1 تِمُوتَاوُس 4:16 - الكتاب المقدس بالعربي الدارجي هنا تشاد

¹⁶ خُطّ بَالَكْ فِي نَفْسَكْ وَ فِي تَعْلِيمَكْ لِلنَّاسْ. أنْكَرِبْ فَوْقَهْ وَ بِمِثِلْ دَا، تِنَجِّي نَفْسَكْ وَ تِنَجِّي النَّاسْ الْيَسْمَعَوْا كَلَامَكْ.

1 تِمُوتَاوُس 4:16 Referenca të Kryqëzuara

تِيطُس 1:9

هُو وَاجِبْ يَكْرُبْ قَوِي الْكَلَامْ الصَّحِيحْ الْعَلَّمْنَاهْ لَيَّهْ أَشَانْ يِشَجِّعْ أَخْوَانَهْ بِتَعْلِيمْ عَدِيلْ وَ يُرُدّ لِلنَّاسْ الْيِخَالُفُوهْ.

تِيطُس 2:7

أَبْقَى لَيْهُمْ مَثَلْ فِي كُلِّ شَيّءْ. وَصِّفْ لَيْهُمْ بِحَالَكْ كِكَّيْف يِسَوُّوا الْخَيْر. وَ خَلِّيهُمْ يِشِيفُوا كَدَرْ إِنْتَ نَادُمْ مُخْلِصْ فِي تَعْلِيمَكْ وَ مُنْكَرِبْ فَوْقَهْ.

1 أخبار 28:10

وَ هَسَّعْ، شِيفْ! دَاهُو اللّٰهْ عَزَلَكْ لِتَبْنِي لَيَّهْ بَيْت وَ الْبَيْت دَا، يَبْقَى لَيَّهْ بَكَانْ مُقَدَّسْ. شِدّ حَيْلَكْ وَ أَبْدَا الْخِدْمَةْ.»

2 تِمُوتَاوُس 4:2

بَلِّغْ كَلَامْ اللّٰهْ. أنْكَرِبْ فَوْقَهْ كَنْ تَلْقَى مِنْ النَّاسْ مُرّ وَلَّا حَلُو كُلَ. جِيبْ النَّاسْ فِي الدَّرِبْ. الْوَاحِدِينْ أَهْرِجْهُمْ وَ الْوَاحِدِينْ شَجِّعْهُمْ. عَلِّمْهُمْ كُلُّهُمْ بِصَبُرْ شَدِيدْ.

أفَسُس 4:14

وَ مِثِلْ دَا، مَا نَبْقَوْا بَتَّانْ مِثِلْ عِيَالْ مَا عِنْدُهُمْ ثَبَاتْ. أَنِحْنَ مَا مِثِلْ مَرَاكِبْ دُقَاقْ فِي الْبَحَرْ الْيِشِيلْهُمْ الشَّلَّالْ وَ التُّسُوقْهُمْ الرِّيحْ. وَ دَا مِثِلْ تَعْلِيمْ الْمَا صَحِيحْ وَ النَّجَاضَةْ الْيُغُشُّوا بَيْهَا النَّاسْ وَ يِوَدُّرُوهُمْ.

عِبْرَانِيِّين 13:9

مَا تِخَلُّوا النَّاسْ الْجَايِينْ بِتَعْلِيمْ عَجِيبْ أَوْ شِقْ شِقْ يِوَدُّوكُو فِي دَرِبْ آخَرْ. أَخَيْر قَلِبْ الْإِنْسَانْ يَلْقَى قُدْرَةْ مِنْ رَحْمَةْ اللّٰهْ بَسْ وَ مَا مِنْ الْأَكِلْ الْخَاصّ. وَ النَّاسْ التَّابَعَوْا التَّعْلِيمْ دَا، مَا لِقَوْا مِنَّهْ فَايْدَةْ.

