1 تِمُوتَاوُس 5:12 - الكتاب المقدس بالعربي الدارجي هنا تشاد

¹² وَ مِثِلْ دَا، هِي تَبْقَى خَاطِيَةْ أَشَانْ تِخَالِفْ الْوَعَدْ الْأَوَّلْ سَوَّتَهْ مَعَايَهْ.

1 تِمُوتَاوُس 5:12 Referenca të Kryqëzuara

يَعْقُوب 3:1

يَا أَخْوَانِي، خَلِّي كَتِيرِينْ مِنْكُو مَا يَبْقَوْا مُعَلِّمِينْ أَشَانْ تَعَرْفُوا كَدَرْ اللّٰهْ يِحَاسِبْنَا أَنِحْنَ الْمُعَلِّمِينْ شَدِيدْ مِنْ النَّاسْ الْآخَرِينْ.

غَلاطِية 1:6

أَنَا عَجَّبْت لَيْكُو بِلْحَيْن. اللّٰهْ نَادَاكُو أَشَانْ تِعِيشُوا بِنِعْمَةْ الْمَسِيحْ وَ طَوَّالِي إِنْتُو قَمَّيْتُوا خَلَّيْتُوهَا أَشَانْ تِدَوْرُوا تِتَابُعُوا بِشَارَةْ آخَرَةْ.

1 بُطْرُس 4:17

أَشَانْ الْوَكِتْ تَمَّ وَ الْحِسَابْ يَبْدَا. وَ أَكِيدْ يَبْدَا بِنَاسْ بَيْت اللّٰهْ. وَ كَنْ الْحِسَابْ يَبْدَا بَيْنَا أَنِحْنَ الْمُؤمِنِينْ، يَبْقَى كِكَّيْف لِلنَّاسْ الْأَبَوْا مَا تَابَعَوْا بِشَارَةْ اللّٰهْ؟

1 كُرُنْتُس 11:34

كَنْ نَادُمْ جِيعَانْ وَ مَا يَقْدَرْ يَرْجَى الْآخَرِينْ، أَخَيْر يَاكُلْ قُبَّالْ فِي بَيْتَهْ. وَ بَيْدَا، مَلَمِّتْكُو مَا تِجِيبْ الْعَذَابْ فَوْقكُو. وَ خَلَاصْ، فِي الشَّيّءْ الْبُخُصّ السُّؤَالَاتْ الْآخَرِينْ، نَنْطِيكُو وَصَايَا وَكِتْ نَجِيكُو.

1 تِمُوتَاوُس 5:11

آبَى مَا تِسَجِّلْ فِي مَجْمُوعَةْ الْأَرَامِلْ أَيِّ مَرَةْ صَبِيَّةْ الرَّاجِلْهَا مَاتْ أَشَانْ وَكِتْ شَهْوَاتْهَا يِلِزُّوهَا، هِي تَابَى خِدْمَةْ الْمَسِيحْ وَ تِدَوْر تَاخُدْ بَتَّانْ.

1 تِمُوتَاوُس 5:13

وَ عَوِينْ مِثِلْ دَيْل يَبْقَنْ كَمَانْ عَاطِلَاتْ وَ يُقُمَّنْ يُرُوغَنْ مِنْ بَيْت لِبَيْت. وَ مَا يَبْقَنْ عَاطِلَاتْ بَسْ لَاكِنْ يَبْقَنْ قَوَّالَاتْ وَ يِنْدَسَّنْ فِي الشَّيّءْ الْمَا يُخُصِّهِنْ وَ يِحَجَّنْ بِكَلَامْ الْمَا بِشَابِهْ.

هُوشَع 8:3

وَ لَاكِنْ بَنِي إِسْرَائِيلْ أَبَوْا الْخَيْر وَ هَسَّعْ عَدُوهُمْ يِطَارِدْهُمْ.