1 تِمُوتَاوُس 5:4 - الكتاب المقدس بالعربي الدارجي هنا تشاد

⁴ كَنْ أَيِّ مَرَةْ أَرْمَلَةْ عِنْدَهَا عِيَالْ وَلَّا عِيَالْ عِيَالْهَا، خَلِّي يَعَرْفُوا كِكَّيْف يَبْقَوْا تَقِيِّينْ مَعَ نَاسْ بَيْتهُمْ وَ يَنْطُوا لِوَالْدَيْنهُمْ حُقُوقْهُمْ مِثِلْ اللّٰهْ يَرْضَى بَيَّهْ.

1 تِمُوتَاوُس 5:4 Referenca të Kryqëzuara

تكوين 47:12

وَ يُوسُفْ أَنْطَى مَعَاشْ لِأَبُوهْ وَ لِأَخْوَانَهْ وَ لِكُلَّ عَايِلَةْ أَبُوهْ عَلَيْ حَسَبْ عَدَدْهُمْ.

1 تِمُوتَاوُس 2:3

الدُّعَا الْمِثِلْ دَا سَمَحْ وَ اللّٰهْ مُنَجِّينَا هُو يَرْضَى بَيَّهْ.

لُوقا 2:51

وَ عِيسَى قَبَّلْ مَعَاهُمْ وَ وِصِلْ فِي النَّاصِرَةْ. وَ تَابَعْ كَلَامْهُمْ فِي كُلَّ شَيّءْ. وَ أَمَّهْ كَرَبَتْ كُلَّ الْكَلَامْ دَا فِي قَلِبْهَا.

أمْثال 31:28

وَ عِيَالْهَا يُقُمُّوا وَ يُقُولُوا: «مَبْرُوكْ عَلَيْكِ!» وَ رَاجِلْهَا كُلَ يَشْكُرْهَا وَ يُقُولْ:

رَعُوث 2:18

وَ خَلَاصْ، رَعُوثْ شَالَتْ الْقَمَحْ الْأَبْيَضْ اللَّقَّطَتَهْ وَ قَبَّلَتْ الْحِلَّةْ أَنْطَتَهْ كُلَّ لِنَسِيبِتْهَا أَمّ رَاجِلْهَا. وَ جَابَتْ مَعَاهَا كُلَ الْأَكِلْ الْهِي شِبْعَتْ وَ فَضَّلَتَهْ وَ أَنْطَتَهْ لِنَسِيبِتْهَا.

رَعُوث 2:2

وَ رَعُوثْ الْمُوَابِيَّةْ قَالَتْ لِنَعِيمَةْ: «خَلِّينِي نَمْشِي فِي الزِّرَاعَةْ نِكَشِّبْ كَنْ سِيَادْ الزِّرَاعَةْ يَرْضَوْا لَيِّ.» وَ نَعِيمَةْ قَالَتْ لَيْهَا: «أَمْشِي، يَا بِنَيِّتِي.»

إشَعْيا 14:22

وَ اللّٰهْ قَالْ: «أَنَا نُقُمّ ضِدُّهُمْ وَ نُقُشّ أُسُمْ الْبَابِلِيِّينْ وَ الْفَضَّلَوْا مِنْ عِيَالْهُمْ وَ عِيَالْ عِيَالْهُمْ. وَ دَا كَلَامْ اللّٰهْ الْقَادِرْ.

أيُّوب 18:19

هُو وَ لَا يِخَلِّي عِيَالْ وَ لَا عِيَالْ فِي أُسُطْ شَعَبَهْ وَ مَا يِفَضِّلْ نَادُمْ حَيّ فِي مَسْكَنَهْ.

قُضياء 12:14

وَ عَبْدُونْ دَا عِيَالَهْ 40 وَ عِيَالْ عِيَالَهْ 30 وَ كُلُّهُمْ رَاكْبِينْ فِي 70 دُحُوشْ. وَ هُو حَكَمْ فِي بَنِي إِسْرَائِيلْ مُدَّةْ تَمَانَةْ سَنَةْ.

تكوين 47:28

وَ يَعْقُوبْ عَاشْ 17 سَنَةْ فِي مَصِرْ. وَ عُمْرَهْ 147 سَنَةْ.

1 تِمُوتَاوُس 5:16

وَ خَلَاصْ أَيِّ مُؤمِنَةْ الْعِنْدَهَا فِي أَهَلْهَا عَوِينْ أَرَامِلْ، خَلِّي تِسَاعِدْهِنْ. خَلِّي مَا تِكَلِّفْ بَيْهِنْ جَمَاعَةْ الْمُؤمِنِينْ. وَ بِمِثِلْ دَا، الْمُؤمِنِينْ يِسَاعُدُوا الْعَوِينْ الْأَكِيدْ مَا عِنْدِهِنْ نَادُمْ يِفَكِّرْ فَوْقهِنْ.

تِيطُس 1:11

وَاجِبْ نِوَقُّفُوهُمْ أَشَانْ تَلَّفَوْا إِيمَانْ هَنَا كُلَّ النَّاسْ فِي بُيُوتْ وَاحِدِينْ بِتَعْلِيمْهُمْ. قَاعِدِينْ يِعَلُّمُوا كَلَامْ مَا عَدِيلْ أَشَانْ يَرْبَحَوْا قُرُسْ بِكِدِبْهُمْ.