1 تِمُوتَاوُس 5:10 - الكتاب المقدس بالعربي الدارجي هنا تشاد

¹⁰ وَ كَنْ هِي مَعْرُوفَةْ بِالْعَمَلْ الصَّالِحْ. وَاجِبْ تَبْقَى مَرَةْ الرَّبَّتْ عِيَالْهَا عَدِيلْ وَ كَرِيمَةْ لِلضِّيفَانْ وَ سَلَّمَتْ نَفِسْهَا أَشَانْ تَخْدِمْ لِلنَّاسْ الصَّالِحِينْ وَ سَاعَدَتْ التَّعْبَانِينْ وَ مِثِلْ دَا هِي أَنْكَرَبَتْ فِي كُلَّ عَمَلْ الْخَيْر.

1 تِمُوتَاوُس 5:10 Referenca të Kryqëzuara

1 تِمُوتَاوُس 6:18

خَلِّي يِسَوُّوا الْخَيْر وَ يَبْقَوْا سِيَادْ الْحَسَنَاتْ بِالْكَرَمْ وَ الْجُودْ.

تِيطُس 3:8

وَ الْكَلَامْ دَا حَقّ. وَ نِدَوْر كَدَرْ إِنْتَ تِفَسِّرْ لَيْهُمْ كُلَّ الْكَلَامْ دَا أَشَانْ النَّاسْ الْآمَنَوْا بِاللّٰهْ يِنْكَرْبُوا بِنِيَّةْ وَاحِدَةْ فِي عَمَلْ الْخَيْر. كُلَّ الْكَلَامْ دَا سَمَحْ بِلْحَيْن وَ عِنْدَهْ فَايْدَةْ لِكُلَّ النَّاسْ.

أعمال الرُسُل 9:36

وَ مَرَةْ وَاحِدَةْ قَاعِدَةْ فِي حِلَّةْ يَافَا أُسُمْهَا طَابِيتَةْ وَ بِكَلَامْ يُونَانِي، دَا دُورْكَاسْ مَعَنَاتَهْ غَزَالَةْ. وَ هِي كُلَ مِنْ التَّلَامِيذ. وَ كُلِّ يَوْم، هِي قَاعِدَةْ تِسَاعِدْ الْمَسَاكِينْ وَ هِي دَايْماً شَغَّالَةْ بِعَمَلْ الْخَيْر.

تِيطُس 3:1

ذَكِّرْ الْأَخْوَانْ أَشَانْ يَسْمَعَوْا كَلَامْ الْحَكُومَةْ وَ الْكُبَارَاتْ وَ يِتَابُعُوا كَلَامْهُمْ. وَ خَلِّي يَبْقَوْا جَاهِزِينْ لِيِسَوُّوا الْخَيْر فِي كُلِّ حَالْ.

تِيطُس 2:7

أَبْقَى لَيْهُمْ مَثَلْ فِي كُلِّ شَيّءْ. وَصِّفْ لَيْهُمْ بِحَالَكْ كِكَّيْف يِسَوُّوا الْخَيْر. وَ خَلِّيهُمْ يِشِيفُوا كَدَرْ إِنْتَ نَادُمْ مُخْلِصْ فِي تَعْلِيمَكْ وَ مُنْكَرِبْ فَوْقَهْ.

2 تِمُوتَاوُس 3:17

وَ بَيَّهْ خَدَّامْ اللّٰهْ يَبْقَى قَادِرْ وَ جَاهِزْ أَشَانْ يِسَوِّي أَيِّ عَمَلْ هَنَا خَيْر.

رَوْمَا 12:13

سَاعُدُوا الصَّالِحِينْ الْمُحْتَاجِينْ وَ ضَيُّفُوا بِفَرَحْ الضِّيفَانْ الْيَجُوكُو.

لُوقا 7:44

وَ عِيسَى أَنْلَفَتْ لِلْمَرَةْ وَ حَجَّى لِسِمْعَانْ وَ قَالْ: «الْمَرَةْ دِي شِفْتَهَا وَلَّا؟ أَنَا دَخَلْت فِي بَيْتَكْ وَ إِنْتَ مَا أَنْطَيْتنِي أَلْمِي أَشَانْ نِغَسِّلْ رِجِلَيْنِي لَاكِنْ هِي بَلَّتْ رِجِلَيْنِي بِدُمُوعْهَا وَ قَشَّتْهُمْ بِشَعَرْهَا.

مَتَّى 5:16

وَ مِثِلْ دَا، خَلُّوا نُورْكُو يِضَوِّي قِدَّامْ النَّاسْ. وَ خَلُّوهُمْ يِشِيفُوا خِدْمِتْكُو السَّمْحَةْ وَ يَشْكُرُوا أَبُوكُو اللّٰهْ الْقَاعِدْ فِي السَّمَاوَاتْ.

