1 تِمُوتَاوُس 5:1 - الكتاب المقدس بالعربي الدارجي هنا تشاد

¹ مَا تِكِشّ لِأَيِّ شَايِبْ لَاكِنْ حَجِّي لَيَّهْ بِأَدَبْ مِثِلْ هُو أَبُوكْ. وَ حَجِّي لِلصُّبْيَانْ مِثِلْ هُمَّنْ أَخْوَانَكْ.

1 تِمُوتَاوُس 5:1 Referenca të Kryqëzuara

لاوِيِّين 19:32

«قُمّ لِسِيَادْ الصُّوفْ الْأَبْيَضْ وَ أَحْتَرِمْ الشِّيَّابْ. وَ بَيْدَا، تِوَصِّفْ خَوْفَكْ مِنِّي أَنَا إِلٰـهَكْ. وَ أَنَا بَسْ اللّٰهْ.

تِيطُس 2:2

وَصِّي الشِّيَّابْ أَشَانْ يَبْقَوْا عَاقْلِينْ وَ مُحْتَرَمِينْ وَ خَلِّي بَالْهُمْ يَبْقَى وَسِيعْ. وَ خَلِّي يَبْقَوْا ثَابْتِينْ فِي الْإِيمَانْ وَ الْمَحَبَّةْ وَ الصَّبُرْ.

1 بُطْرُس 5:1

وَ نِدَوْر نِوَصِّي كُبَارَاتْ جَمَاعَةْ الْمُؤمِنِينْ الْمَعَاكُو. أَنَا كُلَ كَبِيرْ مِثِلْهُمْ. وَ أَنَا شَاهِدْ لِتَعَبْ الْمَسِيحْ وَ بَتَّانْ مُشَارِكْ فِي قُدْرَةْ الْمَسِيحْ الْمَجِيدَةْ التِّبِينْ قَرِيبْ.

غَلاطِية 6:1

يَا أَخْوَانِي، كَنْ وَاحِدْ مِنْكُو وَقَعْ فِي خَطَا، وَاجِبْ إِنْتُو الْقَوِيِّينْ بِقُدْرَةْ الرُّوحْ الْقُدُّوسْ تِخَتُّمُوا لَيَّهْ بِنَفَسْ بَارِدْ وَ تِقَبُّلُوهْ فِي الدَّرِبْ الْعَدِيلْ. وَ فَكُّرُوا لِنُفُوسْكُو أَشَانْ الذَّنِبْ الْيَجِي بِالتَّجْرِبَةْ مَا يِنَّصِرْ فَوْقكُو إِنْتُو كُلَ.

تِيطُس 2:6

وَ وَصِّي الصُّبْيَانْ أَشَانْ يِثَبُّتُوا نُفُوسْهُمْ.

مَتَّى 23:8

«وَ لَاكِنْ إِنْتُو مَا تِخَلُّوا نَادُمْ يِنَادِيكُو ‹يَا سَيِّدْنَا الْمُعَلِّمْ›، أَشَانْ عِنْدُكُو مُعَلِّمْ وَاحِدْ بَسْ وَ إِنْتُو كُلُّكُو أَخْوَانْ.

1 تِمُوتَاوُس 5:17

الشُّيُوخْ الشَّايْلِينْ عَدِيلْ مَسْؤُولِيَّةْ جَمَاعَةْ الْمُؤمِنِينْ، خَلِّي الْأَخْوَانْ يِحْتَرُمُوهُمْ بِلْحَيْن وَ يَنْطُوهُمْ الْمُسَاعَدَةْ، خَاصَّةً الشُّيُوخْ الْمُنْكَرِبِينْ فِي الْبَشِّرِينْ وَ الْعَلِّمِينْ.

رَوْمَا 13:7

أَنْطُوا أَيِّ نَادُمْ الشَّيّءْ الْوَاجِبْ لَيَّهْ. وَ النَّادُمْ الْوَاجِبْ لَيَّهْ تِكَفُّوا الْمِيرِي، كَفُّوهْ لَيَّهْ. وَ النَّادُمْ الْوَاجِبْ لَيَّهْ تِكَفُّوا جَمَارِكْ، كَفُّوهْ لَيَّهْ. وَ النَّادُمْ الْوَاجِبْ لَيَّهْ إِحْتِرَامْ، أَحْتَرُمُوهْ. وَ النَّادُمْ الْوَاجِبْ لَيَّهْ الْإِكْرَامْ، كَرُّمُوهْ.

