1 تِمُوتَاوُس 5:6 - الكتاب المقدس بالعربي الدارجي هنا تشاد

⁶ وَ لَاكِنْ الْمَرَةْ الْأَرْمَلَةْ التِّرِيدْ حَلَاتْ الدُّنْيَا بَسْ، كَنْ هِي لِسَّاعْ حَيَّةْ كُلَ، هِي مَيْتَةْ.

1 تِمُوتَاوُس 5:6 Referenca të Kryqëzuara

يَعْقُوب 5:5

فِي الدُّنْيَا عِشْتُوا فِي الْحَلَا وَ فِي الرَّاحَةْ. إِنْتُو سِمِنْتُوا مِثِلْ الْبَقَرْ الْيِسَمُّنُوهُمْ لِلْجُزُرْ.

رُؤية 18:7

أَوَّلْ شَهْوِتْهَا وَ فَشَارْهَا شُدَادْ بِلْحَيْن وَ هَسَّعْ أَنْطُوهَا عَذَابْ وَ حِزِنْ شَدِيدْ بِنَفْس الْمِكْيَالْ. أَيْوَى، هِي تُقُولْ فِي قَلِبْهَا: ‹دَاهُونِي أَنَا الْمَلِكَةْ. أَنَا مَا نَبْقَى أَرْمَلَةْ وَ أَبَداً مَا نَحْزَنْ.›

رُؤية 3:1

«وَ أَكْتِبْ كَلَامِي لِلْمَلَكْ هَنَا جَمَاعَةْ الْمُؤمِنِينْ الْفِي حِلَّةْ سَارْدِسْ. دَاهُو كَلَامِي، أَنَا الْعِنْدِي الْأَرْوَاحْ السَّبْعَةْ هَنَا اللّٰهْ وَ السَّبْعَةْ نُجُومْ. أَنَا نَعَرِفْ خِدِمْتَكْ. يُقُولُوا إِيمَانَكْ حَيّ وَ لَاكِنْ بِالصَّحِيحْ، إِيمَانَكْ مَيِّتْ.

لُوقا 15:24

أَيْوَى، وِلَيْدِي دَا، هُو أَوَّلْ جَعَلْتَهْ مَيِّتْ وَ هَسَّعْ هُو حَيّ. هُو وَدَّرْ وَ أَنَا لِقِيتَهْ.› وَ خَلَاصْ قَمَّوْا يَفْرَحَوْا.

لُوقا 15:32

لَاكِنْ وَاجِبْ نَفْرَحَوْا بِالْفَرْحَةْ دِي أَشَانْ أَخُوكْ دَا، أَوَّلْ جَعَلْنَاهْ مَيِّتْ وَ دَاهُو هُو حَيّ. وَ أَوَّلْ هُو وَدَّرْ وَ خَلَاصْ لِقِينَاهْ عَافَيْ.›»

أفَسُس 5:14

وَ أَيِّ شَيّءْ الْيِنْشَافْ يِنْعَرِفْ بِالصَّحِيحْ. أَشَانْ دَا، نُقُولُوا: «يَا النَّايِمْ، قُمّ فَوْق! قُمّ مِنْ أُسْط الْمَيْتِينْ وَ الْمَسِيحْ يِضَوِّي نُورَهْ فَوْقَكْ.»

أفَسُس 2:1

أَوَّلْ، إِنْتُو مَيْتِينْ بِسَبَبْ خَطَايَاكُو وَ ذُنُوبْكُو.

لُوقا 15:13

وَ بَعَدْ أَيَّامْ، الْوِلَيْد الصَّغَيَّرْ بَاعْ كُلَّ شَيّءْ الْأَبُو أَنْطَاهْ وَ سَافَرْ بَعِيدْ لِبَلَدْ آخَرَةْ. وَ فِي الْبَلَدْ دِي، بِقِي فَاسِدْ وَ تَلَّفْ كُلَّ قُرْسَهْ.

مَتَّى 8:22

وَ عِيسَى رَدَّ لَيَّهْ وَ قَالْ: «تَعَالْ تَابِعْنِي هَسَّعْ وَ خَلِّي الْمَيْتِينْ يَدْفُنُوا مَيْتِينْهُمْ.»

كُلُوسِي 2:13

أَوَّلْ بِسَبَبْ خَطَايَاكُو، إِنْتُو مَيْتِينْ وَ مَا مِنْ شَعَبْ اللّٰهْ الْمُطَهَّرِينْ. وَ لَاكِنْ اللّٰهْ أَنْطَاكُو الْحَيَاةْ الْجَدِيدَةْ مَعَ الْمَسِيحْ وَ غَفَرْ لَيْكُو كُلَّ خَطَايَاكُو.

أفَسُس 2:5

وَ وَكِتْ أَنِحْنَ مَيْتِينْ بِسَبَبْ خَطَايَانَا، هُو أَنْطَانَا الْحَيَاةْ الْجَدِيدَةْ مَعَ الْمَسِيحْ. أَيْوَى، بِنِعْمَةْ اللّٰهْ بَسْ إِنْتُو نِجِيتُوا.