1 بُطْرُس 2:12

خَلِّي حَالْكُو فِي أُسْط النَّاسْ الْمَا مُؤمِنِينْ تَبْقَى عَدِيلَةْ. وَ بِمِثِلْ دَا، كَنْ يَكْدُبُوا فِيكُو وَ يُقُولُوا إِنْتُو نَاسْ فَسْلِينْ كُلَ، يِشِيفُوا عَمَلْكُو السَّمَحْ وَ فِي الأَخِيرْ، يِمَجُّدُوا اللّٰهْ فِي يَوْم الْفَرَجْ.

عِبْرَانِيِّين 13:21

وَ خَلِّي اللّٰهْ يِجَهِّزْكُو بِكُلَّ شَيّءْ الْعَدِيلْ أَشَانْ تِسَوُّوا الْهُو يِدَوْرَهْ. وَ خَلِّي هُو يِسَوِّي فَوْقكُو كُلَّ شَيّءْ الْهُو يَرْضَى بَيَّهْ بِوَاسِطَةْ عِيسَى الْمَسِيحْ. أَيْوَى، لِعِيسَى الْمَسِيحْ الْمَجْد دَايْماً وَ إِلَى الْأَبَدْ. آمِينْ.

عِبْرَانِيِّين 13:2

مَا تِخَلُّوا مِنْكُو فَضِّلِينْ الضِّيفَانْ الْيَجُوكُو. تَعَرْفُوا كَدَرْ نَاسْ وَاحِدِينْ ضَيَّفَوْا مَلَائِكَةْ وَ مَا عِرْفَوْهُمْ.

عِبْرَانِيِّين 10:24

خَلِّي نِفَكُّرُوا فِي كِكَّيْف نِشَّاجَعَوْا أَمْبَيْنَاتْنَا أَشَانْ نِتَابُعُوا دَرِبْ الْمَحَبَّةْ وَ نِسَوُّوا الْخَيْر.

تِيطُس 3:14

وَ خَلِّي كُلَّ أَخْوَانَّا يَعَرْفُوا كِكَّيْف يِنْكَرْبُوا فِي عَمَلْ الْخَيْر أَشَانْ يِسَاعُدُوا النَّاسْ الْحَوْجَانِينْ بِالصَّحِيحْ. وَ مِثِلْ دَا أَخْوَانَّا مَا يَبْقَوْا نَاسْ الْحَيَاتْهُمْ مَا عِنْدَهَا فَايْدَةْ.

تِيطُس 2:14

هُو أَنْطَى نَفْسَهْ ضَحِيَّةْ لِيَفْدَانَا مِنْ كُلَّ الْفَسَالَةْ وَ يِطَهِّرْ قُلُوبْنَا أَشَانْ نَبْقَوْا لَيَّهْ شَعَبَهْ حَلَالَهْ مُنْكَرِبِينْ فِي عَمَلْ الْخَيْر.

لُوقا 7:38

وَ وَقَفَتْ وَرَاءْ عِيسَى جَنْب رِجِلَيْنَهْ. وَ هِي قَاعِدَةْ تَبْكِي وَ بَدَتْ تِبِلّ رِجِلَيْنَهْ بِدُمُوعْهَا وَ تُقُشُّهُمْ بِشَعَرْهَا. وَ قَاعِدَةْ تِحِبّ رِجِلَيْنَهْ وَ تَمْسَحْ فَوْقهُمْ الْعِطِرْ.

تكوين 18:4

خَلِّي نِجِيبْ لَيْكُو أَلْمِي أَشَانْ تِغَسُّلُوا رِجْلَيْكُو وَ تِنْجَمَّوْا فِي ضُلّ الشَّدَرَةْ دِي.

3 يُوحَنَّا 1:12

وَ كُلَّ الْأَخْوَانْ يَشْهَدَوْا لِدِمِتْرِي كَدَرْ هُو نَادُمْ عَدِيلْ وَ الْحَقّ الْبِنْشَافْ فَوْقَهْ كُلَ يَشْهَدْ لَيَّهْ. أَنِحْنَ كُلَ نَشْهَدَوْا لَيَّهْ وَ تَعَرِفْ شَهَادِتْنَا صَحِيحَةْ.

1 بُطْرُس 4:9

خَلِّي أَيِّ نَادُمْ مِنْكُو يِفَضِّلْ أَخْوَانَهْ الْيَجُوا لَيَّهْ وَ مَا يَشْكِي.

2 تِمُوتَاوُس 3:15

مِنْ إِنْتَ صَغَيَّرْ، عِرِفْت كِتَابْ اللّٰهْ الْأَنْطَاكْ الْعِلِمْ الْيِوَدِّيكْ لِلنَّجَاةْ بِالْإِيمَانْ بِالْمَسِيحْ عِيسَى.