عِبْرَانِيِّين 12:15

أَنْقَرْعُوا أَشَانْ نَادُمْ مِنْكُو مَا يَدْحَرْ نَفْسَهْ مِنْ نِعْمَةْ اللّٰهْ. أَنْقَرْعُوا أَشَانْ نَادُمْ أَمْبَيْنَاتْكُو مَا يِتَلِّفْ نَفْسَهْ وَ لَا يِتَلِّفْ الْجَمَاعَةْ مِثِلْ شَدَرَةْ فِي أُسُطْكُو الْعِيَالْهَا عِنْدُهُمْ سَمّ.

2 تِمُوتَاوُس 3:14

لَاكِنْ إِنْتَ، أَقْعُدْ ثَابِتْ فِي كُلِّ شَيّءْ الْعَلَّمْتَهْ وَ آمَنْت بَيَّهْ بِإِيمَانْ قَوِي. تَعَرِفْ كَدَرْ النَّاسْ الْعَلَّمَوْك لَيَّهْ أَمِينِينْ.

لُوقا 21:34

«خُطُّوا بَالْكُو فِي نُفُوسْكُو. أَشَانْ كَنْ تِخَلُّوا قُلُوبْكُو يِنْشَغْلُوا بِالسَّفَاهَةْ وَ السَّكَرْ وَ كَنْ تِنْشَغْلُوا بِهُمُومْ الدُّنْيَا، الْيَوْم دَا يَجِي فَجْأَةً

إشَعْيا 55:11

وَ الْمَطَرْ دَا مِثِلْ كَلَامِي. وَكِتْ يَمْرُقْ مِنْ خَشْمِي، مَا يِقَبِّلْ لَيِّ سَاكِتْ بَلَا نَتِيجَةْ وَ بَلَا مَا حَقَّقْ هَدَفْ الْأَنَا نِدَوْرَهْ وَ بَلَا مَا سَوَّى الرَّسَّلْتَهْ لَيَّهْ.»

1 تِمُوتَاوُس 4:6

كَنْ تِعَلِّمْ الْأَخْوَانْ الْوَصَايَا دَوْل، إِنْتَ تَبْقَى خَدَّامْ عَدِيلْ لِلْمَسِيحْ عِيسَى. وَ كَلَامْ الْإِيمَانْ وَ التَّعْلِيمْ الْعَدِيلْ التِّتَابِعَهْ، دَوْل يَبْقَوْا لَيْك مِثِلْ أَكِلْ الْيَنْطِيكْ قُدْرَةْ.

1 تِمُوتَاوُس 1:3

نُقُولْ لَيْك نَفْس الْكَلَامْ الْقُلْتَهْ لَيْك وَكِتْ خَلَّيْتَكْ وَ سَافَرْت لِبَلَدْ مَقِدُونِيَةْ. وَاجِبْ تَقْعُدْ فِي حِلَّةْ أَفَسُسْ أَشَانْ تِوَصِّيهُمْ لِلنَّاسْ الْقَاعِدِينْ يِشَتُّتُوا التَّعْلِيمْ الْمَا صَحِيحْ. آمُرْهُمْ أَشَانْ يِخَلُّوا مِنْهُمْ الْكَلَامْ دَا.

رَوْمَا 16:17

يَا أَخْوَانِي، نِوَصِّيكُو بِشَيّءْ وَاحِدْ. أَنْقَرْعُوا مِنْ النَّاسْ الْيِعَلُّمُوكُو بِتَعْلِيمْ شِقْ مِنْ التَّعْلِيمْ السِّمِعْتُوهْ أَوَّلْ. النَّاسْ دَوْل يِفَرُّقُوا الْمُؤمِنِينْ بِكَلَامْهُمْ وَ يِتَلُّفُوا إِيمَانْهُمْ. كِسُّوا مِنْهُمْ بَعِيدْ.

2 تِمُوتَاوُس 2:10

وَ بِمِثِلْ دَا، نَحْمَلْ أَيِّ تَعَبْ فِي شَانْ النَّاسْ الْاللّٰهْ عَزَلَاهُمْ وَ نِجَاهِدْ أَشَانْ يَلْقَوْا مَعَايِ النَّجَاةْ بِالْمَسِيحْ عِيسَى وَ يَدْخُلُوا فِي الْمَجْد الْأَبَدِي.