أعمال الرُسُل 15:4

وَ وَكِتْ وِصْلَوْا فِي مَدِينَةْ الْقُدُسْ، كُلَّ جَمَاعَةْ الْمُؤمِنِينْ وَ الرُّسُلْ وَ الْكُبَارَاتْ لَاقَوْهُمْ عَدِيلْ. وَ الْأَخْوَانْ أَوْرَوْهُمْ بِكُلَّ شَيّءْ الْاللّٰهْ سَوَّاهْ بَيْهُمْ.

أعمال الرُسُل 14:23

وَ فِي أَيِّ بَكَانْ، عَزَلَوْا نَاسْ مِنْ جَمَاعَةْ الْمُؤمِنِينْ أَشَانْ يَبْقَوْا لَيْهُمْ كُبَارَاتْ. وَ صَامَوْا وَ سَأَلَوْا اللّٰهْ لَيْهُمْ وَ أَمَّنَوْهُمْ لِلرَّبّ عِيسَى الْهُمَّنْ كُلُّهُمْ آمَنَوْا بَيَّهْ. وَ خَلَاصْ مَشَوْا.

رُؤية 4:4

وَ أَنَا شِفْت 24 كَرَاسِي مُحَوِّقِينْ الْعَرْش دَا وَ 24 شُيُوخْ قَاعِدِينْ فَوْقهُمْ. وَ أَيِّ وَاحِدْ لَابِسْ خَلَقْ أَبْيَضْ وَ عِنْدَهْ تَاجْ هَنَا دَهَبْ فِي رَاسَهْ.

3 يُوحَنَّا 1:1

جَوَابْ مِنْ الشَّيْخ لِحَبِيبْنَا غَايُسْ النِّحِبَّكْ فِي الْحَقّ.

2 يُوحَنَّا 1:1

جَوَابْ مِنِّي أَنَا الشَّيْخ لَيْكِ إِنْتِ السَّيِّدَةْ الْاللّٰهْ عَزَلَاكِ، لَيْكِ إِنْتِ وَ عِيَالْكِ النِّحِبُّكُو فِي الْحَقّ. وَ مَا أَنَا وِحَيْدِي نِحِبُّكُو. كُلَّ النَّاسْ الْيَعَرْفُوا الْحَقّ يِحِبُّوكُو.

يَعْقُوب 5:14

وَ كَنْ نَادُمْ مِنْكُو مَرْضَانْ، خَلِّي يِنَادِي كُبَارَاتْ جَمَاعَةْ الْمُؤمِنِينْ أَشَانْ يَجُوا يَمْسَحَوْا رَاسَهْ بِدِهِنْ بِأُسُمْ الرَّبّ وَ يَسْأَلَوْا لَيَّهْ اللّٰهْ.

يَعْقُوب 3:17

لَاكِنْ الْحِكْمَةْ الْمِنْ اللّٰهْ أَوَّلاً كَيْ صَافِيَةْ وَ النَّادُمْ الْعِنْدَهْ الْحِكْمَةْ يِرِيدْ السَّلَامْ وَ كَلَامَهْ بَارِدْ وَ رَاسَهْ مَا قَوِي وَ هُو حَنُونْ وَ يِسَوِّي عَمَلْ الْخَيْر وَ هُو مَا عِنْدَهْ تَفْرِقَةْ وَ لَا نِفَاقْ.

أعمال الرُسُل 20:17

وَ مِنْ مِلِيتُسْ، بُولُسْ رَسَّلْ فِي أَفَسُسْ لِكُبَارَاتْ جَمَاعَةْ الْمُؤمِنِينْ أَشَانْ يَجُوا لَيَّهْ.

أعمال الرُسُل 15:6

وَ الرُّسُلْ وَ الْكُبَارَاتْ لَمَّوْا وِحَيْدهُمْ أَشَانْ يِشَّاوَرَوْا فِي الْكَلَامْ دَا.

تَثْنِية 33:9

وَ هُمَّنْ قَالَوْا لِوَالْدَيْنهُمْ: «أَنِحْنَ مَا شِفْنَاكُو.» وَ قَالَوْا لِأَخْوَانْهُمْ: «أَنِحْنَ مَا نَعَرْفُوكُو.» وَ قَالَوْا لِعِيَالْهُمْ: «أَنِحْنَ مَا نَعَرْفُوا إِنْتُو يَاتُمَّنْ.» وَ هُمَّنْ حَفَضَوْا كَلَامَكْ، يَا اللّٰهْ، وَ أَحْتَرَمَوْا مُعَاهَدَتَكْ.

1 تِمُوتَاوُس 5:2

وَ حَجِّي لِكُلِّ عَجُوزْ مِثِلْ هِي أَمَّكْ. وَ حَجِّي لِكُلِّ بِنَيَّةْ بِكَلَامْ وَاضِحْ مِثِلْ هِي أَخْتَكْ.