1 تِمُوتَاوُس 2:8 - الكتاب المقدس بالعربي الدارجي هنا تشاد

⁸ وَ فِي كُلِّ بَكَانْ نِدَوْر كَدَرْ الرُّجَالْ الْيَعَبُدُوا اللّٰهْ يَبْقَوْا صَالِحِينْ وَ يَرْفَعَوْا إِيدَيْهُمْ قِدَّامْ اللّٰهْ بَلَا زَعَلْ وَ لَا هُرَاجْ.

1 تِمُوتَاوُس 2:8 Referenca të Kryqëzuara

زَبُور 134:2

أَرْفَعَوْا إِيدَيْكُو فِي بَيْت اللّٰهْ وَ أَحْمُدُوا اللّٰهْ!

زَبُور 63:4

بَيْدَا، أَنَا نَشْكُرَكْ طُولْ حَيَاتِي وَ نَرْفَعْ إِيدَيْنِي وَ نِنَادِي أُسْمَكْ.

عِبْرَانِيِّين 10:22

أَشَانْ دَا، خَلِّي نِقَرُّبُوا لِلّٰهْ بِقَلِبْ مُخْلِصْ وَ بِإِيمَانْ كَامِلْ، بِقُلُوبْنَا الْمُطَهَّرِينْ بِدَمَّهْ وَ أَجْسَامْنَا كَمَانْ مِثِلْ نَضَّفْنَاهُمْ بِالْأَلْمِي الصَّافِي.

تِيطُس 3:8

وَ الْكَلَامْ دَا حَقّ. وَ نِدَوْر كَدَرْ إِنْتَ تِفَسِّرْ لَيْهُمْ كُلَّ الْكَلَامْ دَا أَشَانْ النَّاسْ الْآمَنَوْا بِاللّٰهْ يِنْكَرْبُوا بِنِيَّةْ وَاحِدَةْ فِي عَمَلْ الْخَيْر. كُلَّ الْكَلَامْ دَا سَمَحْ بِلْحَيْن وَ عِنْدَهْ فَايْدَةْ لِكُلَّ النَّاسْ.

يَعْقُوب 4:8

تَعَالُوا قَرُّبُوا لِلّٰهْ وَ اللّٰهْ يِقَرِّبْ لَيْكُو. إِنْتُو الْمُذْنِبِينْ، نَضُّفُوا إِيدَيْكُو مِنْ الذَّنِبْ. إِنْتُو الْقَلِبْكُو إِتْنَيْن، طَهُّرُوا نُفُوسْكُو.

لُوقا 24:50

وَ عِيسَى وَدَّاهُمْ مِنْ الْمَدِينَةْ لَحَدِّي حِلَّةْ بَيْت عَنْيَا. وَ رَفَعْ إِيدَيْنَهْ فَوْق وَ بَارَكَاهُمْ.

إشَعْيا 1:15

وَكِتْ تِمِدُّوا إِيدَيْكُو لَيِّ بِدُعَاكُو، أَنَا مَا نِوَجِّهْ عَلَيْكُو. وَ وَكِتْ تِكَتُّرُوا صَلَاوَاتْكُو كُلَ، مَا نَسْمَعْكُو أَشَانْ إِيدَيْكُو مَلَانِينْ بِدَمّ.

1 بُطْرُس 3:7

وَ لَيْكُو إِنْتُو الرُّجَالْ كُلَ، خَلِّي أَيِّ رَاجِلْ يَقْعُدْ مَعَ مَرْتَهْ بِمُفَاهَمَةْ وَ يَعَرِفْ تَمَامْ كَدَرْ هِي مَا قَوِيَّةْ مِثْلَهْ. كَرُّمُوا عَوِينْكُو أَشَانْ هِنَّ كُلَ يَوْرِثَنْ مَعَاكُو نِعْمَةْ الْحَيَاةْ الْاللّٰهْ يَنْطِيهَا لَيْكُو. وَ تَابُعُوا كَلَامِي دَا أَشَانْ شَيّءْ مَا يِبَرْجِلْ صَلَاوَاتْكُو.

1 تِمُوتَاوُس 5:14

أَشَانْ دَا، نِدَوْر أَيِّ مَرَةْ صَبِيَّةْ الرَّاجِلْهَا مَاتْ تَاخُدْ وَ تَلْدَ عِيَالْ وَ تِرَيِّسْ نَاسْ بَيْتهَا وَ خَلَاصْ مَا تَنْطِي فُرْصَةْ لِنَاسْ هَنَا إِبْلِيسْ أَشَانْ يُقُولُوا فَوْقنَا كَلَامْ شَيْن.

أعمال الرُسُل 21:5

وَ لَاكِنْ، الْوَكِتْ الْوَاجِبْ نَقْعُدُوا فِي الْبَكَانْ دَا كَمَّلْ. وَ مَرَقْنَا أَشَانْ نِقَبُّلُوا فِي السَّفِينَةْ وَ نِكَمُّلُوا سَفَرْنَا. وَ كُلَّ الْمُؤمِنِينْ مَعَ عَوِينْهُمْ وَ عِيَالْهُمْ عَدَّوْنَا بَرَّا مِنْ الْحِلَّةْ. وَ كُلِّنَا بَرَكْنَا فِي رَمْلَةْ هَنَا خَشُمْ الْبَحَرْ وَ صَلَّيْنَا.

