1 تِمُوتَاوُس 4:12 - الكتاب المقدس بالعربي الدارجي هنا تشاد

¹² مَا تِخَلِّي نَادُمْ يَحْقِرَكْ بِسَبَبْ إِنْتَ صَغَيَّرْ فِي الْعُمُرْ. سَوِّي نَفْسَكْ مَثَلْ لِلْمُؤمِنِينْ فِي كَلَامَكْ وَ حَالَكْ. خَلِّي يِشِيفُوا فَوْقَكْ الْمَحَبَّةْ وَ الْإِيمَانْ وَ الطِّهَارَةْ.

1 تِمُوتَاوُس 4:12 Referenca të Kryqëzuara

تِيطُس 2:7

أَبْقَى لَيْهُمْ مَثَلْ فِي كُلِّ شَيّءْ. وَصِّفْ لَيْهُمْ بِحَالَكْ كِكَّيْف يِسَوُّوا الْخَيْر. وَ خَلِّيهُمْ يِشِيفُوا كَدَرْ إِنْتَ نَادُمْ مُخْلِصْ فِي تَعْلِيمَكْ وَ مُنْكَرِبْ فَوْقَهْ.

2 تِمُوتَاوُس 2:22

أَنْقَرِعْ مِنْ شَهْوَاتْ هَنَا الصُّبَى. خُطّ بَالَكْ أَشَانْ تَبْقَى نَادُمْ صَالِحْ وَ تَبْقَى قَوِي فِي الْإِيمَانْ وَ الْمَحَبَّةْ وَ السَّلَامْ مِثِلْ كُلَّ النَّاسْ الْيَدْعُوا الرَّبّ بِقَلِبْ طَاهِرْ.

2 تِمُوتَاوُس 2:15

أَعَصِرْ قَلْبَكْ أَشَانْ تَبْقَى نَادُمْ الْاللّٰهْ يَرْضَى بَيَّهْ. أَبْقَى مِثِلْ خَدَّامْ الْخِدِمْتَهْ مَا تِسَبِّبْ لَيَّهْ عَيْب. فَسِّرْ كَلَامْ الْحَقّ بِتَفْسِيرْ عَدِيلْ.

1 بُطْرُس 5:3

وَ مَا تَمُلْكُوا بِشِدَّةْ فِي النَّاسْ الْاللّٰهْ كَلَّفَاكُو بَيْهُمْ مِثِلْ رُعْيَانْ لَاكِنْ أَبْقَوْا لَيْهُمْ مَثَلْ لَحَدِّي يِتَابُعُوا دَرِبْكُو.

1 كُرُنْتُس 11:1

تَابُعُوا دَرْبِي أَشَانْ أَنَا قَاعِدْ نِتَابِعْ دَرِبْ الْمَسِيحْ.

1 تَسَلونِيكِي 1:6

وَ إِنْتُو شِلْتُوا مَثَلْنَا وَ حَالْكُو بِقَتْ مِثِلْ حَالْنَا وَ مِثِلْ حَالْ هَنَا رَبِّنَا عِيسَى. وَكِتْ النَّاسْ قَاعِدِينْ يِتَعُّبُوكُو بِلْحَيْن كُلَ، إِنْتُو قِبِلْتُوا الْكَلَامْ بِفَرَحْ الْجَايِ مِنْ الرُّوحْ الْقُدُّوسْ.

تِيطُس 2:15

وَ خَلَاصْ كُلَّ الْكَلَامْ دَا، أَوْرِيهُمْ بَيَّهْ بِكَلَامْ وَاضِحْ. عِنْدَكْ فَوْقهُمْ حَقّ أَشَانْ تِشَجِّعْهُمْ وَ تَهْرِجْهُمْ حَسَبْ حَالْهُمْ. مَا تِخَلِّي نَادُمْ يَحْقِرَكْ.

مَتَّى 18:10

«أَنْقَرْعُوا مَا تَحْقُرُوا أَيِّ وَاحِدْ مِنْ الصُّغَارْ دَوْل أَشَانْ نُقُولْ لَيْكُو مَلَائِكَتْهُمْ فِي السَّمَاءْ دَايْماً حَاضْرِينْ مَعَ أَبُويِ اللّٰهْ.

2 تِمُوتَاوُس 2:7

فَكِّرْ فِي الْكَلَامْ الْقُلْتَهْ لَيْك دَا وَ رَبِّنَا يَنْطِيكْ عَقُلْ أَشَانْ تَفْهَمْ كُلِّ شَيّءْ.

يَعْقُوب 3:13

يَاتُو مِنْكُو حَكِيمْ وَ فَاهِمْ؟ خَلِّي يِوَصِّفْ عَمَلَهْ بِحَالَهْ السَّمْحَةْ بِنَفَسْ بَارِدْ وَ حِكْمَةْ.

يَعْقُوب 3:17

لَاكِنْ الْحِكْمَةْ الْمِنْ اللّٰهْ أَوَّلاً كَيْ صَافِيَةْ وَ النَّادُمْ الْعِنْدَهْ الْحِكْمَةْ يِرِيدْ السَّلَامْ وَ كَلَامَهْ بَارِدْ وَ رَاسَهْ مَا قَوِي وَ هُو حَنُونْ وَ يِسَوِّي عَمَلْ الْخَيْر وَ هُو مَا عِنْدَهْ تَفْرِقَةْ وَ لَا نِفَاقْ.

فِلِبِّي 4:8

يَا أَخْوَانِي، دِي هِي آخِرْ وَصِيَّةْ النَّنْطِيهَا لَيْكُو. فَكُّرُوا فِي أَيِّ شَيّءْ الصَّحِيحْ وَ الشَّرِيفْ وَ الْعَادِلْ وَ الطَّاهِرْ وَ الْمَحْبُوبْ وَ الْكَرِيمْ وَ الْأَفْضَلْ وَ الْوَاجِبْ لَيَّهْ الشُّكُرْ. وَ كُلَّ شَيّءْ الْمِثِلْ دَا، خُطُّوا أَفْكَارْكُو فَوْقَهْ ثَابْتِينْ.

1 تَسَلونِيكِي 2:10

إِنْتُو ذَاتْكُو تَقْدَرَوْا تَشْهَدَوْا لَيْنَا وَ اللّٰهْ كُلَ شَاهِدْ كَدَرْ حَالْنَا مَعَاكُو إِنْتُو الْمُؤمِنِينْ، هِي صَالْحَةْ وَ عَدِيلَةْ وَ مَا عِنْدَهَا عَيْب.

1 تِمُوتَاوُس 1:14

وَ رَبِّنَا أَنْطَانِي نِعْمَةْ كَبِيرَةْ بِلْحَيْن وَ أَنْطَانِي الْإِيمَانْ وَ الْمَحَبَّةْ الْقَاعِدِينْ فِي الْمَسِيحْ عِيسَى.

زَكَرِيَّا 2:4

وَ الْمَلَكْ الْأَوَّلْ قَالْ لِلْآخَرْ: «أَجْرِي حَجِّي لِلصَّبِي دَا وَ قُولْ لَيَّهْ: ‹مَدِينَةْ الْقُدُسْ تَقْعُدْ مَفْتُوحَةْ بَلَا دُرْدُرْ أَشَانْ النَّاسْ وَ الْبَهَايِمْ بِقَوْا كَتِيرِينْ فِي أُسُطْهَا.›