1 تِمُوتَاوُس 2:6 - الكتاب المقدس بالعربي الدارجي هنا تشاد

⁶ الْأَنْطَى نَفْسَهْ ضَحِيَّةْ أَشَانْ يَفْدَى كُلَّ النَّاسْ. وَ دِي بَسْ شَهَادَةْ اللّٰهْ الْقَدَّمَاهَا فِي الْوَكِتْ الْمُوَافِقْ.

1 تِمُوتَاوُس 2:6 Referenca të Kryqëzuara

مَتَّى 20:28

سَوُّوا مِثْلِي أَنَا، إِبْن الْإِنْسَانْ. أَنَا مَا جِيتْ أَشَانْ النَّاسْ يَخْدُمُوا لَيِّ لَاكِنْ أَشَانْ نَخْدِمْ لِلنَّاسْ. وَ جِيتْ أَشَانْ نَفْدَى نَاسْ كَتِيرِينْ بِرُوحِي.»

1 بُطْرُس 3:18

وَ الْمَسِيحْ كُلَ تِعِبْ تَعَبْ وَاحِدْ وَ نِهَائِي فِي شَانْ ذُنُوبْ النَّاسْ. الصَّالِحْ مَاتْ فِي شَانْ الْمُذْنِبِينْ وَ بَيْدَا، يِوَدِّيكُو كُلُّكُو فِي حَضَرَةْ اللّٰهْ. هُو كَتَلَوْه وَ مَاتْ مِثِلْ مَوْت النَّاسْ وَ اللّٰهْ حَيَّاهْ بِالرُّوحْ الْقُدُّوسْ.

غَلاطِية 4:4

لَاكِنْ الْوَكِتْ تَمَّ خَلَاصْ وَ اللّٰهْ رَسَّلْ إِبْنَهْ فِي الدُّنْيَا. هُو مَوْلُودْ مِنْ مَرَةْ وَ رَبَّوْه تِحِتْ شُرُوطْ التَّوْرَاةْ

رُؤية 1:5

وَ مِنْ عِيسَى الْمَسِيحْ الشَّاهِدْ الصَّادِقْ وَ هُو أَوَّلْ نَادُمْ الْبَعَثْ مِنْ أُسْط الْمَيْتِينْ وَ هُو مَلِكْ فِي كُلَّ مُلُوكْ الْأَرْض. وَ دَاهُو الْقَاعِدْ يِحِبِّنَا وَ فَدَانَا مِنْ ذُنُوبْنَا بِدَمَّهْ الدَّفَّقْ فِي شَانَّا.

1 يُوحَنَّا 4:10

وَ دِي هِي الْمَحَبَّةْ الصَّحِيحَةْ، هِي مَا الْمَحَبَّةْ الْأَنِحْنَ نِحِبُّوا بَيْهَا اللّٰهْ. لَا. هِي الْمَحَبَّةْ الْاللّٰهْ حَبَّانَا بَيْهَا لَحَدِّي رَسَّلْ إِبْنَهْ لِيَمْحَا ذُنُوبْنَا.

تِيطُس 2:14

هُو أَنْطَى نَفْسَهْ ضَحِيَّةْ لِيَفْدَانَا مِنْ كُلَّ الْفَسَالَةْ وَ يِطَهِّرْ قُلُوبْنَا أَشَانْ نَبْقَوْا لَيَّهْ شَعَبَهْ حَلَالَهْ مُنْكَرِبِينْ فِي عَمَلْ الْخَيْر.

1 كُرُنْتُس 1:6

وَ مِثِلْ دَا، اللّٰهْ ثَبَّتْ أَمْبَيْنَاتْكُو شَهَادِتْنَا الشَّهَدْنَا بَيْهَا لِلْمَسِيحْ.

1 تِمُوتَاوُس 6:15

وَ دَا يَبْقَى فِي الْوَكِتْ الْاللّٰهْ حَدَّدَهْ وَ وَاجِبْ لِلّٰهْ الشُّكُرْ. هُو السُّلْطَانْ الْوَاحِدْ وَ مَلِكْ الْمُلُوكْ وَ رَبّ الْأَرْبَابْ.

أفَسُس 5:2

عِيشُوا بِمَحَبَّةْ مِثِلْ مَحَبَّةْ الْمَسِيحْ الْيِحِبِّنَا بَيْهَا لَحَدِّي فَدَانَا بِرُوحَهْ. وَ قَدَّمْ نَفْسَهْ هَدِيَّةْ مِثِلْ ضَحِيَّةْ الْاللّٰهْ يَرْضَى بِرِيحِتْهَا.

