1 تِمُوتَاوُس 4:2 - الكتاب المقدس بالعربي الدارجي هنا تشاد

² وَ يِنْغَشَّوْا بِسَبَبْ النَّاسْ الْيِشَتُّتُوا التَّعْلِيمْ دَا. وَ النَّاسْ دَوْل، هُمَّنْ مُنَافِقِينْ وَ كَدَّابِينْ وَ قُلُوبْهُمْ مَيْتِينْ.

1 تِمُوتَاوُس 4:2 Referenca të Kryqëzuara

أفَسُس 4:19

قُلُوبْهُمْ مَيْتِينْ وَ سَلَّمَوْا نُفُوسْهُمْ لِشَهْوَاتْهُمْ الْفَسْلِينْ. وَ بِنِيَّةْ وَاحِدَةْ، يِتَابُعُوا الْحَالْ الشَّيْنَةْ.

رَوْمَا 16:18

النَّاسْ الْمِثِلْ دَوْل مَا يَخْدُمُوا لِرَبِّنَا الْمَسِيحْ لَاكِنْ يَخْدُمُوا لِبُطُونْهُمْ بَسْ. يِحَجُّوا لِلنَّاسْ بِكَلَامْ حَلُو وَ يَشْكُرُوهُمْ كَتِيرْ أَشَانْ يُغُشُّوا النَّاسْ الْعِنْدُهُمْ عِلِمْ شِيَّةْ بَسْ.

أعمال الرُسُل 20:30

وَ نَاسْ وَاحِدِينْ مِنْكُو كُلَ يُقُمُّوا يِعَلُّمُوا كَلَامْ مَا صَحِيحْ أَشَانْ يِدَوْرُوا يَلْقَوْا مِنْكُو تَلَامِيذ يِتَابُعُوهُمْ.

رُؤية 16:14

وَ هُمَّنْ الشَّوَاطِينْ الْبِسَوُّوا عَجَايِبْ وَ يَمْشُوا لِكُلَّ مُلُوكْ الدُّنْيَا أَشَانْ يِنَادُوهُمْ يِلِمُّوا لِلْحَرِبْ فِي الْيَوْم الْعَظِيمْ الْاللّٰهْ الْقَادِرْ قَطَعَهْ.

2 تِمُوتَاوُس 3:5

وَ يِنْكَرْبُوا فِي الشُّغُلْ الْيِوَصِّفْ التَّقْوَى لَاكِنْ فِي قُلُوبْهُمْ يَابَوْا مَا يِتَابُعُوا التَّقْوَى. أَنْقَرِعْ مِنْ النَّاسْ الْمِثِلْ دَوْل.

رَوْمَا 1:28

النَّاسْ أَبَوْا مَا يَعَرْفُوا اللّٰهْ وَ أَشَانْ دَا، اللّٰهْ سَلَّمَاهُمْ لِعُقُولْهُمْ الْفَاسْدِينْ وَ قَمَّوْا يِسَوُّوا الشَّيّءْ الْمَا وَاجِبْ يِسَوُّوهْ.

مَتَّى 24:24

أَشَانْ نَاسْ كَتِيرِينْ يَجُوا وَ يُقُولُوا هُمَّنْ الْمَسِيحْ وَلَّا يُقُولُوا بِكِدِبْ هُمَّنْ أَنْبِيَاء. وَ يِسَوُّوا عَلَامَاتْ كُبَارْ وَ عَجَايِبْ لَحَدِّي يُغُشُّوا النَّاسْ الْاللّٰهْ عَزَلَاهُمْ، كَنْ دَا مُمْكِنْ.

مَتَّى 7:15

«أَنْقَرْعُوا مِنْ النَّاسْ الْيِسَوُّوا نُفُوسْهُمْ أَنْبِيَاء. يَجُوا لَيْكُو ضَلُولِينْ مِثِلْ عِيَالْ غَنَمْ وَ لَاكِنْ فِي قُلُوبْهُمْ هُمَّنْ مِثِلْ مَرَافْعِينْ الْيِدَوْرُوا يَاكُلُوكُو.