أعمال الرُسُل 10:4

وَ وَكِتْ شَافْ الْمَلَكْ، هُو خَافْ بِلْحَيْن وَ سَأَلَهْ وَ قَالْ: «شُنُو، يَا سَيِّدْنَا؟» وَ الْمَلَكْ رَدَّ لَيَّهْ وَ قَالْ: «اللّٰهْ قِبِلْ صَلَاوَاتَكْ وَ الصَّدَقَةْ الْأَنْطَيْتهَا. وَ هُو جَاهِزْ لِيُرُدّ لَيْك.

أعمال الرُسُل 10:2

هُو نَادُمْ تَقِي وَ هُو وَ كُلَّ نَاسْ بَيْتَهْ خَايْفِينْ مِنْ اللّٰهْ. هُو يَنْطِي صَدَقَةْ كَتِيرْ لِلْمَسَاكِينْ وَ دَايْماً قَاعِدْ يَسْأَلْ اللّٰهْ.

أعمال الرُسُل 7:60

وَ بَرَكْ وَ صَرَخْ بِحِسّ شَدِيدْ وَ قَالْ: «يَا رَبّ، مَا تَحْسِبْ خَطَاهُمْ دَا فَوْقهُمْ.» وَ وَكِتْ قَالْ الْكَلَامْ دَا، خَلَاصْ هُو مَاتْ.

1 كُرُنْتُس 7:7

صَحِيحْ، فِي فِكْرِي أَخَيْر كَنْ كُلِّ نَادُمْ يُكُونْ مِثْلِي أَنَا الْمَا مَاخِدْ. لَاكِنْ أَيِّ نَادُمْ عِنْدَهْ الْعَطِيَّةْ الْاللّٰهْ أَنْطَاهَا لَيَّهْ. وَ لِلْوَاحِدْ، عَطِيَّةْ وَاحِدَةْ وَ لِلْآخَرْ، عَطِيَّةْ شِقْ.

أعمال الرُسُل 10:31

وَ قَالْ لَيِّ: ‹يَا كَرْنِيلِي، اللّٰهْ سِمِعْ صَلَاوَاتَكْ وَ فَكَّرْ فِي الصَّدَقَةْ الْإِنْتَ أَنْطَيْتهَا.

يُوحَنَّا 4:21

وَ عِيسَى قَالْ لَيْهَا: «مَرَةْ زَيْنَةْ، صَدِّقِي كَلَامِي. فِي الْوَكِتْ الْيَجِي قَرِيبْ، إِنْتُو تَعَبُدُوا اللّٰهْ مَا فِي الْحَجَرْ دَا وَ لَا فِي مَدِينَةْ الْقُدُسْ.

لُوقا 23:34

وَ عِيسَى قَالْ: «يَا أَبُويِ، سَامِحْهُمْ أَشَانْ مَا فِهْمَوْا الشَّيّءْ الْهُمَّنْ قَاعِدِينْ يِسَوُّوهْ.» وَ الْعَسْكَرْ سَوَّوْا أَمْ عِيَيْدَاتْ أَشَانْ يِقَسُّمُوا أَمْبَيْنَاتْهُمْ خُلْقَانَهْ.

مَتَّى 21:21

وَ عِيسَى رَدَّ لَيْهُمْ وَ قَالْ: «نُقُولْ لَيْكُو الْحَقّ، كَنْ آمَنْتُوا وَ مَا تِشَكُّكُوا، إِنْتُو مَا تِسَوُّوا بَسْ مِثِلْ أَنَا سَوَّيْت لِلشَّدَرَةْ دِي. كَنْ قُلْتُوا لِلْجَبَلْ دَا: ‹أَمْرُقْ مِنْ هِنِي وَ أَقَعْ فِي الْبَحَرْ›، خَلَاصْ يَبْقَى مِثِلْ كَلَامْكُو.

مَتَّى 5:44

وَ لَاكِنْ أَنَا نُقُولْ لَيْكُو حِبُّوا عَدُوكُو وَ أَسْأَلَوْا اللّٰهْ بِالْخَيْر لِلنَّاسْ الْيِتَعُّبُوكُو وَ يَطُرْدُوكُو.

زَبُور 66:18

وَ كَنْ أَنَا نَوَيْت الشَّرّ فِي قَلْبِي، الرَّبّ مَا يَسْمَعْنِي.

زَبُور 26:6

أَنَا أَلْوَضَّيْت. أَنَا بَرِي! وَ حَوَّقْت مَدْبَحَكْ، يَا اللّٰهْ،

زَبُور 24:4

إِلَّا نَادُمْ الْإِيدَيْنَهْ بَرِيِّينْ وَ قَلْبَهْ نَضِيفْ. إِلَّا هُو الْمَا يِوَدِّي نَفْسَهْ فِي الْكِدِبْ وَ مَا يَحْلِفْ لِيُغُشّ.