أيُّوب 33:24

خَلَاصْ، الرَّبّ يِحِنّ فَوْقَهْ وَ يُقُولْ: «نَجِّيهْ! أَشَانْ مَا يَنْزِلْ فِي الْقَبُرْ، أَنَا لِقِيتْ الْفِدْيَةْ النِّنَجِّيهْ بَيْهَا.»

1 بُطْرُس 2:24

وَ فِي الصَّلِيبْ، هُو بِنَفْسَهْ حَمَلْ ذُنُوبْنَا فِي جِسْمَهْ أَشَانْ نِخَلُّوا الذُّنُوبْ مَرَّةْ وَاحِدْ وَ نِعِيشُوا بِحَالْ صَالْحَةْ. وَ بِوَاسِطَةْ جِرَاحَهْ، إِنْتُو لِقِيتُوا الشِّفَاءْ.

تِيطُس 1:3

وَ فِي الْوَكِتْ الْاللّٰهْ حَدَّدَهْ، هُو نَزَّلْ كَلَامَهْ فِي الْمَسِيحْ. وَ اللّٰهْ مُنَجِّينَا كَلَّفَانِي بِالْكَلَامْ دَا وَ أَمَرَانِي أَشَانْ نِبَلِّغَهْ.

2 كُرُنْتُس 5:21

وَ الْمَسِيحْ الْأَبَداً مَا أَذْنَبْ، اللّٰهْ جَعَلَهْ ضَحِيَّةْ فِي شَانْ ذُنُوبْنَا أَشَانْ أَنِحْنَ نَبْقَوْا بَيَّهْ شَعَبْ اللّٰهْ الصَّالِحِينْ.

رَوْمَا 5:6

أَيْوَى، أَشَانْ فِي الْيَوْم الْاللّٰهْ قَطَعَهْ وَكِتْ أَنِحْنَ مَا عِنْدِنَا قُدْرَةْ نِنَجُّوا نُفُوسْنَا، الْمَسِيحْ مَاتْ فِي شَانْ الْخَاطِيِّينْ.

يُوحَنَّا 10:15

مِثِلْ أَبُويِ يَعَرِفْنِي وَ أَنَا نَعَرِفْ أَبُويِ. وَ أَنَا نَفْدَى الْغَنَمْ بِحَيَاتِي.

يُوحَنَّا 6:51

أَنَا خُبْز الْحَيَاةْ النَّزَلْ مِنْ السَّمَاءْ. وَ أَيِّ نَادُمْ الْيَاكُلْ مِنْ الْأَكِلْ دَا، يِعِيشْ دَايْماً. وَ الْأَكِلْ الْأَنَا نَنْطِيهْ لِنَاسْ الدُّنْيَا أَشَانْ يِعِيشُوا، هُو لَحَمْ جِسْمِي.»

مَرْخُوس 10:45

أَشَانْ أَنَا إِبْن الْإِنْسَانْ، أَنَا ذَاتِي مَا جِيتْ أَشَانْ النَّاسْ يَخْدُمُوا لَيِّ لَاكِنْ أَشَانْ أَنَا نَخْدِمْ لِلنَّاسْ. وَ جِيتْ أَشَانْ نَفْدَى نَاسْ كَتِيرِينْ بِرُوحِي.»

إشَعْيا 53:6

أَنِحْنَ كُلِّنَا مِثِلْ غَنَمْ الْمُوَدِّرِينْ، أَيِّ وَاحِدْ شَايِلْ لَيَّهْ دَرِبْ. وَ اللّٰهْ خَطَّ فَوْقَهْ هُو خَطَانَا أَنِحْنَ كُلِّنَا.

رُؤية 5:9

وَ غَنَّوْا غِنَيْ جَدِيدْ وَ دَاهُو غِنَيْهُمْ. «إِنْتَ بَسْ الْوَاجِبْ تِشِيلْ الْمَكْتُوبْ وَ تُفُكّ خِتْمَهْ أَشَانْ إِنْتَ دَبَحَوْك وَ بِدَمَّكْ، فَدَيْت النَّاسْ وَ قَدَّمْتُهُمْ لِلّٰهْ مِنْ أَيِّ قَبِيلَةْ وَ أَيِّ لُغَّةْ وَ مِنْ أَيِّ شَعَبْ وَ أَيِّ أُمَّةْ.

