1 تِمُوتَاوُس 3:11 - الكتاب المقدس بالعربي الدارجي هنا تشاد

¹¹ وَ نَفْس الشَّيّءْ لِعَوِينْهُمْ. وَاجِبْ مَرِةْ الْمُعَاوِنْ تَبْقَى مُحْتَرَمَةْ وَ مَا قَوَّالَةْ لَاكِنْ عَاقْلَةْ وَ أَمِينَةْ فِي كُلِّ شَيّءْ.

1 تِمُوتَاوُس 3:11 Referenca të Kryqëzuara

تِيطُس 2:3

وَ وَصِّي الْعَجَايِزْ كُلَ أَشَانْ حَالْهِنْ تَبْقَى تَقِيَّةْ وَ مَا يَبْقَنْ قَوَّالَاتْ وَ لَا سَكَّارِيَّاتْ. خَلِّي يِعَلِّمَنْ أَخْوَاتْهِنْ كِكَّيْف يِسَوَّنْ الْخَيْر.

تِيطُس 3:2

وَ خَلِّي مَا يُقُولُوا كَلَامْ فَسِلْ فِي أَيِّ نَادُمْ وَ لَا يِهَارُجُوا. وَ خَلِّي يِحَجُّوا بِنَفَسْ بَارِدْ وَ بِأَدَبْ مَعَ كُلَّ النَّاسْ.

1 تِمُوتَاوُس 3:2

وَ أَشَانْ دَا، خَلِّي أَيِّ نَادُمْ الْمَسْؤُولْ فِي الْمُؤمِنِينْ يَبْقَى نَادُمْ الْمَا عِنْدَهْ أَيِّ عَيْب. وَاجِبْ يَبْقَى رَاجِلْ مَرْتَهْ وَاحِدَةْ بَسْ وَ عَاقِلْ وَ مُلْتَزِمْ وَ مُكَرَّمْ وَ كَرِيمْ لِلضِّيفَانْ وَ قَادِرْ فِي الْعَلِّمِينْ.

1 بُطْرُس 5:8

خُطُّوا بَالْكُو وَ أَقْعُدُوا وَاعِيِّينْ أَشَانْ عَدُوكُو إِبْلِيسْ قَاعِدْ يِحَوِّقْ فَوْقكُو مِثِلْ دُودْ الْقَاعِدْ يِكِرّ وَ يِفَتِّشْ نَادُمْ لِيَاكُلَهْ.

2 تِمُوتَاوُس 3:3

وَ مَا عِنْدُهُمْ مَحَنَّةْ وَ يَابَوْا مَا يِسَامُحُوا. وَ يَبْقَوْا قَطَّاعِينْ وَ مَا قَادْرِينْ يِثَبُّتُوا نُفُوسْهُمْ وَ يَبْقَوْا كَشْرَانِينْ وَ يَكْرَهَوْا الْخَيْر.

أمْثال 10:18

الْيِلَبِّدْ كَرَاهِيّتَهْ كَدَّابْ وَ الْيَقْطَعْ النَّاسْ مَطْمُوسْ.

2 تِمُوتَاوُس 4:5

لَاكِنْ إِنْتَ، أَقْعُدْ دَايْماً ثَابِتْ وَ أَحْمَلْ التَّعَبْ وَ بَشِّرْ النَّاسْ بِالْبِشَارَةْ وَ أَخْدِمْ عَدِيلْ الْخِدْمَةْ الْاللّٰهْ أَنْطَاهَا لَيْك.

1 تِمُوتَاوُس 6:2

خَلِّي الْعَبِيدْ السِّيَادْهُمْ مُؤمِنِينْ مَا يُقُولُوا: «هُمَّنْ أَخْوَانَّا. مَا وَاجِبْ نِطِيعُوهُمْ مِثِلْ أَوَّلْ.» أَخَيْر يَخْدُمُوا لَيْهُمْ بِزِيَادَةْ أَشَانْ النَّاسْ الْيَلْقَوْا فَايْدَةْ مِنْ خِدْمِتْهُمْ السَّمْحَةْ دِي، هُمَّنْ مُؤمِنِينْ وَ مَحْبُوبِينْ. عَلِّمْ الْأَخْوَانْ الْوَصَايَا دَوْل وَ شَجِّعْهُمْ أَشَانْ يِتَابُعُوهُمْ.

