1 تِمُوتَاوُس 6:11 - الكتاب المقدس بالعربي الدارجي هنا تشاد

¹¹ لَاكِنْ إِنْتَ يَا خَدَّامْ اللّٰهْ، أَجْرِي مِنْ كُلَّ الْكَلَامْ دَا. أنْكَرِبْ بِنِيَّةْ وَاحِدَةْ فِي الْحَالْ الصَّالْحَةْ وَ التَّقْوَى وَ الْإِيمَانْ وَ الْمَحَبَّةْ وَ الصَّبُرْ وَ النَّفَسْ الْبَارِدْ.

1 تِمُوتَاوُس 6:11 Referenca të Kryqëzuara

2 تِمُوتَاوُس 2:22

أَنْقَرِعْ مِنْ شَهْوَاتْ هَنَا الصُّبَى. خُطّ بَالَكْ أَشَانْ تَبْقَى نَادُمْ صَالِحْ وَ تَبْقَى قَوِي فِي الْإِيمَانْ وَ الْمَحَبَّةْ وَ السَّلَامْ مِثِلْ كُلَّ النَّاسْ الْيَدْعُوا الرَّبّ بِقَلِبْ طَاهِرْ.

2 تِمُوتَاوُس 3:17

وَ بَيَّهْ خَدَّامْ اللّٰهْ يَبْقَى قَادِرْ وَ جَاهِزْ أَشَانْ يِسَوِّي أَيِّ عَمَلْ هَنَا خَيْر.

1 تِمُوتَاوُس 4:12

مَا تِخَلِّي نَادُمْ يَحْقِرَكْ بِسَبَبْ إِنْتَ صَغَيَّرْ فِي الْعُمُرْ. سَوِّي نَفْسَكْ مَثَلْ لِلْمُؤمِنِينْ فِي كَلَامَكْ وَ حَالَكْ. خَلِّي يِشِيفُوا فَوْقَكْ الْمَحَبَّةْ وَ الْإِيمَانْ وَ الطِّهَارَةْ.

عِبْرَانِيِّين 12:14

سَوُّوا جُهُدْ أَشَانْ تِعِيشُوا بِالسَّلَامْ مَعَ كُلَّ النَّاسْ وَ عِيشُوا بِحَالْ صَالْحَةْ الْبَلَاهَا مَا فِي نَادُمْ يِشِيفْ رَبِّنَا.

1 كُرُنْتُس 10:14

يَا أَخْوَانِي النِّحِبُّكُو، فَكُّرُوا فِي كُلَّ الْكَلَامْ دَا وَ أَنْقَرْعُوا مِنْ عِبَادَةْ الْأَصْنَامْ.

1 بُطْرُس 3:11

خَلِّي يِبَعِّدْ مِنْ الْفَسَالَةْ وَ يِسَوِّي الْخَيْر. خَلِّي يِفَتِّشْ السَّلَامْ وَ يِتَابِعَهْ بِنِيَّةْ وَاحِدَةْ.

1 كُرُنْتُس 6:18

خَلَاصْ، بَعُّدُوا مِنْ الزِّنَى. كُلَّ الذُّنُوبْ الْآخَرِينْ الْيِسَوِّيهُمْ الْإِنْسَانْ مَا يِلَمُّسُوا الْجِسِمْ، لَاكِنْ الزَّنَّايْ هُو بَسْ يُضُرّ جِسْمَهْ.

زَبُور 34:14

بَعِّدْ مِنْ الْفَسَالَةْ وَ سَوِّي الْخَيْر، فَتِّشْ السَّلَامْ وَ تَابِعَهْ بِنِيَّةْ وَاحِدَةْ.

1 تِمُوتَاوُس 5:10

وَ كَنْ هِي مَعْرُوفَةْ بِالْعَمَلْ الصَّالِحْ. وَاجِبْ تَبْقَى مَرَةْ الرَّبَّتْ عِيَالْهَا عَدِيلْ وَ كَرِيمَةْ لِلضِّيفَانْ وَ سَلَّمَتْ نَفِسْهَا أَشَانْ تَخْدِمْ لِلنَّاسْ الصَّالِحِينْ وَ سَاعَدَتْ التَّعْبَانِينْ وَ مِثِلْ دَا هِي أَنْكَرَبَتْ فِي كُلَّ عَمَلْ الْخَيْر.

