1 تِمُوتَاوُس 2:9 - الكتاب المقدس بالعربي الدارجي هنا تشاد

⁹ وَ نِدَوْر كَدَرْ كُلِّ مَرَةْ تَلْبَسْ لُبَاسْ عَادِي الْيِغَطِّي جِسِمْهَا مِثِلْ الْوَاجِبْ. خَلِّي الْمَرَةْ مَا تِلْجَمَّلْ بِالْمُشَاطْ الْمَا بِشَابِهْ وَ لَا بِدَهَبْ وَ لَا مَرَجَانْ وَ لَا لُبَاسْ هَنَا فَشَارْ،

1 تِمُوتَاوُس 2:9 Referenca të Kryqëzuara

إرْمِيا 4:30

وَ لَاكِنْ إِنْتِ، يَا مَدِينَةْ الْقُدُسْ، بَعَدْ تَخْرَبَيْ، تِسَوِّي شُنُو؟ مَالَا تَلْبَسَيْ لُبَاسْ جَمِيلْ أَحْمَرْ تُشْو وَ تِدِسِّي زِينِتْكِ هِنْت الدَّهَبْ وَ تِكَحِّلِي عُيُونْكِ؟ إِنْتِ تِجَمِّلِي نَفِسْكِ سَاكِتْ بَسْ! أَشَانْ صُدْقَانْكِ الْجَرَوْا وَرَاكِ كُلَ، يَكْرَهَوْكِ وَ يِدَوْرُوا مَوْتكِ.

زَبُور 149:4

أَشَانْ اللّٰهْ يَرْضَى بِشَعَبَهْ وَ يِجَمِّلْ الْمَسَاكِينْ بِالنَّجَاةْ.

إشَعْيا 3:16

وَ اللّٰهْ قَالْ: «بَنَاتْ صَهْيُون مُسْتَكْبِرَاتْ، يَرْفَعَنْ رُوسَيْهِنْ وَ يَكْتُلَنْ عُيُونْهِنْ. وَ يِكَوْلِفَنْ فِي مَشِيهِنْ وَ يِحَرِّكَنْ حُجُولْهِنْ.»

إرْمِيا 2:32

هَلْ الْبِنْت تَنْسَى زِينِتْهَا وَلَّا؟ وَلَّا الْعَرُوسْ تَنْسَى خَلَقْهَا؟ وَ لَاكِنْ نَاسْ شَعَبِي نِسَوْنِي لِمُدَّةْ أَيَّامْ.

2 مُلوك 9:30

وَ وَكِتْ يَاهُو جَايِ دَاخِلْ فِي حِلَّةْ يَزْرَعِيلْ، إِزَبِيلْ سِمْعَتْ بَيَّهْ. وَ هِي كَحَّلَتْ عُيُونْهَا وَ جَمَّلَتْ رَاسْهَا وَ قَاعِدَةْ تِشِيفْ مِنْ شُبَّاكْ الْقَصِرْ.

أمْثال 7:10

خَلَاصْ، الْمَرَةْ مَرَقَتْ لَاقَتَهْ وَ لَابْسَةْ لُبَاسْ هَنَا الشَّرَامِيطْ وَ قَلِبْهَا مَلَانْ بِالْغَشّ.

تكوين 24:53

وَ قَمَّ مَرَقْ مِنْ خُمَامَهْ خُلْقَانْ وَ أَشْيَاءْ هَنَا دَهَبْ وَ فُضَّةْ. وَ أَنْطَاهُمْ لِرِفْقَةْ. وَ أَنْطَى لِأَخُوهَا وَ أَمَّهَا هَدِيَّةْ غَالِيَةْ.

إشَعْيا 61:4

هُمَّنْ يَبْنُوا الْمُهَدَّمْ مِنْ زَمَانْ وَ يِقَوُّمُوا الْخِرِبْ مِنْ أَوَّلْ وَ يِجَدُّدُوا بُنَى الْمُدُنْ الْمُهَدَّمِينْ وَ خَرْبَانِينْ مِنْ ذُرِّيَّةْ لِذُرِّيَّةْ.

أسْتِير 5:1

وَ وَكِتْ التَّلَاتَةْ يَوْم كَمَّلَوْا خَلَاصْ، أَسْتِيرْ لِبْسَتْ خُلْقَانْهَا هَنَا الْمَمْلَكَةْ وَ مَشَتْ وَقَفَتْ فِي الْفَضَايْ الدَّخْلَانِيَّةْ هَنَا قَصِرْ الْمَلِكْ الْمُقَابِلْ الْبَيْت. وَ الْمَلِكْ قَاعِدْ فِي كُرْسِيهْ هَنَا الْمُلُكْ فِي الْقَصِرْ مُقَابِلْ مَدَخَلْ الْبَيْت.

أمْثال 31:22

هِي تِسَوِّي لِنَفِسْهَا غَطَّايَاتْ سَمْحِينْ وَ تَلْبَسْ خُلْقَانْ هَنَا قُطُنْ غَالِيِّينْ.

مَتَّى 11:8

وَ كَنْ مَا كَيْ، دَوَّرْتُوا تِشِيفُوا شُنُو؟ نَادُمْ لَابِسْ خَلَقْ سَمَحْ؟ لَا! أَشَانْ النَّاسْ اللَّابْسِينْ خُلْقَانْ سَمْحِينْ قَاعِدِينْ فِي بُيُوتْ الْمُلُوكْ.

أمْثال 31:25

هِي مَعْرُوفَةْ بِالْعِزّ وَ الشَّرَفْ وَ فَرْحَانَةْ أَشَانْ عِنْدَهَا عَشَمْ فِي الْمُسْتَقْبَلْ.

1 تِمُوتَاوُس 2:10

لَاكِنْ خَلِّي تِلْجَمَّلْ بِعَمَلْ الْخَيْر مِثِلْ مُوَافِقْ لِلْمَرَةْ التِّتَابِعْ دَرِبْ اللّٰهْ.