1 تِمُوتَاوُس 5:8 - الكتاب المقدس بالعربي الدارجي هنا تشاد

⁸ وَ أَيِّ نَادُمْ الْيَابَى مَا يِرَيِّسْ أَهَلَهْ وَ خَاصَّةً نَاسْ بَيْتَهْ، هُو نَكَرْ الْإِيمَانْ خَلَاصْ. نَادُمْ كَافِرْ أَخَيْر مِنَّهْ.

1 تِمُوتَاوُس 5:8 Referenca të Kryqëzuara

غَلاطِية 6:10

وَ أَشَانْ دَا، فِي أَيِّ وَكِتْ عِنْدِنَا فُرْصَةْ، خَلِّي نِسَوُّوا الْخَيْر لِكُلَّ النَّاسْ وَ خَاصَّةً لِأَهَلْ الْإِيمَانْ.

2 كُرُنْتُس 12:14

خَلَاصْ، دَاهُونِي جَاهِزْ نَمْشِي لَيْكُو تَالِتْ مَرَّةْ. وَ أَنَا مَا نَبْقَى لَيْكُو تَقِيلْ أَشَانْ النِّدَوْرَهْ مَا مَالْكُو، نِدَوْركُو إِنْتُو. أَشَانْ الْعِيَالْ مَا يُضُمُّوا مَالْ فِي شَانْ وَالْدَيْنهُمْ. الْوَالْدَيْن بَسْ وَاجِبْ يُضُمُّوا مَالْ فِي شَانْ عِيَالْهُمْ.

إشَعْيا 58:7

وَ وَاجِبْ تِقَسِّمْ أَكْلَكْ مَعَ الْجِيعَانْ وَ تِسَكِّنْ الْمِسْكِينْ الْمَا عِنْدَهْ بَيْت. وَ الْعَرْيَانْ، تَكْسِيهْ وَ مِنْ دَمَّكْ وَ لَحَمَكْ، مَا تِلَّبَّدْ.»

تِيطُس 1:16

يُقُولُوا يَعَرْفُوا اللّٰهْ لَاكِنْ بِعَمَلْهُمْ يَكْفُرُوا بَيَّهْ. نَاسْ مِثِلْ دَوْل مَكْرُوهِينْ وَ عَاصِيِينْ وَ مَا يَنْفَعَوْا لِأَيِّ عَمَلْ هَنَا خَيْر.

مَتَّى 7:11

صَحِيحْ، إِنْتُو مُذْنِبِينْ وَ لَاكِنْ تَعَرْفُوا كِكَّيْف تَنْطُوا شُغُلْ سَمَحْ لِعِيَالْكُو. وَ أَكِيدْ أَبُوكُو اللّٰهْ أَخَيْر زِيَادَةْ مِنْكُو. وَ كِكَّيْف هُو مَا يَنْطِي شُغُلْ سَمَحْ لِلنَّاسْ الْيَسْأَلَوْه؟

2 تِمُوتَاوُس 3:5

وَ يِنْكَرْبُوا فِي الشُّغُلْ الْيِوَصِّفْ التَّقْوَى لَاكِنْ فِي قُلُوبْهُمْ يَابَوْا مَا يِتَابُعُوا التَّقْوَى. أَنْقَرِعْ مِنْ النَّاسْ الْمِثِلْ دَوْل.

تكوين 30:30

أَشَانْ الْمَالْ الشِّيَّةْ الْأَوَّلْ عِنْدَكْ قُبَّالِي، هَسَّعْ زَادْ وَ بِقِي كَتِيرْ. وَ اللّٰهْ بَارَكَكْ مِنْ أَنَا جِيتْ فِي بَيْتَكْ. وَ هَسَّعْ دَا، نَخْدِمْ لِنَفْسِي مَتَى؟»

رُؤية 3:8

أَنَا نَعَرِفْ كُلَّ شَيّءْ السَّوَّيْتَهْ. وَ نَعَرِفْ عِنْدَكْ قُدْرَةْ شِيَّةْ بَسْ وَ لَاكِنْ مَا فَشَلْت. إِنْتَ تَابَعْت كَلَامِي عَدِيلْ وَ مَا نَكَرْت أُسْمِي. وَ شِيفْ، أَنَا فَتَحْت الدَّرِبْ قِدَّامَكْ وَ مَا فِي نَادُمْ الْيَقْدَرْ يِسِدَّهْ.