1 كُرُنْتُس 14:1

أَشَانْ دَا، أَنْكَرْبُوا فِي الْمَحَبَّةْ وَ بَتَّانْ أَتْمَنَّوْا بِنِيَّةْ وَاحِدَةْ أَشَانْ تَلْقَوْا بَرَكَاتْ الرُّوحْ الْقُدُّوسْ. وَ مِنْ الْبَرَكَاتْ دَوْل، أَتْمَنَّوْا زِيَادَةْ أَشَانْ تِتْنَبَّأَوْا.

رَوْمَا 14:19

بِمِثِلْ دَا، خَلِّي نِجَاهُدُوا أَشَانْ نِسَوُّوا الشَّيّءْ الْيِثَبِّتْ السَّلَامْ أَمْبَيْنَاتْنَا وَ الْيِقَوِّينَا كُلِّنَا.

إشَعْيا 51:1

«أَسْمَعَوْنِي، إِنْتُو التَّجْرُوا وَرَاءْ الْعَدَالَةْ وَ تِتَابُعُونِي أَنَا اللّٰهْ. إِنْتُو مِثِلْ حَجَرْ الْقَطَعَوْه مِنْ جَبَلْ. أَذَّكَّرَوْا الْجَبَلْ الْقَطَعَوْكُو مِنَّهْ وَ النُّقْرَةْ الْمَرَقَوْكُو مِنْهَا.

زَبُور 38:20

وَ الْيِسَوُّوا لَيِّ الشَّرّ فِي بَدَلْ الْخَيْر يَتْهَمَوْنِي فِي شَانْ الزَّيْن الْأَنَا نِفَتِّشَهْ.

2 مُلوك 5:20

وَ قِحَازِي خَدَّامْ أَلْيَسَعْ نَبِي اللّٰهْ قَالْ فِي نَفْسَهْ: «سِيدِي أَبَى مَا يِشِيلْ الْهَدِيَّةْ الْقَدَّمَاهَا لَيَّهْ نَعَمَانْ الْمِنْ بَلَدْ أَرَامْ. وَ لَاكِنْ نَحْلِفْ بِاللّٰهْ الْحَيّ كَدَرْ نَجْرِي وَرَايَهْ وَ أَكِيدْ نَلْقَى مِنَّهْ شَيّءْ.»

1 تِمُوتَاوُس 6:20

يَا تِمُوتَاوُسْ، أَحْفَضْ الْأَمَانَةْ الْاللّٰهْ أَنْطَاهَا لَيْك. أَنْقَرِعْ مِنْ الْكَلَامْ الْمَا يَنْفَعْ وَ الْكَلَامْ الْيِخَالِفْ الْحَقّ وَ دَا الْكَلَامْ الْيُقُولُوا هُو عِلِمْ، لَاكِنْ هُو دَا بَسْ الْكِدِبْ.

إرْمِيا 35:4

وَ أَنَا وَدَّيْتهُمْ فِي بَيْت اللّٰهْ فِي غُرْفَةْ تَلَامِيذ حَنَانْ عَبْد اللّٰهْ وِلَيْد يِقْدَلْيَا وَ دَا جَنْب غُرْفَةْ الْكُبَارَاتْ وَ فَوْق لِغُرْفَةْ مَعَسِيَّا وِلَيْد شَلُّومْ حَارِسْ مَدَخَلْ بَيْت اللّٰهْ.

2 أخبار 8:14

وَ سُلَيْمَانْ طَبَّقْ الْقَرَارْ الدَّاوُدْ أَبُوهْ شَالَهْ وَ هُو خَطَّ مَجْمُوعَاتْ رُجَالْ الدِّينْ وَ اللَّاوِيِّينْ فِي خِدْمِتْهُمْ. اللَّاوِيِّينْ يَشْكُرُوا اللّٰهْ وَ يِسَاعُدُوا رُجَالْ الدِّينْ فِي خِدْمِتْهُمْ هَنَا كُلَّ يَوْم. وَ الْحُرَّاسْ مُقَسَّمِينْ فِي أَيِّ بَابْ حَسَبْ مَجْمُوعَاتْهُمْ. أَشَانْ دَا بَسْ الْأَمُرْ هَنَا دَاوُدْ عَبْد اللّٰهْ.

