1 تِمُوتَاوُس 2:2 - الكتاب المقدس بالعربي الدارجي هنا تشاد

² خَلِّي يَسْأَلَوْا اللّٰهْ فِي شَانْ الرُّؤَسَاءْ وَ كُلَّ الْكُبَارَاتْ أَشَانْ نِعِيشُوا فِي حَالَةْ هَادِيَةْ وَ بِالسَّلَامْ وَ بِتَقْوَى وَ إِحْتِرَامْ فِي كُلِّ شَيّءْ.

1 تِمُوتَاوُس 2:2 Referenca të Kryqëzuara

عَزْرا 6:10

وَ رُجَالْ الدِّينْ يِقَدُّمُوا الضَّحَايَا دَوْل لِرَبّ السَّمَاوَاتْ أَشَانْ هُو يَرْضَى بِرِيحَةْ الضَّحَايَا. وَ مِثِلْ دَا، هُمَّنْ يَسْأَلَوْا اللّٰهْ لِلْمَلِكْ وَ لِأَوْلَادَهْ أَشَانْ اللّٰهْ يِبَارِكْهُمْ.

إرْمِيا 29:7

فَتُّشُوا السَّلَامْ لِلْمَدِينَةْ الْأَنَا وَدَّيْتكُو فَوْقهَا فِي الْغُرْبَةْ. وَ أَسْأَلَوْا اللّٰهْ لِلْمَدِينَةْ دِي أَشَانْ سَلَامْهَا هِي، سَلَامْكُو إِنْتُو كُلَ.»

أمْثال 24:21

يَا وِلَيْدِي، أَخَافْ مِنْ اللّٰهْ وَ الْمَلِكْ وَ أَنْقَرِعْ، مَا تَمْشِي مَعَ الْمُعَارِضِينْ.

1 تَسَلونِيكِي 4:11

شِيلُوا نِيَّةْ أَشَانْ تِعِيشُوا بِحَالْ هَادِيَةْ. وَ مَا تَدْخُلُوا فِي شُؤُونْ النَّاسْ. أَخْدُمُوا بِدُرَاعْكُو مِثِلْ أَنِحْنَ وَصَّيْنَاكُو بَيَّهْ.

نَحَمْيا 1:11

يَا رَبّ، فَكِّرْ فَوْقِي وَ أَسْمَعْ صَلَاتِي وَ صَلَاةْ النَّاسْ الْيَخَافَوْا مِنْ أُسْمَكْ. وَ الْيَوْم دَا، أَنْطِينِي النَّجَاحْ فِي الشَّيّءْ الْأَنَا عَبْدَكْ نِدَوْرَهْ مِنْ الْمَلِكْ أَرْتَحَشْتَا. خَلِّي نَلْقَى مِنَّهْ رَحْمَةْ!» فِي الْوَكِتْ دَاكْ، مَسْؤُولِيّتِي نَنْطِي شَرَابْ لِلْمَلِكْ.

عِبْرَانِيِّين 12:14

سَوُّوا جُهُدْ أَشَانْ تِعِيشُوا بِالسَّلَامْ مَعَ كُلَّ النَّاسْ وَ عِيشُوا بِحَالْ صَالْحَةْ الْبَلَاهَا مَا فِي نَادُمْ يِشِيفْ رَبِّنَا.

رَوْمَا 12:18

جَاهُدُوا بِأَيِّ دَلِيلْ أَشَانْ تِعِيشُوا بِسَلَامْ مَعَ كُلَّ النَّاسْ.

زَبُور 72:1

يَا رَبّ! أَنْطِي شَرِيعْتَكْ لِلْمَلِكْ وَ عَدَالْتَكْ لِوِلَيْد الْمَلِكْ.

فِلِبِّي 4:8

يَا أَخْوَانِي، دِي هِي آخِرْ وَصِيَّةْ النَّنْطِيهَا لَيْكُو. فَكُّرُوا فِي أَيِّ شَيّءْ الصَّحِيحْ وَ الشَّرِيفْ وَ الْعَادِلْ وَ الطَّاهِرْ وَ الْمَحْبُوبْ وَ الْكَرِيمْ وَ الْأَفْضَلْ وَ الْوَاجِبْ لَيَّهْ الشُّكُرْ. وَ كُلَّ شَيّءْ الْمِثِلْ دَا، خُطُّوا أَفْكَارْكُو فَوْقَهْ ثَابْتِينْ.

أعمال الرُسُل 24:16

وَ أَشَانْ دَا، أَنَا نَعَصِرْ قَلْبِي أَشَانْ نِعِيشْ دَايْماً بِنِيَّةْ مُخْلِصَةْ قِدَّامْ اللّٰهْ وَ قِدَّامْ النَّاسْ.

أعمال الرُسُل 10:22

وَ رَدَّوْا لَيَّهْ وَ قَالَوْا: «كَرْنِيلِي رَسَّلَانَا. وَ كَرْنِيلِي دَا هُو كَبِيرْ عَسْكَرْ وَ رَاجِلْ صَالِحْ وَ خَايِفْ مِنْ اللّٰهْ. وَ كُلَّ الْيَهُودْ يَشْهَدَوْا لَيَّهْ هُو نَادُمْ عَدِيلْ. وَ وَاحِدْ مِنْ مَلَائِكَةْ اللّٰهْ جَاءْ لَيَّهْ وَ قَالْ وَاجِبْ كَرْنِيلِي يِنَادِيكْ تَمْشِي بَيْتَهْ أَشَانْ يَسْمَعْ كَلَامَكْ.»

لُوقا 2:25

وَ فِيَّهْ رَاجِلْ وَاحِدْ فِي مَدِينَةْ الْقُدُسْ أُسْمَهْ سَمْعَانْ وَ هُو نَادُمْ صَالِحْ وَ تَقِي. وَ هُو قَاعِدْ يَرْجَى بِعَشَمْ السَّلَامْ الْيِرَسِّلَهْ اللّٰهْ لِبَنِي إِسْرَائِيلْ. وَ الرُّوحْ الْقُدُّوسْ قَاعِدْ فَوْقَهْ.

لُوقا 1:6

وَ هُمَّنْ صَالِحِينْ قِدَّامْ اللّٰهْ وَ قَاعِدِينْ يِطَبُّقُوا عَدِيلْ كُلَّ وَصِيَّاتَهْ وَ شُرُوطَهْ.

2 صَمُوِيل 20:19

وَ أَنَا مِنْ النَّاسْ الْهَادِيِينْ وَ أَمِينِينْ فِي بَلَدْ إِسْرَائِيلْ. وَ إِنْتَ قَاعِدْ تِفَتِّشْ دَرِبْ التَّهْلِكْ حِلِّتْنَا الْمُهِمَّةْ فِي إِسْرَائِيلْ. مَالَا تِدَوْر تِدَمِّرْ الْوَرَثَةْ الْأَنْطَاهَا لَيْنَا اللّٰهْ؟»