1 تِمُوتَاوُس 2:5 - الكتاب المقدس بالعربي الدارجي هنا تشاد

⁵ وَ دَاهُو الْحَقّ، اللّٰهْ وَاحِدْ وَ الْوَسِيطْ الْبَيْن اللّٰهْ وَ بَيْن النَّاسْ كُلَ وَاحِدْ وَ هُو الْإِنْسَانْ عِيسَى الْمَسِيحْ

1 تِمُوتَاوُس 2:5 Referenca të Kryqëzuara

غَلاطِية 3:20

لَاكِنْ كَنْ فِي جَانِبْ وَاحِدْ بَسْ، مَا فِي وَاسِطَةْ. وَ اللّٰهْ هُو وَاحِدْ.

1 كُرُنْتُس 8:6

وَ لَاكِنْ لَيْنَا أَنِحْنَ الْمُؤمِنِينْ، اللّٰهْ وَاحِدْ بَسْ. وَ هُو أَبُونَا الْخَلَقْ كُلَّ شَيّءْ وَ أَنِحْنَ نَحْيَوْا لَيَّهْ هُو. وَ الرَّبّ وَاحِدْ بَسْ وَ هُو عِيسَى الْمَسِيحْ وَ بَيَّهْ هُو كُلَّ شَيّءْ مَوْجُودْ وَ بَيَّهْ هُو أَنِحْنَ حَيِّينْ.

عِبْرَانِيِّين 9:15

وَ فِي شَانْ دَا، الْمَسِيحْ هُو وَسِيطْ هَنَا الْمُعَاهَدَةْ الْجَدِيدَةْ الْبَيْهَا النَّاسْ الْاللّٰهْ نَادَاهُمْ يَلْقَوْا الْوَرَثَةْ الْأَبَدِيَّةْ الْهُو وَاعَدْ بَيْهَا. أَشَانْ الْمَسِيحْ مَاتْ لِيَفْدَى النَّاسْ مِنْ خَطَايَاهُمْ السَّوَّوْهُمْ فِي وَكِتْ الْمُعَاهَدَةْ الْأَوَّلْ.

عِبْرَانِيِّين 7:25

بِالسَّبَبْ دَا، هُو دَايْماً يَقْدَرْ يِنَجِّي النَّاسْ الْيِقَرُّبُوا لِلّٰهْ بَيَّهْ هُو أَشَانْ هُو حَيّ دَايْماً وَ قَاعِدْ يَسْأَلْ لَيْهُمْ اللّٰهْ دَايْماً.

تَثْنِية 6:4

أَسْمَعَوْا، يَا بَنِي إِسْرَائِيلْ! اللّٰهْ إِلٰـهْنَا هُو اللّٰهْ الْوَاحِدْ.

عِبْرَانِيِّين 12:24

وَ جِيتُوا قِدَّامْ عِيسَى وَسِيطْ هَنَا الْمُعَاهَدَةْ الْجَدِيدَةْ وَ قِدَّامْ دَمَّهْ الْمَرْشُوشْ الْيَشْهَدْ لَيْنَا بِشَهَادَةْ أَخَيْر مِنْ شَهَادَةْ دَمّ هَابِيلْ.

يُوحَنَّا 1:14

وَ الْكَلِمَةْ بِقَتْ إِنْسَانْ وَ هُو سَكَنْ فِي أُسُطْنَا. وَ شِفْنَا قُدُرْتَهْ الْمَجِيدَةْ. وَ قُدُرْتَهْ هِي مَجِيدَةْ بِلْحَيْن وَ مُوَافْقَةْ لِلْإِبْن الْوَاحِدْ الْجَايِ مِنْ اللّٰهْ أَبُوهْ. وَ هُو مَلَانْ بِالرَّحْمَةْ وَ الْحَقّ.

إشَعْيا 44:6

وَ دَاهُو كَلَامْ اللّٰهْ مَلِكْ إِسْرَائِيلْ الْفَدَاهُمْ، هُو اللّٰهْ الْقَادِرْ. هُو قَالْ: «أَنَا الْأَوَّلْ وَ أَنَا الْأَخِيرْ وَ لَا إِلٰـهْ إِلَّا أَنَا.

رَوْمَا 10:12

وَ دَا بِقِي سَوَا سَوَا لِلْيَهُودْ وَ لِلْمَا يَهُودْ أَشَانْ الرَّبّ الْوَاحِدْ، هُو رَبّ كُلَّ النَّاسْ وَ هُو كَرِيمْ لِأَيِّ نَادُمْ الْيَدْعِي بِأُسْمَهْ.

يُوحَنَّا 17:3

وَ الْحَيَاةْ الْأَبَدِيَّةْ هِي، يَعَرْفُوكْ إِنْتَ اللّٰهْ الْوَاحِدْ الصَّحِيحْ وَ يَعَرْفُوا عِيسَى الْمَسِيحْ الْإِنْتَ رَسَّلْتَهْ.

