1 تِمُوتَاوُس 6:10 - الكتاب المقدس بالعربي الدارجي هنا تشاد

¹⁰ أَشَانْ حُبّ الْمَالْ، هُو قَعَرْ كُلَّ الْفَسَالَةْ. بِسَبَبْ الطَّمَعْ، نَاسْ وَاحِدِينْ وَدَّرَوْا. مَرَقَوْا مِنْ دَرِبْ الْإِيمَانْ وَ جَابَوْا فِي رَاسْهُمْ نَدَامَةْ شَدِيدَةْ.

1 تِمُوتَاوُس 6:10 Referenca të Kryqëzuara

أمْثال 1:19

دَا بَسْ طَرِيقْ النَّاسْ الْيَنْهَبَوْا مَالْ الْحَرَامْ. وَ بَيْدَا، يِوَدُّرُوا نَفِسْهُمْ.

1 تِمُوتَاوُس 6:9

لَاكِنْ النَّاسْ الْيِدَوْرُوا يَبْقَوْا غَنِيِّينْ، طَمَعْهُمْ يِلِزُّهُمْ فِي الذُّنُوبْ وَ يَبْقَى لَيْهُمْ شَرَكْ. وَ كَتَرَةْ شَهْوَاتْهُمْ يِسَبُّبُوا لَيْهُمْ الْأَذَى وَ يِسَوُّوهُمْ عَجَامَا وَ يِوَدُّوهُمْ فِي الدَّمَارْ وَ الْهَلَاكْ.

زَبُور 32:10

الْعَذَابْ الزِّيَادَةْ يَرْجَى الْعَاصِي وَ لَاكِنْ الْعِنْدَهْ فِي اللّٰهْ ضَمَانْ يَلْقَى الْأَمَانْ.

تِيطُس 1:11

وَاجِبْ نِوَقُّفُوهُمْ أَشَانْ تَلَّفَوْا إِيمَانْ هَنَا كُلَّ النَّاسْ فِي بُيُوتْ وَاحِدِينْ بِتَعْلِيمْهُمْ. قَاعِدِينْ يِعَلُّمُوا كَلَامْ مَا عَدِيلْ أَشَانْ يَرْبَحَوْا قُرُسْ بِكِدِبْهُمْ.

أمْثال 1:31

وَ هَسَّعْ دَا، خَلَاصْ. عِيشُوا بِنَتِيجَةْ عَمَلْكُو وَ وَصِيِّتْكُو دِي، خَلِّي تَنْفَعْكُو.

يَهُوذَا 1:11

الْعَذَابْ يَرْجَاهُمْ. أَشَانْ هُمَّنْ شَالَوْا دَرِبْ هَنَا قَابِيلْ. هُمَّنْ شَالَوْا دَرِبْ الْكِدِبْ هَنَا بَلْعَامْ أَشَانْ يَلْقَوْا بَيَّهْ رِبَا. وَ عِصَوْا اللّٰهْ مِثِلْ قُورَحْ وَ بَيْدَا، أَكِيدْ يِدَّمَّرَوْا.

إشَعْيا 56:11

هُمَّنْ مِثِلْ كُلابْ أَكَّالِينْ الْمَا يَعَرْفُوا الشَّبَعْ. وَ هُمَّنْ رُعْيَانْ الْمَا يَعَرْفُوا شَيّءْ. أَيِّ وَاحِدْ شَايِلْ دَرْبَهْ وَ يِفَتِّشْ فَايْدِتَهْ بِكُلَّ نِيّتَهْ.

2 تِمُوتَاوُس 4:10

أَشَانْ أَخُونَا دِيمَاسْ يِحِبّ الدُّنْيَا. هُو فَاتْ خَلَّانِي مَشَى فِي حِلَّةْ تَسَلُونِيكِي. وَ الْآخَرِينْ مَا فِيهُمْ. أَخُونَا كِرِيسْكِي مَشَى فِي بَلَدْ غَلَاطِيَةْ وَ أَخُونَا تِيطُسْ مَشَى فِي بَلَدْ دَلْمَاطِيَةْ.

1 تِمُوتَاوُس 3:3

وَاجِبْ مَا يَبْقَى سَكَّارِي وَ لَا دَاوَاسِي لَاكِنْ وَاجِبْ يَبْقَى نَادُمْ عِنْدَهْ نَفَسْ بَارِدْ وَ مَا سِيدْ مَشَاكِلْ وَ لَا طَمَّاعْ.