1 تِمُوتَاوُس 1:12

وَ أَنَا نَشْكُرْ كَتِيرْ رَبِّنَا عِيسَى الْمَسِيحْ الْأَنْطَانِي الْقُدْرَةْ الْبَيْهَا نِسَوِّي الْخِدْمَةْ دِي. نَشْكُرَهْ أَشَانْ هُو جَعَلَانِي نَادُمْ أَمِينْ وَ عَزَلَانِي أَشَانْ نَخْدِمْ لَيَّهْ.

يُوحَنَّا 6:70

وَ عِيسَى قَالْ: «يَا الْأَتْنَا عَشَرْ. أَنَا ذَاتِي مَا عَزَلْتُكُو وَلَّا؟ لَاكِنْ وَاحِدْ مِنْكُو شَيْطَانْ!»

مَتَّى 4:1

وَ الرُّوحْ الْقُدُّوسْ وَدَّى عِيسَى فِي الْخَلَاءْ أَشَانْ إِبْلِيسْ يِجَرِّبَهْ.

حِزْقِيال 44:22

وَ مَا يَاخُدُوا مَرَةْ أَرْمَلَةْ وَ لَا مُطَلَّقَةْ. يَاخُدُوا إِلَّا بَنَاتْ عُدْرِيَّاتْ مِنْ قَبِيلَةْ بَنِي إِسْرَائِيلْ أَوْ مَرَةْ أَرْمَلَةْ الرَّاجِلْهَا رَاجِلْ دِينْ.

إرْمِيا 9:4

وَ أَيِّ نَادُمْ خَلِّي يَحْفَضْ نَفْسَهْ مِنْ رَفِيقَهْ وَ أَيِّ نَادُمْ مَا يِنْتَكِلْ لِأَخُوهْ. أَشَانْ أَيِّ أَخُو غَشَّاشْ خَايِنْ وَ أَيِّ رَفِيقْ كَدَّابْ نَقَّالْ كَلَامْ.

أمْثال 25:13

الْمُرْسَالْ الْعِنْدَهْ أَمَانْ لِلْيِرَسُّلُوهْ هُو مِثِلْ الْبُرُودَةْ فِي وَكْت الْقَطِعْ. هُو يِبَرِّدْ جِسِمْ سِيَادَهْ.

زَبُور 101:5

الْيِعَيِّرْ جَارَهْ بِعَشِيرْ، أَنَا نِسَكِّتَهْ. وَ الْيِشِيفْ بِحُقْرَةْ وَ قَلْبَهْ مُتَكَبِّرْ، أَنَا مَا نَحْمَلَهْ.

زَبُور 50:20

إِنْتَ تَقْعُدْ وَ تِحَجِّي ضِدّ أَخُوكْ وَ تِعَيِّبْ وَلْد أَمَّكْ.

زَبُور 15:3

هُو مَا يِعَيِّرْ النَّاسْ وَ لَا يَخْطَا فِي جِيرَانَهْ وَ لَا يِعَيِّبْ أَهَلَهْ.

لاوِيِّين 21:7

وَ مَا يَاخُدُوا مَرَةْ شَرْمُوطَةْ أَوْ عَايْبَةْ أَوْ مُطَلَّقَةْ أَشَانْ رَاجِلْ الدِّينْ هُو خَاصّ لِإِلٰـهَهْ.

رَوْمَا 1:29

وَ قُلُوبْهُمْ أَنْمَلَوْا بِكُلَّ الذُّنُوبْ وَ الْفَسَالَةْ وَ الطَّمَعْ وَ النِّيَّةْ الْفَاسْدَةْ. هُمَّنْ مَلَانِينْ بِالْحُسُدْ وَ الْكَتِلْ وَ الْمُخَاصَمَةْ وَ الْغَشّ وَ الشَّرّ. هُمَّنْ قَوَّالِينْ