عِبْرَانِيِّين 8:6

لَاكِنْ هَسَّعْ عِيسَى عِنْدَهْ خِدْمَةْ أَخَيْر زِيَادَةْ مِنْ خِدْمَةْ رُجَالْ الدِّينْ الْأَوَّلَانِيِّينْ أَشَانْ هُو بِقِي وَسِيطْ هَنَا الْمُعَاهَدَةْ الْأَخَيْر زِيَادَةْ. وَ الْمُعَاهَدَةْ دِي، اللّٰهْ ثَبَّتْهَا فِي وُعُودْ أَخَيْر زِيَادَةْ مِنْ الْوُعُودْ الْأَوَّلَانِيِّينْ.

أفَسُس 4:6

وَ اللّٰهْ هُو وَاحِدْ وَ هُو أَبُونَا كُلِّنَا. وَ هُو رَبّ كُلَّ شَيّءْ وَ قَاعِدْ فَوْقنَا كُلِّنَا وَ مَوْجُودْ مَعَانَا كُلِّنَا.

1 كُرُنْتُس 8:4

وَ فِي الشَّيّءْ الْبُخُصّ أَكِلْ اللَّحَمْ الْقَدَّمَوْه ضَحِيَّةْ لِلْأَصْنَامْ، أَكِيدْ أَنِحْنَ نَعَرْفُوا كَدَرْ الصَّنَمْ، هُو يِمَثِّلْ إِلٰـهْ الْمَا مَوْجُودْ فِي الدُّنْيَا. وَ نَعَرْفُوا كَدَرْ مَا فِي إِلٰـهْ إِلَّا اللّٰهْ الْوَاحِدْ.

أيُّوب 9:33

مَا فِي حَكَمْ أَمْبَيْنَاتْنَا الْيُخُطّ إِيدَهْ فَوْقنَا.

مَتَّى 1:23

<الْبِنَيَّةْ الْعُدْرِيَّةْ تَبْقَى غَلْبَانَةْ وَ تَلْدَ وِلَيْد وَ يِسَمُّوهْ عِمَّانُوِيل.> وَ أُسُمْ عِمَّانُوِيل مَعَنَاتَهْ اللّٰهْ مَعَانَا.

رُؤية 1:13

وَ أَمْبَيْنَاتْ السَّبْعَةْ فَانُوسْ دَوْل، شِفْت نَادُمْ مِثِلْ إِبْن الْإِنْسَانْ لَابِسْ خَلَقْ طَوِيلْ وَ عِنْدَهْ فِي صَدْرَهْ حِزَامْ هَنَا دَهَبْ.

مَتَّى 1:1

دَاهُو قُرْمَةْ هَنَا جُدُودْ عِيسَى الْمَسِيحْ إِبْن دَاوُدْ إِبْن إِبْرَاهِيمْ.

أعمال الرُسُل 4:12

مَا فِي نَجَاةْ إِلَّا بِعِيسَى وِحَيْدَهْ. وَ فِي كُلَّ الْأَرْض، مَا فِي أُسُمْ آخَرْ الْاللّٰهْ نَزَّلَهْ لِلنَّاسْ الْوَاجِبْ أَنِحْنَ نِآمُنُوا بَيَّهْ وَ نَنْجَوْا، إِلَّا بِأُسُمْ عِيسَى!»

رَوْمَا 1:3

وَ الْبِشَارَةْ دِي تِحَجِّي بِإِبْنَهْ الْبِقِي إِنْسَانْ مِنْ ذُرِّيَّةْ الْمَلِكْ دَاوُدْ

1 تِمُوتَاوُس 6:13

وَ نِوَصِّيكْ قِدَّامْ اللّٰهْ الْيَنْطِي الْحَيَاةْ لِكُلِّ شَيّءْ وَ بِأُسُمْ الْمَسِيحْ عِيسَى الشَّهَدْ لِلْحَقّ قِدَّامْ الْوَالِي بِلَاطُسْ الْبُنْطِي.

1 يُوحَنَّا 2:1

يَا عِيَالِي، أَنَا قَاعِدْ نَكْتِبْ لَيْكُو الْكَلَامْ دَا أَشَانْ مَا تَذْنُبُوا. لَاكِنْ كَنْ أَيِّ نَادُمْ مِنْكُو يَذْنِبْ، عِنْدِنَا نَادُمْ وَاحِدْ يِدَافِعْ لَيْنَا قِدَّامْ اللّٰهْ أَبُونَا وَ هُو عِيسَى الْمَسِيحْ وَ هُو بَسْ الصَّالِحْ.

لُوقا 14:22

وَ بَعَدْ شِيَّةْ، الْعَبِدْ قَالْ لَيَّهْ: ‹يَا سِيدِي، أَنَا سَوَّيْت مِثِلْ إِنْتَ أَمَرْتِنِي بَيَّهْ وَ الْبَكَانْ لِسَّاعْ فَضَّلْ.›