مَتَّى 23:13

«يَا الْعُلَمَاءْ وَ الْفَرِيزِيِّينْ، إِنْتُو مُنَافِقِينْ! الْعَذَابْ يَرْجَاكُو أَشَانْ تِسِدُّوا بَابْ مَمْلَكَةْ اللّٰهْ مِنْ النَّاسْ. وَ إِنْتُو ذَاتْكُو مَا تِنْدَسَّوْا وَ النَّاسْ الْيِدَوْرُوا يِنْدَسَّوْا إِنْتُو تَدْحَرَوْهُمْ مِنَّهْ.

مِيخا 3:11

وَ الْقُضْيَاءْ يَقْطَعَوْا شَرِيعَةْ بِالرَّشْوَةْ وَ رُجَالْ الدِّينْ يِعَلُّمُوا كَلَامْ اللّٰهْ لِيَلْقَوْا فَايْدَةْ وَ الْأَنْبِيَاء يِتْنَبَّأَوْا لِيَلْقَوْا فُضَّةْ. هُمَّنْ يِتْوَكَّلَوْا عَلَيْ اللّٰهْ وَ يُقُولُوا: «اللّٰهْ مَا قَاعِدْ فِي أُسُطْنَا وَلَّا؟ الْفَسَالَةْ أَبَداً مَا تَلْحَقْنَا!»

مَلاخِـي 1:10

أَخَيْر تِسِدُّوا بِيبَانْ بَيْتِي أَشَانْ مَا تِقَبُّضُوا نَارْ فِي مَدْبَحِي لِتِقَدُّمُوا ضَحَايَا بَلَا فَايْدَةْ! أَنَا مَا نَرْضَى بَيْكُو وَ مَا نَقْبَلْ مِنْ إِيدَيْكُو أَيِّ ضَحِيَّةْ.» وَ دَا، اللّٰهْ الْقَادِرْ بَسْ قَالَهْ.

تَثْنِية 16:19

وَ أَبَداً مَا تِدَنْقُسُوا الشَّرِيعَةْ وَ مَا تِشِيفُوا نَادُمْ أَحْسَنْ مِنْ نَادُمْ وَ مَا تَقْبَلْ رَشْوَةْ أَشَانْ هِي تَعَمِي عُيُونْ الْحَكِيمْ وَ تِعَوِّجْ كَلَامْ الصَّالِحِينْ.

يَعْقُوب 5:19

يَا أَخْوَانِي، كَنْ نَادُمْ مِنْكُو مَرَقْ مِنْ الدَّرِبْ الصَّحِيحْ وَ نَادُمْ آخَرْ قَبَّلَهْ،

1 تِمُوتَاوُس 6:21

نَاسْ وَاحِدِينْ صَدَّقَوْا بَيَّهْ وَ تَابَعَوْه. وَ خَلَاصْ، مَرَقَوْا مِنْ دَرِبْ الْإِيمَانْ وَ وَدَّرَوْا. وَ عَلَيْكُمْ النِّعْمَةْ.

حِزْقِيال 22:12

وَ فِي لُبِّكِ، يِشِيلُوا أُجْرَةْ لِيَكْتُلُوا دِمَّةْ وَ يِشِيلُوا الرِّبَا وَ الْفَايْدَةْ وَ يِضَايُقُوا النَّاسْ وَ أَنَا كَمَانْ، نِسَوْنِي. وَ دَا كَلَامْ اللّٰهْ الرَّبّ.

حِزْقِيال 16:33

فِي الْعَادَةْ، يَنْطُوا هَدَايَا لِلشَّرَامِيطْ. وَ لَاكِنْ إِنْتِ أَنْطَيْتِ هَدَايَا لِكُلَّ صُدْقَانْكِ! أَيْوَى، إِنْتِ كَفَّيْتِيهُمْ لِيَجُوا لَيْكِ مِنْ أَيِّ بَكَانْ وَ يِشَّرْمَطَوْا مَعَاكِ.

