1 تِمُوتَاوُس 3:2 - الكتاب المقدس بالعربي الدارجي هنا تشاد

² وَ أَشَانْ دَا، خَلِّي أَيِّ نَادُمْ الْمَسْؤُولْ فِي الْمُؤمِنِينْ يَبْقَى نَادُمْ الْمَا عِنْدَهْ أَيِّ عَيْب. وَاجِبْ يَبْقَى رَاجِلْ مَرْتَهْ وَاحِدَةْ بَسْ وَ عَاقِلْ وَ مُلْتَزِمْ وَ مُكَرَّمْ وَ كَرِيمْ لِلضِّيفَانْ وَ قَادِرْ فِي الْعَلِّمِينْ.

1 تِمُوتَاوُس 3:2 Referenca të Kryqëzuara

2 تِمُوتَاوُس 2:24

وَ خَدَّامْ الرَّبّ مَا وَاجِبْ يِهَارِجْ. وَ لَاكِنْ وَاجِبْ يِسَوِّي الزَّيْن لِكُلَّ النَّاسْ وَ يَعَرِفْ كِكَّيْف يِعَلِّمْهُمْ وَ يَصْبُرْ لَيْهُمْ.

رَوْمَا 12:13

سَاعُدُوا الصَّالِحِينْ الْمُحْتَاجِينْ وَ ضَيُّفُوا بِفَرَحْ الضِّيفَانْ الْيَجُوكُو.

1 تِمُوتَاوُس 5:9

مَا تِسَجِّلْ أَيِّ مَرَةْ أَرْمَلَةْ فِي مَجْمُوعَةْ الْأَرَامِلْ إِلَّا كَنْ عُمُرْهَا سِتِّينْ سَنَةْ وَلَّا زِيَادَةْ وَ أَبَداً مَا خَانَتْ رَاجِلْهَا

1 بُطْرُس 4:9

خَلِّي أَيِّ نَادُمْ مِنْكُو يِفَضِّلْ أَخْوَانَهْ الْيَجُوا لَيَّهْ وَ مَا يَشْكِي.

1 بُطْرُس 5:8

خُطُّوا بَالْكُو وَ أَقْعُدُوا وَاعِيِّينْ أَشَانْ عَدُوكُو إِبْلِيسْ قَاعِدْ يِحَوِّقْ فَوْقكُو مِثِلْ دُودْ الْقَاعِدْ يِكِرّ وَ يِفَتِّشْ نَادُمْ لِيَاكُلَهْ.

عِبْرَانِيِّين 13:2

مَا تِخَلُّوا مِنْكُو فَضِّلِينْ الضِّيفَانْ الْيَجُوكُو. تَعَرْفُوا كَدَرْ نَاسْ وَاحِدِينْ ضَيَّفَوْا مَلَائِكَةْ وَ مَا عِرْفَوْهُمْ.

تِيطُس 2:2

وَصِّي الشِّيَّابْ أَشَانْ يَبْقَوْا عَاقْلِينْ وَ مُحْتَرَمِينْ وَ خَلِّي بَالْهُمْ يَبْقَى وَسِيعْ. وَ خَلِّي يَبْقَوْا ثَابْتِينْ فِي الْإِيمَانْ وَ الْمَحَبَّةْ وَ الصَّبُرْ.

فِلِبِّي 2:15

أَشَانْ تَبْقَوْا نَاسْ بَلَا خَطَا وَ بَرِيِّينْ وَ تِعِيشُوا مِثِلْ عِيَالْ اللّٰهْ بَلَا عَيْب فِي أُسُطْ النَّاسْ الْفَسْلِينْ وَ عُوُجْ هَنَا الدُّنْيَا دِي. وَ تَبْقَوْا فِي أُسُطْهُمْ نُورْ مِثِلْ النُّجُومْ فِي الْعَالَمْ الْأَضْلَمْ

1 بُطْرُس 4:7

كُمَالَةْ كُلَّ شَيّءْ قَرِيبْ. أَشَانْ دَا، خُطُّوا بَالْكُو وَ أَقْعُدُوا ثَابْتِينْ دَايْماً أَشَانْ تَقْدَرَوْا تِصَلُّوا فِي أَيِّ وَكِتْ.

