِي قِدَّامْ شُهُودْ كَتِيرِينْ، كَلِّفْ بَيَّهْ نَاسْ أَمِينِينْ الْيَقْدَرَوْا يِعَلُّمُوا بَيَّهْ نَاسْ آخَرِينْ بَتَّانْ.

يَهُوذَا 1:3

يَا أَخْوَانِي النِّحِبُّكُو، مِنْ أَوَّلْ أَتْمَنَّيْت نَكْتِبْ لَيْكُو فِي النَّجَاةْ الْكُلِّنَا نِشَارُكُوا فَوْقهَا. وَ هَسَّعْ أَنْجَبَرْت نَكْتِبْ لَيْكُو بِسُرْعَةْ وَ نِشَجِّعْكُو أَشَانْ تِجَاهُدُوا لِتَحْفَضَوْا الْإِيمَانْ الْاللّٰهْ كَلَّفْ بَيَّهْ الصَّالِحِينْ مَرَّةْ وَاحِدَةْ وَ نِهَائِيَّةْ.

قُضياء 3:2

وَ هُو سَوَّى مِثِلْ كَيْ لِيِعَلِّمْ الْحَرِبْ لِلذُّرِّيَّةْ الْجَدِيدَةْ هَنَا بَنِي إِسْرَائِيلْ أَشَانْ أَوَّلْ هُمَّنْ مَا حَارَبَوْا.