حِزْقِيال 13:19

وَ إِنْتَنْ مَا أَحْتَرَمْتَنِّي قِدَّامْ شَعَبِي وَ دَا لِتَلْقَنْ مَلْيَةْ إِيدْ هَنَا قَمَحْ وَ لُقْمَةْ هِنْت خُبْزَةْ. وَكِتْ تَكْدِبَنْ لِشَعَبِي الْيِرِيدُوا يَسْمَعَوْا الْكِدِبْ، إِنْتَنْ تَكْتُلَنْ النَّاسْ الْوَاجِبْ لَيْهُمْ الْحَيَاةْ وَ تِخَلَّنْ حَيِّينْ النَّاسْ الْوَاجِبْ لَيْهُمْ الْمَوْت.“›»

إشَعْيا 1:23

مَسَائِيلْكِ بِقَوْا حَرَامِيِّينْ وَ مُنْرَبِطِينْ مَعَ السَّرَارِيقْ. وَ يِحِبُّوا الرَّشْوَةْ وَ يَجْرُوا وَرَاءْ الْفَايْدَةْ. هُمَّنْ مَا يِدَافُعُوا لِحُقُوقْ الْأَتِيمْ وَ مَا لَمَّاهُمْ بِشَكْوَةْ الْأَرْمَلَةْ.

تَثْنِية 23:18

وَ لِتِكَفُّوا أَيِّ نَذِرْ، أَبَداً مَا تِجِيبُوا مِنْ مَالْ الشَّرْمَطَةْ هَنَا مَرَةْ أَوْ رَاجِلْ لِبَيْت اللّٰهْ إِلٰـهْكُو أَشَانْ هُمَّنْ الْإِتْنَيْن دَوْل، اللّٰهْ إِلٰـهْكُو حَرَّمَاهُمْ.

تكوين 29:26

وَ لَابَانْ قَالْ لَيَّهْ: «دَا مَا فِي عَادِتْنَا كَدَرْ نَنْطُوا الصَّغَيْرَةْ قُبَّالْ الْكَبِيرَةْ.

رُؤية 18:13

وَ الْقِرْفَةْ وَ الْحَرَارْ وَ الْبَخُورْ وَ الْعِطِرْ وَ اللُّبَانْ وَ الْخَمَرْ وَ الدِّهِنْ وَ الدَّقِيقْ وَ الْقَمَحْ وَ الْبَقَرْ وَ الْغَنَمْ وَ الْخَيْل وَ عَرَبَاتْ هَنَا الْخَيْل وَ الْعَبِيدْ. أَيْوَى، الْإِنْسَانْ كُلَ يِسَاوُقُوهْ.

2 مُلوك 5:27

وَ بِسَبَبْ دَا، جِدَامْ نَعَمَانْ يَكُرْبَكْ إِنْتَ وَ ذُرِّيّتَكْ إِلَى الْأَبَدْ.» وَ خَلَاصْ، قِحَازِي مَرَقْ مِنْ بَكَانْ أَلْيَسَعْ وَ جِلْدَهْ أَبْيَضْ كَرّ مِثِلْ الْقُطُنْ مِنْ جِدَامْ.

تكوين 38:16

وَ هُو وَجَّهْ عَلَيْهَا، وَ مَشَى لَيْهَا وَ قَالْ: «أَنَا نِدَوْر نَرْقُدْ مَعَاكِ.» وَ لَاكِنْ هُو مَا عِرِفْ كَدَرْ هِي مَرِةْ وِلَيْدَهْ. وَ تَامَارْ قَالَتْ لَيَّهْ: «كَنْ رَقَدْت مَعَايِ دَا، تَنْطِينِي شُنُو؟»

تكوين 29:14

وَ لَابَانْ قَالْ: «أَكِيدْ إِنْتَ دَا، وِلَيْد بِنْت أَمِّي! إِنْتَ مِنْ دَمِّي وَ لَحَمِي!» وَ يَعْقُوبْ قَعَدْ مَعَ لَابَانْ مُدَّةْ شَهَرْ.

يَشُوع 7:21

أَنَا شِفْت فِي الْغَنِيمَةْ اللِّقِينَاهَا فِي الْحَرِبْ، خَلَقْ جَمِيلْ مِنْ شِنْعَارْ وَ 200 حَجَرْ فُضَّةْ وَ حَفِيضَةْ هَنَا دَهَبْ وَزِنْهَا 72 جِنَيْه. وَ الْخُمَامْ دَا عَجَبَانِي وَ أَنَا شِلْتَهْ وَ دَاهُو مَدْفُونْ فِي التُّرَابْ فِي لُبّ خَيْمِتِي وَ الْفُضَّةْ تِحْتَهْ.»