2 مُلوك 23:17

وَ الْمَلِكْ سَأَلْ وَ قَالْ: «الْحَجَرْ الْقَاعِدْ نِشِيفَهْ، دَا شُنُو؟» وَ نَاسْ الْحِلَّةْ رَدَّوْا لَيَّهْ وَ قَالَوْا: «دَا قَبُرْ هَنَا نَبِي اللّٰهْ الْجَاءْ مِنْ بَلَدْ يَهُوذَا وَ حَجَّى بِالْأَشْيَاءْ الْهَسَّعْ إِنْتَ سَوَّيْتهُمْ فِي الْمَدْبَحْ هَنَا بَيْت إِيلْ.»

2 مُلوك 1:13

وَ لِتَالِتْ مَرَّةْ بَتَّانْ، الْمَلِكْ رَسَّلْ قَايِدْ بِخَمْسِينْ عَسْكَرْ لِيَكُرْبُوا إِلِيَاسْ. وَ الْقَايِدْ التَّالِتْ دَا قَمَّ مَشَى وَ بَرَكْ قِدَّامْ إِلِيَاسْ وَ شَحَدَهْ وَ قَالْ: «يَا نَبِي اللّٰهْ! خَلِّي حَيَاتِي وَ حَيَاةْ خَدَّامِينَكْ الْخَمْسِينْ دَوْل تَبْقَى لَيْك مُهِمَّةْ.

2 مُلوك 1:9

وَ خَلَاصْ، الْمَلِكْ رَسَّلْ قَايِدْ بِخَمْسِينْ عَسْكَرْ لِيَكُرْبُوا إِلِيَاسْ. وَ إِلِيَاسْ قَاعِدْ فِي رَاسْ الْجَبَلْ فَوْق وَ الْقَايِدْ قَالْ لَيَّهْ: «يَا نَبِي اللّٰهْ! الْمَلِكْ بُقُولْ أَنْزِلْ!»

1 مُلوك 20:28

وَ فِي الْبَكَانْ دَا، النَّبِي جَاءْ لِمَلِكْ مَمْلَكَةْ إِسْرَائِيلْ وَ قَالْ لَيَّهْ: «دَاهُو اللّٰهْ قَالْ: ‹الْأَرَامِيَّيْن قَالَوْا: ”اللّٰهْ هُو إِلٰـهْ هَنَا جِبَالْ وَ مَا إِلٰـهْ هَنَا وُدْيَانْ.“ وَ فِي شَانْ دَا، أَنَا نِسَلِّمْ لَيْك كُلَّ الدَّيْش الْكَبِيرْ دَا فِي إِيدَكْ. وَ بَيْدَا، تَعَرْفُوا كَدَرْ أَنَا بَسْ اللّٰهْ.›»

1 مُلوك 17:18

وَ هِي قَالَتْ لِإِلِيَاسْ: «شُنُو الْبَيْنِي وَ بَيْنَكْ، يَا نَبِي اللّٰهْ؟ إِنْتَ جِيتْ أَشَانْ تِذَكِّرْنِي بِخَطَايِ وَ تَكْتُلْ وِلَيْدِي وَلَّا؟»

1 صَمُوِيل 2:27

وَ يَوْم وَاحِدْ، نَبِي وَاحِدْ جَاءْ لِعَالِي وَ قَالْ لَيَّهْ: «دَاهُو اللّٰهْ قَالْ: ‹أَنَا بَيَّنْت نَفْسِي لِعَايِلَةْ جِدَّكْ هَارُونْ وَكِتْ هُمَّنْ زَمَانْ قَاعِدِينْ عَبِيدْ تِحِتْ فِرْعَوْن مَلِكْ مَصِرْ.

1 مُلوك 13:26

وَ وَكِتْ النَّبِي الشَّايِبْ الْقَبَّلَهْ سِمِعْ بِالْخَبَرْ دَا، هُو قَالْ: «دَا نَبِي اللّٰهْ، دَا النَّبِي الْعِصِي أَمُرْ اللّٰهْ. وَ اللّٰهْ سَلَّمَهْ لِلدُّودْ ضَرَبَهْ وَ كَتَلَهْ وَ دَا بِقِي حَسَبْ كَلَامْ اللّٰهْ الْقَالَهْ لَيَّهْ.»

1 مُلوك 13:1

وَ دَاهُو نَبِي اللّٰهْ وَاحِدْ قَمَّ مِنْ بَلَدْ يَهُوذَا بِأَمُرْ اللّٰهْ وَ جَاءْ فِي بَيْت إِيلْ. وَ دَا فِي وَكِتْ الْيَرُبَعَامْ قَاعِدْ يِحَرِّقْ الْبَخُورْ فِي الْمَدْبَحْ الْهُو بَنَاهْ.

