1 تِمُوتَاوُس 3:7 - الكتاب المقدس بالعربي الدارجي هنا تشاد

⁷ وَ مَعَ كُلَّ الْكَلَامْ دَا، خَلِّي أَيِّ مَسْؤُولْ يَبْقَى نَادُمْ الْيِكَرُّمُوهْ النَّاسْ الْمَا مُؤمِنِينْ كُلَ. وَ مِثِلْ دَا، الْعَيْب مَا يَجِي فَوْقَهْ وَ يَقَعْ فِي شَرَكْ إِبْلِيسْ.

1 تِمُوتَاوُس 3:7 Referenca të Kryqëzuara

2 كُرُنْتُس 8:21

وَ شِلْنَا نِيَّةْ لِنِسَوُّوا الْعَدِيلْ قِدَّامْ اللّٰهْ وَ قِدَّامْ النَّاسْ كُلَ.

2 تِمُوتَاوُس 2:26

وَ خَلَاصْ، يَمُرْقُوا مِنْ شَرَكْ إِبْلِيسْ الْأَوَّلْ كَرَبَاهُمْ أَشَانْ يِسَوُّوا لَيَّهْ الشَّيّءْ الْهُو يِدَوْرَهْ.

كُلُوسِي 4:5

عِيشُوا بِحِكْمَةْ فِي أُسْط النَّاسْ الْمَا مُؤمِنِينْ. أَيِّ فُرْصَةْ اللِّقِيتُوهَا، أَشْهَدَوْا لِلْمَسِيحْ.

1 تِمُوتَاوُس 6:9

لَاكِنْ النَّاسْ الْيِدَوْرُوا يَبْقَوْا غَنِيِّينْ، طَمَعْهُمْ يِلِزُّهُمْ فِي الذُّنُوبْ وَ يَبْقَى لَيْهُمْ شَرَكْ. وَ كَتَرَةْ شَهْوَاتْهُمْ يِسَبُّبُوا لَيْهُمْ الْأَذَى وَ يِسَوُّوهُمْ عَجَامَا وَ يِوَدُّوهُمْ فِي الدَّمَارْ وَ الْهَلَاكْ.

1 تَسَلونِيكِي 4:12

كَنْ إِنْتُو قَاعِدِينْ تِسَوُّوا مِثِلْ دَا، النَّاسْ الْمَا مُؤمِنِينْ يِكَرُّمُوكُو وَ إِنْتُو مَا تِحْتَاجَوْا لِشَيّءْ مِنْ أَيِّ نَادُمْ.

2 كُرُنْتُس 6:3

وَ أَبَداً مَا نِسِدُّوا لِأَيِّ نَادُمْ الدَّرِبْ الْيِوَدِّيهْ لِلّٰهْ أَشَانْ مَا نِدَوْرُوا نِجِيبُوا لَوْم فِي خِدْمِتْنَا.

1 كُرُنْتُس 10:32

مَا تَبْقَوْا سَبَبْ لِأَيِّ نَادُمْ لِتَمُرْقُوهْ مِنْ الدَّرِبْ، وَ لَا لِلْيَهُودْ وَ لَا لِلْيُونَانِيِّينْ وَ لَا لِنَاسْ اللّٰهْ أُمَّةْ الْمَسِيحْ.

أعمال الرُسُل 6:3

أَشَانْ دَا يَا أَخْوَانَّا، أَعَزُلُوا مِنْ أَمْبَيْنَاتْكُو سَبْعَةْ رُجَالْ، نَاسْ مَعْرُوفِينْ حَالْهُمْ عَدِيلَةْ وَ مَلَانِينْ بِالرُّوحْ الْقُدُّوسْ وَ عِنْدُهُمْ فِكِرْ عَدِيلْ. وَ نِكَلُّفُوهُمْ بِالْخِدْمَةْ دِي.

تِيطُس 2:8

وَ خَلِّي كَلَامَكْ يَبْقَى سَالِمْ بِلْحَيْن حَتَّى نَادُمْ مَا يَلْقَى فَوْقَهْ سَبَبْ لِيَهَرْجَكْ. وَ بِمِثِلْ دَا، أَيِّ نَادُمْ الْيِدَوْر يِخَالِفَكْ، يَخْجَلْ وَ مَا يَقْدَرْ يُقُولْ فَوْقنَا شَيّءْ فَسِلْ.

