1 تِمُوتَاوُس 4:3 - الكتاب المقدس بالعربي الدارجي هنا تشاد

³ يَدْحَرَوْا النَّاسْ مِنْ الْأَخِيدَةْ وَ يِحَرُّمُوا لِلنَّاسْ أَشْيَاءْ وَاحِدِينْ مِنْ الْأَكِلْ. وَ لَاكِنْ الْأَكِلْ دَا، اللّٰهْ خَلَقَهْ أَشَانْ النَّاسْ الْمُؤمِنِينْ الْيَعَرْفُوا الْحَقّ يَقْبَلَوْه بِشُكُرْ.

1 تِمُوتَاوُس 4:3 Referenca të Kryqëzuara

1 تِمُوتَاوُس 4:4

أَيْوَى، كُلَّ شَيّءْ الْاللّٰهْ خَلَقَهْ سَمَحْ وَ مَا فِي شَيّءْ مَكْرُوهْ كَنْ نَاكُلُوهْ بِشُكُرْ.

عِبْرَانِيِّين 13:4

كُلُّكُو أَحْتَرُمُوا الْأَخِيدَةْ. مَا تِخَلُّوا الزِّنَى يِنَجِّسْ سَرَايِرْكُو الزَّوْجِيَّةْ أَشَانْ تَعَرْفُوا كَدَرْ اللّٰهْ يِحَاسِبْ كُلَّ الزَّنَّايِينْ، كَنْ مَاخْدِينْ وَلَّا مَا مَاخْدِينْ كُلَ.

رَوْمَا 14:6

النَّادُمْ الْيِخَصِّصْ يَوْم وَاحِدْ يِخَصِّصَهْ فِي شَانْ اللّٰهْ. وَ النَّادُمْ الْيَاكُلْ كُلَّ نَفَرْ هَنَا أَكِلْ يَاكُلَهْ فِي شَانْ اللّٰهْ وَ يَشْكُرَهْ فِي شَانَهْ. وَ النَّادُمْ الْيَاكُلْ إِلَّا الْخَضَارْ يَابَى مَا يَاكُلَهْ فِي شَانْ اللّٰهْ وَ هُو كُلَ يَشْكُرَهْ.

كُلُوسِي 2:16

وَ أَشَانْ كُلَّ الْكَلَامْ دَا، مَا تِخَلُّوا أَيِّ نَادُمْ يُلُومْكُو فِي شَيّءْ التَّاكُلُوهْ وَلَّا تَشَرْبَوْه وَلَّا فِي أَيِّ عِيدْ التِّعَيُّدُوهْ وَ فِي أَوَّلْ يَوْم هَنَا كُلِّ شَهَرْ وَ فِي يَوْم السَّبْت.

1 كُرُنْتُس 8:8

وَ صَحِيحْ، الْأَكِلْ مَا يِزِيدْ لَيْنَا رِضَى اللّٰهْ. كَنْ مَا نَاكُلُوهْ، مَا نَخْسَرَوْا شَيّءْ قِدَّامْ اللّٰهْ. وَ كَنْ نَاكُلُوهْ كَمَانْ، مَا نَلْقَوْا مِنَّهْ فَايْدَةْ قِدَّامْ اللّٰهْ.

تكوين 9:3

مِثِلْ أَوَّلْ أَنْطَيْتكُو الْخَضَارْ لِلْأَكِلْ، هَسَّعْ نَنْطِيكُو كُلَّ الْمَخْلُوقِينْ الْحَيِّينْ.

كُلُوسِي 3:17

وَ كُلَّ شَيّءْ التِّسَوُّوهْ، كَنْ بِكَلَامْ وَلَّا بِفِعِلْ، سَوُّوهْ بِأُسُمْ الرَّبّ عِيسَى وَ بِأُسْمَهْ أَشْكُرُوا اللّٰهْ أَبُوكُو.

1 كُرُنْتُس 7:28

وَ كَنْ صَبِي يَاخُدْ، دَا مَا خَطَا. وَ كَنْ بِنَيَّةْ تَاخُدْ، دَا مَا خَطَا. لَاكِنْ فِي الدُّنْيَا دِي، الْمَاخْدِينْ يَتْعَبَوْا زِيَادَةْ وَ لَيْكُو إِنْتُو نِدَوْر نِنَجِّيكُو مِنْ التَّعَبْ دَا.

رَوْمَا 14:3

النَّادُمْ الْيَاكُلْ أَيِّ نَفَرْ هَنَا أَكِلْ، مَا وَاجِبْ يَحْقِرْ الْمُؤمِنْ الْيَاكُلْ إِلَّا الْخَضَارْ. وَ الْيَاكُلْ إِلَّا الْخَضَارْ، مَا وَاجِبْ يُلُومْ النَّادُمْ الْيَاكُلْ كُلَّ شَيّءْ. أَشَانْ أَخُوكْ دَا، اللّٰهْ قِبِلَهْ خَلَاصْ.

عِبْرَانِيِّين 13:9

مَا تِخَلُّوا النَّاسْ الْجَايِينْ بِتَعْلِيمْ عَجِيبْ أَوْ شِقْ شِقْ يِوَدُّوكُو فِي دَرِبْ آخَرْ. أَخَيْر قَلِبْ الْإِنْسَانْ يَلْقَى قُدْرَةْ مِنْ رَحْمَةْ اللّٰهْ بَسْ وَ مَا مِنْ الْأَكِلْ الْخَاصّ. وَ النَّاسْ التَّابَعَوْا التَّعْلِيمْ دَا، مَا لِقَوْا مِنَّهْ فَايْدَةْ.

1 تِمُوتَاوُس 2:4

هُو يِدَوْر كَدَرْ كُلَّ النَّاسْ يَنْجَوْا وَ يَلْقَوْا عِرْفَةْ الْحَقّ.

