1 تِمُوتَاوُس 3:10 - الكتاب المقدس بالعربي الدارجي هنا تشاد

¹⁰ وَ قُبَّالْ كُلَّ شَيّءْ، وَاجِبْ يِجَرُّبُوهُمْ. وَ بَعَدَيْن كَنْ مَا عِنْدُهُمْ عَيْب، خَلِّي يَبْقَوْا مُعَاوِنِينْ وَ يَخْدُمُوا لِجَمَاعَةْ الْمُؤمِنِينْ.

1 تِمُوتَاوُس 3:10 Referenca të Kryqëzuara

1 تِمُوتَاوُس 5:22

مَا تِسَّعْجَلْ وَكِتْ تِدَوْر تِدَرِّجْ شَيْخ وَ مَا تِشَارِكْ فِي ذُنُوبْ هَنَا نَادُمْ آخَرْ. أَنْقَرِعْ مَا تِتَلِّفْ حَالَكْ الطَّاهِرَةْ.

1 تِمُوتَاوُس 3:13

النَّاسْ الْيَبْقَوْا مُعَاوِنِينْ وَ يَخْدُمُوا عَدِيلْ دَوْل، إِيمَانْهُمْ بِالْمَسِيحْ عِيسَى يَبْقَى عَالِي وَ يَبْقَوْا ثَابْتِينْ بِلْحَيْن وَ يَلْقَوْا شَرَفْ.

1 يُوحَنَّا 4:1

يَا الْمَحْبُوبِينْ، مَا تِصَدُّقُوا بِكُلَّ النَّاسْ الْيُقُولُوا هُمَّنْ يِحَجُّوا بِقُدْرَةْ الرُّوحْ. جَرُّبُوهُمْ أَشَانْ تِأَكُّدُوا كَنْ كَلَامْهُمْ مِنْ اللّٰهْ. نَاسْ كَتِيرِينْ سَوَّوْا نُفُوسْهُمْ أَنْبِيَاء وَ قَمَّوْا يُرُوغُوا فِي الدُّنْيَا.

1 تِمُوتَاوُس 3:6

وَ خَلِّي نَادُمْ مَا يَبْقَى مَسْؤُولْ كَنْ دَهَابَهْ آمَنْ بِالْمَسِيحْ. النَّادُمْ الْمِثِلْ دَا أَكُونْ يِسْتَكْبَرْ وَ اللّٰهْ يِعَاقِبَهْ مِثِلْ عَاقَبْ إِبْلِيسْ.

1 تِمُوتَاوُس 3:2

وَ أَشَانْ دَا، خَلِّي أَيِّ نَادُمْ الْمَسْؤُولْ فِي الْمُؤمِنِينْ يَبْقَى نَادُمْ الْمَا عِنْدَهْ أَيِّ عَيْب. وَاجِبْ يَبْقَى رَاجِلْ مَرْتَهْ وَاحِدَةْ بَسْ وَ عَاقِلْ وَ مُلْتَزِمْ وَ مُكَرَّمْ وَ كَرِيمْ لِلضِّيفَانْ وَ قَادِرْ فِي الْعَلِّمِينْ.

1 كُرُنْتُس 1:8

الْمَسِيحْ يَحْفَضْكُو لَحَدِّي فِي الْآخِرَةْ. أَشَانْ دَا، فِي يَوْم جَيَّةْ رَبِّنَا عِيسَى الْمَسِيحْ، تُكُونُوا بَلَا عَيْب.

كُلُوسِي 1:22

وَ لَاكِنْ هَسَّعْ، اللّٰهْ سَوَّى صُلُحْ مَعَاكُو بِوَاسِطَةْ إِبْنَهْ الْجَاءْ بِجِسِمْ إِنْسَانِي. وَ إِبْنَهْ مَاتْ لِيِسَوِّيكُو نَاسْ خَاصِّينْ وَ يِقَدِّمْكُو لِلّٰهْ بَلَا خَطَا وَ بَلَا عَيْب.