أيُّوب 16:17

لَاكِنْ إِيدَيْنِي مَا سَوَّوْا أَيِّ عُنُفْ! وَ صَلَاتِي دَايْماً صَافِيَةْ!

مَتَّى 6:12

سَامِحْ لَيْنَا خَطَانَا مِثِلْ أَنِحْنَ قَاعِدِينْ نِسَامُحُوا النَّاسْ الْخِطَوْا فَوْقنَا.

أمْثال 21:27

ضَحِيَّةْ الْعَاصِي اللّٰهْ حَرَّمْهَا. وَ كَنْ يِقَدِّمْهَا بِنِيَّةْ فَسْلَةْ، مَا تَبْقَى حَرَامَةْ زِيَادَةْ وَلَّا؟

أمْثال 15:8

ضَحِيَّةْ الْعَاصِيِينْ، اللّٰهْ يِحَرِّمْهَا وَ صَلَاةْ الْعَدِيلِينْ، اللّٰهْ يَقْبَلْهَا.

زَبُور 35:13

وَ فِي وَكِتْ مَرَضْهُمْ، أَنَا لِبِسْت خُلْقَانْ الْحِزِنْ وَ مَسْكَنْت نَفْسِي بِصِيَامْ وَ قَاعِدْ نِصَلِّي دَايْماً لَيْهُمْ.

1 مُلوك 3:11

وَ الرَّبّ رَدَّ لَيَّهْ وَ قَالْ: «إِنْتَ طَلَبْت الْحِكْمَةْ بَسْ وَ لَا طَلَبْت عُمُرْ طَوِيلْ وَ لَا طَلَبْت مَالْ وَ لَا طَلَبْت مَوْت عُدْوَانَكْ لَاكِنْ إِنْتَ طَلَبْت الْفِهِمْ لِتَحْكِمْ بِالْعَدَالَةْ.

زَبُور 28:2

أَسْمَعْ شِحِدْتِي وَ كُرَوْرَاكِي وَكِتْ نَرْفَعْ إِيدَيْنِي عَلَيْ بَيْتَكْ الْمُقَدَّسْ.

زَبُور 141:2

خَلِّي صَلَاتِي تَبْقَى مِثِلْ بَخُورْ الْيِقَدُّمُوهْ لَيْك وَ إِيدَيْنِي الْمَرْفُوعِينْ لَيْك يَبْقَوْا مِثِلْ هَدِيَّةْ الْعَشِيَّةْ.

1 كُرُنْتُس 1:2

وَ نِسَلُّمُوكُو إِنْتُو جَمَاعَةْ الْمُؤمِنِينْ هَنَا اللّٰهْ الْقَاعِدِينْ فِي حِلَّةْ كُرُنْتُسْ، إِنْتُو الْاللّٰهْ خَصَّصَاكُو بِعَلَاقِتْكُو مَعَ الْمَسِيحْ عِيسَى. اللّٰهْ نَادَاكُو فِي دَرْبَهْ أَشَانْ تَبْقَوْا خَاصِّينْ سَوَا مَعَ كُلَّ النَّاسْ الْيَدْعُوا فِي أَيِّ بَكَانْ بِأُسُمْ رَبِّنَا عِيسَى الْمَسِيحْ وَ هُو رَبُّهُمْ وَ رَبِّنَا.

2 كُرُنْتُس 2:14

وَ الْحَمْدُ للّٰهْ! اللّٰهْ قَاعِدْ دَايْماً يُقُودْنَا فِي مَجْمُوعَةْ التَّفْرَحْ بِالنَّصُرْ هَنَا الْمَسِيحْ. وَ فِي أَيِّ بَكَانْ، هُو يِوَزِّعْ بَيْنَا عِرْفَةْ اللّٰهْ الْمِثِلْ رِيحَةْ حَلُوَّةْ.

فِلِبِّي 1:12

يَا أَخْوَانِي، نِدَوْر إِنْتُو تَعَرْفُوا كَدَرْ التَّعَبْ اللِّحِقَانِي هِنِي سَاعَدْ بِشَارَةْ الْمَسِيحْ وَ هِي أَلْوَسَّعَتْ زِيَادَةْ.

1 تَسَلونِيكِي 1:8

مِنْكُو إِنْتُو، بِشَارَةْ الرَّبّ شَتَّتْ وَ مَشَتْ بَعِيدْ. مَا مَشَتْ فِي مَقِدُونِيَةْ وَ أَخَايَةْ بَسْ وَ لَاكِنْ لِحْقَتْ أَيِّ بَكَانْ، لَحَدِّي مَا نَقْدَرَوْا نُقُولُوا شَيّءْ فِيكُو كُلَ أَشَانْ إِيمَانْكُو بِاللّٰهْ مَعْرُوفْ.