أفَسُس 4:14

وَ مِثِلْ دَا، مَا نَبْقَوْا بَتَّانْ مِثِلْ عِيَالْ مَا عِنْدُهُمْ ثَبَاتْ. أَنِحْنَ مَا مِثِلْ مَرَاكِبْ دُقَاقْ فِي الْبَحَرْ الْيِشِيلْهُمْ الشَّلَّالْ وَ التُّسُوقْهُمْ الرِّيحْ. وَ دَا مِثِلْ تَعْلِيمْ الْمَا صَحِيحْ وَ النَّجَاضَةْ الْيُغُشُّوا بَيْهَا النَّاسْ وَ يِوَدُّرُوهُمْ.

إرْمِيا 23:32

وَ نُقُمّ ضِدّ الْأَنْبِيَاء الْيِحَجُّوا بِرُؤْيَةْ كِدِبْ لِيِوَدُّرُوا شَعَبِي بِغَشُّهُمْ وَ كِدِبْهُمْ. وَ دَا كَلَامْ اللّٰهْ. أَنَا مَا رَسَّلْتُهُمْ وَ لَا أَمَرْتُهُمْ بِشَيّءْ. وَ هُمَّنْ أَبَداً مَا يَنْفَعَوْا الشَّعَبْ دَا.» وَ دَا كَلَامْ اللّٰهْ.

1 مُلوك 22:22

وَ الرُّوحْ قَالْ: ‹أَنَا نَمْشِي وَ نَبْقَى رُوحْ الْكَدَّابْ فِي خُشُومْ كُلَّ أَنْبِيَاء الْمَلِكْ.› وَ اللّٰهْ قَالْ لَيَّهْ: ‹أَكِيدْ، مِثِلْ كَيْ تَقْدَرْ تُغُشَّهْ وَ تَنْجَحْ. أَمْشِي وَ سَوِّي مِثِلْ إِنْتَ قُلْتَهْ.›»

1 مُلوك 13:18

وَ الشَّايِبْ قَالْ لَيَّهْ: «أَنَا كُلَ نَبِي مِثْلَكْ. وَ مَلَكْ وَاحِدْ كَلَّمْ لَيِّ بِكَلَامْ مِنْ اللّٰهْ وَ قَالْ: ‹أَمْشِي قَبِّلْ النَّبِي دَا فِي بَيْتَكْ وَ خَلِّي يَاكُلْ أَكِلْ وَ يَشْرَبْ أَلْمِي.›» وَ لَاكِنْ الشَّايِبْ قَاعِدْ يَكْدِبْ لَيَّهْ.

إرْمِيا 23:14

وَ لَاكِنْ فِي أَنْبِيَاء مَدِينَةْ الْقُدُسْ، أَنَا شِفْت شَيّءْ مُحَرَّمْ زِيَادَةْ. هُمَّنْ قَاعِدِينْ يِسَوُّوا الزِّنَى وَ حَيَاتْهُمْ كُلَّهَا غَشّ. وَ يِشَجُّعُوا النَّاسْ الْيِسَوُّوا الْفَسَالَةْ أَشَانْ وَاحِدْ مِنْهُمْ كُلَ مَا يِقَبِّلْ مِنْ فَسَالْتَهْ. وَ كُلُّهُمْ نِشِيفْهُمْ مِثِلْ نَاسْ سَدُومْ الْفَسْلِينْ. وَ سُكَّانْ مَدِينَةْ الْقُدُسْ نِشِيفْهُمْ مِثِلْ نَاسْ عَمُورَةْ الْهَوَانِينْ.

إرْمِيا 5:21

‹أَسْمَعَوْا يَا شَعَبْ، الْفِكِرْكُو مَحْدُودْ وَ مَا عِنْدُكُو رَاسْ. إِنْتُو عِنْدُكُو عُيُونْ الْمَا يِشِيفُوا وَ عِنْدُكُو أُدْنَيْ الْمَا يَسْمَعَوْا.

إشَعْيا 9:15

الْكُبَارَاتْ وَ الْأَجَاوِيدْ، هُمَّنْ الرَّاسْ. وَ الْأَنْبِيَاء الْيِتْنَبَّأَوْا بِكِدِبْ، هُمَّنْ الدَّنَبْ.

إرْمِيا 23:26

وَ الْأَنْبِيَاء الْكَدَّابِينْ دَوْل يِتْنَبَّأَوْا لِمَتَى؟ وَ هَلْ هُمَّنْ عِنْدُهُمْ نِيَّةْ فَسْلَةْ فِي قُلُوبْهُمْ وَلَّا؟ أَيْوَى، الْكِدِبْ دَا جَايِ مِنْ فِكِرْهُمْ الْغَشَّاشْ بَسْ.