تِيطُس 2:5

وَ يِعِيشَنْ بِحَالْ عَاقْلَةْ وَ طَاهِرَةْ وَ يُخُطَّنْ بَالْهِنْ فِي بُيُوتْهِنْ وَ قُلُوبْهِنْ يَبْقَوْا بُيُضْ وَ يَسْمَعَنْ كَلَامْ رُجَالْهِنْ. وَ بِمِثِلْ دَا، يِسِدَّنْ الدَّرِبْ لِلنَّادُمْ الْيِدَوْر يُقُولْ كَلَامْ فَسِلْ فِي كَلَامْ اللّٰهْ.

1 تَسَلونِيكِي 5:22

أَنْقَرْعُوا مِنْ أَيِّ شَيّءْ فَسِلْ.

1 تِمُوتَاوُس 5:14

أَشَانْ دَا، نِدَوْر أَيِّ مَرَةْ صَبِيَّةْ الرَّاجِلْهَا مَاتْ تَاخُدْ وَ تَلْدَ عِيَالْ وَ تِرَيِّسْ نَاسْ بَيْتهَا وَ خَلَاصْ مَا تَنْطِي فُرْصَةْ لِنَاسْ هَنَا إِبْلِيسْ أَشَانْ يُقُولُوا فَوْقنَا كَلَامْ شَيْن.

1 كُرُنْتُس 5:12

أَنَا مَا عِنْدِي حَقّ نِحَاسِبْ النَّاسْ الْبَرَّا مِنْ أُمَّةْ الْمَسِيحْ. وَ لَاكِنْ أَخْوَانْكُو الْمُؤمِنِينْ الْفِي أُسُطْكُو وَاجِبْ إِنْتُو تِحَاسُبُوهُمْ.

أعمال الرُسُل 22:12

وَ نَادُمْ وَاحِدْ قَاعِدْ فِي دِمَشْق أُسْمَهْ حَنَانِيَّا. هُو قَاعِدْ يِتَابِعْ التَّوْرَاةْ عَدِيلْ وَ كُلَّ الْيَهُودْ فِي دِمَشْق يَشْهَدَوْا لَيَّهْ كَدَرْ هُو نَادُمْ تَقِي.

أعمال الرُسُل 10:22

وَ رَدَّوْا لَيَّهْ وَ قَالَوْا: «كَرْنِيلِي رَسَّلَانَا. وَ كَرْنِيلِي دَا هُو كَبِيرْ عَسْكَرْ وَ رَاجِلْ صَالِحْ وَ خَايِفْ مِنْ اللّٰهْ. وَ كُلَّ الْيَهُودْ يَشْهَدَوْا لَيَّهْ هُو نَادُمْ عَدِيلْ. وَ وَاحِدْ مِنْ مَلَائِكَةْ اللّٰهْ جَاءْ لَيَّهْ وَ قَالْ وَاجِبْ كَرْنِيلِي يِنَادِيكْ تَمْشِي بَيْتَهْ أَشَانْ يَسْمَعْ كَلَامَكْ.»

مَرْخُوس 4:11

وَ عِيسَى قَالْ: «لَيْكُو إِنْتُو أَنْطَوْكُو سِرّ مَمْلَكَةْ اللّٰهْ لَاكِنْ لِلنَّاسْ الْآخَرِينْ نِحَجِّي لَيْهُمْ دَايْماً بِأَمْثَالْ.

1 صَمُوِيل 2:24

لَا، يَا عِيَالِي. الشَّيّءْ الْأَنَا سِمِعْتَهْ دَا هَوَانْ! أَنَا سِمِعْت كَدَرْ إِنْتُو بَسْ الْقَاعِدِينْ تِلِزُّوا كُلَّ نَاسْ اللّٰهْ أَشَانْ يَعَصَوْه.

3 يُوحَنَّا 1:12

وَ كُلَّ الْأَخْوَانْ يَشْهَدَوْا لِدِمِتْرِي كَدَرْ هُو نَادُمْ عَدِيلْ وَ الْحَقّ الْبِنْشَافْ فَوْقَهْ كُلَ يَشْهَدْ لَيَّهْ. أَنِحْنَ كُلَ نَشْهَدَوْا لَيَّهْ وَ تَعَرِفْ شَهَادِتْنَا صَحِيحَةْ.

1 تِمُوتَاوُس 3:6

وَ خَلِّي نَادُمْ مَا يَبْقَى مَسْؤُولْ كَنْ دَهَابَهْ آمَنْ بِالْمَسِيحْ. النَّادُمْ الْمِثِلْ دَا أَكُونْ يِسْتَكْبَرْ وَ اللّٰهْ يِعَاقِبَهْ مِثِلْ عَاقَبْ إِبْلِيسْ.