1 كُرُنْتُس 9:27

أَيْوَى، أَنَا نِوَلِّفْ جِسْمِي التَّعَبْ لِنِسَّيْطَرْ فَوْقَهْ. أَشَانْ كَنْ مَا نِسَّيْطَرْ فِي نَفْسِي، أَكُونْ نِنَادِي النَّاسْ فِي دَرِبْ النَّجَاةْ لَاكِنْ فِي الأَخِيرْ، أَنَا ذَاتِي يَدْحَرَوْنِي مِنْ الْجَائِزَةْ.

أعمال الرُسُل 6:4

وَ لَاكِنْ كَنْ لَيْنَا أَنِحْنَ، نِنْكَرْبُوا فِي الصَّلَاةْ وَ فِي تَعْلِيمْ كَلَامْ اللّٰهْ.»

مَرْخُوس 13:9

«وَ إِنْتُو، أَوْعُوا بَالْكُو. أَكِيدْ يَكُرْبُوكُو وَ يِوَدُّوكُو لِلشَّرِيعَةْ وَ يَفُرْشُوكُو فِي بُيُوتْ الصَّلَاةْ. وَ فِي شَانِي أَنَا، تَحْضَرَوْا قِدَّامْ الْحُكَّامْ وَ الْمُلُوكْ. وَ فِي الْبَكَانْ دَا، تَشْهَدَوْا لَيِّ.

إرْمِيا 23:22

وَ كَنْ أَوَّلْ حِضْرَوْا فِي مَجْلَسِي، هُمَّنْ يَقْدَرَوْا يِخَبُّرُوا شَعَبِي بِكَلَامِي. وَ يِقَبُّلُوهُمْ مِنْ دَرِبْهُمْ الْهَوَانْ وَ يِرَجُّعُوهُمْ مِنْ عَمَلْهُمْ الْفَسِلْ.»

يَعْقُوب 5:20

أَعَرْفُوا كَدَرْ النَّادُمْ الْقَبَّلْ أَخُوهْ مِنْ الدَّرِبْ الْهَوَانْ دَا، هُو نَجَّاهْ مِنْ الْهَلَاكْ. وَ فِي شَانْ دَا، اللّٰهْ يَغْفِرْ لِلْمُذْنِبْ ذُنُوبَهْ الْكَتِيرِينْ.

تِيطُس 2:15

وَ خَلَاصْ كُلَّ الْكَلَامْ دَا، أَوْرِيهُمْ بَيَّهْ بِكَلَامْ وَاضِحْ. عِنْدَكْ فَوْقهُمْ حَقّ أَشَانْ تِشَجِّعْهُمْ وَ تَهْرِجْهُمْ حَسَبْ حَالْهُمْ. مَا تِخَلِّي نَادُمْ يَحْقِرَكْ.

كُلُوسِي 4:17

وَ كَلُّمُوا لِأَرْخِبَّا وَ قُولُوا لَيَّهْ: «خُطّ بَالَكْ أَشَانْ تِتَمِّمْ الْخِدْمَةْ الرَّبِّنَا أَنْطَاهَا لَيْك.»

1 كُرُنْتُس 9:22

وَ كَنْ أَنَا قَاعِدْ مَعَ النَّاسْ الْمَا عِنْدُهُمْ قُدْرَةْ، أَنَا كُلَ نِسَوِّي نَفْسِي نَادُمْ الْمَا عِنْدَهْ قُدْرَةْ لِنِجِيبْ الْمَا عِنْدُهُمْ قُدْرَةْ فِي دَرِبْ النَّجَاةْ. أَنَا نِسَوِّي نَفْسِي مِثِلْ أَيِّ نَادُمْ فِي أَيِّ حَالْ لِنِنَجِّي وَاحِدِينْ مِنْهُمْ بِأَيِّ دَلِيلْ.

رَوْمَا 11:14

أَشَانْ أَكُونْ نِسَوِّي أَخْوَانِي الْيَهُودْ يَحْسُدُوكُو وَ أَكُونْ بِمِثِلْ دَا، نِنَجِّي وَاحِدِينْ مِنْهُمْ.

