1 تِمُوتَاوُس 4:14 - الكتاب المقدس بالعربي الدارجي هنا تشاد

¹⁴ خُطّ بَالَكْ فِي الْبَرَكَةْ الْاللّٰهْ أَنْطَاهَا لَيْك بِالْكَلَامْ الْأَتْنَبَّأَوْا بَيَّهْ جَمَاعَةْ الشُّيُوخْ وَكِتْ خَطَّوْا إِيدَيْهُمْ فَوْقَكْ.

1 تِمُوتَاوُس 4:14 Referenca të Kryqëzuara

2 تِمُوتَاوُس 1:6

أَشَانْ دَا، نِدَوْر نِذَكِّرَكْ بَتَّانْ. وَكِتْ أَنَا دَعَيْت وَ خَطَّيْت فَوْقَكْ إِيدَيْنِي، اللّٰهْ أَنْطَاكْ بَرَكَةْ وَ هِي مِثِلْ جَمُرْ. هَجِّجْهَا أَشَانْ تَبْقَى بَتَّانْ حَامِيَةْ مِثِلْ أَوَّلْ.

1 تِمُوتَاوُس 1:18

يَا وِلَيْدِي تِمُوتَاوُسْ، الْوَصِيَّةْ الْأَنْطَيْتهَا لَيْك تِوَافِقْ مَعَ الْكَلَامْ الْأَتْنَبَّأَوْا بَيَّهْ الشُّيُوخْ فِي شَانَكْ. فَكِّرْ فِي الْكَلَامْ دَا وَ جَاهِدْ بَيَّهْ جِهَادْ عَدِيلْ.

أعمال الرُسُل 6:6

وَ قَدَّمَوْا الرُّجَالْ السَّبْعَةْ دَوْل لِلرُّسُلْ وَ الرُّسُلْ سَأَلَوْا اللّٰهْ لَيْهُمْ وَ خَطَّوْا إِيدَيْهُمْ فَوْقهُمْ أَشَانْ يَنْطُوهُمْ الْمَسْؤُولِيَّةْ.

1 تِمُوتَاوُس 5:22

مَا تِسَّعْجَلْ وَكِتْ تِدَوْر تِدَرِّجْ شَيْخ وَ مَا تِشَارِكْ فِي ذُنُوبْ هَنَا نَادُمْ آخَرْ. أَنْقَرِعْ مَا تِتَلِّفْ حَالَكْ الطَّاهِرَةْ.

1 تَسَلونِيكِي 5:19

وَ مَا تَكْتُلُوا نُورْ الرُّوحْ الْقُدُّوسْ.

أعمال الرُسُل 13:3

وَ خَلَاصْ بَعَدْ صَامَوْا وَ صَلَّوْا، خَطَّوْا إِيدَيْهُمْ فَوْقهُمْ وَ رَسَّلَوْهُمْ.

أعمال الرُسُل 8:17

وَ خَلَاصْ، وَكِتْ الرُّسُلْ خَطَّوْا إِيدَيْهُمْ فِي الْمُؤمِنِينْ، الرُّوحْ الْقُدُّوسْ نَزَلْ فَوْقهُمْ.

أعمال الرُسُل 19:6

وَ وَكِتْ بُولُسْ خَطَّ إِيدَيْنَهْ فَوْقهُمْ، الرُّوحْ الْقُدُّوسْ نَزَلْ فَوْقهُمْ وَ حَجَّوْا بِلُغَّاتْ جَدِيدَةْ وَ أَتْنَبَّأَوْا.

أعمال الرُسُل 11:30

وَ لَمَّوْا كُلَّ الْمُسَاعَدَةْ وَ أَنْطَوْهَا أَمَانَةْ لِبَرْنَابَا وَ شَاوُولْ أَشَانْ يِوَدُّوهَا لِكُبَارَاتْ الْمُؤمِنِينْ الْفِي مَدِينَةْ الْقُدُسْ.

أعمال الرُسُل 22:5

وَ كَلَامِي دَا صَحِيحْ وَ كَنْ مَا تِصَدُّقُونِي، أَسْأَلَوْا كَبِيرْ رُجَالْ الدِّينْ وَ مَجْلَسْ الْكُبَارَاتْ. هُمَّنْ ذَاتْهُمْ أَنْطَوْنِي جَوَابَاتْ لِأَخْوَانْهُمْ فِي مَدِينَةْ دِمَشْق. وَ أَنَا مَشَيْت أَشَانْ نَكْرُبْ نَاسْ هَنَا عِيسَى الْقَاعِدِينْ هِنَاكْ وَ دَوَّرْت نَرْبُطْهُمْ وَ نِقَبِّلْ بَيْهُمْ فِي مَدِينَةْ الْقُدُسْ أَشَانْ يِعَاقُبُوهُمْ هِنِي.

1 تِمُوتَاوُس 4:15

أنْكَرِبْ فِي الْوَاجِبَاتْ دَوْل وَ جَاهِدْ فِي شَانْهُمْ أَشَانْ كُلَّ النَّاسْ يِشِيفُوا نَجَاحَكْ.

1 تِمُوتَاوُس 5:17

الشُّيُوخْ الشَّايْلِينْ عَدِيلْ مَسْؤُولِيَّةْ جَمَاعَةْ الْمُؤمِنِينْ، خَلِّي الْأَخْوَانْ يِحْتَرُمُوهُمْ بِلْحَيْن وَ يَنْطُوهُمْ الْمُسَاعَدَةْ، خَاصَّةً الشُّيُوخْ الْمُنْكَرِبِينْ فِي الْبَشِّرِينْ وَ الْعَلِّمِينْ.

1 تِمُوتَاوُس 5:19

وَ كَنْ النَّاسْ يُخُطُّوا تُهْمَةْ فِي أَيِّ شَيْخ، مَا تَقْبَلْ كَلَامْهُمْ إِلَّا كَنْ شُهُودْ إِتْنَيْن أَوْ تَلَاتَةْ يِثَبُّتُوهْ فَوْقَهْ.

1 تِمُوتَاوُس 6:12

جَاهِدْ جِهَادْ عَدِيلْ فِي دَرِبْ الْإِيمَانْ. أَكْرُبْ قَوِي الْحَيَاةْ الْأَبَدِيَّةْ الْاللّٰهْ نَادَاكْ لِتَدْخُلْ فَوْقهَا وَ إِنْتَ كُلَ شَهَدْت لَيْهَا بِشَهَادَةْ الْحَقّ قِدَّامْ شُهُودْ كَتِيرِينْ.