1 تِمُوتَاوُس 5:25 - الكتاب المقدس بالعربي الدارجي هنا تشاد

²⁵ وَ نَفْس الشَّيّءْ لِعَمَلْ الْخَيْر. هُو وَاضِحْ. وَ كَنْ أَوَّلْ مَا وَاضِحْ كُلَ، مَا يَقْعُدْ مُلَبَّدْ وَكِتْ طَوِيلْ.

1 تِمُوتَاوُس 5:25 Referenca të Kryqëzuara

أمْثال 10:9

الْيَمْشِي عَدِيلْ يِعِيشْ بِأَمَانْ وَ لَاكِنْ الْمَا يَمْشِي عَدِيلْ يِنْعَرِفْ.

لُوقا 11:33

«وَ مَا فِي نَادُمْ الْيِأَوْقِدْ فَانُوسْ وَ يِلَبِّدَهْ وَلَّا يِغَطِّيهْ بِمَاعُونْ. هُو يُخُطَّهْ فِي بَكَانْ فَوْق أَشَانْ النَّاسْ الْيَدْخُلُوا فِي الْبَيْت يِشِيفُوا الضَّيّ.

1 تِمُوتَاوُس 3:7

وَ مَعَ كُلَّ الْكَلَامْ دَا، خَلِّي أَيِّ مَسْؤُولْ يَبْقَى نَادُمْ الْيِكَرُّمُوهْ النَّاسْ الْمَا مُؤمِنِينْ كُلَ. وَ مِثِلْ دَا، الْعَيْب مَا يَجِي فَوْقَهْ وَ يَقَعْ فِي شَرَكْ إِبْلِيسْ.

أعمال الرُسُل 22:12

وَ نَادُمْ وَاحِدْ قَاعِدْ فِي دِمَشْق أُسْمَهْ حَنَانِيَّا. هُو قَاعِدْ يِتَابِعْ التَّوْرَاةْ عَدِيلْ وَ كُلَّ الْيَهُودْ فِي دِمَشْق يَشْهَدَوْا لَيَّهْ كَدَرْ هُو نَادُمْ تَقِي.

أعمال الرُسُل 10:22

وَ رَدَّوْا لَيَّهْ وَ قَالَوْا: «كَرْنِيلِي رَسَّلَانَا. وَ كَرْنِيلِي دَا هُو كَبِيرْ عَسْكَرْ وَ رَاجِلْ صَالِحْ وَ خَايِفْ مِنْ اللّٰهْ. وَ كُلَّ الْيَهُودْ يَشْهَدَوْا لَيَّهْ هُو نَادُمْ عَدِيلْ. وَ وَاحِدْ مِنْ مَلَائِكَةْ اللّٰهْ جَاءْ لَيَّهْ وَ قَالْ وَاجِبْ كَرْنِيلِي يِنَادِيكْ تَمْشِي بَيْتَهْ أَشَانْ يَسْمَعْ كَلَامَكْ.»

أعمال الرُسُل 9:36

وَ مَرَةْ وَاحِدَةْ قَاعِدَةْ فِي حِلَّةْ يَافَا أُسُمْهَا طَابِيتَةْ وَ بِكَلَامْ يُونَانِي، دَا دُورْكَاسْ مَعَنَاتَهْ غَزَالَةْ. وَ هِي كُلَ مِنْ التَّلَامِيذ. وَ كُلِّ يَوْم، هِي قَاعِدَةْ تِسَاعِدْ الْمَسَاكِينْ وَ هِي دَايْماً شَغَّالَةْ بِعَمَلْ الْخَيْر.

مَتَّى 5:16

وَ مِثِلْ دَا، خَلُّوا نُورْكُو يِضَوِّي قِدَّامْ النَّاسْ. وَ خَلُّوهُمْ يِشِيفُوا خِدْمِتْكُو السَّمْحَةْ وَ يَشْكُرُوا أَبُوكُو اللّٰهْ الْقَاعِدْ فِي السَّمَاوَاتْ.

فِلِبِّي 1:11

وَ تَبْقَوْا صَالِحِينْ وَ مَلَانِينْ بِالْخَيْر الْجَايِ مِنْ عِيسَى الْمَسِيحْ. وَ خَلَاصْ، الْمَجْد وَ الشُّكُرْ لِلّٰهْ.

رُؤية 14:13

وَ سِمِعْت حِسّ جَايِ مِنْ السَّمَاءْ قَالْ: «أَكْتِبْ: ‹مَبْرُوكْ لِلنَّاسْ الْيُمُوتُوا فِي دَرِبْ الرَّبّ مِنْ الْوَكِتْ دَا وَ قِدَّامْ.›» وَ رُوحْ اللّٰهْ رَدَّ لَيَّهْ وَ قَالْ: «آمِينْ، تَعَبْهُمْ يِكَمِّلْ وَ هُمَّنْ يِنْجَمَّوْا وَ أَجُرْ هَنَا خِدْمِتْهُمْ مَاشِي وَرَاهُمْ.»