لُوقا 12:19

وَ نِحَجِّي لِنَفْسِي وَ نُقُولْ: ”يَا نَفْسِي! عِنْدِكِ مَالْ كَتِيرْ مَضْمُومْ الْيِطَوِّلْ سِنِينْ. نِنْجَمَّ بَسْ وَ نَاكُلْ وَ نَشْرَبْ وَ نَفْرَحْ.“›

لُوقا 7:25

كَنْ مَا كَيْ، دَوَّرْتُوا تِشِيفُوا شُنُو؟ نَادُمْ لَابِسْ خُلْقَانْ سَمْحِينْ وَلَّا؟ لَا. أَشَانْ النَّاسْ اللَّابْسِينْ خُلْقَانْ سَمْحِينْ وَ الْعَايْشِينْ فِي بَكَانْ حَلُو قَاعِدِينْ فِي قُصُورْ الْمُلُوكْ.

مَراثِي إرْمِيا 4:5

النَّاسْ الْأَوَّلْ أَكَلَوْا أَكِلْ عَدِيلْ الْيَوْم مِنْ الْجُوعْ دَفَّقَوْا فِي الشَّوَارِعْ وَ الْأَوَّلْ رَقَدَوْا فِي الْحَرِيرْ، الْيَوْم رَقَدَوْا فِي الْبَعَرْ.

إرْمِيا 6:2

وَ اللّٰهْ قَالْ: «صَهْيُون الْمِثِلْ بِنَيَّةْ جَمِيلَةْ وَ لَطِيفَةْ، أَنَا نِدَمِّرْهَا.

إشَعْيا 47:1

«أَنْزِلِي وَ أَقْعُدِي تِحِتْ فِي الرُّمَادْ، يَا مَدِينَةْ بَابِلْ الْمِثِلْ بِنَيَّةْ عُدْرِيَّةْ! أَقْعُدِي فِي التُّرَابْ بَلَا كُرْسِي، يَا بِنَيَّةْ الْبَابِلِيِّينْ! أَشَانْ بَتَّانْ مَا يِنَادُوكِ جَمِيلَةْ وَ اللَّطِيفَةْ.

إشَعْيا 22:13

وَ لَاكِنْ دَاهُو بِفَرَحْ وَ سُرُورْ، إِنْتُو دَبَحْتُوا بَقَرْ وَ غَنَمْ. وَ أَكَلْتُوا لَحَمْ وَ شِرِبْتُوا خَمَرْ وَ قُلْتُوا: «يَلَّا! نَاكُلُوا وَ نَشَرْبَوْا أَشَانْ أَمْبَاكِرْ، خَلَاصْ نُمُوتُوا!»

أمْثال 29:21

مَا تِجَلِّعْ عَبْدَكْ مِنْ هُو صَغَيَّرْ أَشَانْ فِي الأَخِيرْ، هُو يَعَصَاكْ.

1 صَمُوِيل 25:6

‹تِعِيشْ دَايْماً! وَ السَّلَامْ عَلَيْك وَ لِأَهَلَكْ وَ لِكُلَّ مَالَكْ!

1 صَمُوِيل 15:32

وَ صَمُوِيلْ قَالْ: «جِيبْ لَيِّ أَقَاقْ مَلِكْ الْعَمَالِقْ.» وَ أَقَاقْ جَايِ لَيَّهْ فَرْحَانْ وَ بُقُولْ فِي قَلْبَهْ: «أَكِيدْ! أَنَا مَعَ الْمَوْت دَا، فَكَّ فَكَّ.»

تَثْنِية 28:56

وَ الْمَرَةْ اللَّطِيفَةْ وَ حَنُونَةْ مِنْكُو تِسَوِّي نَفْس الشَّيّءْ. هِي الْأَوَّلْ لَطِيفَةْ وَ غَنِيَّةْ، مَا تُخُطّ رِجِلَيْنهَا فِي التُّرَابْ، هِي كُلَ تِشِيفْ بِعَيْن الْمَا عِنْدَهَا رَحْمَةْ لِرَاجِلْهَا الْحَاضْنَةْ وَ وِلَيْدهَا وَ بِنَيِّتْهَا.

تَثْنِية 28:54

وَ الرَّاجِلْ اللَّطِيفْ وَ حَنُونْ مِنْكُو يِشِيفْ بِعَيْن الْمَا عِنْدَهَا رَحْمَةْ لِأَخُوهْ وَ مَرْتَهْ الْحَاضِنْهَا وَ عِيَالَهْ الْفَضَّلَوْا.

لُوقا 16:19

وَ بَتَّانْ، عِيسَى قَالْ: «يَوْم مِنْ الْأَيَّامْ، فِي نَادُمْ غَنِيْ مَرَّةْ وَاحِدْ. وَ هُو لَابِسْ خُلْقَانْ غَالِيِّينْ بِلْحَيْن وَ كُلَّ يَوْم هُو يَفْرَحْ وَ يَاكُلْ أَكِلْ حَلُو مَرَّةْ وَاحِدْ.

تكوين 2:17

لَاكِنْ مَا تَاكُلْ مِنْ عِيَالْ شَدَرَةْ عِرْفَةْ الْخَيْر وَ الشَّرّ. أَشَانْ أَكِيدْ يَوْم إِنْتَ أَكَلْت مِنْهَا دَا، تُمُوتْ.»

2 تِمُوتَاوُس 3:6

وَاحِدِينْ مِنْهُمْ يِنْدَسَّوْا فِي بُيُوتْ النَّاسْ بِنَجَاضَةْ. وَ يَكُرْبُوا بِغَشّ عَوِينْ الْفِكِرْهِنْ مَا ثَابِتْ الْمَلَانَاتْ بِذُنُوبْ وَ قَاعِدَاتْ يِتَابِعَنْ كُلَّ نَفَرْ هَنَا شَهْوَاتْ.