1 تِمُوتَاوُس 4:10 - الكتاب المقدس بالعربي الدارجي هنا تشاد

¹⁰ وَ فِي سَبَبْ الْوَعَدْ دَا، نَتْعَبَوْا وَ نِجَاهُدُوا. خَطَّيْنَا عَشَمْنَا ثَابِتْ فِي اللّٰهْ الْحَيّ الْهُو بَسْ مُنَجِّي هَنَا كُلَّ النَّاسْ خَاصَّةً الْمُؤمِنِينْ.

1 تِمُوتَاوُس 4:10 Referenca të Kryqëzuara

1 تِمُوتَاوُس 2:4

هُو يِدَوْر كَدَرْ كُلَّ النَّاسْ يَنْجَوْا وَ يَلْقَوْا عِرْفَةْ الْحَقّ.

1 يُوحَنَّا 2:2

دَا هُو الْقَدَّمْ نَفْسَهْ ضَحِيَّةْ أَشَانْ يَمْحَا ذُنُوبْنَا. وَ ضَحِيّتَهْ مَا لِذُنُوبْنَا أَنِحْنَ بَسْ لَاكِنْ لِذُنُوبْ هَنَا كُلَّ نَاسْ الدُّنْيَا.

1 تِمُوتَاوُس 2:6

الْأَنْطَى نَفْسَهْ ضَحِيَّةْ أَشَانْ يَفْدَى كُلَّ النَّاسْ. وَ دِي بَسْ شَهَادَةْ اللّٰهْ الْقَدَّمَاهَا فِي الْوَكِتْ الْمُوَافِقْ.

يُوحَنَّا 1:29

وَ أَمْبَاكِرْ، يَحْيَى شَافْ عِيسَى جَايِ لَيَّهْ وَ قَالْ: «دَا بَسْ الْحَمَلْ الْاللّٰهْ رَسَّلَهْ أَشَانْ يُقُشّ ذَنِبْ نَاسْ الدُّنْيَا.

1 يُوحَنَّا 4:14

وَ أَنِحْنَ شِفْنَا عَدِيلْ كَدَرْ اللّٰهْ رَسَّلْ إِبْنَهْ فِي الدُّنْيَا أَشَانْ يِنَجِّي نَاسْ الدُّنْيَا وَ أَنِحْنَ قَاعِدِينْ نَشْهَدَوْا لَيَّهْ.

يُوحَنَّا 4:42

وَ حَجَّوْا لِلْمَرَةْ وَ قَالَوْا: «أَنِحْنَ نِآمُنُوا. مَا أَشَانْ سِمِعْنَا كَلَامْكِ بَسْ. لَاكِنْ أَنِحْنَ ذَاتْنَا سِمِعْنَا كَلَامَهْ وَ نَعَرْفُوا أَكِيدْ هُو بَسْ النَّادُمْ الْيِنَجِّي كُلَّ النَّاسْ.»

يُوحَنَّا 5:24

«أَسْمَعَوْا نُقُولْ لَيْكُو الْحَقّ، أَيِّ نَادُمْ الْقَاعِدْ يَسْمَعْ كَلَامِي وَ يِآمِنْ بِاللّٰهْ الرَّسَّلَانِي، النَّادُمْ دَا عِنْدَهْ الْحَيَاةْ الْأَبَدِيَّةْ. هُو مَا يَدْخُلْ فِي الْعِقَابْ لَاكِنْ هُو مَرَقْ مِنْ الْمَوْت وَ دَخَلْ فِي الْحَيَاةْ خَلَاصْ.

زَبُور 84:12

يَا اللّٰهْ الْقَادِرْ! مَبْرُوكْ لِلْإِنْسَانْ الْيِتْوَكَّلْ عَلَيْك.

عِبْرَانِيِّين 13:13

أَشَانْ دَا، خَلِّي نَمُرْقُوا وَ نَمْشُوا لَيَّهْ بَرَّا مِنْ الْفَرِيقْ وَ نَحْمَلَوْا نَفْس الْمُعْيَارْ الْهُو حِمْلَهْ.

إشَعْيا 12:2

دَاهُو الْإِلٰـهْ الْمُنَجِّي! أَنَا أَتْوَكَّلْت عَلَيَّهْ وَ بَتَّانْ مَا نَخَافْ. أَشَانْ قُدُرْتِي وَ قُوِّتِي، هُو اللّٰهْ وَ هُو بَسْ النَّجَّانِي.»

زَبُور 118:8

أَخَيْر الْإِنْسَانْ يَلْجَأْ لِلّٰهْ مِنْ يِنْتَكِلْ عَلَيْ النَّاسْ.

زَبُور 52:8

لَاكِنْ أَنَا كَمَانْ مِثِلْ شَدَرَةْ زَيْتُونْ خَضْرَةْ فِي بَيْت اللّٰهْ وَ نِتْوَكَّلْ عَلَيْ رَحْمَةْ الرَّبّ إِلَى الْأَبَدْ.

1 بُطْرُس 1:21

وَ بِسَبَبْ الْمَسِيحْ، إِنْتُو آمَنْتُوا بِاللّٰهْ الْبَعَثَهْ مِنْ أُسْط الْمَيْتِينْ وَ أَنْطَاهْ الْمَجْد. وَ خَلَاصْ إِيمَانْكُو وَ عَشَمْكُو ثَابْتِينْ فِي اللّٰهْ.

عِبْرَانِيِّين 11:26

هُو جَعَلْ كَدَرْ الْمُعْيَارْ الْيَجِي فَوْقَهْ فِي شَانْ الْمَسِيحْ عِنْدَهْ فَايْدَةْ كَتِيرَةْ مِنْ كُلَّ دَهَبْ مَصِرْ. وَ هُو خَطَّ فِكْرَهْ فِي الْأَجُرْ الْقِدَّامَهْ.