1 كُرُنْتُس 6:13

وَ قُلْتُوا: «الْبَطُنْ قَاعِدَةْ لِلْأَكِلْ وَ الْأَكِلْ قَاعِدْ لِلْبَطُنْ.» أَيْوَى، فِي الأَخِيرْ اللّٰهْ يِدَمِّرْ الْأَكِلْ وَ الْبَطُنْ سَوَا. وَ لَاكِنْ الْجِسِمْ مَا قَاعِدْ لِلزِّنَى. الْجِسِمْ قَاعِدْ فِي شَانْ رَبِّنَا عِيسَى وَ رَبِّنَا بَعَثْ فِي شَانْ الْجِسِمْ.

رَوْمَا 14:17

أَشَانْ الْمُهِمّ فِي مَمْلَكَةْ اللّٰهْ مَا الْأَكِلْ وَ الشَّرَابْ، لَاكِنْ هُو الْعَدَالَةْ وَ السَّلَامْ وَ الْفَرْحَةْ فِي الرُّوحْ الْقُدُّوسْ.

مَتَّى 15:36

وَ شَالْ السَّبْعَةْ خُبْزَةْ وَ الْحُوتْ وَ شَكَرْ اللّٰهْ وَ كَسَّرَاهُمْ وَ أَنْطَاهُمْ لِلتَّلَامِيذ وَ هُمَّنْ قَسَّمَوْه لِلنَّاسْ.

جامِعة 5:18

دَاهُو الْأَنَا شِفْتَهْ. عَدِيلْ لِلْإِنْسَانْ يَاكُلْ وَ يَشْرَبْ وَ يَلْقَى الْخَيْر فِي كُلَّ خِدِمْتَهْ الْيِسَوِّيهَا فِي الْأَرْض. يِسَوِّي مِثِلْ دَا فِي كُلَّ مُدَّةْ حَيَاتَهْ الْيَنْطِيهَا لَيَّهْ الرَّبّ. وَ دَا بَسْ قِسْمَهْ.

مَتَّى 14:19

وَ حَجَّى لِكُلَّ النَّاسْ وَ قَالْ: «أَقْعُدُوا تِحِتْ فِي الْقَشّ.» وَ شَالْ الْخَمْسَةْ خُبْزَةْ وَ الْحُوتْ الْإِتْنَيْن وَ رَفَعْ رَاسَهْ عَلَيْ السَّمَاءْ وَ شَكَرْ اللّٰهْ وَ كَسَّرْ الْخُبْزَةْ وَ أَنْطَاهُمْ لِتَلَامِيذَهْ وَ قَسَّمَوْهُمْ لِلنَّاسْ.

أعمال الرُسُل 27:35

وَ بَعَدْ هُو قَالْ الْكَلَامْ دَا، هُو شَالْ خُبْزَةْ وَ شَكَرْ اللّٰهْ قِدَّامْ كُلَّ النَّاسْ وَ كَسَرَاهَا وَ قَمَّ أَكَلْ مِنْهَا.

يُوحَنَّا 6:23

وَ مَرَاكِبْ وَاحِدِينْ مِنْ حِلَّةْ طِبِرِيَاسْ جَوْا فِي الْبَكَانْ الْفَوْقَهْ الرَّبّ عِيسَى شَكَرْ اللّٰهْ وَ النَّاسْ أَكَلَوْا الْخُبْزَةْ.

لُوقا 24:30

وَ هُو قَعَدْ تِحِتْ أَشَانْ يِعَشِّي مَعَاهُمْ وَ شَالْ الْخُبْزَةْ وَ شَكَرْ اللّٰهْ وَ كَسَرْهَا وَ أَنْطَاهَا لَيْهُمْ.

دَنْيال 11:37

وَ الْمَلِكْ دَا مَا عِنْدَهْ حَاجَةْ بِإِلٰـهَاتْ جُدُودَهْ وَ لَا بِالْإِلٰـهْ الْيَعَبُدَنَّهْ الْعَوِينْ وَ لَا بِأَيِّ إِلٰـهْ آخَرْ أَشَانْ هُو يِشِيفْ نَفْسَهْ عَالِي مِنْ كُلَّ شَيّءْ.

1 صَمُوِيل 9:13

أَمْشُوا عَجَلَةْ تَلْقَوْه قُبَّالْ مَا يَطْلَعْ فِي بَكَانْ الْعِبَادَةْ. أَشَانْ الشَّعَبْ مَا يَاكُلُوا قُبَّالْ هُو مَا يَوْصَلْ وَ يِبَارِكْ الضَّحِيَّةْ دِي. وَ بَعَدْ دَا، الْمَعْزُومِينْ يَاكُلُوهَا. هَسَّعْ دَا، أَمْشُوا تَلْقَوْه.»

مَتَّى 15:11

الشَّيّءْ الْيِنَجِّسْ النَّادُمْ، هُو مَا الشَّيّءْ الْيَدْخُلْ فِي خَشْمَهْ لَاكِنْ الشَّيّءْ الْيَمْرُقْ مِنْ خَشْمَهْ. دَا بَسْ يِنَجِّسَهْ.»

1 تِمُوتَاوُس 5:14

أَشَانْ دَا، نِدَوْر أَيِّ مَرَةْ صَبِيَّةْ الرَّاجِلْهَا مَاتْ تَاخُدْ وَ تَلْدَ عِيَالْ وَ تِرَيِّسْ نَاسْ بَيْتهَا وَ خَلَاصْ مَا تَنْطِي فُرْصَةْ لِنَاسْ هَنَا إِبْلِيسْ أَشَانْ يُقُولُوا فَوْقنَا كَلَامْ شَيْن.