رَوْمَا 2:7

هُو يَنْطِي الْحَيَاةْ الْأَبَدِيَّةْ لِلنَّاسْ الْيِسَوُّوا الْخَيْر وَ يِفَتُّشُوا دَايْماً مِنْ اللّٰهْ الْمَجْد وَ الشَّرَفْ وَ الْحَيَاةْ الْمَا عِنْدَهَا حَدّ.

أعمال الرُسُل 26:22

لَاكِنْ لَحَدِّي الْيَوْم، اللّٰهْ قَاعِدْ يَحْفَضْنِي وَ أَشَانْ دَا بَسْ، أَنَا وَاقِفْ هِنِي وَ قَاعِدْ نَشْهَدْ قِدَّامْ كُلَّ النَّاسْ الْكُبَارْ وَ الصُّغَارْ. وَ أَبَداً مَا نُقُولْ شَيّءْ إِلَّا الشَّيّءْ الْمُوسَى وَ الْأَنْبِيَاء قَالَوْا لَابُدَّ يُكُونْ.

2 أخبار 19:6

وَ قَالْ لَيْهُمْ: «فَكُّرُوا فِي خِدْمِتْكُو التِّسَوُّوهَا أَشَانْ مَا وَاجِبْ تِشَارُعُوا حَسَبْ النَّاسْ لَاكِنْ حَسَبْ شَرِيعَةْ اللّٰهْ. وَ هُو يُكُونْ مَعَاكُو وَكِتْ تَقْطَعَوْا الشَّرِيعَةْ.

فِلِمُون 1:19

أَنَا بُولُسْ كَرَبْت الْقَلَمْ وَ نَكْتِبْ الْكَلَامْ دَا بِإِيدِي: «أَنَا بَسْ نِكَفِّيكْ.» وَ إِنْتَ لِقِيتْ الْحَيَاةْ الْجَدِيدَةْ بِكَلَامِي أَنَا بَسْ وَ لَاكِنْ مَا نِدَوْر نِحَجِّي لَيْك بِالشَّيّءْ الْوَاجِبْ تِسَوِّيهْ لَيِّ.

1 تَسَلونِيكِي 2:16

هُمَّنْ يَدْحَرَوْنَا مَا نِبَلُّغُوا الْبِشَارَةْ التِّنَجِّي النَّاسْ، لِلنَّاسْ الْمَا يَهُودْ. وَ مِثِلْ دَا، يِتَمُّمُوا عَدَدْ ذُنُوبْهُمْ مَرَّةْ وَاحِدْ وَ غَضَبْ اللّٰهْ نَزَلْ فَوْقهُمْ خَلَاصْ.

خُروج 23:13

«سَوُّوا كُلَّ شَيّءْ الْقُلْتَهْ لَيْكُو. وَ مَا تِحَجُّوا بِأُسُمْ إِلٰـهْ آخَرْ وَ لَا يِنْسَمِعْ فِي خُشُومْكُو.

1 كُرُنْتُس 1:21

أَشَانْ اللّٰهْ سَوَّى كُلَّ شَيّءْ حَسَبْ حِكْمَتَهْ وَ لَاكِنْ نَاسْ الدُّنْيَا مَا أَعْتَرَفَوْا بَيَّهْ. وَ خَلَاصْ اللّٰهْ شَالْ نِيَّةْ أَشَانْ يِنَجِّي النَّاسْ الْيِآمُنُوا بَيَّهْ بِطَرِيقْ الْبِشَارَةْ، حَتَّى كَانْ نَاسْ الدُّنْيَا يِشِيفُوهْ كَلامْ بَاطِلْ كُلَ.

1 تِمُوتَاوُس 4:15

أنْكَرِبْ فِي الْوَاجِبَاتْ دَوْل وَ جَاهِدْ فِي شَانْهُمْ أَشَانْ كُلَّ النَّاسْ يِشِيفُوا نَجَاحَكْ.