1 تِمُوتَاوُس 3:13 - الكتاب المقدس بالعربي الدارجي هنا تشاد

¹³ النَّاسْ الْيَبْقَوْا مُعَاوِنِينْ وَ يَخْدُمُوا عَدِيلْ دَوْل، إِيمَانْهُمْ بِالْمَسِيحْ عِيسَى يَبْقَى عَالِي وَ يَبْقَوْا ثَابْتِينْ بِلْحَيْن وَ يَلْقَوْا شَرَفْ.

1 تِمُوتَاوُس 3:13 Referenca të Kryqëzuara

مَتَّى 25:21

وَ سِيدَهْ قَالْ لَيَّهْ: ‹تَمَامْ! خِدِمْتَكْ سَمْحَةْ. إِنْتَ خَدَّامْ عَدِيلْ وَ صَادِقْ. أَوَّلْ أَنْطَيْتَكْ أَمَانَةْ شِيَّةْ وَ إِنْتَ خَدَمْت عَدِيلْ. وَ قَرِيبْ نَنْطِيكْ أَمَانَةْ كَتِيرَةْ. تَعَالْ أَنْدَسَّ وَ أَفْرَحْ مَعَ سِيدَكْ.›

عِبْرَانِيِّين 6:10

أَشَانْ اللّٰهْ مَا ظَالِمْ لِيَنْسَى خِدْمِتْكُو فِي شَانْ أُسْمَهْ وَ الْمَحَبَّةْ الْوَصَّفْتُوهَا لَيَّهْ بِمُسَاعَدَتْكُو لِأَخْوَانْكُو الصَّالِحِينْ. وَ يَا هَسَّعْ إِنْتُو قَاعِدِينْ تِسَاعُدُوهُمْ.

2 تِمُوتَاوُس 2:1

وَ إِنْتَ، يَا وِلَيْدِي، أَبْقَى ثَابِتْ فِي النِّعْمَةْ الْعِنْدِنَا فِي الْمَسِيحْ عِيسَى.

1 تَسَلونِيكِي 2:2

تَعَرْفُوا كَدَرْ جِينَا لَيْكُو مِنْ حِلَّةْ فِلِبِّي التَّعَّبَوْنَا وَ عَيَّرَوْنَا فَوْقهَا بِلْحَيْن. لَاكِنْ اللّٰهْ أَنْطَانَا شَجَاعَةْ وَ قَمَّيْنَا نِبَلُّغُوا لَيْكُو بِشَارَةْ اللّٰهْ، حَتَّى كَانْ النَّاسْ خَالَفَوْنَا بِشِدَّةْ كُلَ.

فِلِبِّي 1:14

وَ فِي السِّجِنْ، أَنَا بِقِيتْ مَثَلْ لِلْأَخْوَانْ الْفِي الْحِلَّةْ دِي. وَ كَتِيرِينْ مِنْهُمْ عَشَمْهُمْ فِي رَبِّنَا بِقِي قَوِي زِيَادَةْ. وَ لِقَوْا شَجَاعَةْ لَحَدِّي قَمَّوْا يِحَجُّوا بِكَلَامْ اللّٰهْ بَلَا خَوْف.

1 كُرُنْتُس 16:15

يَا أَخْوَانِي، تَعَرْفُوا نَاسْ بَيْت إِسْتِفَانْ وَ تَعَرْفُوا كَدَرْ فِي بَلَدْ أَخَايَةْ، هُمَّنْ أَوَّلْ نَاسْ الْآمَنَوْا بِالْمَسِيحْ وَ مُنْكَرِبِينْ فِي الْخِدْمَةْ فِي شَانْ الصَّالِحِينْ. وَ نِوَصِّيكُو

أعمال الرُسُل 21:35

وَ بَكَانْ الْعَسْكَرْ هُو قَصِرْ وَ بَابَهْ قَاعِدْ فَوْق. وَ الْعَسْكَرْ وَدَّوْا بُولُسْ لَحَدِّي الْعَتَبَةْ وَ لَاكِنْ النَّاسْ زَعْلَانِينْ بِلْحَيْن وَ الْعَسْكَرْ مَا قِدْرَوْا يَطْلَعَوْا بَيَّهْ فِي الْقَصِرْ إِلَّا رَفَعَوْه فَوْق مِنْ رُوسَيْ النَّاسْ،

أعمال الرُسُل 6:15

وَ وَكِتْ كُلَّ نَاسْ الْمَجْلَسْ حَمَّرَوْا إِسْتِفَانْ، شَافَوْا وِجْهَهْ يِشَابِهْ وِجِهْ مَلَائِكَةْ.

أعمال الرُسُل 6:8

وَ إِسْتِفَانْ أَنْمَلَى بِرَحْمَةْ وَ قُدْرَةْ مِنْ اللّٰهْ وَ قَاعِدْ يِسَوِّي عَلَامَاتْ وَ عَجَايِبْ كُبَارْ مَرَّةْ وَاحِدْ فِي أُسْط النَّاسْ.

أعمال الرُسُل 6:5

وَ الْكَلَامْ دَا عَجَبَاهُمْ كُلُّهُمْ. وَ عَزَلَوْا إِسْتِفَانْ وَ هُو مُؤمِنْ قَوِي مَلَانْ بِالرُّوحْ الْقُدُّوسْ. وَ عَزَلَوْا فِلِبُّسْ وَ بُرْخُورْ وَ نِكَنُورْ وَ تِيمُونْ وَ بَرْمَانْ وَ نِيقُولَا الْمِنْ حِلَّةْ أَنْطَاكِيَةْ، هُو الْأَوَّلْ دَخَلْ فِي دِينْ الْيَهُودْ.

لُوقا 19:17

وَ الْمَلِكْ قَالْ لَيَّهْ: ‹دَا سَمَحْ. إِنْتَ عَبِدْ عَدِيلْ. أَوَّلْ أَنَا أَنْطَيْتَكْ مَسْؤُولِيَّةْ شِيَّةْ وَ إِنْتَ بِقِيتْ أَمِينْ. وَ أَشَانْ دَا، نَنْطِيكْ مَسْؤُولِيَّةْ فِي 10 حِلَّةْ.›

مَتَّى 20:28

سَوُّوا مِثْلِي أَنَا، إِبْن الْإِنْسَانْ. أَنَا مَا جِيتْ أَشَانْ النَّاسْ يَخْدُمُوا لَيِّ لَاكِنْ أَشَانْ نَخْدِمْ لِلنَّاسْ. وَ جِيتْ أَشَانْ نَفْدَى نَاسْ كَتِيرِينْ بِرُوحِي.»

1 تِمُوتَاوُس 3:14

نِدَوْر نَجِيكْ قَرِيبْ لَاكِنْ كَتَبْت لَيْك الْوَصَايَا دَوْل أَشَانْ