2 تِمُوتَاوُس 2:21

وَ بِمِثِلْ دَا، كَنْ نَادُمْ يِصَفِّي نَفْسَهْ مِنْ كُلَّ الْوَسَاخَةْ، هُو يَبْقَى مِثِلْ مَاعُونْ هَنَا عَمَلْ نَضِيفْ وَ مَاعُونْ خَاصّ الْعِنْدَهْ فَايْدَةْ لِسِيدَهْ. هُو يَبْقَى جَاهِزْ أَشَانْ يِسَوِّي أَيِّ عَمَلْ هَنَا خَيْر.

2 تِمُوتَاوُس 1:5

أَنَا قَاعِدْ نِفَكِّرْ فِي إِيمَانَكْ الْمُخْلِصْ الْمِثِلْ الْإِيمَانْ الْأَوَّلْ شِفْتَهْ فِي جِدِّتَكْ لُوِيسَةْ وَ أَمَّكْ يُونِكَةْ وَ هَسَّعْ أَكِيدْ قَاعِدْ فَوْقَكْ إِنْتَ.

1 تِمُوتَاوُس 5:25

وَ نَفْس الشَّيّءْ لِعَمَلْ الْخَيْر. هُو وَاضِحْ. وَ كَنْ أَوَّلْ مَا وَاضِحْ كُلَ، مَا يَقْعُدْ مُلَبَّدْ وَكِتْ طَوِيلْ.

1 تِمُوتَاوُس 2:10

لَاكِنْ خَلِّي تِلْجَمَّلْ بِعَمَلْ الْخَيْر مِثِلْ مُوَافِقْ لِلْمَرَةْ التِّتَابِعْ دَرِبْ اللّٰهْ.

كُلُوسِي 1:10

وَ مِثِلْ دَا، تَعَرْفُوا كِكَّيْف تِعِيشُوا بِحَالْ الْوَاجْبَةْ لِنَاسْ الرَّبّ وَ تِسَوُّوا دَايْماً الشَّيّءْ الْهُو يَرْضَى بَيَّهْ وَ تِسَوُّوا كُلَّ عَمَلْ الْخَيْر وَ تَعَرْفُوا اللّٰهْ بِزِيَادَةْ.

أفَسُس 2:10

وَ خَلَاصْ أَنِحْنَ بِقِينَا خَلِيقَةْ اللّٰهْ. هُو سَوَّانَا خَلِيقَةْ جَدِيدَةْ فِي الْمَسِيحْ عِيسَى أَشَانْ نِسَوُّوا عَمَلْ الْخَيْر الْمِنْ أَوَّلْ هُو جَهَّزَهْ لَيْنَا أَشَانْ نِسَوُّوهْ.

أعمال الرُسُل 22:12

وَ نَادُمْ وَاحِدْ قَاعِدْ فِي دِمَشْق أُسْمَهْ حَنَانِيَّا. هُو قَاعِدْ يِتَابِعْ التَّوْرَاةْ عَدِيلْ وَ كُلَّ الْيَهُودْ فِي دِمَشْق يَشْهَدَوْا لَيَّهْ كَدَرْ هُو نَادُمْ تَقِي.

أعمال الرُسُل 10:22

وَ رَدَّوْا لَيَّهْ وَ قَالَوْا: «كَرْنِيلِي رَسَّلَانَا. وَ كَرْنِيلِي دَا هُو كَبِيرْ عَسْكَرْ وَ رَاجِلْ صَالِحْ وَ خَايِفْ مِنْ اللّٰهْ. وَ كُلَّ الْيَهُودْ يَشْهَدَوْا لَيَّهْ هُو نَادُمْ عَدِيلْ. وَ وَاحِدْ مِنْ مَلَائِكَةْ اللّٰهْ جَاءْ لَيَّهْ وَ قَالْ وَاجِبْ كَرْنِيلِي يِنَادِيكْ تَمْشِي بَيْتَهْ أَشَانْ يَسْمَعْ كَلَامَكْ.»

أعمال الرُسُل 9:39

وَ بُطْرُسْ قَمَّ مَشَى مَعَاهُمْ. وَ وَكِتْ جَاءْ فِي الْبَيْت، وَدَّوْه فَوْق فِي الْبَكَانْ الْهِي رَاقْدَةْ فَوْقَهْ. وَ كُلَّ الْعَجَايِزْ الْمِسْكِينَاتْ قَاعِدَاتْ يَبْكَنْ وَ مَشَنْ لِبُطْرُسْ أَشَانْ يِوَصِّفَنْ لَيَّهْ اللُّبَاسْ وَ الْخُلْقَانْ الدُّورْكَاسْ خَيَّطَتْهُمْ وَكِتْ هِي حَيَّةْ.