زَبُور 62:10

مَا تِتْوَكَّلَوْا عَلَيْ الرَّشْوَةْ وَ مَا تُخُطُّوا عَشَمْكُو فِي مَالْ السِّرْقَةْ بَلَا فَايْدَةْ. وَ كَنْ مَالْكُو يِزِيدْ كُلَ، مَا تُخُطُّوا قُلُوبْكُو فَوْقَهْ.

أمْثال 15:27

الْيَجْرِي وَرَاءْ الْمَالْ الْحَرَامْ يِبَرْجِلْ بَيْتَهْ لَاكِنْ الْيَكْرَهْ الرَّشْوَةْ يُطُولْ عُمْرَهْ.

جامِعة 2:19

وَ يَاتُو يَعَرِفْ كَنْ النَّادُمْ دَا يُكُونْ حَكِيمْ أَوْ فِكْرَهْ مَحْدُودْ؟ بَيْدَا كُلَ، هُو يَبْقَى سِيدْ الْخِدْمَةْ الْأَنَا سَوَّيْتهَا بِحِكْمَةْ فِي الْأَرْض. وَ دَا كُلَ زَايِلْ سَاكِتْ.

مَتَّى 6:19

«مَا تُضُمُّوا الْمَالْ فِي الْأَرْض أَشَانْ هِنِي فِي الْأَرْض الْأَرْضَةْ وَ السَّقَرْ بِتَلُّفُوهْ وَ السَّرَارِيقْ يَدْخُلُوا يَسُرْقُوهْ.

مَتَّى 13:22

وَ التَّيْرَابْ الْوَقَعْ فِي أُسْط الشَّوْك يِمَثِّلْ النَّادُمْ الْيَسْمَعْ الْكَلَامْ لَاكِنْ مَشَاكِلْ الدُّنْيَا وَ رَيْدِتَهْ لِلْمَالْ يَكْتُلُوا الْكَلَامْ الْفِي قَلْبَهْ وَ بَيْدَا، كَلَامْ اللّٰهْ يَبْقَى لَيَّهْ مَا عِنْدَهْ فَايْدَةْ.

مَرْخُوس 4:19

وَ لَاكِنْ مَشَاكِلْ الدُّنْيَا وَ رَيْدِتْهُمْ لِلْمَالْ وَ شَهْوَاتْهُمْ يَكْتُلُوا الْكَلَامْ الْفِي قُلُوبْهُمْ. وَ بَيْدَا، كَلَامْ اللّٰهْ مَا يِجِيبْ فَايْدَةْ.

كُلُوسِي 3:5

أَشَانْ دَا، قُشُّوا مَرَّةْ وَاحِدْ مِنْ أَفْكَارْكُو كُلَّ شَيّءْ الْمِنْ الْأَرْض مِثِلْ الزِّنَى وَ الْحَالْ الشَّيْنَةْ وَ الشَّهْوَاتْ الْفَسْلِينْ وَ النِّيَّةْ الْفَسْلَةْ وَ الطَّمَعْ. وَ بِالصَّحِيحْ، الطَّمَعْ هُو مِثِلْ عِبَادَةْ الْأَصْنَامْ.

2 تِمُوتَاوُس 3:2

وَ فِي الزَّمَنْ دَا، النَّاسْ يِحِبُّوا نُفُوسْهُمْ بِزِيَادَةْ وَ يِحِبُّوا الْقُرُسْ بِلْحَيْن. وَ يَبْقَوْا فَشَّارِينْ وَ مُسْتَكْبِرِينْ وَ يِكَلُّمُوا كَلَامْ كُفُرْ وَ يَبْقَوْا عَايْقِينْ وَالْدَيْنهُمْ وَ نَسَّايِينْ الْخَيْر وَ فَاسْدِينْ.

تكوين 34:27

وَ أَوْلَادْ يَعْقُوبْ الْآخَرِينْ كَتَلَوْا الْمَجْرُوحِينْ وَ كَسَبَوْا الْحِلَّةْ أَشَانْ شَرَفْ أَخُتْهُمْ دِينَةْ تِلِفْ.

1 مُلوك 2:40

وَ طَوَّالِي، شِمْعِي قَمَّ شَدَّ حُمَارَةْ وَ مَشَى حِلَّةْ قَاتْ بَكَانْ أَكِيشْ لِيِشِيلْ عَبِيدَهْ. وَ خَلَاصْ، شِمْعِي شَالْ وَ جَابْ عَبِيدَهْ مِنْ حِلَّةْ قَاتْ.