عِبْرَانِيِّين 9:12

وَ خَلَاصْ، هُو دَخَلْ دَخُولْ وَاحِدْ وَ نِهَائِي فِي الْبَكَانْ الْمُقَدَّسْ. وَ الدَّمّ الْهُو شَالَهْ مَا هَنَا غَنَمْ وَ لَا هَنَا عِجِلْ لَاكِنْ شَالْ دَمَّهْ هُو ذَاتَهْ. وَ بَيْدَا، هُو جَابْ لَيْنَا الْفِدَا الدَّايِمْ.

2 تِمُوتَاوُس 1:8

مَا تَخَافْ وَ مَا تَخْجَلْ. بَشِّرْ النَّاسْ بِأُسُمْ الرَّبّ الْأَنَا مَسْجُونْ فِي شَانَهْ. مَا تِدَنْقِرْ رَاسَكْ بِسَبَبْ سِجْنِي أَنَا. شَارِكْنِي فِي التَّعَبْ فِي شَانْ بِشَارَةْ الْمَسِيحْ وَ اللّٰهْ يَنْطِيكْ الْقُدْرَةْ.

2 تَسَلونِيكِي 1:10

وَ دَا يَبْقَى وَكِتْ هُو يَجِي فِي أُسُطْ شَعَبَهْ الصَّالِحِينْ أَشَانْ يِمَجُّدُوهْ. وَ فِي الْيَوْم دَا، هُو يَجِي فِي أُسْط النَّاسْ الْآمَنَوْا بَيَّهْ وَ كُلُّهُمْ يِكَرُّمُوهْ بِفَرْحَةْ. وَ إِنْتُو كُلَ تُكُونُوا مَعَاهُمْ أَشَانْ وَكِتْ جِينَا لَيْكُو، آمَنْتُوا بِسَبَبْ شَهَادِتْنَا.

رَوْمَا 16:26

وَ لَاكِنْ هَسَّعْ بَيَّنَهْ خَلَاصْ بِكُتُبْ الْأَنْبِيَاء لِكُلَّ الْأُمَمْ الْمَا يَهُودْ. وَ اللّٰهْ الْحَيّ إِلَى الْأَبَدْ أَنْطَى الْأَمُرْ دَا أَشَانْ كُلَّ الشَّعَبْ يِآمُنُوا بَيَّهْ وَ يِتَابُعُوا كَلَامَهْ.

أفَسُس 1:17

وَ نَدْعِي اللّٰهْ أَبُونَا الْمَجِيدْ الرَّسَّلْ رَبِّنَا عِيسَى الْمَسِيحْ وَ نَسْأَلَهْ لَيْكُو كَدَرْ هُو يَنْطِيكُو بِالرُّوحْ الْقُدُّوسْ فِكِرْ عَدِيلْ وَ عِرْفَةْ أَشَانْ تَعَرْفُوا اللّٰهْ بِزِيَادَةْ.

أفَسُس 1:7

إِبْنَهْ فَدَانَا بِدَمَّهْ وَ بَيَّهْ هُو، اللّٰهْ غَفَرْ لَيْنَا خَطَايَانَا. دِي بَسْ نِعْمَتَهْ الْعَظِيمَةْ

أفَسُس 3:5

فِي كُلَّ الْوَكِتْ الْفَاتْ، اللّٰهْ مَا بَيَّنْ الْكَلَامْ دَا لِبَنِي آدَم لَاكِنْ فِي الْوَكِتْ الْحَاضِرْ، بَيَّنَهْ بِالرُّوحْ الْقُدُّوسْ لِلرُّسُلْ وَ الْأَنْبِيَاء الصَّالِحِينْ الرَّسَّلَاهُمْ.

مَرْخُوس 1:15

وَ قَمَّ يُقُولْ: «الْوَكِتْ تَمَّ وَ مَمْلَكَةْ اللّٰهْ قَرَّبَتْ. تُوبُوا مِنْ ذُنُوبْكُو وَ آمُنُوا بِالْبِشَارَةْ.»

غَلاطِية 1:4

الْقَدَّمْ نَفْسَهْ ضَحِيَّةْ فِي شَانْ ذُنُوبْنَا أَشَانْ يِنَجِّينَا مِنْ شَرّ الدُّنْيَا دِي حَسَبْ نِيَّةْ اللّٰهْ أَبُونَا.

عَدد 7:15

وَ فِي تَوْر وَ كَبِشْ وَ خَرُوفْ وَلْد سَنَةْ لِلضَّحِيَّةْ الْمُحَرَّقَةْ