أعمال الرُسُل 6:3

أَشَانْ دَا يَا أَخْوَانَّا، أَعَزُلُوا مِنْ أَمْبَيْنَاتْكُو سَبْعَةْ رُجَالْ، نَاسْ مَعْرُوفِينْ حَالْهُمْ عَدِيلَةْ وَ مَلَانِينْ بِالرُّوحْ الْقُدُّوسْ وَ عِنْدُهُمْ فِكِرْ عَدِيلْ. وَ نِكَلُّفُوهُمْ بِالْخِدْمَةْ دِي.

إشَعْيا 1:17

أَلْعَلَّمَوْا الْعَدِيلْ وَ فَتُّشُوا الْعَدَالَةْ قَبُّلُوا الظَّالِمْ مِنْ دَرْبَهْ هَنَا الظُّلُمْ. سَوُّوا الْعَدِلْ لِلْأَتِيمْ وَ دَافُعُوا لِلْأَرْمَلَةْ.»

زَبُور 119:4

إِنْتَ أَمَرْت بِفَرَايْضَكْ أَشَانْ يَحْفَضَوْهُمْ عَدِيلْ.

لاوِيِّين 25:35

«وَ كَنْ أَخُوكْ فَقْرِي وَ مَا عِنْدَهْ شَيّءْ، سَاعِدَهْ أَشَانْ يَقْدَرْ يِعِيشْ جَنْبَكْ حَتَّى كَانْ هُو أَجْنَبِي أَوْ ضَيْف كُلَ.

تكوين 24:32

وَ خَلَاصْ، مَشَوْا وَ الْعَبِدْ دَخَلْ فِي الْبَيْت وَ لَابَانْ دَلَّى الْخُمَامْ وَ أَنْطَى قَشّ وَ عَصَّارْ لِلْجُمَالْ. وَ جَابْ أَلْمِي لِلْعَبِدْ وَ لِلنَّاسْ الْمَعَايَهْ أَشَانْ يِغَسُّلُوا رِجْلَيْهُمْ.

تكوين 19:2

وَ قَالْ: «مَرْحَبْ بَيْكُو! أَلْفَضَّلَوْا فِي بَيْت عَبْدُكُو أَشَانْ تِغَسُّلُوا رِجْلَيْكُو وَ تُنُومُوا وَ أَمْبَاكِرْ فَجُرْ، تَمْشُوا.» وَ هُمَّنْ قَالَوْا: «لَا. نُنُومُوا بَرَّا هِنِي فِي النَّقَعَةْ دِي.»

1 تِمُوتَاوُس 5:16

وَ خَلَاصْ أَيِّ مُؤمِنَةْ الْعِنْدَهَا فِي أَهَلْهَا عَوِينْ أَرَامِلْ، خَلِّي تِسَاعِدْهِنْ. خَلِّي مَا تِكَلِّفْ بَيْهِنْ جَمَاعَةْ الْمُؤمِنِينْ. وَ بِمِثِلْ دَا، الْمُؤمِنِينْ يِسَاعُدُوا الْعَوِينْ الْأَكِيدْ مَا عِنْدِهِنْ نَادُمْ يِفَكِّرْ فَوْقهِنْ.

1 تِمُوتَاوُس 3:7

وَ مَعَ كُلَّ الْكَلَامْ دَا، خَلِّي أَيِّ مَسْؤُولْ يَبْقَى نَادُمْ الْيِكَرُّمُوهْ النَّاسْ الْمَا مُؤمِنِينْ كُلَ. وَ مِثِلْ دَا، الْعَيْب مَا يَجِي فَوْقَهْ وَ يَقَعْ فِي شَرَكْ إِبْلِيسْ.

تكوين 43:24

وَ وَدَّاهُمْ فِي بَيْت يُوسُفْ. وَ أَنْطَاهُمْ أَلْمِي لِيِغَسُّلُوا رِجْلَيْهُمْ وَ جَابْ أَكِلْ لِحَمِيرْهُمْ.

1 تِمُوتَاوُس 3:2

وَ أَشَانْ دَا، خَلِّي أَيِّ نَادُمْ الْمَسْؤُولْ فِي الْمُؤمِنِينْ يَبْقَى نَادُمْ الْمَا عِنْدَهْ أَيِّ عَيْب. وَاجِبْ يَبْقَى رَاجِلْ مَرْتَهْ وَاحِدَةْ بَسْ وَ عَاقِلْ وَ مُلْتَزِمْ وَ مُكَرَّمْ وَ كَرِيمْ لِلضِّيفَانْ وَ قَادِرْ فِي الْعَلِّمِينْ.

مَتَّى 25:17

وَ الْخَدَّامْ الْعِنْدَهْ 200 جِنَيْه سَوَا نَفْس الشَّيّءْ وَ لِقِي مَكْسَبْ 200 جِنَيْه زِيَادَةْ.