عِبْرَانِيِّين 3:14

أَشَانْ كُلِّنَا بِقِينَا مُشَارِكِينْ فِي الْمَسِيحْ كَنْ صَحِيحْ نِتَابُعُوا الْإِيمَانْ الْعِنْدِنَا مِنْ الْبِدَايَةْ وَ نَقْعُدُوا ثَابْتِينْ فَوْقَهْ لَحَدِّي النِّهَايَةْ.

1 تِمُوتَاوُس 4:3

يَدْحَرَوْا النَّاسْ مِنْ الْأَخِيدَةْ وَ يِحَرُّمُوا لِلنَّاسْ أَشْيَاءْ وَاحِدِينْ مِنْ الْأَكِلْ. وَ لَاكِنْ الْأَكِلْ دَا، اللّٰهْ خَلَقَهْ أَشَانْ النَّاسْ الْمُؤمِنِينْ الْيَعَرْفُوا الْحَقّ يَقْبَلَوْه بِشُكُرْ.

لُوقا 1:6

وَ هُمَّنْ صَالِحِينْ قِدَّامْ اللّٰهْ وَ قَاعِدِينْ يِطَبُّقُوا عَدِيلْ كُلَّ وَصِيَّاتَهْ وَ شُرُوطَهْ.

إشَعْيا 56:10

مُرَاقِبِينْ بَنِي إِسْرَائِيلْ، كُلُّهُمْ عَمْيَانِينْ وَ مَا يَعَرْفُوا شَيّءْ. هُمَّنْ مِثِلْ كُلابْ بُكُمْ مَا يَقْدَرَوْا يَنْبَحَوْا. يَحْلَمَوْا رَاقْدِينْ وَ يِحِبُّوا النَّوْم.

لُوقا 2:36

وَ فِي مَرَةْ وَاحِدَةْ وَ هِي نَبِيَّةْ. أُسُمْهَا حَنَّ بِنْت فَنُوِيلْ مِنْ قَبِيلَةْ أَشِيرْ. وَ هِي مَرَةْ كَبِيرَةْ بِلْحَيْن فِي السِّنّ. مِنْ أَخَدَوْهَا، هِي قَعَدَتْ 7 سَنَةْ مَعَ رَاجِلْهَا. وَ بَعَدْ دَا، هُو مَاتْ.

1 تِمُوتَاوُس 3:8

وَ نَفْس الشَّيّءْ لِلْمُعَاوِنِينْ. وَاجِبْ يَبْقَوْا نَاسْ مُحْتَرَمِينْ الْعِنْدُهُمْ كَلَامْ وَاحِدْ وَ مَا إِتْنَيْن وَ مَا سَكَّارَى وَ مَا يِحِبُّوا رِبَا الْحَرَامْ.

1 تِمُوتَاوُس 3:12

وَ خَلِّي أَيِّ مُعَاوِنْ يَبْقَى رَاجِلْ مَرْتَهْ وَاحِدَةْ بَسْ وَ يِرَبِّي عِيَالَهْ عَدِيلْ وَ يِشِيلْ مَسْؤُولِيَّةْ بَيْتَهْ.

1 تِمُوتَاوُس 5:10

وَ كَنْ هِي مَعْرُوفَةْ بِالْعَمَلْ الصَّالِحْ. وَاجِبْ تَبْقَى مَرَةْ الرَّبَّتْ عِيَالْهَا عَدِيلْ وَ كَرِيمَةْ لِلضِّيفَانْ وَ سَلَّمَتْ نَفِسْهَا أَشَانْ تَخْدِمْ لِلنَّاسْ الصَّالِحِينْ وَ سَاعَدَتْ التَّعْبَانِينْ وَ مِثِلْ دَا هِي أَنْكَرَبَتْ فِي كُلَّ عَمَلْ الْخَيْر.

1 تِمُوتَاوُس 5:22

مَا تِسَّعْجَلْ وَكِتْ تِدَوْر تِدَرِّجْ شَيْخ وَ مَا تِشَارِكْ فِي ذُنُوبْ هَنَا نَادُمْ آخَرْ. أَنْقَرِعْ مَا تِتَلِّفْ حَالَكْ الطَّاهِرَةْ.