رُؤية 2:13

أَنَا نَعَرِفْ الْبَكَانْ الْإِنْتُو سَاكْنِينْ فَوْقَهْ وَ هُو الْبَكَانْ الْإِبْلِيسْ خَطَّ فَوْقَهْ كُرْسِي حَقَّهْ. وَ إِنْتُو مُنْكَرِبِينْ فِي أُسْمِي. وَ إِنْتُو مَا نَكَرْتُوا إِيمَانْكُو بَيِّ وَكِتْ كَتَلَوْا أَنْتِبَاسْ فِي أُسُطْكُو وَ هُو شَهَدْ لَيِّ شَهَادَةْ ثَابْتَةْ فِي الْبَكَانْ الْإِبْلِيسْ سَاكِنْ فَوْقَهْ.

2 بُطْرُس 2:1

لَاكِنْ زَمَانْ، فِي أَنْبِيَاء كَدَّابِينْ وَاحِدِينْ قَمَّوْا فِي أُسُطْ شَعَبْ بَنِي إِسْرَائِيلْ. وَ مِثِلْ دَا، فِي أُسُطْكُو إِنْتُو كُلَ، مُعَلِّمِينْ كَدَّابِينْ يُقُمُّوا. هُمَّنْ يِنْدَسَّوْا أَمْبَيْنَاتْكُو بِغَشّ وَ يِوَزُّعُوا تَعْلِيمْهُمْ الْيِوَدِّي النَّاسْ فِي الْهَلَاكْ لَحَدِّي يَنْكُرُوا سَيِّدْهُمْ الْفَدَاهُمْ كُلَ. وَ بِكَلَامْهُمْ دَا، يِجِيبُوا الْهَلَاكْ فِي نُفُوسْهُمْ بِسُرْعَةْ.

يُوحَنَّا 15:22

أَوَّلْ كَنْ مَا جِيتْ كَلَّمْت لَيْهُمْ، هُمَّنْ مَا يَبْقَوْا خَاطِيِّينْ. لَاكِنْ خَلَاصْ، أَنَا كَلَّمْت لَيْهُمْ وَ الْخَطَا ثَابِتْ فَوْقهُمْ.

يَهُوذَا 1:4

أَشَانْ فِي نَاسْ وَاحِدِينْ فَسْلِينْ أَنْدَسَّوْا أَمْبَيْنَاتْكُو بِعَشِيرْ. وَ هُمَّنْ قَاعِدِينْ يِعَوُّجُوا كَلَامْ رَحْمَةْ اللّٰهْ لِيِحَلُّلُوا بَيَّهْ الْمُحَرَّمَاتْ. وَ بَيْدَا، يَنْكُرُوا عِيسَى الْمَسِيحْ الْهُو بَسْ سَيِّدْنَا وَ رَبِّنَا. وَ مِنْ زَمَانْ، الْكِتَابْ حَجَّى بِالْعَذَابْ الْيَرْجَاهُمْ.

2 كُرُنْتُس 6:15

كِكَّيْف الْمَسِيحْ وَ إِبْلِيسْ يِسْتَفُقُوا؟ هَلْ فِي شَيّءْ الْيَرْبُطْ الْمُؤمِنْ مَعَ الْمَا مُؤمِنْ؟

مَتَّى 18:17

وَ كَنْ هُو يَابَى مَا يَسْمَعْ كَلَامْهُمْ، جِيبْ الْكَلَامْ دَا لِجَمَاعَةْ الْمُؤمِنِينْ. وَ كَنْ أَبَى مَا يَسْمَعْ كَلَامْ جَمَاعَةْ الْمُؤمِنِينْ كُلَ، أَجْعَلَهْ مِثِلْ نَادُمْ مَا مُؤمِنْ وَلَّا مِثِلْ نَادُمْ الْيِشِيلْ الْمِيرِي.

1 كُرُنْتُس 6:6

لَاكِنْ إِنْتُو قَاعِدِينْ تِخَلُّوا الْمُؤمِنْ يَشْكِي أَخُوهْ قِدَّامْ الْحُكَّامْ، حَتَّى كَانْ الْحُكَّامْ دَوْل مَا مُؤمِنِينْ كُلَ.

2 تِمُوتَاوُس 2:12

وَ كَنْ نَحْمَلَوْا التَّعَبْ فِي شَانَهْ، نَمُلْكُوا مَعَايَهْ. وَ كَنْ نَنْكُرُوهْ، هُو كُلَ يَنْكُرْنَا.