1 تِمُوتَاوُس 6:17

وَ الْأَخْوَانْ الْعِنْدُهُمْ مَالْ كَتِيرْ فِي الدُّنْيَا، وَصِّيهُمْ أَشَانْ مَا يَبْقَوْا فَشَّارِينْ وَ مَا يُخُطُّوا بَالْهُمْ فِي الْمَالْ الْيُفُوتْ. خَلِّي يُخُطُّوا بَالْهُمْ فِي اللّٰهْ الْيَنْطِينَا بِزِيَادَةْ وَ يَرْزُقْنَا بِكُلِّ شَيّءْ أَشَانْ نَفْرَحَوْا مِنَّهْ.

1 تِمُوتَاوُس 3:15

كَنْ نِأَخِّرْ كُلَ، إِنْتَ تَعَرِفْ الْحَالْ الْوَاجْبَةْ لِأَهَلْ اللّٰهْ. هُمَّنْ نَاسْ اللّٰهْ أُمَّةْ الْمَسِيحْ. وَ أُمَّةْ الْمَسِيحْ، هِي عَمُودْ الْحَقّ وَ أَسَاسَهْ.

مَتَّى 27:43

هُو أَتْوَكَّلْ عَلَيْ اللّٰهْ. خَلِّي اللّٰهْ يَفْزَعَهْ، كَنْ صَحِيحْ اللّٰهْ يِدَوْرَهْ! أَشَانْ هُو قَالْ: ‹أَنَا إِبْن اللّٰهْ.›»

نَاحُوم 1:7

اللّٰهْ هُو الرَّحِيمْ وَ هُو الْمَلْجَأْ فِي يَوْم الضِّيقَةْ وَ يَحْفَضْ النَّاسْ الْيَلْجَأَوْا لَيَّهْ.

دَنْيال 3:28

وَ نَبُوخَدْنَصَرْ قَالْ: «بَارَكْ اللّٰهْ إِلٰـهْ شَدْرَاكْ وَ مِشَاكْ وَ عَبْد الْنَغُو الرَّسَّلْ مَلَكَهْ أَشَانْ يِنَجِّي عَبِيدَهْ الْهُمَّنْ أَتْوَكَّلَوْا عَلَيَّهْ. وَ خَالَفَوْا أَمْرِي أَنَا الْمَلِكْ وَ قَصَّدَوْا بِالْمَوْت كُلَ أَخَيْر لَيْهُمْ مِنْ يَعَبُدُوا وَ يَسْجُدُوا لِإِلٰـهْ آخَرْ الْمَا إِلٰـهُّمْ.

إرْمِيا 17:7

مُبَارَكْ الْإِنْسَانْ الْيِتْوَكَّلْ عَلَيْ اللّٰهْ وَ يِآمِنْ بَيَّهْ فِي كُلَّ شَيّءْ.

إشَعْيا 50:10

يَاتُو مِنْكُو يَخَافْ مِنْ اللّٰهْ وَ يَسْمَعْ كَلَامْ عَبْدَهْ؟ أَيِّ نَادُمْ الْيَمْشِي فِي الضَّلَامْ بَلَا ضَيّ، خَلِّي يِتْوَكَّلْ عَلَيْ اللّٰهْ وَ يِنْتَكِلْ عَلَيْ إِلٰـهَهْ.

زَبُور 107:2

إِنْتُو الْفَدَاكُو اللّٰهْ، قُولُوا الْكَلَامْ دَا! إِنْتُو الْفَدَاكُو مِنْ إِيدْ الْخُصْمَانْ.

زَبُور 37:40

اللّٰهْ يَفْزَعْهُمْ وَ يِنَجِّيهُمْ، أَيْوَى، يِنَجِّيهُمْ مِنْ الْعَاصِيِينْ وَ يَفْزَعْهُمْ أَشَانْ الْعَدِيلِينْ يَلْجَأَوْا لَيَّهْ هُو.

زَبُور 36:6

وَ عَدَالْتَكْ مِثِلْ جِبَالْ الْعَالِيِينْ وَ شَرِيعْتَكْ مِثِلْ أَلْمِي الْغَرِيقْ. يَا اللّٰهْ! إِنْتَ تِنَجِّي النَّاسْ وَ الْبَهَايِمْ.

مَتَّى 16:16

وَ سِمْعَانْ بُطْرُسْ قَالْ: «إِنْتَ الْمَسِيحْ إِبْن اللّٰهْ الْحَيّ.»

1 كُرُنْتُس 15:10

لَاكِنْ هَسَّعْ، أَنَا رَسُولْ بِرَحْمَةْ اللّٰهْ وَ رَحْمَتَهْ مَا فَشَلَتْ. بِالْعَكْس، أَنَا خَدَمْت خِدْمَةْ زِيَادَةْ مِنْهُمْ كُلُّهُمْ. وَ بِالصَّحِيحْ، الْخَدَمْ عَدِيلْ مَا أَنَا لَاكِنْ رَحْمَةْ اللّٰهْ الْقَاعِدَةْ فَوْقِي.

2 كُرُنْتُس 1:10

وَ أَكِيدْ اللّٰهْ الْفَزَعْنَا مِنْ الْمَوْت دَا، هُو يَفْزَعْنَا بَتَّانْ. خَطَّيْنَا عَشَمْنَا فَوْقَهْ هُو بَسْ وَ أَكِيدْ هُو يَفْزَعْنَا بَتَّانْ.

1 تِمُوتَاوُس 2:3

الدُّعَا الْمِثِلْ دَا سَمَحْ وَ اللّٰهْ مُنَجِّينَا هُو يَرْضَى بَيَّهْ.