1 صَمُوِيل 9:6

وَ الْخَدَّامْ قَالْ لَيَّهْ: «فِي الْحِلَّةْ دِي، فِيَّهْ نَبِي اللّٰهْ. وَ النَّادُمْ دَا هُو مَعْرُوفْ وَ كُلَّ شَيّءْ الْبُقُولَهْ يَجِي فِي بَكَانَهْ. خَلِّي نَمْشُوا لَيَّهْ. أَكُونْ يِوَصِّفْ لَيْنَا الدَّرِبْ الْوَاجِبْ نِشِيلُوهْ.»

تَثْنِية 33:1

وَ دِي هِي الْبَرَكَةْ النَّبِي اللّٰهْ مُوسَى بَارَكْ بَيْهَا بَنِي إِسْرَائِيلْ قَبُلْ مَوْتَهْ.

تَثْنِية 16:20

وَ فَتُّشُوا دَرِبْ الْعَدَالَةْ أَشَانْ تَحْيَوْا وَ تِشِيلُوا الْبَلَدْ الْيَنْطِيهَا لَيْكُو اللّٰهْ إِلٰـهْكُو.

نَحَمْيا 12:24

وَ كُبَارَاتْ اللَّاوِيِّينْ، هُمَّنْ حَشَبْيَا وَ شَرَبْيَا وَ يَشُوعْ وَ بِنُوِّي وَ قَدْمِيِيلْ. وَ مِثِلْ الْمَلِكْ دَاوُدْ نَبِي اللّٰهْ أَمَرَاهُمْ، هُمَّنْ وَ أَخْوَانْهُمْ يِسَوُّوا فِرْقَتِيْن مُلْقَابِلِينْ. كُلُّهُمْ بَحْمُدُوا وَ بَشْكُرُوا اللّٰهْ، الْفِرْقَةْ الْوَاحِدَةْ تَشْكُرْ وَ الْفِرْقَةْ الْآخَرَةْ كَمَانْ تَرْفَعْ لَيْهَا.

1 أخبار 23:14

وَ مُوسَى هُو عَبْد اللّٰهْ، عِيَالَهْ حَسَبَوْهُمْ مَعَ قَبِيلَةْ لَاوِي.

1 مُلوك 17:24

وَ الْمَرَةْ قَالَتْ لِإِلِيَاسْ: «أَيْوَى، هَسَّعْ أَنَا عِرِفْت كَدَرْ إِنْتَ نَبِي اللّٰهْ وَ أَكِيدْ الْكَلَامْ الْقَاعِدْ تُقُولَهْ دَا جَايِ مِنْ اللّٰهْ.»

أمْثال 15:9

دَرِبْ الْعَاصِيِينْ، اللّٰهْ حَرَّمَهْ وَ الْيِرِيدْ الْعَدَالَةْ، اللّٰهْ يِحِبَّهْ.

1 تِمُوتَاوُس 1:14

وَ رَبِّنَا أَنْطَانِي نِعْمَةْ كَبِيرَةْ بِلْحَيْن وَ أَنْطَانِي الْإِيمَانْ وَ الْمَحَبَّةْ الْقَاعِدِينْ فِي الْمَسِيحْ عِيسَى.

2 تِمُوتَاوُس 2:21

وَ بِمِثِلْ دَا، كَنْ نَادُمْ يِصَفِّي نَفْسَهْ مِنْ كُلَّ الْوَسَاخَةْ، هُو يَبْقَى مِثِلْ مَاعُونْ هَنَا عَمَلْ نَضِيفْ وَ مَاعُونْ خَاصّ الْعِنْدَهْ فَايْدَةْ لِسِيدَهْ. هُو يَبْقَى جَاهِزْ أَشَانْ يِسَوِّي أَيِّ عَمَلْ هَنَا خَيْر.

2 تِمُوتَاوُس 3:10

لَاكِنْ إِنْتَ رَافَقْتِنِي وَ تَعَرِفْنِي. شِفْتِنِي وَكِتْ أَنَا قَاعِدْ نِعَلِّمْ النَّاسْ وَ تَعَرِفْ حَالِي وَ نِيّتِي فِي كُلِّ شَيّءْ. تَعَرِفْ إِيمَانِي وَ صَبْرِي وَ مَحَبِّتِي وَ قَلْبِي الثَّابِتْ.